#QQS

Qishloq xo‘jaligi tovar ishlab chiqaruvchilari tomonidan QQSning “nol” stavkasini qo'llash tartibi

Xabaringiz bor, 2026-yil 1-yanvardan boshlab qishloq xoʻjaligi tovar ishlab chiqaruvchilari tomonidan yetishtirilgan qishloq xoʻjaligi mahsulotlari (bundan paxta va gʻalla mustasno) realizatsiyasi uchun qoʻshilgan qiymat soligʻining “nol” stavkasi joriy qilingan.

👉PF-153-son, 04.09.2025-y.
👉Soliq kodeksi 264 moddasi

Ma’lumot uchun: qishloq xoʻjaligi tovar ishlab chiqaruvchilari bir vaqtning oʻzida quyidagi shartlarga javob beradigan yuridik shaxslar eʼtirof etiladi:
▫️ qishloq xoʻjaligi mahsulotini ishlab chiqaruvchi va uni birlamchi qayta ishlovchi, basharti bunday yuridik shaxsning jami daromadida oʻzi ishlab chiqargan qishloq xoʻjaligi mahsulotini, shu jumladan uni oʻzi ishlab chiqargan qishloq xoʻjalik xom ashyosini qayta ishlashdan olingan mahsulotni realizatsiya qilishdan olingan daromadining ulushi soliq davridagi jami daromadning kamida 80 foizini tashkil etsa;

▫️ yer uchastkalariga ega boʻlgan, bu yer uchastkalari qishloq xoʻjaligi mahsulotlarini ishlab chiqarish uchun zarur boʻlsa.

Mazkur shartlarga mos kelgan tadbirkorlik subyektlari tomonidan QQSning “nol” stavkasini qoʻllash uchun my.soliq.uz portali orqali:
- “Elektron hujjat aylanishi” boʻlimidagi
- “Yuridik shaxslarning soliq imtiyozlaridan foydalanish boʻyicha murojaat” xizmatidan ariza yuborish orqali amalga oshiriladi.

Bunda:
- “murojaat yuborish” menyusiga kiriladi,
- “Normativ-huquqiy hujjat turi”dan Oʻzbekiston Respublikasi Prezidenti Farmoni tanlanadi,
- “Soliq turi”dan QQS tanlanadi,
- “Normativ-huquqiy hujjat” raqamidan “PF-153/null” tanlanadi.
- Imtiyozning boshlanish va tugash vaqti hamda imtiyoz matni avtomatik shakllanadi.
- Asoslantiruvchi hujjat biriktiriladi, viloyat, tuman, mahalla tanlanadi.
- Aloqa uchun telefon raqami kiritiladi;
- “Yuborish” tugmasi bosiladi.

Soliq kodeksining 57-moddasiga asosan qishloq xoʻjaligi tovar ishlab chiqaruvchilari shartlariga mos kelgan tadbirkorlik subyektlari tomonidan elektron hisobvaraq-faktura rasmiylashtirishda qoʻshilgan qiymat soligʻining “nol” stavkasi avtomatik tarzda qoʻllaniladi.

Ya’ni, EHF yaratishda:
- “imtiyoz” belgisi tanlanadi,
- mahsulot nomi, oʻlchov birligi, soni, narxi ma’lumotlari kiritilib, QQS stavkasi ustuniga “0%” tanlanadi.

- imtiyoz ustunida imtiyozning maxsus identifikatsiya kodi kiritilib,
- tovarning kelib chiqishi ustunida “Xususiy ishlab chiqarish” turi tanlanadi.

❗️ Muhim: “Xususiy ishlab chiqarish” turning tanlanishi, mahsulot qishloq xoʻjaligi tovar ishlab chiqaruvchilari tomonidan realizatsiya qilinayotganligini hamda imtiyozni qoʻllash uchun asos hisoblanadi.

