صباح الخيرات😊

للكاتـب / مصطفى ماكس•)14(بي بره في الضلام ، كانو وعد و أسمى ماسكين إيدين بعض ، قالت الأخيره و هي بتسمع صوت الكدايس جاي من فوق :بي صراحه يا وعد المدرسه دي مسكونه والله ، رضينا ولا ما رضينا بس ده الواقع.وعد : أسكتي و ما تقولي الكلام ده تاني ، خلي اليوم ده يعدي علي خير.وصلو لي جمب المواسير ، لقو ليهم قارورة كبيره بتاعة مويه شالوو ملوها و أخدو معاهم أكواز ملانه برضو .. عاينت أسماء لي ناحية الحمامات البعيده و المُضلمه و قالت بي خلعه :وااي.وعد : في شنو مالك ؟؟.أسماء : في حاجه جرت علي كده والله.وعد : يا بت تلقاها كديسه.أسماء ) بشفقه ( : لالالا زول والله العظيم ولا شيطان .. صدقيني يا وعد ما بكذب عليكي.وعد : إنتي و ليلى أكتر إتنين خوافات عشان كده الحاجات البتقولو عليها ديما بتظهر غير ليكم.أسماء : وااي ، قلبي عايز يقيف.وعد : يلا نرجع و بليز ما تجيبي سيره لي مريم بالكلام ده.و أثناء ما هم راجعات لي الفصل ، سمعو صوت كركبه من الباب الخارجي لي المدرسه و السلاسل و الجنازير ، زي الفي زول بحاول يفتح الباب ، قامو فكّو الجريه لي جوَّه الفصل ..و قفلو الباب بي وراهم ، سألتُـم مريم بي فزع :مالكم ؟؟.أسماء : كان في ...قاطعتا وعد : ماف شي ، يلا جبنا المويه.مريم : أنا فكَّرتا ، رآيكم شنو نتوضى و نصلي هنا ، يمكن ربنا يساعدنا و يخلصنا من المصيبه دي ، أو على الأقل نحس بي راحه.وعد : بالجد إقتراح في محلو ، و إحنا من العصر ما جينا جمب المصلايه.مريم : يلا طيب نتوضى بالمويه دي.أسماء : نخلّي شويه لي ليلى لكن ...مريم : أكيد ما حننساها.و ساعدو بعض عشان يتوضو و يفرشو مصاليهن بعد داك عشان يبدو يصلو ..

للكاتـب / مصطفى ماكس•)15(وعد : طيب أفرشو المصالي من ورا ليلى الراقده دي ، و ختو شنطكم قدام المصلايه.مريم : والله لو ليلى فتحت عيونا و لقتنا بنصلي قداما كده حتكون قايلاها صلاة الجنازه.وعد : ياهو الماتت جد جد.و بدو يصلو جم بعض ؛ أي واحده في مصلايتا .. و فجأه سمعو صوت صرخه جايه من الطابق التاني .. إضطرت أسمى تقطع صلاتا و هي بتقول :أستغفر الله ، سمعتو يا بنات ؟؟.قطعو صلاتُـم و جو يقيفو جم بعض و هم في قمة الرعب .. قالت مريم :في بت قعد تصرخ صح ؟؟.أسماء : قلت ليكم الطابق الفوق داك مسكون.مريم : حنعمل شنو هسي ؟! و ليلى الغمرانه دي نصحيها كيف ؟؟.تاني سمعو صوت كركبه من الباب بتاع الحديد البي بره .. قالت أسماء في فزع :أنا متأكده في زول بحاول يخش من الباب داك.وعد : طيب مش يمكن يكون زول قرى الورقه بتاعتنا القبيل و بحاول يساعدنا ؟؟.مريم : يلا نشوف طيب.أسماء : لأ ، أنا خايفه .. ما مُطمّنه والله.وعد : يا بت بطلي خوف و تعالي معنا ، يا إما خليكي قاعده هنا جم ليلى.أسماء : بس تشوفو الحاصل شنو و تجوني سريع عليك الله.وعد : خلاص تمام ، يلا يا مريم.طلعو البنتين لي بره ماسكات يدين بعض ، كان في الهوا و صوت حفيف الشجر + فجأه سمعو صوت الطبله و هي بتتكسر و الباب بتاع الحديد بفتح بي صوت مُرعب ..وعد مسكت يد مريم و جرو يتدسو ورا النيمهعشان يشوفو الزول ده منو ..و بعد عاينو لقوهو مره لابسه عبايه كان ضهرها ليهم لأنها بتحاول تقفل الباب تاااني بي طبله ..و بعد عملت كده ؛ أخدت ليها كيس من الأرض بي يد و باليد التانيه ساطوور ..و بدت خطواتا لي جوّه المدرسه ، قالت وعد :مش دي مس فوزيه ؟؟.مريم : حتكون جايه تعمل شنو زي الوكت ده ؟ و ده شنو الساطور الفي يدها ده.وعد : نمشي ليها عشان تساعدنا ?.مريم : لأ أنا ما مُرتاحه لي الحكايه دي.شافو أسمى طالعه من الفصل و هي بتقول :مس فوزيه.بس الأستاذه إتلفتت عليها بي خلعهو كووو ضربتا بالساطور في راسا ...

