World Cleanup Day” — Butunjahon tozalik kuni munosabati bilan Termiz shahridagi “Amudaryo” oromgohi hududida “Hayot uchun joy ajrating!” shiori ostida ommaviy plogging ekoaksiyasi o‘tkazildi. Aksiya davomida ekologlar, yoshlar, jamoat faollari, tashkilot va muassasalarning ko‘ngilli xodimlari hamda Ekopartiya vakillari hudud bo‘ylab piyoda harakatlanib, belgilanmagan joylarga tashlab ketilgan chiqindilarni yig‘ib, atrof-muhitni tozalash ishlarida faol ishtirok etdilar.

Ekoaksiya doirasida 4 ta jamoa o‘zaro bellashib, hududni chiqindilardan tozalash, jamoaviy faollik va tashabbuskorlik borasida o‘z hissasini qo‘shdi.

Tadbir yakunida plogging aksiyasida faol ishtirok etgan ko‘ngillilar, shuningdek, g‘olib va sovrindor jamoalar taqdirlandi. Ularga aksiya davomida ko‘rsatgan faolligi va jonbozligi uchun diplom hamda esdalik sovg‘alari topshirildi.

Tadbir nafaqat hududlarni chiqindilardan tozalash, balki jamoatchilikda ekologik madaniyatni yuksaltirish, tabiatga mas’uliyatli munosabatni shakllantirish va atrof-muhitni asrashga bo‘lgan e’tiborni kuchaytirishga xizmat qildi.

Surxondaryo viloyati Ekologiya va iqlim o'zgarishi bosh boshqarmasi matbuot xizmati

Kanalga ulanish: https://t.me/surxoneko