Yoshlar muammosi — rahbarlar e’tiborida

Qumqo‘rg‘on tumanidagi Yangi shahar mahallasida "Rahbar va yoshlar uchrashuvi" o‘tkazildi.

Unda tuman hokimi Farrux Xoliqov, soliq inspeksiyasi rahbari Baxtiyor Turdiyev hamda boshqa mutasaddi tashkilot va idoralar rahbarlari ishtirok etib, yoshlar tomonidan bildirilgan taklif va murojaatlar ko‘rib chiqildi.

Xususan, yoshlar o‘zlarini qiynayotgan masalalarni ochiq bayon qilib, ishga joylashish, kredit olish, kasb egallash va boshqa yo‘nalishlardagi taklif hamda muammolarini bildirdi.

Har bir murojaat mas’ullar ishtirokida o‘rganilib, ayrim murojaatlarga joyida yechim topildi. Qo‘shimcha o‘rganishni talab qiladigan masalalar bo‘yicha mas’ullarga aniq topshiriqlar berildi.

Asosiy maqsad — yoshlarni tinglash, ularning muammolariga amaliy yechim topish, tashabbuslarini qo‘llab-quvvatlash va bandligini ta’minlashga ko‘maklashish.

👉 Telegram

#qonunchilikdagi_yangiliklar

Eksport bo‘yicha muddati o‘tgan debitor qarzdorliklarni so‘ndirish uchun bir martalik umumdavlat aksiyasi e’lon qilindi

2027-yil 1-yanvarga qadar tadbirkorlik subyektlariga eksport operatsiyalari bo‘yicha yuzaga kelgan muddati o‘tgan debitor qarzdorlikni o‘z mablag‘lari hisobidan so‘ndirish imkonini beruvchi bir martalik umumdavlat aksiyasi e’lon qilindi.
👉 PF-176 27.08.2026-yil.

📌 Aksiya kimlarga tatbiq etiladi?

Farmon kuchga kirguniga qadar tashqi savdo shartnomasi bo‘yicha tovar, ish yoki xizmatlar amalda eksport qilingan, biroq xorijiy kontragent tomonidan to‘lov o‘z vaqtida amalga oshirilmagani sababli yuzaga kelgan va “E-kontrakt” tizimida muddati o‘tgan deb qayd etilgan debitor qarzdorliklarga.

Aksiya doirasida tadbirkorlik subyektlariga naqd xorijiy valyuta mablag‘larini yo‘lovchi bojxona deklaratsiyasi va tegishli ishonchnomalarsiz bank kassalari orqali o‘z hisobvarag‘iga kiritish yo‘li bilan muddati o‘tgan debitor qarzdorlikni so‘ndirishga ruxsat beriladi.

✅ Mablag‘lar hisobvaraqqa kiritilgach:

🔹 “E-kontrakt” tizimidagi muddati o‘tgan debitor qarzdorlik summasi kiritilgan mablag‘ miqdoriga mos ravishda avtomatik kamayadi;
🔹 aktivlarni repatriatsiya qilish ta’minlanmagani uchun hisoblangan jarimaning undirilmagan qismi kiritilgan mablag‘larga mutanosib ravishda bekor qilinadi.

❗️Bunda kiritilgan mablag‘lar eksportdan tushgan valyuta tushumi sifatida e’tirof etilmaydi hamda QQS bo‘yicha "nol" darajali stavkani qo‘llash uchun asos bo‘lmaydi.

Shuningdek, 2027-yil 1-yanvardan boshlab ayrim holatlarda tashqi savdo operatsiyalari bo‘yicha aktivlarni repatriatsiya qilish ta’minlanmagani uchun jarima miqdori sud tomonidan ikki baravarga kamaytirilishi mumkin.

