🎮 Surxondaryo yoshlari uchun GameDev yo‘nalishida bepul ta’lim imkoniyati

Yoshlar o‘z kompyuter va mobil o‘yinlarini yaratishni istaydimi?

Bugungi kunda raqamli texnologiyalar sohasidagi istiqbolli yo‘nalishlardan biri — GameDev, ya’ni kompyuter va mobil o‘yinlar ishlab chiqish sohasidir. Bu yo‘nalish yoshlarga o‘z g‘oyalarini amaliy loyihalarga aylantirish, dasturlash ko‘nikmalarini egallash va kelajakda IT sohasida o‘z o‘rnini topish imkonini beradi.

📍 Endi Termiz shahridagi "Kelajak" markazida GameDev yo‘nalishi bo‘yicha bepul ta’lim olish imkoniyati mavjud.
Ta’lim jarayonida ishtirokchilar o‘yin qahramonlarini yaratish, o‘yin muhiti va qoidalarini ishlab chiqish hamda dasturlash orqali ularni harakatga keltirish kabi ko‘nikmalarni egallashlari mumkin.

✅Qatnashish tartibi:
🔹creativetech.uz sayti orqali ro‘yxatdan o‘tish;
🔹qisqa test savollariga javob berish;
🔹tanlov bosqichlaridan muvaffaqiyatli o‘tish.

🚀 O‘z g‘oyangizni haqiqiy loyihaga aylantirish imkoniyatini qo‘ldan boy bermang!

🔗 Ro‘yxatdan o‘tish va qo‘shimcha ma’lumot: https://creativetech.uz

Surxondaryo.uz | Telegram | Facebook | Instagram | YouTube | X

Sitruschilik — yerdan daromad olishning yangi imkoniyati.

🇺🇿Bandlik boshqarmasi rasmiy sahifalariga obuna bo'ling⬇️
Telegram|web-sayt|facebook|

O'zbekiston Respublikasi Kambag‘allikni qisqartirish va bandlik vazirligi xuzuridagi jamg‘arma xisobidan subsidiya mablag‘lari ajratilmoqda

Qumqo‘rg‘on tumani Uyas mahallasida dehqonchilik borasida to‘plangan tajriba, yer va suvdan samarali foydalanish hamda mo‘l hosil yetishtirish usullari haqida

Qumqo‘rg‘on tumani “Uyas” maxallasida usta dexqon Ibragimov Po‘lat  xonadonida 30 sotix issiqxona mavjud.  Issiqxonada bulg‘or qalampiri ko‘chati va xosili yetishtirib kelinmoqda.

Bugungi kunda usta dexqon P.Ibragimov xonadonida namunali xonadon tashkil etish maqsadida O‘zbekiston Respublikasi Kambag‘allikni qisqartirish va bandlik vazirligi xuzuridagi jamg‘arma xisobidan 41,2 mln so‘m miqdorida subsidiya mablag‘lari ajratildi. Usta dexqon tomonidan ishsiz 30 nafar fuqarolarni bulg‘or qalapirini yetishtirish bo‘yicha 14 kundan iborat qisqa muddatli o‘quv kurslari tashkil etildi.

🇺🇿Bandlik boshqarmasi rasmiy sahifalariga obuna bo'ling⬇️
Telegram|web-sayt|facebook|

Ichki ishlar organlari xodimlari va faxriylariga tabrik
—
Поздравление сотрудникам и ветеранам органов внутренних дел

Prezident.uz|Facebook|Instagram|YouTube|X

Davlat xizmatchilari uchun Yaponiyada magistraturada ta’lim olish imkoniyati: JDS stipendiya dasturiga qabul boshlandi

Yaponiyaning JDS (Project for Human Resource Development Scholarship by Japanese Grant Aid) stipendiya dasturi doirasida davlat xizmatchilari uchun 2026-yilgi qabul boshlandi.

Dastur O‘zbekistonning istiqbolli mutaxassislariga Yaponiyaning yetakchi universitetlarida magistratura bosqichida bepul tahsil olish, kasbiy bilim va ko‘nikmalarini rivojlantirish hamda xalqaro tajriba orttirish imkoniyatini taqdim etadi.

👍 Nomzodlarga qo‘yiladigan talablar
(2027-yil 1-aprel holatiga ko‘ra)

Yosh: 25–40 yosh;
Ma’lumoti: bakalavr darajasi;
Ish tajribasi: kamida 2 yil;
Ingliz tili: IELTS 5.0 va undan yuqori.

👍Arizalar 2026-yil 20-dekabrgacha qabul qilinadi.

Onlayn seminarlar jadvali:

3-noyabr — 15:00–16:30;
5-noyabr — 11:00–12:30;
10-noyabr — 15:00–16:30;
12-noyabr — 11:00–12:30;
17-noyabr — 15:00–16:30;
19-noyabr — 11:00–12:30.

Seminarlarda dastur, ishtirok etuvchi universitetlar, ariza topshirish talablari va tanlov jarayoni haqida batafsil ma’lumot beriladi. Ishtirok etish uchun oldindan ro‘yxatdan o‘tish talab etiladi.