Shuningdek, yuqoridagi talablarga javob beruvchi qishloq xoʻjaligi tovar ishlab chiqaruvchilarga (bundan paxta va gʻalla mustasno) 2026-yil 1-yanvardan boshlab qishloq xoʻjaligi mahsulotlarini yetishtirish uchun xarid qilingan tovarlar (xizmatlar) boʻyicha toʻlangan qoʻshilgan qiymat soligʻi summasi oʻrnini qoplash (qaytarish) 3 kun muddatda avtomatlashtirilgan tarzda amalga oshiriladi.

Ma’lumot uchun: QQSning “nol” stavkasi qoʻllaniladigan qishloq xoʻjaligi mahsulotlari roʻyxati Qishloq xoʻjaligi vazirligi va Soliq qoʻmitasi tomonidan tasdiqlanadi va ularning rasmiy veb-saytlarida eʼlon qilib boriladi.

Buning uchun, qishloq xoʻjaligi tovar ishlab chiqaruvchilar my.soliq.uz portali orqali:
-“Xizmatlar” menyusidan
-“Yuridik shaxslarga oʻrni qoplanishi lozim boʻlgan QQS summasini qaytarish” boʻlimidagi
- “Murojaat (ayrim faoliyat turlari bo‘yicha)” xizmatidan faoliyat turi
- “Qishloq xo‘jaligi mahsulotlarini ishlab chiqaruvchilar” tanlanadi.

Yuqoridagi ketma-ketlikdan keyin QQSning salbiy farq summasini qaytarish bo‘yicha ariza avtomatik shakllanadi va soliq to‘lovchi tomonidan qo‘shilgan qiymat solig‘ining salbiy farq summasini qaytarib berilishi so‘ralayotgan davr ya’ni yil va oy tanlanadi.

Arizada tanlangan davr bo‘yicha qaytarib berilishi mumkin bo‘lgan QQSning salbiy farq summasi avtomat shakllanadi va “Yuborish” tugmasi bosiladi.

Mazkur tartib bo‘yicha kelib tushgan arizada ko‘rsatilgan summa soliq organlarining avtomatlashtirilgan tizimi orqali 3 kun ichida qoplab beriladi.

MUHIM:
Soliq kodeksining 274-moddasiga asosan, yuqoridagi tartibga asosan tezlashtirilgan tartibda qoplangan soliq summasining asoslanganligi yuzasidan umumiy tartibda kameral soliq tekshiruvi o‘tkaziladi.

Agar kameral soliq tekshiruvi natijalariga koʻra avtomatlashtirilgan tizim orqali qoplab berilgan soliq summasi yoki uning bir qismi asossiz boʻlib chiqsa, soliq toʻlovchi soliqning oʻrni oʻziga asossiz ravishda qoplangan summasini qoplash sanasidan to uni budjetga toʻlash sanasigacha penya hisoblangan holda budjetga toʻlashi shart.

Тelegram |Facebook |Youtube| Instagram |X| Threads

#YTT

Yakka tartibdagi tadbirkor

Tadbirkorlik faoliyatini (yuridik shaxs tashkil etmagan holda) belgilangan tartibda ro‘yxatdan o‘tib amalga oshiradigan jismoniy shaxs yakka tartibdagi tadbirkor (YTT) hisoblanadi.
👉 Soliq kodeksi 31-modda

Ro'yxatdan o'tish:
1. Davlat xizmatlari markaziga shaxsan murojaat qilish;
2. new.birdarcha.uz sayti orqali masofadan turib ariza berish orqali.

Agar:
🚶🏻‍➡️shaxsan kelib ariza berilsa BHMning 1 baravari miqdorida (440 000 so‘m) davlat boji to‘lanadi;
🧑🏻‍💻Internet orqali ariza berilganda BHMning 0,9 baravarini tashkil etadi (396 000 soʻm).

YTTga ro'yxatdan o'tganida guvohnoma beriladi.

