#Ustozga_taʻzim

Avlodlar almashadi, ammo ustozning ibrati va sabog‘i avloddan avlodga o‘tib davom etadi

Soliq qo‘mitasi tashabbusi bilan tashkil etilgan “Ustozga ta’zim” tadbiri — fidoyi ustozlarga chuqur ehtirom va ularning munosib izdoshlariga bildirilgan yuksak ishonch ifodasidir.

Тelegram |Facebook |YouTube| Instagram |X|Threads

#onkm #chek

Dori vositalari realizatsiyasida qisman sotuvni chekda toʻgʻri aks ettirish zarur
 
💊 Dori vositalarini donalab sotishga birlamchi oʻrami buzilmagan holda ruxsat etiladi. Joylash-oʻrash materialida dori vositasining nomi, seriyasi, yaroqlilik muddati va ishlab chiqaruvchisi koʻrsatilishi lozim.
👉 Nizom VMQ-185, 6.04.2017-yil.

Kassa dasturini tekshirish va yangilash

🏥 Dorixonalar xizmat koʻrsatuvchi vakolatli servis tashkilotiga murojaat qilib, dasturiy taʼminot holatini tekshirishi va zarur boʻlsa, uni yangilatishi lozim. Yangilashdan soʻng kassaning toʻgʻri ishlashi, tovarlar roʻyxati hamda oʻlchov birliklari toʻgʻri sozlangani tekshiriladi.

Qisman sotuvni chekda aks ettirish

Tovar uchun belgilangan oʻlchov birligi mahsulot va xizmatlarning identifikatsiya kodiga (MXIK) toʻgʻri bogʻlangan, chekdagi miqdor esa tanlangan birlikka mos boʻlishi kerak:

«Dona(ampula)» ampula soni boʻyicha hisob yuritilganda sotilgan dona miqdori koʻrsatiladi. Masalan, 10 ta ampula sotilsa, «Dona(ampula)» birligida miqdor — 10.

«Blister» — ushbu birlik tovar uchun sozlangan boʻlsa, sotilgan blisterlar soni koʻrsatiladi. Masalan, 3 ta blisterli qadoqdan 1 tasi sotilsa, miqdor — 1.

«Qadoq» — ushbu birlikda qisman sotuv hisobga olinganda, sotilgan qismning umumiy qadoqdagi ulushi koʻrsatiladi. Masalan, 2 ta blisterli qadoqdan 1 tasi sotilsa, miqdor — 0,5.

Chekni rasmiylashtirishdan oldin tovar nomi, miqdori, oʻlchov birligi va markirovka kodi toʻgʻri kiritilganini tekshirish zarur. Donalab yoki blisterda sotilgan qismni butun quti yoki qadoq sifatida koʻrsatish hisobda xatolikka olib keladi.

Ushbu talablarga rioya etish markirovkalangan dori vositalari harakati va qoldiqlarining aniq hisobini yuritish, markirovka tizimidagi xatoliklarning oldini olish hamda soliq hisobotlari ishonchliligini taʼminlashga xizmat qiladi.

Тelegram |Facebook |Youtube| Instagram |X| Threads

MUHTARAM USTOZ VA MURABBIYLAR!

Inson hayotida ustozning o‘rni va qadri beqiyos. Zero, insonning ilk tarbiyachisi — ota-ona bo‘lsa, uning qalbiga ilm va ma’rifat nurini singdirish, harfni tanitish, ezgulik va halollikni o‘rgatish, Vatanga sadoqat, millatga hurmat va el-yurtga xizmat qilish tuyg‘ularini shakllantirishdek ulug‘ va sharafli vazifa ustoz va murabbiylar zimmasidadir.

Bugun mamlakatimiz hayotining barcha jabhalarida amalga oshirilayotgan keng ko‘lamli islohotlar, bunyodkorlik va yangilanishlar zamirida, avvalo, inson qadri, uning bilimi, salohiyati va kelajagiga bo‘lgan yuksak e’tibor mujassam.