شباب ☹️💔شبكتي كعبه م قدرت اجيب الروايه 😑لي بعدين بتصرف

باب الريح24طبعا" ناهد وقع عليها الشرط زي الصاعقة ..وقدامها اختيار اما امها او صلاح ..قعدت في الواطة وتبكي بهستريا غريبة ..وهي تقول .. انا اعمل شنو هسي انا اقول منو ؟انا ليه بحصل لي كدا ؟ انا عملت شنو؟ انا يا امي الا انتحر عشان اريحك مني ..حجة نفيسة سمعت ناهد بتبكي ماقدرت تستحمل بكاها.. جات داخلة عليهم بسرعة ورفعت ناهد من الواطةوقعدتها في السرير وبقت تواسي فيها وتمسح ليها في دموعها وتقول ليها.. : اصبري يابتي الرايدو الله كلو بكون ..ومافي زول بقدر يعاكس حككم ربنا ..قالت ليها يا ماما نفيسة انا اعمل شنو امي قالت لي اما انا او صلاح.. ؟أقول ليها شنو ؟ قالت ليها : يابتي شوفي قلبك بقول ليك شنو؟..قالت ليها انا عايزاهم الاتنين ..امها قالت ليها لا.. والف لا .. اختاري سريع انا ماعندي وقت ..قالت ليها بختارك انتي يا أمي ...وياصلاح خلاص طلقني انا اتعبتكم معاي كتير ..انتو كنتو اكتر ناس مرتاحين وهادين وماشفتو المشاكل الا لمن جيتكم انا ..صلاح قال ليها خير ياناهد خلاص .. ياعواطف امشي انا بجهزها وبجيبها ليكم في البيت .. قبل عواطف ماتطلع ..حجة نفيسة قالت لصلاح ..اسمع ياصلاح .. لو طلفت ناهد انا ماعافية منك ..انا ناهد بقت جزء من حياتي لو عايز تقتلني طلقها ..صلاح قال ليها انابرضيك بطريقتي الخاصة يا امي خلاص ياعواطف انا بعدين بجيبها ليكم ..بعد عواطف طلعت .. ناهد قعدت تبكي بكاء مرأ .. صلاح قعد يتبسم ..وقال لناهد : انتي مفتكرة انا ح أطلقك ؟ مستحيل ..ناهد وحاجة نفيسة الاتنين قالن ليهو بصوت واحد طيب ده شنو الكلام القلتو ليها ؟؟قال ليها اسمعي امك دي بتاعة خطط ..وانا لازم احاربها بسلاحها ..انابرضو عندي خطط اخطر منها ..انا خطتي كالاتي .. حكا ليهم الخطة حتة حتة ورا ناهد دورها شنو..وامو دورها شنو وهو حيعمل شنو؟ والاتنين ناهد ونفيسه اتبسطوا جدا للخطة الحكيمة المحكمة..واستعجبو من ذكاء صلاح ..وحكمتو العجيبة .. قال ليها ياناهد احكي لابوك بالخطة ؟ ..قالت ليهو لا .. ابوي حيحكيليها .. قال ليها لا لازم احكي ليهو لانه هو ولي امرك ..المهم اتصل عليهو يامكي طبعا عواطف جات في بيتنا وقالت وقالت ونحن قلنا ليها كدا ..لكن حنعمل كدا كدا ..لكن الخطة الحنعملها دي عايزك تعاهدني انك ماتكلمها ..قال ليهو بعاهدك لوماتت مابقول ليها .. انا مصلحة بتي وكوني اكسبك انت عندي اهم من عواطف ياصلاح ..يلا عواطف جات بيتها مبسوطة وكلمت مكي قالت ليهو اعمل لي تهنئة انا نجحتقال ليها مبروك انا مبسوط منك اخيرا خلاص اتفكينا من صلاح ومن غمو ..واتصلت طوالي على سيدة قالت ليها :سيدة ياسيدة :بشري هاني خلاص صلاح حيطلق ناهد .. وسيدة اتقبلت الخبر بكل برودلانو هاني من يوم كلم عواطف وتاني ماجاب سيرة ناهد .. وكل يوم طالع مع بت مختلفةومافي بت طلع معاها يومين ورا بعض .. واحد مستهتر وعديم ادب بكل المقاييس ..والشخص الذي يكون مثل هذا لن يسعد زوجته ابدا" وستعيش معه في غاية التعاشة والضنك عشان كدا أولياءالامور المفروض يبحثوا عن سيرة الشخص العايز بنتهم وعن اسرار حياته بكل السبل والوسائل عشان مايتفاجؤا بيالخلع والاقنابل الموقوته .المهم طوالي مكي اتصل على صلاح وكلمو انو عواطف اتصلت وبشرت سيدة ام هاني .صلاح قال ليهو حلو شديد بس انت وافينا بالاخبار وكل صغيرة وكبيرة .وبي كدا صلاح استغل مكي استغلال جيد وسبحان الله نشأت محبه شديدة بين صلاح ومكيوكل مرة صلاح بقول لناهد غايتو ابوك راجل طيب ونيته بيضاء ..المهم انتهى اليوم وصلاح بكرة الصباح اتصل على عواطف ..صلاح : الو خالتي العزيزة تنفيذا" لطلبك الغالي ..انا الليلة سايق ناهد اوديها الدكتور عشان أتأكد من انها لو حامل ولالا سبحان الله يعني مامعروف احتمال يكونفي شي يلخبط لينا اجراءات الطلاق عواطف قالت ليهو : ان شاء الله مرادك مايتحقق ..قال ليها : مختار الله في حكمو ..مشى طلع ورقة من الدكتور انها ماحامل ولا حاجة ..وساقها وداها لي بيت اهلها .. وقابل عواطف أول حاجة قال ليها طبعا" ياخالتي العزيزة ..انا بكرة بمشي المحكمةواشوف ورقة الطلاق وطريقتها ..وبجيبها ليكم وبي كدا المشاكل بتكون انتهت ..وهي طبعا" بتعاين ليهو بأستغراب كيف الزول فجأة رضخ للطلاق بكل سهولة ..وودع ناهد وهو طالع غمز لي ناهد بي عينو كدا ورسل ليها قبلة على الهواءوناهد قبضت الهواء كدا ودخلت يدها في صدرها كانها تخبئ هذه القبلة من الضياع في متاهات الزمن الغريب ..