👉 YTTlar shug‘ullanishi mumkin bo‘lgan faoliyat turlari ro‘yxati

Davlat ro‘yxatidan o‘tgan oydan keyingi oydan boshlab har oyning 15-sanasidan kechiktirmay:
- YTTning tovarlar (xizmatlar) realizatsiyasidan olgan daromadi 12 000 BHMgacha bo‘lsa, 1% miqdorida aylanmadan olinadigan soliq bo‘yicha hisobotni taqdim etadi va soliqni to‘laydi;
- ijtimoiy soliq - BHMning 1 baravari (440 000 so'm) to'laydi.

YTTning tovar (xizmat)lar realizatsiyasidan olingan daromadi kalendar yilida:
- 12 000 BHMdan oshsa QQS va foyda solig‘ini to‘lashga o‘tadi.
👉 Soliq kodeksi 385-modda

YTTlar 5 nafargacha xodim yollash huquqiga ega va yollanma xodim uchun:
▫️ yiliga bir marta, 31-dekabrgacha — BHMning 1 baravari miqdorida ijtimoiy soliqni (440 000 so‘m);
▫️ har oyning 15-sanasidan kechiktirmay — jismoniy shaxslardan olinadigan daromad solig‘i bo‘yicha hisobotni taqdim etib, 12% miqdorida soliqni to‘laydi.
_______
#индивидуальный_предприниматель

Индивидуальный предприниматель

Индивидуальным предпринимателем (ИП) считается физическое лицо, зарегистрированное в установленном порядке и осуществляющее предпринимательскую деятельность без образования юридического лица.
👉 ст.31 НК

Как зарегистрироваться?
1. В Центре государственных услуг;
2. Удаленно через new.birdarcha.uz.

Если:
🚶🏻‍➡️в явочном порядке, то уплачивается государственная пошлина в размере 1 БРВ (440 000 сумов);
🧑🏻‍💻через Интернет, то пошлина составляет 0,9-кратный размер БРВ (396 000 сумов).

Индивидуальному предпринимателю выдается свидетельство о регистрации.

👉 Перечень видов деятельности, которыми могут заниматься индивидуальные предприниматели

Начиная со следующего месяца после государственной регистрации ИП ежемесячно не позднее 15-го числа:
- если доход не превысил 12 000 БРВ, представляют отчетность по налогу с оборота и уплачивают налог по ставке 1%;
- уплачивают социальный налог - 1 БРВ (440 000 сумов).

Если доход ИП от реализации товаров (услуг) в календарном году превысит 12 000 БРВ, то он переходит на уплату НДС и налога на прибыль.
👉 ст.385 НК

Индивидуальные предприниматели имеют право нанимать до 5 работников и за наемного работника:
▫️ раз в год до 31 декабря уплачивают социальный налог в размере не менее 1 БРВ – 440 000 сумов;
▫️ежемесячно не позднее 15 числа представляют отчетность по НДФЛ и уплачивают налог (ставка 12%).

Тelegram |Facebook |Youtube| Instagram |X| Threads

YOSHLAR ORASIDA SOLIQ MADANIYATI YUKSALMOQDA

Davlatimiz rahbarining 2026-yil 16-iyundagi «Soliq sohasida malakali kadrlar tayyorlashning yangi tizimini joriy etish chora-tadbirlari to‘g‘risida»gi qarori ijrosini ta’minlash maqsadida Surxondaryo viloyati soliq boshqarmasi tomonidan Termiz shahridagi 11-sonli umumta’lim maktabida «Soliq sinfi» tashkil etilgan.

Mazkur maktab o‘quvchilari darsdan tashqari vaqtlarda maxsus mashg‘ulotlar orqali soliq sohasiga oid bilimlarini oshirmoqda.

Mashg‘ulotlar davomida viloyat soliq boshqarmasi mutaxassislari o‘quvchilarga soliqlarning qanday maqsadlarda to‘lanishi, shuningdek, davlat budjetiga tushadigan mablag‘lar qaysi yo‘nalishlarga sarflanishi haqida ma’lumot bermoqda.