Yangi O‘zbekistonning taraqqiyoti va farovonligi, uning dunyodagi munosib o‘rni, avvalo, bilimli, vatanparvar, yuksak ma’naviyatli, zamonaviy tafakkur va mustahkam fuqarolik pozitsiyasiga ega avlodni tarbiyalashga bog‘liq.

Ana shunday buyuk maqsadlar sari dadil odimlayotgan bugungi davrda ustoz va murabbiylarning fidokorona mehnati alohida ahamiyat kasb etadi. Chunki ustoz mehnatining samarasi bir kunlik yoki bir yillik natija bilan o‘lchanmaydi — uning haqiqiy mevasi yillar o‘tib, shogirdlarining yutuqlari, jamiyat taraqqiyoti va Vatan ravnaqida namoyon bo‘ladi.

Sizlarning bilim va tajribangiz, hayotiy saboqlaringiz va fidoyiligingiz bilan bugungi yosh avlod nafaqat zamonaviy bilimlarni egallamoqda, balki Vatanga daxldorlik, xalq manfaatiga sadoqat, mehnatsevarlik va insoniylik kabi yuksak qadriyatlar ruhida kamol topmoqda.

Shu bois, millat kelajagini tarbiyalash, davlat va jamiyat taraqqiyotiga munosib avlodni voyaga yetkazishdek ulug‘ mas’uliyatni zimmasiga olgan zahmatkash ustoz va murabbiylar oldida doimo ta’zimdamiz.

Aziz va muhtaram ustozlar!

Sizlarni 1-oktabr — O‘qituvchi va murabbiylar kuni munosabati bilan chin qalbimdan samimiy muborakbod etaman!

Sizlarga mustahkam sog‘lik, oilaviy xotirjamlik, qalb xotirjamligi, sharafli va mas’uliyatli faoliyatingizda ulkan muvaffaqiyatlar tilayman.

Yillar davomida bergan bilimingiz va tarbiyangizni munosib davom ettiradigan, el-yurt koriga yaraydigan, Vatan taraqqiyotiga o‘z hissasini qo‘shadigan barkamol shogirdlaringiz kamolini ko‘rib, xalqimiz ardog‘i va e’tiborida bo‘lib yuring!

Zero, ustozga berilgan ehtirom — ilmga, ma’rifatga, kelajakka va Vatanga berilgan ehtiromdir.

Bayramingiz muborak bo‘lsin, aziz ustoz va murabbiylar!


Hurmat bilan,
Soliq idoralari jamoasi nomidan
Farrux Pulatov

Тelegram |Facebook |YouTube| Instagram |X|Threads

#1_oktabr

Aziz ustozlar!

Barchangizni 1-oktabr – O‘qituvchi va murabbiylar kuni bilan samimiy muborakbod etaman.

Sizlar bergan ilm ziyosi ila hayotimiz nurafshon, turmushimiz farovon!

Ta’lim-tarbiyaga safarbar etgan ko‘z nuringiz, qalb-qo‘ringiz va cheksiz mehringiz uchun sizdan behad minnatdormiz.

Ilm bo‘stonining bog‘bonlari bo‘lgan siz azizlarga uzoq umr, sihat-salomatlik, xonadonlaringizga fayzu baraka va tinchlik-xotirjamlik tilayman.

Hurmat bilan,
Akmal Valiyev
Surxondaryo viloyati soliq boshqarmasi boshlig‘i

👉 Telegram

Ustoz — ilmning chirog‘i, shogird esa uning davomidir

Soliq xizmatining fidoyi ustozlari — yillar davomida nafaqat bilim, balki kasbga sadoqat, halollik va insoniylik saboqlarini ham avlodlarga meros qilib kelayotgan aziz insonlardir.

Bugun ularning mehnati va fidoyiligiga ta’zim qilamiz.

Bayramingiz qutlug‘ bo‘lsin, aziz ustozlar!

Sizga fido shogirdlarning dillari!

