🚶‍♀️🚴‍♂️ SURXONDARYODA EKOLOGIK TASHABBUS! Butunjahon avtomobilsiz kuni uyushqoqlik bilan o'tkazildi

22-sentabr — Xalqaro avtomobilsiz kun munosabati bilan Surxondaryo viloyatida atrof-muhitni muhofaza qilishga qaratilgan targ‘ibot va amaliy tadbirlari amalga oshiridi.

Bugun Bahodir Urunov boshchiligidagi Surxondaryo viloyati Ekologiya va iqlim o‘zgarishi bosh boshqarmasi i jamoasi hamda tizim tashkilotlari xodimlari odatdagi transport vositalaridan voz kechib, ish joylariga jamoat transporti, velosiped va piyoda harakatlanish orqali yetib kelishdi.

Mazkur tashabbus orqali transport vositalaridan chiqadigan zararli gazlarni kamaytirish, havoning tozaligini saqlash hamda sog‘lom va ekologik toza turmush tarzini keng targ‘ib qilishga e’tibor qaratilmoqda,

Surxondaryo viloyati Ekologiya va iqlim o'zgarishi bosh boshqarmasi matbuot xizmati

Kanalga ulanish: https://t.me/surxoneko

Surxondaryo viloyatida atrof-muhitga ta’siri I va II toifaga mansub korxonalarda ekologik nazoratni kuchaytirish, zamonaviy monitoring tizimlarini joriy etish hamda fon monitoring stansiyalarini o‘rnatish masalalariga bag‘ishlangan kengaytirilgan yig‘ilish o‘tkazildi.


Yig‘ilishda O‘zbekiston Respublikasi Prezidentining 2025-yil 18-noyabrdagi PQ-343-son qarori hamda 2026-yilning 25-martdagi PF-46-sonli farmoni ijrosi doirasida atrof-muhitga ta’siri bo‘yicha I va II toifaga mansub korxonalarda fon monitoring stansiyalarini o‘rnatish ishlari tahlil qilindi. Yig‘ilishga viloyat hokimi o‘rinbosari Alisher Amirov rahbarlik qildi. Unda barcha tuman va shahar ekologiya bo‘limlari rahbarlari, viloyat Ekologiya va iqlim o‘zgarishi bosh boshqarmasi mas’ullari hamda tegishli mutasaddilar ishtirok etdi.

Yig‘ilishda korxonalarda ekologik monitoringni kuchaytirish, xususan, fon monitoring stansiyalarini o‘rnatish bo‘yicha mavjud holat tanqidiy-tahliliy muhokama qilindi. Har bir hudud va korxona kesimida ishlarni jadallashtirish yuzasidan mas’ullarga aniq, manzilli va muddatli topshiriqlar berildi.

Jumladan, tadbirkorlik subyektlariga tegishli ko‘rsatma xatlarini yetkazish, shartnomalarni rasmiylashtirish, to‘lov topshiriqnomalarini amalga oshirish hamda monitoring stansiyalarini belgilangan muddatlarda o‘rnatish bo‘yicha vazifalar belgilab berildi. Monitoring stansiyalarini o‘rnatish bo‘yicha belgilangan talablarni bajarmagan tadbirkorlik subyektlariga ogohlantirishlar berilib, aniqlangan kamchiliklarni qisqa muddatlarda bartaraf etish yuzasidan tegishli ko‘rsatmalar berildi.
Ta’kidlanganidek, ekologik monitoringni zamonaviy texnologiyalar asosida tashkil etish atrof-muhitga chiqarilayotgan zararli moddalarni nazorat qilish, ekologik holatni doimiy kuzatib borish va tegishli choralarni o‘z vaqtida ko‘rishda muhim ahamiyat kasb etadi.

Ayni paytda viloyatda atrof-muhitga ta’siri I va II toifaga mansub 109 ta korxona uchun texnik shartlar ishlab chiqilgan. Hozirga qadar 26 ta fon monitoring va 2 ta avtomatik monitoring stansiyasi o‘rnatildi. Shuningdek, “Auris Green Tech” korxonasi bilan 9 ta korxona o‘rtasida shartnomalar rasmiylashtirilib, tegishli to‘lovlar amalga oshirilgan. Mazkur obyektlarda monitoring stansiyalarini o‘rnatish ishlari davom ettirilmoqda.

Yig‘ilish yakunida belgilangan vazifalar ijrosini ta’minlash, monitoring stansiyalarini o‘rnatish jarayonlarini jadallashtirish hamda har bir obyekt bo‘yicha ishlarni qat’iy nazoratga olish yuzasidan mas’ullarga tegishli topshiriqlar berildi.

Surxondaryo viloyati Ekologiya va iqlim o'zgarishi bosh boshqarmasi matbuot xizmati

Kanalga ulanish: https://t.me/surxoneko