Muhimi, bunday o‘quv darslari yosh avlod ongida soliq madaniyatini shakllantirish, ularning soliqlarga oid bilimlarini boyitish hamda sohaga bo‘lgan qiziqishlarini oshirishga xizmat qilmoqda.

Telegram facebook youtube instagram

#qishloq_xojaligi

Ikkilamchi ijara asosida yerga ega yuridik shaxslar qishloq xo‘jaligi tovar ishlab chiqaruvchilari deb e’tirof etilishi mumkin

Qishloq xoʻjaligi tovar ishlab chiqaruvchilari deb bir vaqtning oʻzida quyidagi shartlarga javob beradigan yuridik shaxslar eʼtirof etiladi:

- qishloq xoʻjaligi mahsulotini ishlab chiqaruvchi va uni birlamchi qayta ishlovchi, basharti bunday yuridik shaxsning jami daromadida oʻzi ishlab chiqargan qishloq xoʻjaligi mahsulotini, shu jumladan uni oʻzi ishlab chiqargan qishloq xoʻjalik xom ashyosini qayta ishlashdan olingan mahsulotni realizatsiya qilishdan olingan daromadining ulushi soliq davridagi jami daromadning kamida 80 foizini tashkil etsa;

- yer uchastkalariga ega boʻlgan, bu yer uchastkalari qishloq xoʻjaligi mahsulotlarini ishlab chiqarish uchun zarur boʻlsa.

👉Soliq kodeksi 57-moddasi

Yuridik shaxslar mulk, doimiy foydalanish va ijara huquqi asosida yer uchastkalariga ega boʻlishi mumkin.
👉Yer kodeksi 17-moddasi

Yer uchastkasining ijarasi yer uchastkasiga ijara shartnomasi shartlarida muddatli, haq evaziga egalik qilish va foydalanishdan iboratdir. Ijaraga berilgan yer uchastkasini yoki uning bir qismini ikkilamchi ijaraga berish Yer kodeksining 24²-moddasida nazarda tutilgan hollarda amalga oshirilishi mumkin.
👉Yer kodeksi 24-moddasi

Qishloq xoʻjaligiga moʻljallangan yerlarni qishloq xoʻjaligi mahsulotlarini yetishtirish uchun yuridik va jismoniy shaxslarga uchinchi shaxslarga keyinchalik berish huquqisiz ikkilamchi ijaraga berish imkoniyati bevosita nazarda tutilgan.
👉Yer kodeksi 24²-moddasi

Ikkilamchi ijara shartlari va muddatlari shartnoma bilan belgilanadi. Qishloq xoʻjaligiga moʻljallangan yer uchastkasining ikkilamchi ijara shartnomasi qonunchilikda belgilangan tartibda davlat roʻyxatidan oʻtkazilishi lozim.

Qishloq xoʻjaligiga moʻljallangan yer uchastkalarini ikkilamchi ijaraga berish tartibi Oʻzbekiston Respublikasi Vazirlar Mahkamasining 2021-yil 24-noyabrdagi 709-son qarori bilan tartibga solinadi.

Mazkur Nizomga Oʻzbekiston Respublikasi Vazirlar Mahkamasining 2026-yil 24-fevraldagi 77-son qarori bilan oʻzgartirish va qoʻshimchalar kiritilgan.

Yuqorida koʻrsatilgan hujjatlarda ikkilamchi ijara shartnomasini tuzish, uni rasmiylashtirish va davlat roʻyxatidan oʻtkazish tartibi belgilangan.