Тelegram |Facebook |YouTube| Instagram |X|Threads

📸 KUN FOTOSI

Masofadan ko‘rsatilayotgan xizmatlar — soliq tizimidagi qulaylik va ochiqlikning muhim ko‘rinishidir.

Yirik soliq to‘lovchilar bo‘yicha hududlararo soliq inspeksiyasi xodimlari telefon orqali soliq to‘lovchilarga tezkor va sifatli xizmat ko‘rsatib, ularning murojaatlariga masofadan yechim topmoqda.

Bugun vaqtni tejash, ochiq muloqot va zamonaviy xizmat — soliq tizimining ustuvor tamoyiliga aylanmoqda.

Тelegram |Facebook |Youtube| Instagram |X|Threads

Hurmatli tadbirkorlar!

Surxondaryo viloyati soliq boshqarmasi tadbirkorlarning soliq sohasiga oid savollari va murojaatlariga javob berish maqsadida "Soliqchi - ko‘makchi" Surxondaryo viloyati soliq boshqarmasi telegram guruhi faoliyatini yo‘lga qo‘ygan.

Ushbu guruhga a’zo bo‘lib soliq sohasiga oid savol va murojaatlaringizni yo‘llashingiz mumkin.

Guruhga havolasi 👉 https://t.me/Soliqchi_komakchi_Surxon

👉 Telegram

#soliq_stavkalari

2026-yil uchun jismoniy shaxslardan olinadigan mol-mulk soligʻi stavkalari

🔵 2026-yil uchun jismoniy shaxslarning turar joy obyektlariga mol-mulk soligʻi stavkalari quyidagi tartibda hisoblanadi:

🔹umumiy maydoni 200 kv.m.gacha boʻlgan uy-joylar, kvartiralar, dala hovli imoratlari, koʻp kvartirali uylarga uzviy bogʻliq boʻlgan avtomashina turar joylari, shuningdek boshqa imoratlar, binolar va inshootlar uchun – 0,36%.

🔹shaharlarda joylashgan uy-joylar va kvartiralar:
▫️umumiy maydoni 200 kv.m.dan 500 kv.m.gacha boʻlsa – 0,48%;
▫️umumiy maydoni 500 kv.m.dan ortiq boʻlsa – 0,64%.

🔹boshqa aholi punktlarida joylashgan, umumiy maydoni 200 kv.m dan ortiq boʻlgan uy-joylar va kvartiralar, dala hovli imoratlari uchun – 0,48%.

🔹Tadbirkorlik faoliyati uchun yoxud yuridik shaxs yoki YTTga ijaraga berishda foydalaniladigan soliq solish obyektlari, shuningdek tadbirkorlik faoliyati va/yoki daromadlar olish uchun moʻljallangan, yashash uchun moʻljallanmagan koʻchmas mulk obyektlari uchun soliq stavkasi (1,5%) oʻzgarishsiz qoldirildi.

❗️jismoniy shaxslar egaligidagi noturar obyektlarning soliq bazasi quyidagi miqdorlarda 1 kv.metr uchun mutlaq miqdorda belgilangan eng kam qiymatdan past boʻlishi mumkin emas:

📍Toshkent shahrida – 3 mln 500 ming soʻm;
📍Nukus shahrida va viloyat markazlarida – 2 mln 350 ming soʻm;
📍boshqa shaharlarda va qishloq joylarda – 1 mln 390 ming soʻm.

⚠️ Agar obyektning 1 kv. metri qiymati ushbu bandda belgilangan eng kam qiymatdan past bo‘lsa, soliq to‘lovchi ko‘chmas mulk obyektlari qiymatini mustaqil baholashni amalga oshirishga haqli. Bunda mustaqil baholash natijalari, shu jumladan soliq to‘lovchi tomonidan o‘tgan 2 yilda o‘tkazilgan mustaqil baholash natijalari soliq bazasi sifatida e’tirof etiladi.

