📌📌📌📌📌📌

🔴“Намунали истеъмолчилар” учун янги тартиб!

⚡ Эндиликда электр энергиясидан интизомли фойдаланиб келаётган тадбиркорлик субъектлари электр энергияси учун 100 фоиз эмас, 15 фоиз миқдорида олдиндан тўловни амалга оширади.

💼 Мазкур тартиб электр энергияси учун ўз вақтида тўловларни амалга оширадиган, қарздорлиги ва қоидабузарликлари мавжуд бўлмаган ҳамда белгиланган талабларга жавоб берадиган тадбиркорлар учун жорий этилди.

➡️ Ушбу янгилик тадбиркорларнинг айланма маблағларини самарали бошқариш, ишлаб чиқаришни ривожлантириш ва зарур харажатларни амалга ошириш учун қўшимча имконият яратади.

РАСМИЙ САҲИФАЛАРИМИЗ
Telegram | Facebook | Instagram |
Web | X | RU

❗️БEФАРҚ БЎЛМАНГ!

🔋 Ис газидан заҳарланишнинг олдини олайлик!

⚫️Ҳаво ҳарорати пасайиши билан хонадонларда иситиш мосламаларидан фойдаланиш бошланади. Бироқ ёз мавсуми давомида ишлатилмаган, техник кўрикдан ўтказилмаган иситиш қурилмалари, айниқса, қўлбола ва ностандарт мосламалардан фойдаланиш, дудбурон ва мўрконларнинг тозалиги ҳамда созлигига эътиборсизлик аянчли оқибатларга олиб келиши мумкин.

⚫️Сўнгги кунларда ис газидан заҳарланиш оқибатида инсонлар ҳаётдан кўз юмаётгани барчамизни янада ҳушёр ва масъулиятли бўлишга ундаши керак. Зеро, ис гази рангсиз ва ҳидсиз бўлиб, уни сезиш қийин. Шу боис хавфсизлик қоидаларига бепарволик қилиш инсон ҳаёти ва саломатлигига жиддий таҳдид туғдиради.

⚫️Ҳурматли фуқаролар! Ўзингиз ва яқинларингиз ҳаётини хавф остига қўйманг! Иситиш мавсумида қуйидаги хавфсизлик талабларига қатъий амал қилишингизни сўраймиз:

⚫️Фақат мувофиқлик сертификатига эга, белгиланган хавфсизлик талабларига жавоб берадиган иситиш мосламаларидан фойдаланинг. Қўлбола ва ностандарт қурилмаларни ишлатманг.

⚫️Мавжуд иситиш мосламаларини мавсум бошланишидан олдин малакали мутахассисларга кўрсатинг, уларнинг техник ҳолати ва хавфсиз ишлашини текширтиринг.

⚫️Дудбурон ва мўрконларнинг ҳолатини диққат билан кўздан кечиринг, уларни қурум ва бошқа тўсиқлардан мунтазам тозалаб туринг.

⚫️Хонани иситиш мақсадида очиқ оловдан, жумладан, газ плитадан фойдаланманг. Иситиш мосламаларини белгиланган мақсаддан ташқари ишлатиш хавфли.

⚫️Хоналарда ҳаво алмашинуви ва шамоллатиш имконияти мавжудлигини таъминланг. Вентиляция каналларини беркитманг, уларнинг ишлаш ҳолатини назорат қилиб боринг.

⚫️Иситиш мосламаларини назоратсиз қолдирманг, улардан фойдаланишда ишлаб чиқарувчи кўрсатмалари ва хавфсизлик талабларига амал қилинг.

🟢 Ис газидан заҳарланишнинг дастлабки белгилари бош оғриғи, бош айланиши, кўнгил айниши ва ҳолсизлик каби аломатлар билан намоён бўлиши мумкин. Бундай ҳолат кузатилса, дарҳол тоза ҳавога чиқинг, хонани шамоллатинг, бошқа одамларни ҳам хавфли ҳудуддан олиб чиқинг ва тез тиббий ёрдам ҳамда тегишли фавқулодда хизматларга мурожаат қилинг.

🗣 Унутманг: ис гази хавфини кўз билан кўриб ёки ҳидидан билиб бўлмайди. Шунинг учун хавфсизлик чораларини олдиндан кўриш, иситиш мосламаларини текшириш ва дудбуронларни тозалаш жуда муҳим. Бу шунчаки тавсия эмас, ҳаётни асрашнинг муҳим шартидир.

Азиз юртдошлар! Иситиш мавсумини хавф-хатарсиз ўтказиш учун бефарқ бўлманг. Ўзингизни, оилангизни ва яқинларингизни асранг. Хавфсизликка бугун эътибор қаратиш эртага инсонлар ҳаётини сақлаб қолиши мумкин.

РАСМИЙ САҲИФАЛАРИМИЗ
Telegram | Facebook | Instagram |
Web | X | RU