Batafsil ma’lumot va ariza topshirish:
https://jds-scholarship.org/

👍 JDS loyihasi ofisi (O‘zbekiston)
Manzil: Toshkent shahri, Amir Temur ko‘chasi, 107B, Xalqaro biznes markazi, 2-qavat.

Telefon: +998 78 140-15-60 / 61
Elektron pochta: jds.uzbekistan1@jice.org
Ish vaqti: dushanba–juma, 09:00–13:00 va 14:30–17:30.

Eslatib o‘tamiz: O‘zbekiston Respublikasi Prezidenti topshirig‘iga muvofiq, Boshqaruv samaradorligi agentligiga davlat xizmatchilarining xorijda ta’lim olishini qo‘llab-quvvatlovchi xalqaro stipendiya dasturlarida milliy hamkor funksiyasini amalga oshirish vazifasi yuklatilgan.

Mazkur topshiriq ijrosini ta’minlash doirasida Yaponiya xalqaro hamkorlik markazining JDS loyihasi bilan olib borilgan muzokaralar natijasida loyiha tashkiliy qo‘mitasiga raislik qiluvchi sifatida Boshqaruv samaradorligi agentligi vakili belgilangan.

RASMIY BAYONOT

Ijtimoiy tarmoqlarda Şörçi tumani hokimi va fermer xöjaliklari rahbarlari örtasidagi muloqotlarga oid ekani aytilgan audioyozuvlar yuzasidan örganiş işlari boşlandi.

Mazkur holatni har tomonlama, xolis va töliq örganiş, huquqiy baho beriş maqsadida tegişli vakolatli idoralar vakillaridan iborat işçi guruh tuzildi.

Surxondaryo viloyati hokimi Uluğbek Qosimov davlat xizmatçilari faoliyatida qonun ustuvorligi, inson qadri, özaro hurmat va xizmat etikasi talablariga qat’iy rioya etilişi zarurligini ta’kidlaydi.

Örganiş natijalari asosida qonunçilikda belgilangan tartibda tegişli qaror qabul qilinadi.

Surxondaryo.uz | Telegram | Facebook | Instagram | YouTube | X

#qonunchilikdagi_yangiliklar

🌱 Issiqxona egalari uchun yangi talablar va moliyaviy imtiyozlar belgilandi

Vazirlar Mahkamasining 2026-yil 22-oktabrdagi 586-son qarori bilan Toshkent shahri va unga tutash hududlarda issiqxona xo‘jaliklarining ekologik xavfsiz faoliyat yuritishini ta’minlash bo‘yicha yangi tartib joriy etildi.

➡️ Yangi tartib qaysi hududlarda amal qiladi?

Maxsus ekologik tartib Toshkent shahri hamda Toshkent viloyatining Yuqori Chirchiq, Qibray, Yangiyo‘l, Zangiota va Toshkent tumanlaridagi issiqxona xo‘jaliklariga tatbiq etiladi.

➡️ 1-dekabrgacha qanday talablar bajarilishi kerak?

Mazkur hududlarda ko‘mir, briket va biomassa pelletlari bilan isitiladigan issiqxonalar 2026-yil 1-dekabrgacha ekologik toza isitish tizimlariga o‘tishi lozim.

Bunda tabiiy yoki suyultirilgan gaz, elektr energiyasi, quyosh va geotermal energiya, shuningdek, issiqlik elektr stansiyalaridan olinadigan ikkilamchi issiqlik energiyasidan foydalanish mumkin.

Qattiq yoqilg‘idan foydalanishni davom ettirish uchun esa bir vaqtning o‘zida quyidagi talablar bajarilishi shart:

- Qozonxonalarni avtomatik boshqaruv va chang-gaz tozalash uskunalari bilan jihozlash;
- Uzluksiz avtomatik monitoring tizimini o‘rnatish va Ekologiya qo‘mitasining axborot tizimlariga ulash;
- Uskunalarning muvofiqlik sertifikatiga ega bo‘lish;
- Onlayn kuzatuv kameralari, elektr ta’minoti va zaxira generatorini o‘rnatish;
- Hosil bo‘ladigan chiqindilarni belgilangan tartibda utilizatsiya qilish.

🚫Nimalarni yoqilg‘i sifatida ishlatish taqiqlanadi?

❗️Issiqxonalarda avtomobil shinalari, mazut, bitum, plastmassa, polimer plyonkalar, rezina, ishlatilgan moylar, maishiy va ishlab chiqarish chiqindilarini hamda shu kabi zararli materiallarni yoqish qat’iyan taqiqlanadi.

💰Issiqxona egalari qanday imtiyozlardan foydalanishi mumkin?

➡️ 50 foiz subsidiya. 2028-yil 1-yanvarga qadar ekologik toza isitish texnologiyalari, chang-gaz tozalash uskunalari, energiya tejamkor ekranlar va tegishli jihozlarni xarid qilish xarajatlarining 50 foizi, biroq har bir gektar uchun 50 million so‘mdan oshmagan qismi qoplab beriladi.