باب الريح25صلاح طوالي من دربو داك مشى لمجلس اسمه مجلس الافتاء ..وسأل سؤال قال الزول لو طلق زوجته طلاق اول المفروض في عدتها تقعد في بيتو ولا تقعد في بيت اهلها .. الفتوىكانت يجب وجوبا حتمياً على المرأة المطلقة طلاقا" رجعيا" ان تقضى اشهر العدة في بيت زوجها قال لناس اللجنةاكتبو لي مكتوب مختوم بالفتوى كتبوهو ليهو وشالو معاهو ومشى لبيتو..وهنا حجة نفيسة بت المالح نفيسة اتصلت على عواطف وقالت ليها صلاح ولدي مصر على قرارو وداير يدي ناهدطلبها الطلبتو .. وانا عفيت منو ورضيت ..خلاص يعني الورقة قريب بتجيكم وماقصرتوا معانا ..)من ضمن الخطة (..وعواطف اتصلت على ناس سيدة وقالت ليهم ناهد طلقوها وجاب معاها ورقة اسمها خلو الرحم يعني ماحامل ..ومكي وصل خبر الاتصال لصلاح ..صلاح قال ليهو ..كويس جدا" حلو خااااالص ( ..يلاااا ناهد طبعا قاعدة في البيت وساكتة سكوت مريب وامها تتكلم معاها بترد على قدر السؤال لابتتونس ولابتاكلزي الناس وكت تجوع بتمشي تسرق من المطبخ بالسرقة .. وقاعدة في غرفتها وكل ما عواطف تطلع تنادي اخوانهاالصغار الاتنين وتقول ليهم .. انا مشت ناس جدوا وعندهم حاجات حلوة وبيتهم كبيرواللعب فيهو سمح شديد وعندهم غنم وخرفان وحاجات سمحة ياريت لو امي بتخلينا نمشي نسكن معاهم .. وكليوم تقول لاخوانها الصغار الكلام ده لغاية مابقت الامنية الوحيدة ليهم يمشي يسكنوا مع ناس جدهم ..يوم عواصف قالت لناهد ناهد انتي ماطبيعية انتي عيانة ولا حاجة ..قالت ليها يا امي انا ماعايزة البيت ده انا ماشة اسكن مع ناس جدو ..نطوا الاخوين الصغار قالو ونحن كمان ياماما ماعايزين البيت ده ماشين ناس جدوا وقعدوا يبكوا وجادين جدوديةشديدة خلاص .. طبعا عواطف حصل عليها شعور دهشة وغضب واستغراب كله في ان واحد ..وقالت ليهم دي لعبة جديدة ولا شنو؟؟ جدكم شنو كمان ؟؟انتو اكيد شاربين حاجة ... انت رايك شنو يامكي فيالموضوع ده ..قال ليها انا مع رغبة اولادي ونحن حنمشي نسكن معاهم ..انا اولادي عندي اهم حاجة .. وبقو شغالين ليها في الدنانة دي كلو مرة خاصة الولدين الصغار طبعا ناهد غسلتليهم دماغاتهم وخلتهم رغبتهم الوحيدة هي السكن مع جدو هه..وناهد بقتضاغطة امها ضغط عجب فيالموضوع دهلغاية ماشتت افكارها ..فجأة عواطف انتبهت وضربت لي صلاح قالت ليهو ..ياصلاح لو سمحت جيب لينا الورقة عشان البت دي تبدا ايام عدتها ..قال ليها يا خالتي العزيزة.. ناهد من يومها الجات عندكم احسبي ليها طوالي..اما الورقة بتصلكم بس في حاجة لازم تعرفيها انا بعدين بجي في البيتواوضحها ليك ..وفعلا" ولكم جاء سلم على كل ناس البيت عادي وسلم على ناهد بالاحضان ..وعواطف كانت عايزة تموت من الغيظ..صلاح طلع الورقة بتاعة الفتوى لعواطف.. وقال ليها انا مابسلمك ورقة الطلاق هسي ... لانه في حاجة شرعية نحنلازم نعملها .. وهي انو ناهد لازم تقضي اشهر العدة في بيتنا..عواطف قالت ليهو ... بللاااااي ؟؟؟ عليك الله ..؟واحلاتي دي يايمه!!! ..قال ليها طيب .. هاك اتفضلي دي ورقة من المحكمة.. وطبعا هي مافارزة المحكمة ..منمجلس الافتاء.. قال ليها لو خالفتي الورقة دي بسدوك في الحراصه .. وانا مابديكم ورقة الطلاق الا بعد تنفيذ الشرطده ..القصة يا خالتي العزيزة بقت قصة قانون خلاص مرقت من يدنا.. وبعدين انا مستحيل اعمل حاجة ماشرعيه ..بقت تحنس فيهو .. ياصلاح ياولدي انت ود حلال وانا كنت واثقة فيك.. ماتسوي ليك حاجة ينضم الناس فوقنا ..هسع الناس كان سمعوا بيها قاعدة معاك بعد الطلاق يقولو فينا شنو؟ يقولو فينا شنو؟ قال ليها خلاص ياخالتيعشان كلام الناس انا بجي بسوقا تاخد يومين هنا ويومين عندنا لمن تنتهي العدة واسلمكم الورقة ونتهي من القصةدي المهم في النهاية قبلت مادام في النهاية بتجيها الورقة ..أها صلاح طوالي قال لناهد ناهد اتحركي يلا ارح .. انتوماعايزين الورقة بتاعتكم ولاشنو .. ومكي كاتم ضحكة ويشاهد في المناظرسااااكت ..صلاح قال لي عواطف بعد بكرة بجيبها ليكم ..وطلعوا الاتنين والشفع الصغار يبكوا ياناهد انتي ماشة وين ؟ مشقلتي ماشة معانا ناس جدو ..قالت ليهم حنمشي بس اصبروا .. وطلعوا خلو ليك عواطف خشمها ملح ملح )طارق اللبيب(