Qishloq xoʻjaligiga moʻljallangan yerlarni ikkilamchi ijaraga berish toʻgʻrisidagi qonunchilikni qoʻllash masalalari Oʻzbekiston Respublikasi Oliy sudi Plenumining 2023-yil 20-noyabrdagi 28-son qarorida, unga 2025-yil 24-noyabrdagi 23-son qaror bilan kiritilgan oʻzgartirish va qoʻshimchalarni hisobga olgan holda, aks ettirilgan.

Xususan, qishloq xoʻjaligiga moʻljallangan yer uchastkasining ikkilamchi ijaraga berilganligi holatlarini aniqlash hamda tegishli yer nizolarini koʻrib chiqishda ikkilamchi ijarachining huquqlarini hisobga olish zarurligi belgilangan.
👉Oliy sud Plenumining 2023-yil 20-noyabrdagi 28-son qarorining 26¹-bandi

Mazkur qarorning 27-bandida qishloq xoʻjaligiga moʻljallangan yerlarni ikkilamchi ijaraga berish shartnomalari qonunchilikda belgilangan tartibni buzgan holda tuzilgan taqdirda yuzaga keladigan huquqiy oqibatlar belgilangan.

Soliq kodeksining 57-moddasini qoʻllashda, shuningdek, mazkur Kodeksning 13-moddasi qoidalarini hisobga olish lozim. Unga koʻra, Soliq toʻgʻrisidagi qonunchilik hujjatlaridagi barcha bartaraf etib boʻlmaydigan qarama-qarshiliklar va noaniqliklar soliq toʻlovchining foydasiga talqin etiladi.

Bundan tashqari, soliq solish maqsadida barcha bitimlar va soliq toʻlovchi kirishadigan boshqa iqtisodiy munosabatlar, ularning yuridik jihatdan rasmiylashtirilishi usulidan yoki shartnomaning nomlanishidan qatʼi nazar, oʻzining haqiqiy iqtisodiy mazmunidan kelib chiqqan holda hisobga olinishi kerak.
👉Soliq kodeksi 14-moddasi

Davlat organlari va tadbirkorlik subyektlari oʻrtasidagi ommaviy-huquqiy munosabatlarda tadbirkorlik subyekti haq ekanligi prezumpsiyasi belgilangan.

Davlat organlariga tegishli qonunosti hujjatlari va idoraviy koʻrsatmalar qabul qilinishini kutmasdan mazkur Farmon normalari kuchga kirgan paytdan eʼtiboran soʻzsiz va toʻgʻridan-toʻgʻri amalda qoʻllanishini taʼminlash vazifasi yuklatilgan.

👉PF-175-son, 27.08.2026-y.

Yuqoridagilarni inobatga olgan holda, Soliq kodeksining 57-moddasini qoʻllashda quyidagilardan kelib chiqish lozim:

- mazkur moddada yuridik shaxs qishloq xoʻjaligi mahsulotlarini ishlab chiqarish uchun zarur boʻlgan yer uchastkasiga qaysi muayyan huquq asosida ega boʻlishi kerakligi belgilanmagan;

- qonunchilikka muvofiq tuzilgan va belgilangan tartibda davlat roʻyxatidan oʻtkazilgan ikkilamchi ijara shartnomasi asosida qishloq xoʻjaligiga moʻljallangan yer uchastkasidan foydalanayotgan yuridik shaxs, agar qonunchilikda boshqacha qoida nazarda tutilmagan boʻlsa, mazkur yer uchastkasiga ega deb hisoblanishi mumkin.

Тelegram |Facebook |YouTube| Instagram |X|Threads

#sunʻiy_intellekt

Soliq qo‘mitasining “AI SOLIQ” – sun’iy intellekt asosida ishlaydigan yangi avlod raqamli platformasi va uning barcha xizmatlari haqida bilasizmi?

Masalan, soliq toʻlovchilar bilan muloqotni avtomatlashtirish maqsadida AI Call-markaz xizmati yoʻlga qoʻyilgan.