Buning uchun quyidagi holatlardan kamida bittasi mavjud bo‘lishi lozim:

🔹 rezident qarzdorlikni undirish uchun o‘ziga bog‘liq barcha choralarni, jumladan sud, arbitraj yoki boshqa majburiy undirish vositalarini qo‘llagan bo‘lsa;
🔹 tashqi savdo operatsiyasi bo‘yicha aktivlarning 50 foizdan ortiq qismi repatriatsiya qilingan bo‘lsa;
🔹 xalqaro sanksiyalar, bank va to‘lov tizimlaridagi cheklovlar yoki valyuta operatsiyalariga oid taqiqlar tufayli mablag‘larni repatriatsiya qilish imkoniyati cheklangan bo‘lsa.

⚠️ Mazkur tartiblar ustav kapitalida davlat ulushi 50 foiz va undan ortiq bo‘lgan yuridik shaxslar, shuningdek, ular 50 foiz va undan ortiq ulushga ega bo‘lgan tashkilotlarga nisbatan tatbiq etilmaydi.

Тelegram |Facebook |Youtube| Instagram |X| Threads

#ochiq_muloqot

Prezident Shavkat Mirziyoyev yoqilg‘i-energetika sohasidagi investorlar bilan ochiq muloqot o‘tkazmoqda.

🟢 Davlatimiz rahbari energiya saqlash loyihalari uchun qonunchilikda yer va mol-mulk solig‘i bo‘yicha 10 yillik imtiyozlar belgilanganligi va ularni qo‘llashdagi turlicha talqinlarga barham berish uchun imtiyozlar akkumulyator yoki quyosh paneli joylashgan maydon bilan birga zarur podstansiya, boshqaruv binosi va yordamchi infratuzilmaga ham tegishli ekani Soliq kodeksida aniq ko‘rsatilishini ta’kidladi.

👉 Telegram

#maʻnaviyat_maʻrifat_soati

MA’NAVIYAT — KASBIY MAS’ULIYAT VA INSONIY YUKSALISH MANBAI

Soliq qo‘mitasida tashkil etilgan navbatdagi ma’naviy-ma’rifiy tadbir nafaqat unutilmas taassurotlarga, balki chuqur hayotiy mushohadalarga ham boy bo‘ldi.

Tadbirning eng yorqin va mazmunli lahzalari tajribali suxandon, xonanda va ko‘rsatuvlar boshlovchisi Tolibjon Isroilov bilan kechgan samimiy suhbatda namoyon bo‘ldi. Uning hayot yo‘li, ijodiy izlanishlari va kasbiy tajribasi haqidagi ochiq muloqot ishtirokchilarda katta qiziqish uyg‘otdi.

Aslida, bunday uchrashuvlar zamirida oddiy suhbatdan ko‘ra teranroq ma’no mujassam. Zero, insonning kasbiy kamoloti faqat bilim va tajriba bilan emas, balki dunyoqarashi, ma’naviyati va odamlar bilan muloqot madaniyati bilan ham o‘lchanadi.

Xo‘sh, bunday tadbirlar soliq xodimiga nima beradi?

Eng avvalo, u xodimni kundalik xizmat vazifalari doirasidan bir qadam tashqariga chiqib, hayotga kengroq nazar bilan qarashga undaydi. Inson taqdirlari, hayotiy tajribalar va ijodiy izlanishlar bilan tanishish uning fikrlash doirasini kengaytiradi, tinglash va tushunish madaniyatini boyitadi. Bu esa fuqarolar bilan muloqotda samimiylik, muomalada madaniyat va qarorlarda mas’uliyatni mustahkamlashga xizmat qiladi.

Тelegram |Facebook |YouTube| Instagram |X|Threads

#ilova

«Soliq» ilovasi orqali soliq to‘lovlarini tez va qulay, soliq idorasiga bormasdan amalga oshiring

Jismoniy shaxslar ilova orqali:
▫️mol-mulk va yer solig‘i;
▫️jami yillik daromad to‘g‘risidagi deklaratsiya asosida hisoblangan daromad solig‘i;
▫️mol-mulkni ijaraga berishdan olingan daromadlar bo‘yicha hisoblangan soliq;
▫️soliq majburiyatlari bo‘yicha hisoblangan penyalarni to‘lash imkoniyati mavjud.

