🆘 DXX va IIV hamkorligida jinoyatchilikka qarshi tezkor tadbirlar o‘tkazilmoqda

🔴 Toshkent shahri M.Ulug‘bek tumanida 1995 yilda tug‘ilgan shaxs 4 nafar sherigi bilan 2 fuqaroning 500 AQSh dollarini tortib olib, tan jarohati yetkazgan. Ushbu guruhga nisbatan JKning 165-moddasi bo‘yicha jinoyat ishi qo‘zg‘atildi.

🔴 Shuningdek, “Malika” savdo majmuasida telefon savdosi ortidan zo‘ravonlik holati qayd etildi. Ilgari bir necha bor sudlangan 2003 yilda tug‘ilgan shaxs kelishmovchilik sabab boshqa fuqaroga o‘tkir jism bilan og‘ir tan jarohati yetkazgan. Ushlangan shaxsga nisbatan JKning 277-moddasi bilan ish qo‘zg‘atildi.

🔴 Toshkentda kuchli ta’sir qiluvchi dori vositalari noqonuniy savdosiga chek qo‘yildi. Tezkor tadbirlarda 13 mingdan ortiq “Regapen” va “Zardeks” dorilari musodara qilinib, bir necha nafar shaxs qo‘lga olindi. Ularga nisbatan JKning 251-1-moddasi bilan jinoyat ishi ochildi.

🔴 Toshkent viloyati Chinoz tumanida bir shaxs o‘z uyida qimor o‘yinlari tashkil etgani aniqlanib, 140 mln so‘m pul dalil sifatida rasmiylashtirildi. Tashkilotchiga nisbatan jinoyat ishi qo‘zg‘atildi.

🔴 Sirdaryo viloyati Guliston shahrida 2002 yilda tug‘ilgan shaxs tomonidan narkotik moddalar ishlab chiqarilgan laboratoriya fosh etildi. Qiymati qariyb 1,8 mlrd so‘mlik “Pregabalin” va boshqa moddalar musodara qilindi.

🔴 Qashqadaryo viloyatida giyohvandlik vositalarini saqlash, o‘tkazish va sotish bilan bog‘liq 10 ta jinoyat aniqlanib, 1200 grammga yaqin giyohvandlik moddasi olib qo‘yildi. Shuningdek, 2 dona ov quroli va 64 dona o‘q-dorini ruxsatsiz saqlagan shaxs aniqlanib, ashyolar musodara qilindi.

🔴 Shu bilan birga, Toshkent viloyatida o‘tkazilgan keng ko‘lamli tezkor tadbirlarda noqonuniy oltin rudasi va giyohvandlik vositalari aniqlandi. 17,5 tonna ruda, oltin qumi, giyohvand moddalar va qurol-aslahalar musodara qilingan.

⚖️ Barcha holatlar bo‘yicha tergov harakatlari davom etmoqda.

✅ MILLIY KONTENT