Тelegram |Facebook |Youtube| Instagram |X| Threads

#bilasizmi

Soliqlarni boʻlib-boʻlib toʻlash

Soliq toʻlashning muddatini keyinroq muddatga koʻchirish soliqni toʻlash muddatini oʻzgartirish deb eʼtirof etiladi.

Soliq toʻlash muddatini oʻzgartirish uni toʻlashni kechiktirish yoki boʻlib-boʻlib toʻlash shaklida amalga oshiriladi.

Soliq to‘lashni kechiktirish yoki bo‘lib-bo‘lib to‘lash soliqlarni to‘lashni kechiktirish yoki bo‘lib-bo‘lib to‘lash imkoniyatini berish to‘g‘risida qaror qabul qilinguniga qadar yuzaga kelgan qarz summasiga yoki kelgusida yuzaga keladigan qarz summasiga nisbatan berilishi mumkin.

Soliq toʻlashni kechiktirish yoki boʻlib-boʻlib toʻlash, agar Soliq kodeksning 99-moddasida boshqacha qoida nazarda tutilmagan boʻlsa, 1 yildan oshmagan muddatga beriladi.

Soliq toʻlash muddatining oʻzgartirilishi soliq toʻlash boʻyicha
▫️mavjud majburiyatlarni bekor qilmaydi,
▫️yangi majburiyatlarni vujudga keltirmaydi.

Soliq toʻlash muddatini oʻzgartirish mol-mulk garovi, kafillik yoki bank kafolati bilan taʼminlanishi mumkin.

Ushbu qoidalar:
▪️penya va jarima toʻlashni kechiktirish yoki boʻlib-boʻlib toʻlash imkoniyati berilganda ham qoʻllaniladi;
▪️soliq agentlariga nisbatan tatbiq etilmaydi.

👉 Telegram

Soliq xodimlari Samarqandga sayohat qilishdi
 
O‘zbekiston Respublikasi Prezidentining «2025–2026 yillarda sayyohlar oqimini keskin ko‘paytirish va turistik xizmatlar ko‘lamini jadal kengaytirish orqali turizmning iqtisodiyotdagi o‘rni va ahamiyatini oshirish chora-tadbirlari to‘g‘risida»gi Farmonida belgilangan vazifalar ijrosini ta’minlash maqsadida Surxondaryo viloyati soliq xizmati xodimlari uchun Samarqand shahriga ikki kunlik sayohat tashkil etildi.
 
Sayohat davomida ishtirokchilar Samarqandning boy tarixi va betakror me’moriy obidalari — Bibixonim masjidi, Shohi Zinda majmuasi, Xo‘ja Xizr masjidi, Registon ansambli, Go‘ri Amir maqbarasi hamda Imom Buxoriy yodgorlik majmuasi bilan yaqindan tanishdilar.
 
Mazkur sayohat xodimlarning mazmunli hordiq chiqarishi, milliy tariximiz va madaniy merosimiz haqidagi bilimlarini boyitishi, shuningdek, hamkasblar o‘rtasidagi do‘stona munosabatlarni yanada mustahkamlashga xizmat qildi.

Telegram facebook youtube instagram

#QQS

Qishloq xo‘jaligi tovar ishlab chiqaruvchilari QQSni qaytarish uchun arizani qanday topshirishlari mumkin?

2026-yil 1-yanvardan qishloq xoʻjaligi tovar ishlab chiqaruvchilarga qishloq xoʻjaligi mahsulotlarini yetishtirish uchun xarid qilingan tovarlar (xizmatlar) boʻyicha toʻlangan QQS summasi oʻrnini qoplash (qaytarish) 3 kun muddatda avtomatlashtirilgan tarzda amalga oshiriladi.
❗️Bundan paxta va gʻalla mustasno.