👉 Telegram

#soliq_taqvimi

🗓 Soliq to‘lovchi – yuridik shaxsning 2026-yil oktabr oyi uchun kalendari
______________________________
#календарь_налогоплательщика

🗓 Календарь налогоплательщика – юридического лица на октябрь 2026 года

Тelegram |Facebook |Youtube| Instagram |X| Threads

#ijtimoiy_soliq

Mehnat staji va ijtimoiy soliq: Soliq kodeksida nimalar nazarda tutilgan?

Mehnat staji fuqarolarning pensiya huquqlarini shakllantirishda muhim ahamiyatga ega. Shu bilan birga, mehnat shartnomasi asosida ishlamayotgan shaxslar ham ayrim hollarda ijtimoiy soliqni toʻlash orqali mehnat stajini hisobga olishlari mumkin.

Oʻzbekiston Respublikasining Soliq kodeksida mehnat stajini hisoblash maqsadida ijtimoiy soliqni ixtiyoriy ravishda toʻlashi mumkin boʻlgan fuqarolar toifalari, shuningdek, uni belgilangan tartibda majburiy ravishda toʻlovchi shaxslar belgilangan.

Xoʻsh, mehnat stajini hisoblash uchun ijtimoiy soliqni kimlar va qanday shartlarda toʻlashi mumkin?

Ijtimoiy soliqni yiliga kamida 1 BHM miqdorida ixtiyoriy ravishda toʻlaydi:

- oʻzini oʻzi band qilgan shaxslar;

- shaxsiy tomorqa yer uchastkalari egalari yoki ularning oila aʼzolari — shaxsiy tomorqa yer uchastkalarida mehnat qilayotgan yoki mazkur yer maydonida chorvachilik, issiqxona xoʻjaligi, parrandachilik, quyonchilik, asalarichilik, baliqchilik, bogʻdorchilik, limonchilik va gulchilik bilan shugʻullanayotgan shaxslar (ularga tegishli tomorqa yer uchastkasining maydoni yoki yetishtirilayotgan uy hayvonlari va parrandalar sonidan qatʼi nazar);

- dehqon xoʻjaligi aʼzolari (dehqon xoʻjaligi boshligʻidan tashqari) va dehqon xoʻjaligida mehnat qilayotgan jismoniy shaxslar;

- mehnat shartnomasi asosida xorijda yollanib ishlayotgan Oʻzbekiston fuqarolari;

- Oʻzbekiston Respublikasi davlat organlari va boshqa tashkilotlari tomonidan xorijiy davlatlarda tashkil etilgan (ochilgan) savdo uylari, vakolatxonalar (shu jumladan, yuridik shaxs tashkil etmagan holda) va tashkilotlarda ishlayotgan Oʻzbekiston fuqarolari;

- ishlamaydigan er yoki xotini uchun ijtimoiy soliq toʻlovini amalga oshiruvchi ishlayotgan fuqarolar.

Mehnat stajini hisoblash uchun ijtimoiy soliqni yiliga kamida 1 BHM miqdorida majburiy ravishda toʻlash zarur:

- "Hunarmand" uyushmasi aʼzosi boʻlgan hunarmandchilik faoliyati subyektlari;

- "Usta-shogird" maktablari oʻquvchilari — 25 yoshga toʻlgunga qadar mehnat faoliyatini amalga oshirayotgan davrida;

- dehqon xoʻjaligi boshlig‘i;

- yakka tartibdagi tadbirkor bilan mehnat munosabatlarida boʻlgan jismoniy shaxslar.

👉 Soliq kodeksining 408-moddasi

Тelegram|Facebook|YouTube|Instagram|X|Threads

Rasmiy munosabat
 
Ijtimoiy tarmoqlarda Sariosiyo tumani soliq inspeksiyasi xodimlari
1-oktabr kuni ishga jalb qilingani to‘g‘risida e’lon qilingan xabarlar yuzasidan quyidagilar ma’lum qilinadi.
 