Boshqa jismoniy shaxsning identifikatsiya raqamini JShShIRini kiritgan holda soliq qarzini to‘lash mumkin.

"Soliq" ilovasi 18 mlndan ortiq foydalanuvchining tanlovi.

“Soliq” mobil ilovasi Siz uchun qulay, tezkor va zamonaviy yechim.

Тelegram |Facebook |Youtube| Instagram |X| Threads

#QQS

Realizatsiya qilish joyi Oʻzbekiston Respublikasi hisoblanmaydigan xizmatlarga soddalashtirilgan QQS solinadimi?

Agar Soliq kodeksiga muvofiq xizmatlarni realizatsiya qilish joyi Oʻzbekiston Respublikasi hududi deb eʼtirof etilmasa, bunday xizmatlar Oʻzbekiston Respublikasida QQS solish obyekti hisoblanmaydi.

👉 Soliq kodeksining 238 va 241-moddalari,
👉 PF-100-son, 6-bandi.

Diqqat!
PF-100-son Farmonning 13-bandiga muvofiq, Farmonda nazarda tutilgan normalar va qoidalar, agar Farmonning oʻzida boshqa muddat belgilanmagan boʻlsa, darhol kuchga kiradi.

Shu sababli PF-100-son Farmon qoidalari Soliq kodeksiga tegishli oʻzgartirishlar kiritilishidan qatʼi nazar, Farmonda belgilangan sanalardan boshlab qoʻllaniladi. Xususan, bu QQSning 6 % stavkasiga hamda PF-100-son Farmonda nazarda tutilgan QQSni hisobga olish tartibiga taalluqli.

Shu bilan birga, Iqtisodiyot va moliya vazirligi hamda Soliq qoʻmitasi tomonidan Soliq kodeksiga tegishli oʻzgartirish va aniqliklar kiritishni nazarda tutuvchi qonun loyihasi ishlab chiqilgan.

Hozirgi vaqtda qonun loyihasi koʻrib chiqilmoqda.

Тelegram |Facebook |YouTube| Instagram |X|Threads

#QQS

Qishloq xoʻjaligi tovar ishlab chiqaruvchilariga QQS summasini qoplash avtomatlashtirilgan tarzda amalga oshiriladi

🇺🇿 Oʻzbekiston Respublikasi Prezidentining 2025-yil 4-sentabrdagi 153-sonli Farmoni bilan 2026-yil 1-yanvardan boshlab:

🗓 Qishloq xoʻjaligi tovar ishlab chiqaruvchilariga QQS summasini qoplash 3 kun ichida avtomatlashtirilgan tarzda amalga oshiriladi (paxta va gʻalla bundan mustasno).

✔️ Bugungi kunga qadar 858 ta qishloq xoʻjaligi tovar ishlab chiqaruvchilariga 4 405 ta holatda 627,9 mlrd.soʻm qoʻshilgan qiymat soligʻi boʻyicha salbiy farq summalari avtomatlashtirilgan tizim orqali qoplab berilidi.
___
#НДС

Возврат НДС сельскохозяйственным товаропроизводителям осуществляется в автоматизированном порядке

🇺🇿 В соответствии с Указом Президента Республики Узбекистан №153 от 4.09.2025 г., с 1 января 2026 года:

🗓 возврат сумм НДС сельскохозяйственным товаропроизводителям (за исключением производителей хлопка и зерна) осуществляется автоматически в течение 3 дней.

✔️ До сегодняшнего дня 858 сельскохозяйственным товаропроизводителям в 4 405 случаях возмещена отрицательная разница по НДС на общую сумму 627,9 млрд сумов в автоматизированном порядке.

