ضياع الدرالحلقه 13بقلم طارق اللبيبالجيلي بعد ناداهو السجان ..طلع يشوف الزول الجاهو زيارة في السجن ده منو .. لقاهو ..ده ناصر الفي الطائف اخو صاحبو الفي الخرطوم . صاحب الكفيل الكان استقبله في اول يوم جاء . الظاهر إنو مشى المصنع عشان يقابلو . ويطمئن عليهو شغال كيف . بس صاحبو الكفيل كلمه انو الجيلي انسجن . وحكا ليهو القصه كلها .. اها الزول ده جا زيارة للجيلي في السجن ..قال ليهو ده شنو يازول العملته في روحك ده .. ؟الجيلي قال ليهو .. ده قدر رب العالمين واي زول بياكل قسمتو ..قال ليهو انت ناسي عندك زمن لازم تنفذ فيهو وعودك .. ؟قال ليهو عارف يا ناصر انا حافظ حديث واحد ابوي كان بقولو كتير .كان الله في عون العبد ما كان العبد في عون اخيه . انا متاكد دامني بساعد ربنا بساعدني وما بضيع حقي ابدا وبراك بتشوف ..وأنا ماندمان على تصرف اتصرفته.. انت كيف واحوالك وجماعتك وناس السودان.قال ليهو والله الجماعة مراسلاتهم كلها بسألو منك.. وبسلمو عليك ..قال ليهو والله صاحبك )مسعد( اصلو مو مقصر معاي ..مسعد ده كفيل الجيلي..وبجيني طوالي ومصاريفي ماشة وزياراتو ما انقطعت ..قال ليهو ياخ دا راجل اصيل ..الجيلي قال ليهو عليك الله قولو الجيلي دايرك ضروري..عندي موضوع هامني هم شديد خلاص ..عندي صاحبي واخوي شديد .مسجون هنا في السجن بالظلم والعدوان ..امكن يقدر يساعد ..قال ليهو جدا بس الجيلي نسى حاجة. كان المفروض يوصي ناصر يقول ليهو ماتتكلم تقول لي زول انو الجيلي في السجن ..لانو الخبر لو وصل السودان.. بصل مقلبن ومتغير ..ومابصل بحقيقتو وتفاصيلو ..وماكلم ناصر ليه ؟.. يا اما واثق في ناصر مابتكلم .يا إما نسى في غمرة اهتمامو بموضوع صحبو المظلوم في السجن .المهم .. ناصر مشى كلم مسعد الكفيل وقال ليهو الجيلي محتاج ليك في السجن ..وفعلا.. مسعد مشى ليهو ..والجيلي حكا ليهو قصة حسن المصري وظلمو.. وقال ليهو عايزك تمشي لي كفيلو . وتوصيهو انو يتحقق من بتو ..وعلاقتها بالمكوجي..بطريقة سرية عشان تتبين ليهو الحقايق . ويتبرأ البرئ..مسعد الكفيل بقى يعاين للجيلي في وشو ..مستغرب من أصالة الزول السوداني ده..المهتم بالاخرين وناسي نفسو ..قال ليهو يا الجيلي ماتشيل هم انا انشاء الله اهتم بالموضوع ..وبالاختصار مسعد سعى مساعي حثيثة . وفعلا" تبينت الحقايق ..وكفيل حسنالمصري اعاد فتح القضية من جديد.. وحسن اتبرأ والمكوجي اتحشر في مكانو الطبيعي..وحسن طلع برئ من السجن ..والمساجين عملو ليهو حفلة وداع لحسن .. حتي ناس شرطة السجن احتفلو معاهم وكان يوم مشهود .. أها لمن حسن جا طالع ..الجيلي قال ليهو انا بمجرد ما أطلع حأجي عليك .. والحمد لله حسن رجع لي شغلهودفعوا ليهو تعويض كبير ..والجيلي فرحان فرح كأنو هو المرق من السجن ..بالمناسة في ناس عندهم طبيعة .. بستمتعوا بالاحسان ومساعدة الاخرين .. وبخرمو ليها عديل ..زي الجيلي ده لمن يحل ليهو مشكلة زول بكون فرحان شهر واكتر .مرت الايام ........وكان مسعد عندو مساعي مع الحكومة والجهات الرسمية في طلب استرحام للجيلي .. وتخفيف العقوبة ..