Soliq kodeksining 423 va 439-moddalarida soliqni to‘lash to‘g‘risidagi to‘lov xabarnomasi soliq organlari tomonidan soliq to‘lovchilarga imzo qo‘ydirilgan holda yoki mavjud bo‘lgan taqdirda, soliq to‘lovchining shaxsiy kabinetiga elektron tarzda, soliq to‘lovchining nomiga rasmiylashtirilgan uyali telefon raqamiga va soliq organlarining maxsus mobil ilovasiga SMS-xabarnoma tarzida, shuningdek to‘lov xabarnomasi olinganligini va olingan sanani tasdiqlovchi boshqa usulda har yili 1-martdan kechiktirmay topshirilishi nazarda tutilgan.
 
Sariosiyo tuman soliq inspeksiyasi xodimlari ham tuman aholisiga 2026-yil uchun hisoblangan yer va mol-mulk solig‘i to‘lov xabarnomalarini joriy yil boshida, ya’ni belgilangan muddatda tarqatgan.
 
Shu bois, 1-oktabr kuni soliq xabarnomalarini tarqatish uchun inspeksiya xodimlarini mahallalarga jalb qilishga zarurat bo‘lmagan.

Murojaatga ilova qilingan fotosurat ham 1-oktabr — Ustoz va murabbiylar kunida emas, balki ish kunida olinganligini ma’lum qilamiz.

👉 Telegram

#yoshlar_siyosati

Yoshlar bandligini taʼminlash dolzarb vazifa

Davlat xavfsizlik xizmati, Soliq qoʻmitasi va Yoshlar ishlari agentligi hamkorligida Prezidentimizning Andijon viloyatiga tashrifi davomida yoshlar tadbirkorligini qoʻllab-quvvatlash, ularning daromadini oshirish va bandligini taʼminlash boʻyicha berilgan topshiriqlar ijrosiga bagʻishlangan yigʻilish boʻlib oʻtdi.

Yigʻilishda yoshlar bandligini taʼminlash boʻyicha belgilangan ustuvor vazifalar yuzasidan amalga oshirilayotgan ishlar chuqur tahlil etildi.

Jumladan, mehnat bozoriga kirib kelgan ishsiz bitiruvchi yoshlarning nomma-nom roʻyxatini shakllantirish, har bir yoshning imkoniyati va ehtiyojidan kelib chiqib, ularni aniq toifalarga ajratish, norasmiy ishlayotgan yoshlarni rasmiy sektorga oʻtkazish, ishsiz yoshlar bandligini taʼminlash jarayonining elektron hisobini yurituvchi axborot tizimini yaratish, ish bilan taʼminlangan yoshlar toʻgʻrisidagi maʼlumotlarni soliq bazasi orqali tekshirib, haqqoniy maʼlumotlar bazasini shakllantirish borasida hamkorlikdagi chora-tadbir koʻrib chiqildi.

Ayniqsa, ishsiz yoshlar uchun oyiga kamida ikki marta “Ish beruvchi va yoshlar kuni” tadbirlarini tashkil etish, haftaning bir kunini soliq organlari rahbarlarining yoshlar bilan ochiq muloqot kuni etib belgilash, amalga oshirilayotgan ishlarni kunlik va haftalik monitoring hamda nazorat qilish masalalari muhokama qilindi.

Shuningdek, Yoshlar ishlari agentligi bilan ishsiz yoshlarning aniq roʻyxatini shakllantirish, “e-yoshlar.uz” tizimini soliq organlarining maʼlumotlar bazasiga integratsiya qilish, kredit ajratish, uskuna bilan taʼminlash va boshqa masalalarni hal etish boʻyicha tuman shtablariga malakali xodimlarni biriktirish yuzasidan hamkorlikni kuchaytirish belgilandi.

Taʼkidlanganidek, amalga oshirilayotgan mazkur hamkorlikdagi ishlardan pirovard maqsad – yoshlarning hayotida real oʻzgarish qilish.

Eng muhimi, ishlash istagidagi har bir bitiruvchining, har bir yoshning real ish, tadbirkorlik yoki barqaror daromad manbaiga ega boʻlishini taminlashdir.