Тelegram|Facebook|Youtube|Instagram|X|Threads

#QQS

Qishloq xo‘jaligi tovar ishlab chiqaruvchilari tomonidan QQSning “nol” stavkasini qo'llash tartibi

Xabaringiz bor, 2026-yil 1-yanvardan boshlab qishloq xoʻjaligi tovar ishlab chiqaruvchilari tomonidan yetishtirilgan qishloq xoʻjaligi mahsulotlari (bundan paxta va gʻalla mustasno) realizatsiyasi uchun qoʻshilgan qiymat soligʻining “nol” stavkasi joriy qilingan.

👉PF-153-son, 04.09.2025-y.
👉Soliq kodeksi 264 moddasi

Ma’lumot uchun: qishloq xoʻjaligi tovar ishlab chiqaruvchilari bir vaqtning oʻzida quyidagi shartlarga javob beradigan yuridik shaxslar eʼtirof etiladi:
▫️ qishloq xoʻjaligi mahsulotini ishlab chiqaruvchi va uni birlamchi qayta ishlovchi, basharti bunday yuridik shaxsning jami daromadida oʻzi ishlab chiqargan qishloq xoʻjaligi mahsulotini, shu jumladan uni oʻzi ishlab chiqargan qishloq xoʻjalik xom ashyosini qayta ishlashdan olingan mahsulotni realizatsiya qilishdan olingan daromadining ulushi soliq davridagi jami daromadning kamida 80 foizini tashkil etsa;

▫️ yer uchastkalariga ega boʻlgan, bu yer uchastkalari qishloq xoʻjaligi mahsulotlarini ishlab chiqarish uchun zarur boʻlsa.

Mazkur shartlarga mos kelgan tadbirkorlik subyektlari tomonidan QQSning “nol” stavkasini qoʻllash uchun my.soliq.uz portali orqali:
- “Elektron hujjat aylanishi” boʻlimidagi
- “Yuridik shaxslarning soliq imtiyozlaridan foydalanish boʻyicha murojaat” xizmatidan ariza yuborish orqali amalga oshiriladi.

Bunda:
- “murojaat yuborish” menyusiga kiriladi,
- “Normativ-huquqiy hujjat turi”dan Oʻzbekiston Respublikasi Prezidenti Farmoni tanlanadi,
- “Soliq turi”dan QQS tanlanadi,
- “Normativ-huquqiy hujjat” raqamidan “PF-153/null” tanlanadi.
- Imtiyozning boshlanish va tugash vaqti hamda imtiyoz matni avtomatik shakllanadi.
- Asoslantiruvchi hujjat biriktiriladi, viloyat, tuman, mahalla tanlanadi.
- Aloqa uchun telefon raqami kiritiladi;
- “Yuborish” tugmasi bosiladi.

Soliq kodeksining 57-moddasiga asosan qishloq xoʻjaligi tovar ishlab chiqaruvchilari shartlariga mos kelgan tadbirkorlik subyektlari tomonidan elektron hisobvaraq-faktura rasmiylashtirishda qoʻshilgan qiymat soligʻining “nol” stavkasi avtomatik tarzda qoʻllaniladi.

Ya’ni, EHF yaratishda:
- “imtiyoz” belgisi tanlanadi,
- mahsulot nomi, oʻlchov birligi, soni, narxi ma’lumotlari kiritilib, QQS stavkasi ustuniga “0%” tanlanadi.

- imtiyoz ustunida imtiyozning maxsus identifikatsiya kodi kiritilib,
- tovarning kelib chiqishi ustunida “Xususiy ishlab chiqarish” turi tanlanadi.

❗️ Muhim: “Xususiy ishlab chiqarish” turning tanlanishi, mahsulot qishloq xoʻjaligi tovar ishlab chiqaruvchilari tomonidan realizatsiya qilinayotganligini hamda imtiyozni qoʻllash uchun asos hisoblanadi.

