🛡️ O‘QUV-AMALIY MASHG‘ULOTI O‘TKAZILDI

Surxondaryo viloyati Favqulodda vaziyatlar boshqarmasi xodimlari hamda Termiz xalqaro aeroporti qutqaruv qismi xodimlari ishtirokida o‘quv-amaliy mashg‘uloti o‘tkazildi. Mashg‘ulot davomida favqulodda vaziyatlar yuzaga kelganda tezkor harakat qilish, kuch va vositalarning shayligini ta’minlash, o‘zaro hamkorlikni mustahkamlash hamda qutqaruv ishlarini samarali tashkil etish masalalariga alohida e’tibor qaratildi.

🎯 Mashg‘ulotdan ko‘zlangan asosiy maqsad — xodimlarning favqulodda vaziyatlarda harakat qilishga tayyorgarligini oshirish va amaliy ko‘nikmalarini mustahkamlashdan iborat.

Boshqa yangiliklar 👇:
Telegram | Facebook | Instagram | You tube

🔥 YONG‘IN XAVFSIZLIGI VA IS GAZIDAN ZAHARLANISHNING OLDINI OLISH BO‘YICHA TARG‘IBOT ISHLARI OLIB BORILMOQDA

Surxondaryo viloyatining shahar va tuman Favqulodda vaziyatlar bo‘limlari xodimlari tomonidan aholi yashash xonadonlarida yong‘in xavfsizligi hamda is gazidan zaharlanishning oldini olishga qaratilgan targ‘ibot-tushuntirish ishlari olib borilmoqda.

Tadbirlar davomida fuqarolarga isitish moslamalaridan to‘g‘ri foydalanish, gaz jihozlarini soz holatda saqlash, mo‘rilarni muntazam tozalash hamda elektr va gaz uskunalaridan foydalanishda xavfsizlik qoidalariga rioya etish yuzasidan tushuntirishlar berilmoqda.

⚠️ Unutmang, xavfsizlik qoidalariga rioya qilish — hayot va mol-mulkni asrashning eng muhim garovidir!

Boshqa yangiliklar 👇:
Telegram | Facebook | Instagram | You tube

Kuz-qish mavsumida xavfsizlik — gazeta sahifalarida! 📰

Bandixon va Sariosiyo tumanlari hamda Termiz shahar FVB xodimlari tomonidan dudburonlardan to‘g‘ri foydalanish, is gazidan zaharlanish va yong‘inlarning oldini olish bo‘yicha targ‘ibot maqolalari gazetalarda chop etildi. Maqsad — aholi xavfsizligini ta’minlash va insonlar hayotini asrash.

Boshqa yangiliklar 👇:
Telegram | Facebook | Instagram | You tube

HARBIY PROKUROR TOMONIDAN SAYYOR QABUL O‘TKAZILDI

Surxondaryo viloyati harbiy prokurori tomonidan Qiziriq tumani Do‘stlik mahallasida joylashgan 12-sonli musiqa maktabida fuqarolar uchun sayyor qabul tashkil etildi. Unda Surxondaryo viloyati Favqulodda vaziyatlar boshqarmasi masʼullari ham ishtirok etdi. Qabul davomida fuqarolarning murojaatlari, mavjud muammo va takliflari tinglanib, ularni qonuniy tartibda hal etish masalalariga e’tibor qaratildi. Shuningdek, murojaatlarni o‘z vaqtida va samarali ko‘rib chiqish, fuqarolar bilan ochiq muloqotni ta’minlash muhimligi ta’kidlandi. Bunday sayyor qabullar aholi murojaatlarini joyida o‘rganish, muammolarga amaliy yechim topish hamda davlat idoralari va fuqarolar o‘rtasidagi muloqotni mustahkamlashga xizmat qiladi.

Boshqa yangiliklar 👇:
Telegram | Facebook | Instagram | You tube

YANGI ISHGA QABUL QILINGAN HARBIY XIZMATCHI VA XIZMATCHILAR UCHUN BOSHLANG‘ICH KURS TAYYORGARLIGI OLIB BORILMOQDA

O‘zbekiston Respublikasi Favqulodda vaziyatlar vazirining 2026-yil 16-oktabrdagi 272-sonli buyrug‘iga asosan, Surxondaryo viloyati Favqulodda vaziyatlar boshqarmasiga yangi ishga qabul qilingan harbiy xizmatchilar va xizmatchilar uchun boshlang‘ich kurs tayyorgarligi tashkil etilgan.
Mashg‘ulotlar davomida tinglovchilarga xizmat faoliyatiga oid nazariy bilimlar berish, jismoniy tayyorgarligini oshirish, shuningdek, ma’naviy-ma’rifiy saviyasini yuksaltirishga qaratilgan darslar o‘tkazilmoqda.
Ushbu tayyorgarlikdan ko‘zlangan asosiy maqsad — yangi ishga qabul qilingan xodimlarning kasbiy bilim va ko‘nikmalarini shakllantirish, jismoniy hamda ma’naviy tayyorgarligini mustahkamlash va ularni kelgusidagi xizmat faoliyatiga har tomonlama tayyorlashdan iborat.

Boshqa yangiliklar 👇:
Telegram | Facebook | Instagram | You tube