Buning uchun, qishloq xoʻjaligi tovar ishlab chiqaruvchilar my.soliq.uz portali orqali:
- “Xizmatlar” menyusidan
- “Yuridik shaxslarga oʻrni qoplanishi lozim boʻlgan QQS summasini qaytarish” boʻlimidagi
- “Murojaat (ayrim faoliyat turlari bo‘yicha)” xizmatidan faoliyat turi
- “Qishloq xo‘jaligi mahsulotlarini ishlab chiqaruvchilar” tanlanadi.

Yuqoridagi ketma-ketlikdan keyin QQSning salbiy farq summasini qaytarish bo‘yicha ariza avtomatik shakllanadi va soliq to‘lovchi tomonidan QQSning salbiy farq summasini qaytarib berish so‘ralayotgan davr ya’ni, yil va oy tanlanadi.

Arizada tanlangan davr bo‘yicha qaytarib berilishi mumkin bo‘lgan QQSning salbiy farq summasi avtomat shakllanadi va “Yuborish” tugmasi bosiladi.

Mazkur tartib bo‘yicha kelib tushgan arizada ko‘rsatilgan summa soliq organlarining avtomatlashtirilgan tizimi orqali 3 kun ichida qoplab beriladi.

MUHIM:

Yuqoridagi tartibga asosan tezlashtirilgan tartibda qoplangan soliq summasining asoslanganligi yuzasidan umumiy tartibda kameral soliq tekshiruvi o‘tkaziladi.

Agar kameral soliq tekshiruvi natijalariga koʻra avtomatlashtirilgan tizim orqali qoplab berilgan soliq summasi yoki uning bir qismi asossiz boʻlib chiqsa, soliq toʻlovchi soliqning oʻrni oʻziga asossiz ravishda qoplangan summasini qoplash sanasidan to uni budjetga toʻlash sanasigacha penya hisoblangan holda budjetga toʻlashi shart.

👉Soliq kodeksining 274-moddasi

Тelegram |Facebook |YouTube| Instagram |X|Threads

#sunʻiy_intellekt

«AI Soliq» platformasida «Ekspress audit» xizmati – korxonaning soliq holatini kompleks tahlil qilish, mavjud kamchiliklarni aniqlash va ularni bartaraf etish boʻyicha amaliy tavsiyalar beradi.

Тelegram |Facebook |Youtube| Instagram |X| Threads

#sunʻiy_intellekt

«AI Muloqot» – soliq organlari bilan onlayn elektron chat orqali muloqot qilish, soliq xizmatlaridan foydalanish tartibi haqida ma’lumot olish va murojaatlar yuborish mumkin.

Тelegram |Facebook |Youtube| Instagram |X| Threads

📸 KUN FOTOSI

E’tibor bilan tinglash, tushunarli javob berish va amaliy yordam ko‘rsatish — soliq to‘lovchi ishonchining asosi


Тelegram |Facebook |Youtube| Instagram |X|Threads

#soliq_taqvimi

🗓 Eslatma ❗️2026-yil 20-oktabr

sentabr oyi uchun:

- QQS hisobotini taqdim etish va soliqni to‘lashning oxirgi kuni
👉Soliq kodeksining 273-moddasi 1- va 2-qismlari

- agar sentabr oyida dividendlar va foizlar hisoblangan bo‘lsa, dividendlar va foizlardan olinadigan soliq summasi bo‘yicha soliq hisobotini taqdim etishning oxirgi kuni
👉Soliq kodeksining 345-moddasi 5-qismi

- norezidentlarning daromadlaridan olinadigan soliq summalari bo‘yicha soliq hisobotini soliq agenti tomonidan taqdim etishning oxirgi kuni
👉Soliq kodeksining 355-moddasi 1-qismi

- yer qa’ridan foydalanganlik uchun soliqning hisob-kitobini taqdim etish va to‘lashning oxirgi kuni
👉Soliq kodeksining 454-moddasi 3- va 4-qismlari

- suv resurslaridan foydalanganlik uchun bo‘nak to‘lovlar soliq davrida soliq summasi bazaviy hisoblash miqdorining 200 baravaridan ko‘proqni tashkil etadigan yuridik shaxslar tomonidan (bundan aylanmadan olinadigan soliqni to‘lovchilar mustasno) yillik soliq summasining 1/12 qismi miqdorida to‘lashning oxirgi kuni
👉Soliq kodeksining 448-moddasi 3-qismi.