يتبع

@| طالما أنك تنام وتستيقظ على صوت والديك ، فالحياة ما زالت بخير، بخير جدًا💛💭...

باب الريح26يلا كدا عواطف فاهمة انو بتها مطلقة وفي طبعاً الحقيقة لا ..في الشارع لمن ناهد وصلاح ماشين على بيتهم ..صلاح قال لناهد وصفي لي بيت ناس سيدة ام هاني بي دقة شديدةوصفته ليهو وكتب العنوان .. وختاهو في جيبو .. لمن وصل البيت البيت كلوضج بالفرحة والحياة بوصول ناهد كانها الماء لزرع عطش ..خاصة الفرحة البدت فوق حجة نفيسة لمن بكت سبحان الله ..صلاح خلا ناهد يومين ورجعها وتاني بعد يومين مشى جابها جابها ..بنفس الاتفاق ..بقى شغال كدا بس وامها كل يوم توصي فيها .. يابت اوعك تقربي منو السجم الاسمو صلاح ده ..وهي تقول ليها ان شاء الله اقدر يا امي لاني انا بحبو وبكون قدامه مسلوبة الارادة ..اها بعد كم يوم كدا مشى صلاح فتش لي فيصل صاحبو ..وقال ليهو انا محتاج ليك شديد عايزك تمشي تفتش لزول اسمو هاني وده عنوانو وتحاول تخش فيهو باي طريقةوتوصل ليهو المعلومات التالية .. المهم صلاح فههم فيصل الجزء الاهم من الخطة من اولها لاخرها وفيصل اتحفزجدا خصوصا انو عايز يحافظ على زواج صديقو الوحيد ..فيصل قال لصلاح بس كدا والله اظبط لك الموضوع ظبطة لمن تتحير..وفيصل مشى يفتش لبيت ناس هاني لمن لم فيهو قاعد في السوق مع اصحابه ..وقال ليهو ياخي انا كايسلك كواسةعجيبة تعال .. هاني قال ليهو انت منو ؟ ماعرفتك والله قال ليهو ياخي معقولة ده انا بعرفك معرفة شديده ..)جنسشبك( .. انت الزول الوحيد الحايفكنا من الزنقة النحن فيها دي .. بصراحة ابوي داخل في ديون واحتمال يخشالسجن وحلنا الوحيد في قطعة ارض ..نحن عندنا قطعة وقدر ما نقصناها ورخصناها مافي زول دايرها لدرجة انووصلناها لنص سعرها الحقيقي بسبب الاضطرار باختصار القطعة هسي للبيع ورخيصة جدا والناس دلوني عليك انكبتشتري اراضي..نحن محتاجين لقروش وانا عايز اكرمك بيها .. المهم هانيالطماع صدقو ومشى معاهو وقفو قطعةكدة فاضية في حلة تانية مامعروفة حقة منو )هههه غايتو فيصل عندو جنس محن وداهية (.. المهم بقى يتونسمعاهو .. واتعرف عليهو بعد شوية فيصل جاهو تلفون من صلاح .. وفيصل حبا يستغل تلفون صلاح لصالح الخطة..اها فتح الخط لصلاح ورد فيصل الو الو ..صلاح قال : ليهو اها لميت في الزول الاسمو هاني ده ؟..فيصل قال لصلاح : اهلا يا ابوي كيفك انا لقيت زول للقطعة ..صلاح قال ليهو قطعة شنو ياوهم انت ؟؟فيصل قال ليهو .. يعني شنو خلاص نبطل بيعها ؟؟ رسل ليك القروش متين عابدين ..؟ الليلة الصباح ؟ طيب كانتتصل علي من قبيل هسي انا قربت ابيعها والله ههههههه صلاح طبعا" مافاهم حاجة ..صلاح قال ليهو يا فيصل انت اظنك ساطل مع السلامة ..بعد قفل الخط . فيصل قال لي هاني .. ده الوالد اتصل علي وقال اخوي رسل ليهو قروش وخصرفو النظر عن البيع ..هاني قال ليهو ما مشكلة انا اساسا" كان هدفي احل المشكلة .. فيصل قال ليهو .. بس دي فرصة سعيدة وانا عنديرغبة نكون اصحاب ..هاني قال ليهو مما يشرفني والله يلا البيت نشرب الشاي ودي طبعا الدايرها فيصل .. مشىمعاهو البيت وقال ليهو انا كنت بحب واحدة اسمها ناهدامها مشهورة بعواطف لبط .. امها اقنعتها باعتني وعرست واحد اسمو صلاح ..وانا ماقادر انساها ولاقادر اعرس تصدق ياهاني .. هسي امها طلقتها من صلاح عشان يتزوجها واحد تاني .. دي بتاجربي بتها ولاشنو ؟وكمان المشكلة الكبيرة البت بتحب صلاح حب مبالغ فيهو تصدق بالرغم من انها مطلقة بتمشي تبيت في بيت صلاح.. بجي يسوقها تبيت معاهو يومينوتجي راجعة عند اهلها تاحد يومين عشان ناس الحلة مايلاحظوا لي قلة الادب دي عشان سمعتهم طيب الزولالمسكين الضحية الحيتزوجها ده ذنبه شنو؟هسي الليلة دي بايتة مع طليقها من امس قاعة معاهو ..هاني طبعا" راسو اتملا وابا يقول لي فيصل انو بعرفها ..لمن فيصل ادى رسالتو على اكمل وجه .. وفات هاني طوالي مشى لامهوقال ليها .. صاحبتك الخاينة وبتها الفاجرة عايزين يخوزقوني .. انا زاتي مابلحيل عليهم لكن الليلة لقيت لي حجةارفض بيها الزواج ده ..سيدة قالت ليهو سجمي في شنو؟ مش قالت بتها اتطلقت .. بتمشيتبيت مع طليقها ها ها ها تصدقي المهزلة دي ..لكن انا الله بحبني جاني كلمني بالشمار وهو ماعارف انا الضحية ..سيدة قالت ليهو ده كذب .. قال ليها البسي قومي ارح دي العربية نمشي لناس عواطف .. لو لقينا ناهد قاعدة ..معناها الزول كذاب ..ولو لقيناها مافي معناها الزول كلامه صاح وانا قبل ما ارفض الزواج بمسح بيهم الواطه ..طوالي ركبو الاتنين ومشوا زي الساعة 10 مساء لناس عواطفوطبعا اليوم ده بالذات ناهد مع صلاحوتعال اتفرج بقى ..)طارق اللبيب(

