Tozalik — umumiy mas’uliyat!

Surxondaryo viloyatida “Tozalik va ozodalik oyligi” doirasida hududlarni obodonlashtirish, ko‘kalamzorlashtirish hamda sanitariya holatini yaxshilashga qaratilgan keng ko‘lamli ishlar izchil davom ettirilmoqda. Xususan, Termiz shahridagi "Islom Karimov" ko‘chasida obodonlashtirish va ko‘kalamzorlashtirish maqsadida hudud tosh va begona o‘tlardan tozalanmoqda. Ishlar davomida ko‘cha va unga tutash hududlarning sanitariya holatini yaxshilash, atrof-muhit musaffoligini ta’minlashga alohida e’tibor qaratilmoqda.

Shuningdek, viloyat hududlarida chiqindilarni bartaraf etish, obodonlashtirish va ekologik barqarorlikni ta’minlash maqsadida maxsus texnika va ishchi-xodimlar faoliyati kun-u tun kuchaytirilgan tartibda yo‘lga qo‘yilgan.

Surxondaryo viloyati Ekologiya va iqlim o'zgarishi bosh boshqarmasi matbuot xizmati

Kanalga ulanish: https://t.me/surxoneko

🌳 Daraxtlarga nafas bering!

Jarqo‘rg‘on tumanida Surxondaryo viloyatida o‘tkazilayotgan “Tozalik va ozodalik oyligi” doirasida hududlarni obodonlashtirish, ko‘kalamzorlashtirish va ekologik holatni yaxshilashga qaratilgan amaliy ishlar davom etmoqda.

Xususan, Jarqo‘rg‘on tuman Ekopolitsiya bo‘limi tomonidan daraxtlarning atrofini beton va asfalt qoplamalaridan tozalash, ularning erkin o‘sishi hamda tabiiy rivojlanishi uchun zarur sharoit yaratishga qaratilgan ishlar olib borilmoqda.

Mazkur tadbirlar doirasida “Daraxtlarga nafas bering!” ekoaksiyasi ham o‘tkazildi. Aksiya davomida daraxt tanasi va ildiz atroflarini tozalash, yashil hududlarni asrash hamda atrof-muhitni obodonlashtirishga alohida e’tibor qaratildi.

Surxondaryo viloyati Ekologiya va iqlim o'zgarishi bosh boshqarmasi matbuot xizmati

Kanalga ulanish: https://t.me/surxoneko