🇺🇿 Ширин шаҳрида истиқлол шодиёнаси

🗣 Ўзбекистон Республикаси Мустақиллигининг 35 йиллиги муносабати билан Ширин шаҳрида “Ягона Ватан, ягона халқ бўлиб, янги ҳаёт, янги тарих, янги келажак яратайлик!” шиори остида байрам дастури ташкил этилди.

Байрам тадбири юртимиз мадҳияси садолари остида тантанали руҳда бошланди. Унда шаҳар ҳокими Дилфуза Камбарова кириш сўзи билан очиб, йиғилганларни қутлуғ айём Мустақиллик байрами билан самимий муборакбод этди.

Тадбир давомида Ватанимиз мустақиллиги, юртимизда тинчлик ва осойишталик, халқимизнинг бунёдкорлик ва фаровон ҳаёт сари дадил интилиши тараннум этилди.

Байрам дастурининг бадиий қисми эса эл ардоғидаги хушовоз санъаткорлар Севинч Муминова ўзининг дилбар тароналари ва жонли ижролари билан томошабинларга унутилмас таассурот ҳамда кўтаринки кайфият улашди.

Миллий куй-қўшиқлар, рақслар ва санъаткорларнинг чиқишлари уйғунлигида кечган байрам шодиёнаси Ширин шаҳар аҳлига ҳақиқий байрамона кайфият бахш этди.

РАСМИЙ САҲИФАЛАРИМИЗ
Telegram | Facebook | Instagram |
Web | X | RU