Shuningdek, yuqoridagi talablarga javob beruvchi qishloq xoʻjaligi tovar ishlab chiqaruvchilarga (bundan paxta va gʻalla mustasno) 2026-yil 1-yanvardan boshlab qishloq xoʻjaligi mahsulotlarini yetishtirish uchun xarid qilingan tovarlar (xizmatlar) boʻyicha toʻlangan qoʻshilgan qiymat soligʻi summasi oʻrnini qoplash (qaytarish) 3 kun muddatda avtomatlashtirilgan tarzda amalga oshiriladi.

Ma’lumot uchun: QQSning “nol” stavkasi qoʻllaniladigan qishloq xoʻjaligi mahsulotlari roʻyxati Qishloq xoʻjaligi vazirligi va Soliq qoʻmitasi tomonidan tasdiqlanadi va ularning rasmiy veb-saytlarida eʼlon qilib boriladi.

Buning uchun, qishloq xoʻjaligi tovar ishlab chiqaruvchilar my.soliq.uz portali orqali:
-“Xizmatlar” menyusidan
-“Yuridik shaxslarga oʻrni qoplanishi lozim boʻlgan QQS summasini qaytarish” boʻlimidagi
- “Murojaat (ayrim faoliyat turlari bo‘yicha)” xizmatidan faoliyat turi
- “Qishloq xo‘jaligi mahsulotlarini ishlab chiqaruvchilar” tanlanadi.

Yuqoridagi ketma-ketlikdan keyin QQSning salbiy farq summasini qaytarish bo‘yicha ariza avtomatik shakllanadi va soliq to‘lovchi tomonidan qo‘shilgan qiymat solig‘ining salbiy farq summasini qaytarib berilishi so‘ralayotgan davr ya’ni yil va oy tanlanadi.

Arizada tanlangan davr bo‘yicha qaytarib berilishi mumkin bo‘lgan QQSning salbiy farq summasi avtomat shakllanadi va “Yuborish” tugmasi bosiladi.

Mazkur tartib bo‘yicha kelib tushgan arizada ko‘rsatilgan summa soliq organlarining avtomatlashtirilgan tizimi orqali 3 kun ichida qoplab beriladi.

MUHIM:
Soliq kodeksining 274-moddasiga asosan, yuqoridagi tartibga asosan tezlashtirilgan tartibda qoplangan soliq summasining asoslanganligi yuzasidan umumiy tartibda kameral soliq tekshiruvi o‘tkaziladi.

Agar kameral soliq tekshiruvi natijalariga koʻra avtomatlashtirilgan tizim orqali qoplab berilgan soliq summasi yoki uning bir qismi asossiz boʻlib chiqsa, soliq toʻlovchi soliqning oʻrni oʻziga asossiz ravishda qoplangan summasini qoplash sanasidan to uni budjetga toʻlash sanasigacha penya hisoblangan holda budjetga toʻlashi shart.

Тelegram |Facebook |Youtube| Instagram |X| Threads

#YTT

Yakka tartibdagi tadbirkor

Tadbirkorlik faoliyatini (yuridik shaxs tashkil etmagan holda) belgilangan tartibda ro‘yxatdan o‘tib amalga oshiradigan jismoniy shaxs yakka tartibdagi tadbirkor (YTT) hisoblanadi.
👉 Soliq kodeksi 31-modda

Ro'yxatdan o'tish:
1. Davlat xizmatlari markaziga shaxsan murojaat qilish;
2. new.birdarcha.uz sayti orqali masofadan turib ariza berish orqali.

Agar:
🚶🏻‍➡️shaxsan kelib ariza berilsa BHMning 1 baravari miqdorida (440 000 so‘m) davlat boji to‘lanadi;
🧑🏻‍💻Internet orqali ariza berilganda BHMning 0,9 baravarini tashkil etadi (396 000 soʻm).

YTTga ro'yxatdan o'tganida guvohnoma beriladi.