➡️ 350 million so‘mgacha foizsiz mablag‘. Avtomatik monitoring stansiyalarini xarid qilish uchun har bir stansiyaga 350 million so‘mgacha mablag‘ 7 yil davomida foizsiz bo‘lib-bo‘lib to‘lash sharti bilan ajratilishi mumkin.

➡️ 3 milliard so‘mgacha imtiyozli kredit. 2026–2027-yillarda elektr, quyosh, geotermal energiya va kogeneratsiya asosidagi isitish tizimlariga o‘tish loyihalari uchun 7 yil muddatga, 3 yillik imtiyozli davr bilan yillik 14 foiz stavkada kredit ajratiladi. Kredit loyiha qiymatining 50 foizigacha, har bir gektar uchun esa 3 milliard so‘mgacha bo‘lishi mumkin.

⚠️ Talablar bajarilmasa nima bo‘ladi?

🔵 2026-yil 1-dekabrdan belgilangan ekologik talablarga javob bermaydigan issiqxonalarga davlat ekologik ekspertizasining ijobiy xulosasi berilmaydi. Avval berilgan xulosaning amal qilishi vaqtincha to‘xtatiladi hamda elektr, gaz va suv ta’minotidan uzish choralari ko‘riladi.

🔵Shuningdek, maxsus hududdagi issiqxonalarda har yili 15-oktabrdan 15-martgacha ekologik monitoring va nazorat tadbirlari o‘tkaziladi.

🔵Inson hayoti va sog‘lig‘iga yuqori xavf tug‘diruvchi holatlar aniqlansa, issiqxona faoliyati yoki ifloslantiruvchi manba 10 kungacha vaqtincha to‘xtatilishi mumkin.

Sayt | Telegram | Facebook | Instagram | Youtube| X

#Brifing

Joril yilning 9 oyligida Boshqarmaning 15 nafar boʻlim boshliqlari, 127 nafar tuman Bandlik boʻlim xodimlari hamda 498 nafar hokim yordamchialri Oʻzbekiston Respublikasi Huquqni muhofaza qilish akademiyasida onlayn tarzda “Korrupsiyaga qarshi kurashish menejment tizimini samarali ishlashini taʼminlash” mavzusida
36 soatlik maxsus oʻquv kursida qatnashib o‘zlarining bilim va ko‘nikmalarini oshirib aʼlo baholarda tamomlab, SERTIFIKAT olgan.

Kambag‘allikni qisqartirish va bandlik boshqarmasining rasmiy veb-saytda va boshqa OAVlarda korrupsiyaga qarshi ichki idoraviy hujjatlari joylashtirib borilmoqda.

Boshqarmada shaffoflikni ta’minlash va fuqarolarning murojaatlari uchun, Korrupsiyaga qarshi kurashish va manfaatlar to‘qnashuvi holatlari uchun 76-227-28-54 raqamli ishonch telefoni va ijtimoiy tarmoqlarda https://t.me/surxonbandlik aloqa kanallari yo‘lga qo‘yilgan. Batafsil videoda 👆

🇺🇿Bandlik boshqarmasi rasmiy sahifalariga obuna bo'ling⬇️
Telegram|web-sayt|facebook|

Prezident Shavkat Mirziyoyev va Qatar Amiri Shayx Tamim bin Hamad Ol Soniyning uchrashuvi bo‘lib o‘tdi.
—
Состоялась встреча Президента Шавката Мирзиёева и Эмира Катара Шейха Тамима бин Хамада Аль Тани.

Prezident.uz|Facebook|Instagram|YouTube|X

Prezidentimiz “O‘zbekfilm” kinostudiyasida kinoijodkorlar bilan uchrashuv o‘tkazmoqda. Davlatimiz rahbari bu dargohda milliy kino tariximiz, bir necha avlod ijodkorlarining mehnati, xalqimizning ekranga ko‘chgan orzulari, intilishlari va armonlari mujassam ekanini ta’kidladi.

“Mahallada duv–duv gap”, “O‘tgan kunlar”, “Shum bola”, “Chinor ostidagi duel”, “Suyunchi” kabi filmlarning qahramonlari xotiramizda yaqin insonlardek saqlanib qolgan. Ulardagi bir lavha, bir og‘iz so‘z yoki tanish kuy bolaligimiz, bobo-buvilarimiz va qadrdon mahallamizni ko‘z oldimizda gavdalantiradi.

Prezidentimiz o‘z davrida siyosiy va mafkuraviy bosimlar qanchalik og‘ir bo‘lmasin, ijodkorlarimiz ana shunday milliy san’at asarlarini yarata olganini tahsinga sazovor deb baholadi.

“O‘zbekfilm” yaratgan bu maktab mustaqillik yillarida ham davom ettirildi. “Abdullajon”, “Otamdan qolgan dalalar”, “Dilxiroj”, “Vatan”, “O‘tov” singari xalqimizga manzur filmlar yaratildi.

Facebook|Instagram|X