للكاتـب / مصطفى ماكس•)16(في غمضة عين أسماء جات واقعه في الأرض و الدم جه نازل نافوره من رآسا المشقوق ..مريم و هي شايفه المنظر ده من ورا الشجرهجات عايزه تصرخ بس وعد غطت ليها خشما و هي ذاتا مخلوعه علي مصدومه علي ملبوشه ..الأستاذه بقت تعاين لي الجثه الواقعه قداما في الأرض و خلتا عشان تمشي ناحية الفصول ..وعد مسكت مريم من يدها و قالت ليها :تعالي نطلع من هنا يلا.مريم ) و هي بتبكي ( : بس .. ليلى؟؟.وعد : أول ما نطلع من هنا حنبلغ الشرطه.جرو ناحية الباب الخارجي ؛ بس مع الأسف لقوهو مُطبّل بي طبله جديده.وعد كانت عايزه تكسرها من الغيظ ، و هي بتقول :معناها حنتلِّب من فوق السور.بس سمعو صوت الأستاذه و هي بتنده من بعيد :في منو هناك؟؟.وعد مسكت صحبتا ، و قالت :يلا علي الطابق التاني.مريم : بس داك مسكون و فيو كدايس.وعد : الكدايس أرحم ولا تحصلي سوما و الساطور أحسن ؟؟.و جرو البنتين علي السلالم ؛ بس و هم هناك سمعو صوت البنت بتصرخ من الطابق المهجور ..قامو وقفو في مكانُـم مُتجمّدين .. و بعد لحظات كمَّلت وعد طريقا لي فوق و هي ما عندها خيار تاني ، أما مريم فـ ما قدرت تطلع فوق ، قامت نزلت و جرت محل ما تسوقا رجلينا ..وعد وصلت فوق و نفسها قايم ، قالت :مريم ، تعالي نتدسه في الفصل القبيل ..لمن ما لقت رد ، قالت بي فزع :مريم!!.و مشت بي إستسلام لي الفصل المهجور ، كانت خايفه و بترجف , و هي ما سامعه غير صوت الشجر المُرعب بي بره .. لحدي ما جات اللحظه وسمعت صرخه أنثويه جايه من الفصل الفي نهاية الممر ، و هي بي دورا غطت إضنينا و بقت تصرخ ..

قصة قصيرة و عبرة
كانت هناك طائره تحلق عبر الغيوم
وفجأة فقدت توازنها فشعر الجميع بالرعب إلا طفل صغير...
وكان هناك رجل جالس بجوار الطفل الصغير ،
تمسك الرجل بكل قوته من الخوف في كل مرة يصطدمون فيها بمطب هوائي...ولكن الطفل الجالس بجانبه استمر باللعب في هدوء وطمأنينة
و بعد أن هبطت الطائرة في المطار بسلام
سأل الرجل الصبي من باب الفضول : كيف بقيت
هادئاً رغم اضطراب الطائرة والجميع كان مرعوبا؟
فأجاب الطفل : والدي هو الطيار.. والدي وعدني أن نصل بسلام
الحكمة : الحب الحقيقي هو الثقة الكاملة
"جميل أن تجد في الحياة شخصاً تعرف أنه لن يخذلك مهما جرى"

#مفيد_للقصص
🌹🌹🌹🌹🌹🌹

قصة أب مع أبنيه :

تزوج شاب من إمرأه وبعد ثلاث سنوات من الزواج لم تأتِ إرادة الله لهذا الرجل أن يكون أبآ وكان هذا الرجل مؤمنا بإرادة الله وقدره.