👉 YTTlar shug‘ullanishi mumkin bo‘lgan faoliyat turlari ro‘yxati

Davlat ro‘yxatidan o‘tgan oydan keyingi oydan boshlab har oyning 15-sanasidan kechiktirmay:
- YTTning tovarlar (xizmatlar) realizatsiyasidan olgan daromadi 12 000 BHMgacha bo‘lsa, 1% miqdorida aylanmadan olinadigan soliq bo‘yicha hisobotni taqdim etadi va soliqni to‘laydi;
- ijtimoiy soliq - BHMning 1 baravari (440 000 so'm) to'laydi.

YTTning tovar (xizmat)lar realizatsiyasidan olingan daromadi kalendar yilida:
- 12 000 BHMdan oshsa QQS va foyda solig‘ini to‘lashga o‘tadi.
👉 Soliq kodeksi 385-modda

YTTlar 5 nafargacha xodim yollash huquqiga ega va yollanma xodim uchun:
▫️ yiliga bir marta, 31-dekabrgacha — BHMning 1 baravari miqdorida ijtimoiy soliqni (440 000 so‘m);
▫️ har oyning 15-sanasidan kechiktirmay — jismoniy shaxslardan olinadigan daromad solig‘i bo‘yicha hisobotni taqdim etib, 12% miqdorida soliqni to‘laydi.
_______
#индивидуальный_предприниматель

Индивидуальный предприниматель

Индивидуальным предпринимателем (ИП) считается физическое лицо, зарегистрированное в установленном порядке и осуществляющее предпринимательскую деятельность без образования юридического лица.
👉 ст.31 НК

Как зарегистрироваться?
1. В Центре государственных услуг;
2. Удаленно через new.birdarcha.uz.

Если:
🚶🏻‍➡️в явочном порядке, то уплачивается государственная пошлина в размере 1 БРВ (440 000 сумов);
🧑🏻‍💻через Интернет, то пошлина составляет 0,9-кратный размер БРВ (396 000 сумов).

Индивидуальному предпринимателю выдается свидетельство о регистрации.

👉 Перечень видов деятельности, которыми могут заниматься индивидуальные предприниматели

Начиная со следующего месяца после государственной регистрации ИП ежемесячно не позднее 15-го числа:
- если доход не превысил 12 000 БРВ, представляют отчетность по налогу с оборота и уплачивают налог по ставке 1%;
- уплачивают социальный налог - 1 БРВ (440 000 сумов).

Если доход ИП от реализации товаров (услуг) в календарном году превысит 12 000 БРВ, то он переходит на уплату НДС и налога на прибыль.
👉 ст.385 НК

Индивидуальные предприниматели имеют право нанимать до 5 работников и за наемного работника:
▫️ раз в год до 31 декабря уплачивают социальный налог в размере не менее 1 БРВ – 440 000 сумов;
▫️ежемесячно не позднее 15 числа представляют отчетность по НДФЛ и уплачивают налог (ставка 12%).

Тelegram |Facebook |Youtube| Instagram |X| Threads

YOSHLAR ORASIDA SOLIQ MADANIYATI YUKSALMOQDA

Davlatimiz rahbarining 2026-yil 16-iyundagi «Soliq sohasida malakali kadrlar tayyorlashning yangi tizimini joriy etish chora-tadbirlari to‘g‘risida»gi qarori ijrosini ta’minlash maqsadida Surxondaryo viloyati soliq boshqarmasi tomonidan Termiz shahridagi 11-sonli umumta’lim maktabida «Soliq sinfi» tashkil etilgan.

Mazkur maktab o‘quvchilari darsdan tashqari vaqtlarda maxsus mashg‘ulotlar orqali soliq sohasiga oid bilimlarini oshirmoqda.