III chorak uchun:

- maxsus renta soligʻi boʻyicha soliq hisobotlarini taqdim etish va toʻlashning oxirgi kuni;
👉Soliq kodeksining 454 prim 7-moddasi 2- va 3-qismi

- foyda soligʻi boʻyicha soliq hisobotini taqdim etish va toʻlashning oxirgi kuni
👉Soliq kodeksining 339-moddasi 5-qismi va 340-moddasi 1-qismi

- elektron shaklda xizmatlar koʻrsatishda chet el yuridik shaxslari tomonidan QQS hisobotlarini taqdim etish va toʻlashning oxirgi kuni.
👉Soliq kodeksining 281-moddasi 3- va 4-qismi
_____________
#календарь_налогоплательщика

🗓 Напоминаем ❗️20 октября 2026 года - последний день

за сентябрь:

- представления отчетности и уплаты НДС
👉ч.1-2 ст.273 Налогового кодекса

- представления отчетности по сумме налога с дивидендов и процентов, если в сентябре были начислены дивиденды и проценты
👉ч.5 ст.345 Налогового кодекса

- представления налоговыми агентами отчетности по суммам налога с доходов нерезидентов
👉ч.1 ст.355 Налогового кодекса

- представления отчетности и уплаты налога за пользование недрами
👉ч.3-4 ст.454 Налогового кодекса

- уплаты авансовых платежей по налогу за пользование водными ресурсами юридическими лицами (за исключением плательщиков налога с оборота), у которых сумма налога за налоговый период составляет более 200-кратного размера БРВ в размере 1/12 части годовой суммы налога
👉ч.3 ст.448 Налогового кодекса

за III квартал:

- представления налоговой отчетности и уплаты специального рентного налога;
👉ч.2-3 ст.454 прим.7 Налогового кодекса

- представления налоговой отчетности и уплаты налога на прибыль;
👉ч.5 ст.339 и ч.1 ст.340 Налогового кодекса

- представления отчетности и уплаты НДС иностранными юрлицами, оказывающими услуги в электронной форме.
👉ч.3-4 ст.281 Налогового кодекса

Тelegram |Facebook |Youtube| Instagram |X| Threads

Yoshlar tashabbuslari qo‘llab-quvvatlanmoqda
 
Davlatimiz rahbarining Andijon viloyatiga tashrifi davomida yoshlar tadbirkorligini qo‘llab-quvvatlash, ularning daromadlarini oshirish va bandligini ta’minlash bo‘yicha berilgan topshiriqlar ijrosini ta’minlash maqsadida soliq xizmati organlari tomonidan izchil ishlar amalga oshirilmoqda.
 
Surxondaryo viloyati soliq boshqarmasi tomonidan ham yoshlar bandligini ta’minlash chora-tadbirlari belgilanib, har haftaning payshanba kuni yoshlar bilan ochiq muloqotlar tashkil etilmoqda.
 
Bugun Termiz shahrida Surxondaryo viloyati soliq boshqarmasi boshlig‘i ishtirokida yoshlar bilan uchrashuv o‘tkazildi.
 
Unda yoshlarni kasb-hunarga yo’naltirish, tadbirkorlik bilan shug’ullanishlari uchun zarur shart-sharoitlar yaratish va bandlikni ta’minlash masalalari muhokama qilindi.

Telegram facebook youtube instagram

#QQS

Qishloq xo‘jaligi mahsulotlarini realizatsiya qilganlik uchun QQSning nol stavkasi qo‘llaniladi

Тelegram |Facebook |Youtube| Instagram |X| Threads