فقرر هو وزوجته الذهاب إلى الملجأ، وأن يتكفلوا طفلا ويعتنوا به ويترعرع في كنفهم وفعلآ اختاروا طفلآ وذهبوا به إلى منزلهم
وهموا برعايته والعنايه به، حتى تعلقوا به وأصبحوا يرونه ابنآ حقيقيآ.

وبعد سنوات قليله جاءت إرادة الله ليرزقا بطفل من أصلابهم وكادت الفرحه لا تسعهم وتشاوروا بينهم عن مصير الطفل الذي، عاش بينهم حتى قرروا أن يبقى معهم ويهتموا به وبطفلهم الذي رزقهم الله به.

وبعد سنوات بلغ الطفلين وأصبحا شابين يشد بهم الظهر ولم يفرقا بينهما بشيء، وكان الأولاد متحابين ومتفاهمين فيما بينهم إلا أنه في يوم من الأيام ذهب الرجل وزوجته لزيارة أحد الأصدقاء وبعد عودتهما إلى المنزل وجدوا ابنهم الذي من صلبهم يبكي ووجهه ملطخ بالدماء.

فغضب الرجل وزوجته بعد علمهم بإن أخيه هو من فعل به هذا، وحاولا أن يعرفا السبب دون جدوى، فقررا طرد ابنهم بالتبني من المنزل وأخرجاه من منزلهم.

بعد تجريحه وإهانته وقالا له اخرج ولا تعد إلى المنزل مرة ثانيه فخرج الشاب والدموع تملأ عينه والحزن قد سيطر على قلبه فأصبح يمشي بالشوارع وفي الأزقة لعله يجد ما يأكله من نفايات الناس، وفي الليل يعود إلى حديقة المنزل ليقضي ليلته فيها فارشآ الأرض ومتلحفآ السماء لعل أباه أو امه يشفقا أو يحنا عليه.

ولكن دون جدوى وبقي أيامآ وأيام على هذه الحال ويحاول الإعتذار منهما والتوسل إليهما ولكن لا فائده من ذلك وأصرا على طرده خارج المنزل.

وفي يوم من الأيام سمع الأب ابنه الحقيقي يبكي وبصوت مرتفع وهو في غرفته فدخل عليه وأخذ يحضنه ويقول له مابك يا بني لماذا تبكي هل أنت مريض؟ هل أغضبك شيء؟

فقال له الولد: والله يا أبي ما يبكيني هو حالة أخي كلما أنظر إليه أرى فيه الكآبه والحزن.

فقال له الأب وبغضب: هذا ليس، أخوك وليس ابني دعه وشأنه.

فقال له الولد: يا أبي ما يبكيني هو إنني أخفيت عليك حقيقة سبب ضربه لي وبشراسه.

فقال له الأب: ما السبب يا بني فصمت الولد قليلآ ثم قال له وهو يبكي كنت أتحدث معه وأثناء حديثي معه تمنيت لك الموت أو مكروهآ يصيبك كي أتنعم بثروتك فغضب مني وبدأ يضربني دون رحمه ويقول لي مت أنت واترك لي أبي وكررها كثيرآ ثم بكى، وقال لي: إن مات أبي سأموت معه فأنا احبه أكثر من نفسي.

فاندهش الأب مما يسمعه من إبنه وذهب مهرولآ إلى الحديقه وهو ينادي أين أنت يا بني، فلما وصل إليه وجده ممدآ على الأرض وكان قد فارق الحياه بسبب الجوع والبرد.

العبره من هذه القصه: يجب على كل منا أن يكون عادلآ وحليمآ في قرارته وأن لا يجعل العاطفه تغلب عليه فرب أخ لك أفضل من أخيك ورب شخص لك أفضل من ابنائك وأقاربك فكم من أبناء عقت أبائها وكم من أخ ظلم أخيه، وكم من أقارب أساءوا لك فربما كلمة، جارحه منك تقضي على مستقبل إنسان يحبك ويتمنى لك الخير.

#مفيد_للقصص
🌹🌹🌹🌹🌹

للكاتـب / مصطفى ماكس•)17(أما مريم فـ رجلينها ساقتا لي ناحية الحمامات، كانت واقفه جمب الباب الخارجي و هي بتبكي ، خايفه من الأستاذه تجيها بالساطور و خايفه أكتر يطلع ليها عفريت من وراها ..فجأه الباب الخارجي بتاع الحمّام فتح براه و أول ما إلتفتت عليه مريم قفل تاني ~مريم : بسم الله الرحمن الرحيم ، ده من الهوا ، أكيد من الهوا.بس الباب فتح تاني و كانت الكارثهشافت ليها كلب أسود ضخم و عيونو بتنوّر واقف جمب الحمامات ، طوالي فكّت ليها صررخه و قامتتجري بي هستيريا ناحية الساحه ؛ قلبها كان عايز يقيف خصوصاً لمن شافت الأستاذه شايله الساطور و هي قاعده في نص الأرض ..مريم بلعت ريقا و خافت يحصل ليها زي ما حصل لي سوماقامت إتدست ورا الشجره و أطرافا متجمده من الخوف ..حتلقاها من الكلب الأسود الشافتو في الحمام ولا من الأستاذه أم ساطور دي ?..فجأه و بدون مُقدمات الأستاذه إتلفتت عليها ، و سريع البت إتخبّت و هي بترجف و دموعا نازله ؛ قامت الأستاذه وقفت علي حيلا و إتشبَّـثت بالساطور ..أول ما مريم شافت المنظر ده قامت تجري و هي بتصرخ ، و ما كان ليها ملجأ غير مآ تطلع فووق ، لي الطابق المهجور ..