Mashg‘ulotlar davomida viloyat soliq boshqarmasi mutaxassislari o‘quvchilarga soliqlarning qanday maqsadlarda to‘lanishi, shuningdek, davlat budjetiga tushadigan mablag‘lar qaysi yo‘nalishlarga sarflanishi haqida ma’lumot bermoqda.

Muhimi, bunday o‘quv darslari yosh avlod ongida soliq madaniyatini shakllantirish, ularning soliqlarga oid bilimlarini boyitish hamda sohaga bo‘lgan qiziqishlarini oshirishga xizmat qilmoqda.

Telegram facebook youtube instagram

#qishloq_xojaligi

Ikkilamchi ijara asosida yerga ega yuridik shaxslar qishloq xo‘jaligi tovar ishlab chiqaruvchilari deb e’tirof etilishi mumkin

Qishloq xoʻjaligi tovar ishlab chiqaruvchilari deb bir vaqtning oʻzida quyidagi shartlarga javob beradigan yuridik shaxslar eʼtirof etiladi:

- qishloq xoʻjaligi mahsulotini ishlab chiqaruvchi va uni birlamchi qayta ishlovchi, basharti bunday yuridik shaxsning jami daromadida oʻzi ishlab chiqargan qishloq xoʻjaligi mahsulotini, shu jumladan uni oʻzi ishlab chiqargan qishloq xoʻjalik xom ashyosini qayta ishlashdan olingan mahsulotni realizatsiya qilishdan olingan daromadining ulushi soliq davridagi jami daromadning kamida 80 foizini tashkil etsa;

- yer uchastkalariga ega boʻlgan, bu yer uchastkalari qishloq xoʻjaligi mahsulotlarini ishlab chiqarish uchun zarur boʻlsa.

👉Soliq kodeksi 57-moddasi

Yuridik shaxslar mulk, doimiy foydalanish va ijara huquqi asosida yer uchastkalariga ega boʻlishi mumkin.
👉Yer kodeksi 17-moddasi

Yer uchastkasining ijarasi yer uchastkasiga ijara shartnomasi shartlarida muddatli, haq evaziga egalik qilish va foydalanishdan iboratdir. Ijaraga berilgan yer uchastkasini yoki uning bir qismini ikkilamchi ijaraga berish Yer kodeksining 24²-moddasida nazarda tutilgan hollarda amalga oshirilishi mumkin.
👉Yer kodeksi 24-moddasi

Qishloq xoʻjaligiga moʻljallangan yerlarni qishloq xoʻjaligi mahsulotlarini yetishtirish uchun yuridik va jismoniy shaxslarga uchinchi shaxslarga keyinchalik berish huquqisiz ikkilamchi ijaraga berish imkoniyati bevosita nazarda tutilgan.
👉Yer kodeksi 24²-moddasi

Ikkilamchi ijara shartlari va muddatlari shartnoma bilan belgilanadi. Qishloq xoʻjaligiga moʻljallangan yer uchastkasining ikkilamchi ijara shartnomasi qonunchilikda belgilangan tartibda davlat roʻyxatidan oʻtkazilishi lozim.

Qishloq xoʻjaligiga moʻljallangan yer uchastkalarini ikkilamchi ijaraga berish tartibi Oʻzbekiston Respublikasi Vazirlar Mahkamasining 2021-yil 24-noyabrdagi 709-son qarori bilan tartibga solinadi.

Mazkur Nizomga Oʻzbekiston Respublikasi Vazirlar Mahkamasining 2026-yil 24-fevraldagi 77-son qarori bilan oʻzgartirish va qoʻshimchalar kiritilgan.

Yuqorida koʻrsatilgan hujjatlarda ikkilamchi ijara shartnomasini tuzish, uni rasmiylashtirish va davlat roʻyxatidan oʻtkazish tartibi belgilangan.