Тelegram |Facebook |YouTube| Instagram |X|Threads

#imtiyoz

Siz yosh tadbirkorsiz va ko‘chma savdo bilan shug‘ullanishni rejalashtiryapsizmi? Sizga soliq imtiyozlari taqdim etiladi.

👉 Batafsil videoda

Тelegram |Facebook |Youtube| Instagram |X| Threads

#dayjest

⏳ SOLIQ VAQTI

👉 Soliq qoʻmitasi tashabbusi bilan «Ustozga taʼzim» shiori ostida tadbir oʻtkazildi

👉 Soliq oliy maktabida Oʻqituvchi va murabbiylar kuniga bagʻishlangan bayram tadbiri

👉 Pensiya taʼminoti sohasida zamonaviy xizmatlar joriy etilmoqda

👉 Rahbar kadrlarni baholash markazi faoliyati bilan tanishuv

👉 Yoshlar bandligini taʼminlash sohasida tadbirkorlar uchun soliq imtiyozlari

👉 Tovar xarid qilayotganda uning raqamli markirovkasi mavjudligiga eʼtibor bering

👉 Dori vositalarini birlamchi qadogʻi buzilmagan taqdirda donabay sotishga ruxsat etiladi

Тelegram|Facebook|YouTube|Instagram|X|Threads

TIZIM UYGʻONMOQDA

Bu — oddiy shior emas. Bu — jamiyat vijdonining uygʻonishi, adolatga boʻlgan ehtiyojning yana bir bor namoyon boʻlishi. Yashirin iqtisodiyot — bu nafaqat raqamlardagi kamchilik, balki ishonchga tushgan soya, taraqqiyot yoʻlidagi koʻrinmas toʻsiqdir.

Bugun soliq idoralari oldida turgan vazifa — faqat tushumni oshirish emas. Bu — shaffoflikni qaror toptirish, halol mehnatni qadrlash, har bir fuqaroning ertangi kuniga boʻlgan ishonchini mustahkamlashdir. Zero, adolatli tizim — bu kuchli davlat poydevoridir.

Soliq qoʻmitasi va Toshkent shahar soliq boshqarmasi hamkorlikda tayyorlangan “Shahar bedarvoza emas” nomli videorolik aynan shu gʻoyalarning amaliy ifodasidir. Bu — ogohlik ramzi. Bu — har qanday shubhali operatsiyalar zanjiri aniqlanishi va uzilishi muqarrarligini anglatadi. Chunki zamonaviy jamiyatda yashirin qolish imkoni kun sayin kamaymoqda.

Raqamli izlar, tahlillar va hamkorlik — barchasi bir maqsadga xizmat qiladi: qonun ustuvorligi.

Prezidentimiz tomonidan belgilab berilgan ustuvor vazifalar — bu yoʻl xaritasi, lekin uning ijrosi har bir masʼul xodimning vijdoni va sadoqatiga bogʻliq.

Keskin kurash — bu jazo berish emas, balki tizimni sogʻlomlashtirish, iqtisodiyotni “oqlash” va jamiyatni poklash jarayonidir.

Zero, haqiqat shundaki: yashirin iqtisodiyotga qarshi kurash — bu davlat va jamiyatning birgalikdagi harakati. Har bir halol toʻlangan soliq — bu maktablar, yoʻllar, shifoxonalar va kelajakka qoʻyilgan sarmoyadir.

Tizim uygʻondi. Endi navbat — ongning uygʻonishida.

Тelegram |Facebook |YouTube| Instagram |X|Threads

📸 KUN FOTOSI

Kitob — bilim manbai, e’tibor esa kelajakka yo‘l

Yosh avlodning bilimga bo‘lgan qiziqishini qo‘llab-quvvatlash, ularga to‘g‘ri yo‘l ko‘rsatish — kelajak poydevoriga qo‘yilgan eng muhim qadamlardan biridir.

Bilim ulashilgan sari qadri ortadi, kitobga oshno avlod esa kelajakni bunyod etadi.

Тelegram |Facebook |Youtube| Instagram |X|Threads