باب الريح27ـــــبعد ما دخلو وسلموا.. وعواطف كانت مرتبكة جدا ومكي عامل رايح ..عواطف طوالي دخلت اتصلت على ناهد عشان تجي بس لقت تلفونها مقفولوضربت لي صلاح تلفونو مقفول وجات طالعة مستاءة ومحبطة وخايفة في نفس الوقتعلى طول سيدة سألت من ناهد ... لاحظ عزيزي القاري من يوم اتكلموا فيها الى هذهاللحظة لاهي ولا ولدها ماشافوها .. سيدة قالت وين ناهد يا عواطف ناديها لي اسلمعليها ..ان شاء الله ربنا يستر حالها يابت امي اصلو الحياة يوم ليك ويم عليك ..طبعا عواطف ماعرفت تقول شنو ؟اتوكلت وقالت لها .. ناهد مشت قبيل سعت المغرب لي بيت نسابتها تجيب باقيحاجاتها .قالت ليها كيف تمشي ليهم براها وهي مطلقة .. وتتأخر لغاية الوكت ده ..هاني قالها اسمحي لي ياعواطف اقول ليك انتو ناس غير جديرين بالنسب وبتك ..وبالمناسبة الشي السمعتو انو طليق بتك بجي يسوقها تبيت معاهو ..هل الكلام ده صح .. ؟ قالت ليهو مستحيل ياهاني انت بتتكلم كيف ؟مكي قالها يا عواطف الكضب حرام .. وطلع من البيت .. ههههههنا سيدة وهاني استلموها ليك وروها ليك كتاب بنفسجي ..سيدة : بالمناسبة ياعواطف انتي طلعتي زولة خاينة ومستهترة ومابتستحقي اي شفقة ..هاني : انا الحمد لله اني عرفت الخبر من قبل ما اتشربك معاكم ..ومعليش نحن حالفين نوزع خبر القصة بالبلد كلها ..مع السلامة ياعواطف بتك دي شوفيلها صرفة غيري انا مابتلزمني وطلعو على كدا ..ولمن مكي جاء عواطف هاجت فيهو .. قال ليها انا ماشغال بيك طقي راسك بالحيطةمشت دخلت الاوضة عاملة زعلانة عشان يجي يحنسها وهو ابا معطلج طب .باكر الصباح صلاح جاب ناهد للبيت وعواطف هاجت فيهم الاتنين وقالت ليهم جوناضيوف وعايزين يسلموا على ناهد ويكفروا ليها الطلاق ولقوها مافي وحيفضحونا في البلد..صلاح ساكت وناهد ساكتة لغاية ماخلصت فورتها قالو ليها نحن ماعارفين انهم جايينصلاح قال ليها المهم انا تاني بعد كلامك ده ياخالتو ماجاي اسوقها ..قالت ليهو بعد شنو ؟ بعد الفاس ماوقعت وشقت لي راسي ؟قال ليها فاس شنو؟ قالت خلاص ياصلاح .. احسن اسكت انا ..صلاح طلع وناهد من بكرة استمرت في دروس التعبئة النفسية لاخوانهاوالحالة ازدادت سوء .. وعواطف سادا دي بي طينة ودي بي عجينة..عواطف يوم مشت لي صلاح وقالت ليهو انا راجعت نفسي وقلت احسن ترجع لي مرتكقال ليها شنو ياعواطف هي ملعبة انا خلاص قنعت وهسي بفكر اني اتزوج مرة اخرى انتو ناس مامضمونين ..واتكلمت مع امه وحجة نفيسة قالت ليها نحن زمان كنا دايرنها بس انتي اصريتي وخلاص تاني مابنعيد العقب ..مر شهر تقريبا وناهد شافت صلاح مرتين فقط وبي الزوغة .. .. بس بتكلمو بالتلفونبالساعات ..عواطف كل يوم تقول لي ناهد صلاح ما اتصل عليك ..عواطف ما قال داير يتراجع ..المهم ناهد ضمنت الرجوع لصلاح بس في هدف تاني من الخطة لم ينفذ ..اها يوم من الايام .ناهد يوم من الصباح قامت تتوع .. عوووع عوووع واستفرغت بالغصب..امها جات جارية مخلوعة ..سجمي.. سجمي ده الكنت خايفة منو ؟؟كوركت لي مكي وقالت ليهو الشي الكنت خايفة منو حصل ..قال ليها الحصل شنو .. قالت ليهو .. ناهد طلعت حامل ..وجات مسكت ناهد من يديها وده شنو السويتيهو ده الله يخوزقك زي ماخوزقتينيانا هسي اسوي شنو ؟ واقول للناس شنو؟ )طارق اللبيب(

/بَوح🌸:
قآل أحد آلتآئبين 💚 :
- سبب توبتي إمرأة تحرشتُ بهآ في آلمطآف عند آلكعبة
- فالتفتت وقآلت :
أتينآ من أقصى آلأرض لنغسل خطآيآنآ هُنا .. فأين ستغسل أنت خطآيآك ؟