Qishloq xoʻjaligiga moʻljallangan yerlarni ikkilamchi ijaraga berish toʻgʻrisidagi qonunchilikni qoʻllash masalalari Oʻzbekiston Respublikasi Oliy sudi Plenumining 2023-yil 20-noyabrdagi 28-son qarorida, unga 2025-yil 24-noyabrdagi 23-son qaror bilan kiritilgan oʻzgartirish va qoʻshimchalarni hisobga olgan holda, aks ettirilgan.

Xususan, qishloq xoʻjaligiga moʻljallangan yer uchastkasining ikkilamchi ijaraga berilganligi holatlarini aniqlash hamda tegishli yer nizolarini koʻrib chiqishda ikkilamchi ijarachining huquqlarini hisobga olish zarurligi belgilangan.
👉Oliy sud Plenumining 2023-yil 20-noyabrdagi 28-son qarorining 26¹-bandi

Mazkur qarorning 27-bandida qishloq xoʻjaligiga moʻljallangan yerlarni ikkilamchi ijaraga berish shartnomalari qonunchilikda belgilangan tartibni buzgan holda tuzilgan taqdirda yuzaga keladigan huquqiy oqibatlar belgilangan.

Soliq kodeksining 57-moddasini qoʻllashda, shuningdek, mazkur Kodeksning 13-moddasi qoidalarini hisobga olish lozim. Unga koʻra, Soliq toʻgʻrisidagi qonunchilik hujjatlaridagi barcha bartaraf etib boʻlmaydigan qarama-qarshiliklar va noaniqliklar soliq toʻlovchining foydasiga talqin etiladi.

Bundan tashqari, soliq solish maqsadida barcha bitimlar va soliq toʻlovchi kirishadigan boshqa iqtisodiy munosabatlar, ularning yuridik jihatdan rasmiylashtirilishi usulidan yoki shartnomaning nomlanishidan qatʼi nazar, oʻzining haqiqiy iqtisodiy mazmunidan kelib chiqqan holda hisobga olinishi kerak.
👉Soliq kodeksi 14-moddasi

Davlat organlari va tadbirkorlik subyektlari oʻrtasidagi ommaviy-huquqiy munosabatlarda tadbirkorlik subyekti haq ekanligi prezumpsiyasi belgilangan.

Davlat organlariga tegishli qonunosti hujjatlari va idoraviy koʻrsatmalar qabul qilinishini kutmasdan mazkur Farmon normalari kuchga kirgan paytdan eʼtiboran soʻzsiz va toʻgʻridan-toʻgʻri amalda qoʻllanishini taʼminlash vazifasi yuklatilgan.

👉PF-175-son, 27.08.2026-y.

Yuqoridagilarni inobatga olgan holda, Soliq kodeksining 57-moddasini qoʻllashda quyidagilardan kelib chiqish lozim:

- mazkur moddada yuridik shaxs qishloq xoʻjaligi mahsulotlarini ishlab chiqarish uchun zarur boʻlgan yer uchastkasiga qaysi muayyan huquq asosida ega boʻlishi kerakligi belgilanmagan;

- qonunchilikka muvofiq tuzilgan va belgilangan tartibda davlat roʻyxatidan oʻtkazilgan ikkilamchi ijara shartnomasi asosida qishloq xoʻjaligiga moʻljallangan yer uchastkasidan foydalanayotgan yuridik shaxs, agar qonunchilikda boshqacha qoida nazarda tutilmagan boʻlsa, mazkur yer uchastkasiga ega deb hisoblanishi mumkin.

Тelegram |Facebook |YouTube| Instagram |X|Threads

#sunʻiy_intellekt

Soliq qo‘mitasining “AI SOLIQ” – sun’iy intellekt asosida ishlaydigan yangi avlod raqamli platformasi va uning barcha xizmatlari haqida bilasizmi?

Masalan, soliq toʻlovchilar bilan muloqotni avtomatlashtirish maqsadida AI Call-markaz xizmati yoʻlga qoʻyilgan.

Тelegram |Facebook |Youtube| Instagram |X| Threads