📌 Диққат, диққат! Сирдарёлик ёшлар Самарқанд ёшларини ютиб гуруҳдан чиқиш масаласини ҳал қилди.

Телеграмдаги боғча гуруҳларида «ББАТ» номи остида зарарли АПК файллар тарқалмоқда. Киберфирибгарлар мавжуд дастур номидан фойдаланиб, фойдаланувчиларни чалғитмоқда.

Гулистон туманининг 6 та маҳалласида аҳоли томорқа ерларидан унумли ва самарали фойдаланишини таъминлаш мақсадида Бандлик жамғармасининг грант лойиҳаси асосида амалий ишлар олиб борилмоқда.

Лойиҳа доирасида жами 738 миллион сўм маблағ йўналтирилиб, зовурлардан сув чиқариб, томорқа майдонларини суғориш учун махсус сув насослари ўрнатилмоқда.

Мазкур ташаббус натижасида аҳоли хонадонларидаги томорқа ерларидан самарали фойдаланиш, турли қишлоқ хўжалиги маҳсулотларини етиштириш ҳамда оилалар даромадини ошириш учун қўшимча имкониятлар яратилади.

Муҳиддин Мадаминов - Гулистон шаҳри ҳокимининг молия-иқтисодиёт ва камбағалликни қисқартириш масалалари бўйича биринчи ўринбосари - шаҳар иқтисодиёт ва молия бўлими бошлиғи лавозимига тайинланди.

М. Мадаминов мазкур тайинловга қадар Сирдарё тумани ҳокимининг молия-иқтисодиёт ва камбағалликни қисқартириш масалалари бўйича биринчи ўринбосари - туман иқтисодиёт ва молия бўлими бошлиғи лавозимида фаолият юритган.

Мустақиллигимизнинг 35 йиллиги арафасида Сайхунобод туманида маҳаллаларни обод қилиш, аҳоли учун муносиб турмуш шароитларини яратиш ҳамда йўл инфратузилмасини яхшилаш борасидаги бунёдкорлик ишлари тобора кенг қулоч ёзмоқда. ПҚ-298-сонли қарор асосида маҳалладаги 12 та ички кўчанинг жами 6,7 километр қисми асфальт қилинмоқда. Жумладан, Сутбулоқ, Сарой, Ҳақиқат, Сузона-1, Сузона-2, Ҳамкор, Солимаржон, Муштарак, Ғазалкент-1, Ғазалкент-2, Муҳташам ва Борлиқ кўчаларида ишлар давом этмоқда.

Туман ҳокими Комилжон Муллажанов қурилиш жараёнларини жойига чиқиб ўрганиб, маҳалла аҳолиси билан суҳбатлашди. Йиллар давомида аҳолини қийнаб келган йўл масалаларининг бугун амалий ечим топаётгани маҳалла аҳлининг кайфиятида ҳам яққол намоён бўлмоқда.

Тадбирда Сирдарё тумани ҳокими, туман ИИБ бошлиғи, туман прокурори, санитария-эпидемиология хизматининг туман миқёсида шаклланиши ва ривожланишига муносиб ҳисса қўшган фахрийлар, соҳа ходимлари ҳамда мутахассислар иштирок этди.

Учрашув Сирдарё туманида санитария-эпидемиология хизматини ташкил этиш ва ривожлантиришда катта хизмат қилган, Сирдарё тумани Санитария-эпидемиологик осойишталик ва жамоат саломатлиги бўлимининг илк бош шифокори Муҳаммадамин Бузурхоновнинг ёрқин хотирасига бағишланди.

Тадбир давомида соҳада кўп йиллар самарали меҳнат қилган фахрийларнинг ҳаёт йўли, касбга садоқати ва бой тажрибаси ҳақида сўз юритилди.

Самимий ва очиқ руҳда ўтган мулоқотда алоҳида эътибор ва кўмакка эҳтиёжи бўлган ёшлар билан суҳбатлашилиб, уларнинг кундалик ҳаётида учраётган муаммолари, мурожаатлари ва таклифлари тингланди.

Учрашув давомида ёшларни қийнаётган масалалар бирма-бир ўрганилиб, айрим мурожаатлар жойида ижобий ҳал этилди. Қўшимча ўрганиш, тегишли ташкилотлар билан ҳамкорлик қилиш ва муайян муддат талаб этадиган масалалар юзасидан масъулларга аниқ топшириқлар берилиб, уларнинг ижроси учун муддатлар белгиланди.

Билдирилган мурожаатларнинг натижадорлигини таъминлаш, берилган топшириқларнинг ўз вақтида ва сифатли бажарилишини назорат қилиш шаҳар ҳокимининг шахсий назоратига олинди.

⚖️ Сирдарё вилояти судининг иқтисодий ишлар бўйича судлов ҳайъати томонидан “Манфаатлар тўқнашуви тўғрисида”ги Ўзбекистон Республикаси Қонунининг амалдаги ижросини таъминлашга қаратилган давра суҳбати ўтказилди.

Шавкат Мирзиёев Хоразм вилоятига ташрифи чоғида Ўзбекистонда иккинчи атом электр станциясини қуриш бўйича катта тайёргарлик ишлари олиб борилаётганини маълум қилди.

Президент инвесторларни, аввало, электр энергияси нархи ва кафолатлар қизиқтираётганини таъкидлади.

Иккинчи АЭС қурилиши режалаштирилаётган ҳудуд, станция қуввати ва лойиҳани амалга ошириш муддатлари ҳозирча очиқланмаган.

Эслатиб ўтамиз, Ўзбекистондаги биринчи интеграциялашган АЭС Жиззах вилоятининг Фориш туманида қурилмоқда. Станция тўлиқ қувватга чиққач, йилига қарийб 15,4 млрд кВт/соат электр энергияси ишлаб чиқариши режалаштирилган.

Тадбир доирасида 40 нафар болажонлар учун суннат тўйи ўтказилиб, уларга миллий либослар кийдирилди. Болажонлар ва меҳмонлар учун байрамона дастур ташкил этилиб, уларга қувонч ва унутилмас таассуротлар улашилди.

Байрам давомида янграган куй-қўшиқлар, болажонларнинг беғубор кулгуси ва самимий табассумлари тадбирга ўзгача файз бағишлади.

📅 27–28 август кунлари Гулистон шаҳрида «Сирдарёда бизнес қилинг» халқаро инвестиция форуми бўлиб ўтади. Форум маҳаллий ва хорижий инвесторлар, тадбиркорлар ҳамда бизнес вакиллари учун янги лойиҳаларни тақдим этиш, ишбилармонлик алоқаларини кенгайтириш ва истиқболли ҳамкорликларни йўлга қўйишга хизмат қилади.

«Йил якунигача камбағал ҳам, ишсиз ҳам қолмаслиги учун мен пул бераман» – Президент Хоразмга ташрифидан