الحَمْدُ لله

#سامح

ســــامح اعدااءك لكن اياك انت تنسى اسماءهم

#د_ابراهيم_الفقي

باب الريح ..28عواصف لبط في جوطتها ديك وخايفة انو سيدة تمشي تحكيللشلة ..وناس الشلة وا?صحاب يسووها مضحكة ..قالت لمكي .. اسمعني يامكي البت دي حملت و?زم ترجع ليراجلها نطت ناهد قالت ليها مستحيل ارجع ليهو تاني ..عواطف قالت ليها ياعبيطة ناس سيدة عارفين انو ص?ح طلقك وانتيماعندك اي حمل .. لو سمعو بي حملك ده حيقولو شنو؟يامكي الله يخليك اتكلم مع البت دي .. ؟في الوقت ده جو الولدين وقالو ليها ياماما .. متين بنمشي لي ناسجدو نسكن معاهم ..عواطف طوالي سكتت وسرحت كداااااا .. وجاتها فكره ..وقالت ليها خ?ص ياناهد انحن بنمشي نسكن مع ناس جدك مش ديرغبتكم كلكم ؟؟ بس توعديني ترجعي لي ص?ح قبل مايظهر موضوعالحمل ده .. ناهد قالت ليها بشرط .. لمن نمشي هناك ونستقر معناس جدو ..انا بوعدك بعدو بي اسبوع اقنع ص?ح ويرجع لي ..وعواطف وافقت والخطة اكتملت تمام التمام .. طوالي مكي ضربلناس ابوهو و امه وبشرهم وقال ليهم بكرة الساعة عشرة نحن معاكمبي عفشنا ..والبلد كلها اخدت خبر في نص ساعة والناس فرحوا ..ومن الصباح قامو يلملموا في عفشهم ياخي الشفع ا?تنين ديل صحومن الساعة ت?تة صباحا ..وجاب الدفار الموخمجان ولمو فيهو اي حاجة .. ومشو سلموا المراةست العمارة مفتاح الشقة وشالو منها العقد وي? ..وناهد وابوها يعاينو لي بعض ويتبسموا وعواصف ظاهر عليها الخوفمن المجهول والمستقبل ..خصوصا هي سامعة بي بت المنى ام مكي مراة صعبة .وابوهو راجل عمدة بلد الرجال برجفو منه .. ياخي قالو الديوان يكونمليان رجال بتونسوا ويضحكوا .. اول مايدخلو الراجل العمدة ده الناسكلها صننننن زي الصبت فوقهم مطرة ..الك?م ده كلو عواصف سامعةبيهو وقلبها مقطوع من الخوف من الناس ديل ..لكن هسي ماشة ليهم مجبورة وهاربة من المجتمع والشلة المنكوبة ..خصوصا انو كل الشلة ماعارفين البلد الراحت عليها عواطف بيوليداتها .اها .. وصلو للبيت الكبير والناس استقبلوهم بي كل فرحة وطيبوالضبايح دي ماتدي الدرب ..والعمدة الكبير عزم البلد كلها بمناسبة رحول احفاده معه في البيتوا?ستقبال السئ الكانت متوقعاهو عواطف لقت عكسه تماما " ..قابلوها بطيبة القرى وجمال الريف ياخي الناس ديل نضيفين من جوةبشكل غريب ..العمده ونسيبتها وحمواتها كلهم استقبلوها بي ابتسامه وفرحة كانهاماعملت حاجة في حياتها كعبة .. و عواطف حست كانها ملكة منا?حترامات والمودة .. والمراة الصعبة ديك من اول يوم بدت تتعاملمعاها زي امها بالضبط .. قومي ياعواطف جيبي للضيوف الشيالف?ني ..ومن تاني يوم دخلوها المطبخ وصاج العواسة وم?حات الفرك وعواطفبقت متحزمة وشغالة ا?ربعة وعشرين ساعة طبعا البيت بيت ضيوفوالصالون بتاع الرجال ده مابفضى نهائي والصواني دي مدورة صباحومساء .. وعواطف بقت ماعندها وقت لي مرقة و?شمارات .. وخرمتهاللشيشة طارت ليها في راسها .. بقت تخرم لدخان العواسةوا?تصا?ت بين ص?ح ومكي وناهد جارية على قدم وساق ..في حاجة م?حظة بعد الموضوع تم بالطريقة دي .. برضو ناهد منالصباح يوميا بتستفرغ ... والمرات ا?خيرة الكانت في بيت جدها ..كانت استفراغ حقيقي حقيقي ماهو بالغصب ..اتصلت ناهد علي ص?ح قالت ليهو .. ياص?ح انا حاسة بشيماطبيعيبقيت بطني تطم واستفرغ وفي م?حات معينة بكرهم كراهية غريبةوم?حات تانية بموت فيهم .. قال ليها لحظة نسأل الخبراءالمركزيين ..سأل امه .. امه قالت ليهو مبروك ياولدي اخيرا انا بشوف حفيدي قبلما أموت .. قال ليها يعني شنو؟ قالت ليهو مرتك حامل يا المبروك ..ص?ح فرح فرح ماطبيعي .. لكن فجأة سرح .. ?نه هو خائف جداً منانو الولد ..يطلع موجب بالكروموسومات والجينات الوراثية المرضية ..واتصل علي ناهد بشرها وقال ليها انا ?زم اجي في اليومين ديلعشان مكي قربت اجازته تنتهي .. وحيسافر .. وعشان اسوقك الدكتورواشوف الحاصل واتاكد من س?مة الجنين .. وخليكم م?حظين .. الىا?ن ناس البيت الكبير ماعندهمخبر بي ط?ق و?غيره ناهد قالت ?مها ماتحكي ..حاجة لغاية مانشوف خبر ص?ح ..لكن بت المنى سالت ناهد والبيت م?ن ..انتي يابتي راجلك وينو مالو ?هسع ماجا ؟؟)طارق اللبيب(