والناس قالو ليهو .. لو اختصرت الموضوع وجبت توصية من وزارة العدل ..لان قضية الجيلي تخص الدولة ومامتعلقة بظلم احد ..وفي مساعيه كتب توصية استرحام وحكى فيها كل قصة الجيلي ..ووزارة العدل وعدت بالنظر في القضية .. وشرطة السجون ساعدت برفعتقرير عن السير والسلوك.. تلبية لطلب مسعد..والبشارات طيب انو الجيلي جاييهو الفرج ..في يوم جا مسؤل في زيارة للسجن . ولاحظ تدني مستوى الفوضى في السجن بنسبة كبيره ..مع العلم هذه الفوضى امر طبيعي في كل سجون العالم وهي من الصفات المعهودة في السجون ..فالمسؤل عرف سبب هذا الهدوء .. فعمل اجتماع مع المساجين . ووصاهم بالاستمرارية في الاصلاح بعد خروج الجيلي ..ومن هنا الجيلي وناس السجن عرفو انو قربت مواعيد .. طلوع الجيلي من السجن ..وده كلو كان بمساعي من الكفيل مسعد.. والجيلي ماعندو خبر ولا كان عندوامل..في طلوع قبل الفترة المحكوم بيها .. وربنا كريم ..اها بالنسبة لناصر كتب جواب لاخوانه في السودان وفي اثناء الخطابكتب ليهم جملة مختصرة ..)أخونا الجيلي مسجون في قضية مخدرات دعواتكم ليهو ..(طبعا ناصر كتب العبارة بحسن نية.. وماعندو اي قصد ولا خت بالو للمشكلة الممكن تعملا هذه العبارة في الخطاب ..الى اللقاء .

حلقه]13[سحرسمير*تنويه* اي وحدة حابه ترسل الروايه او تنشرا في قروبات تانيه ارجوكي اهتمي بحفظ الحقوق لانو الروايات دي حتنزل في اول نسخه كتاب لي باذن الله ..معقوووول يكون الفي بالي ............قلتا مافي غيرو ، بعد شويه بابا جا و معاهو عم صلاح داخلين ، طوالي قعدت في اقرب كرسي لي و بقيت بعاين لي عم صلاح دا عشرة عشرة ، ابوي قال لامي شنو يعني دهب بني آدم بيموت يا منال قومي غسلي وشك دا و انا حعوضك بالاحسن منو ، وانا اساساً كنت رافض امشي اعمل محضر في القسم ، لانو انا مقتنع البروح ما برجع ، اتدخل عم صلاح مع صرة في وشو والعقده البين حواجبو ديك ، منفعل اكتر من ابوي ، قاليهو : شوف ياحاج صلاح يمكن انا اكون مجرد سواق عندكم لكن يشهد الله انا بعتبر دا بيتي التاني و الما برصاهو يحصل في بيتي انا ما حرضاهو يحصل هنا ، وانت لو ما كنت قبلت تمشي تبلغ الشرطة انا بي نفسي كان مشيت و ح احرص حرص تام ان الحرامي دا يتمسك ، و اسي الدليل الوحيد العندنا هي البصمات و ياريت يا منال )امي( لا انتي ولا وحدة من البنات تقرب من الدولاب دا ،لانو ناس الامن الجنائي حيوصلو في اي لحظة .. انا بقيت عانله كداانا مخلوعه ، لا يمكن لا يمكن لا يمكن يا ناس ردة الفعل ديتكون ردة فعل عم صلاح مستحيل ، انا كل الشكوك الجواي بتثبت 100% انه هو السارق .. قلتا خير اساسا انا بصماتي م اظن تظهر لانو الحرامي حيكون غطا علي بصماتي طمنت نفسي و قعدت ولا كأني عامله حاجه ، يمكن الحصل دا ريح لي ضميري اهو في كل الاحوال اتسرق ..للحظ الجميل ، الجميييل جداً جاتني سهوده اي سهوده اصلا وقت يكون عندي مصلحه مع زول في لحظتا بكون حبيب قلبي و المثل بقول شنووو ؟ ) لو ليك حاجه عند ال.....( بس ياها زاتا ..جات داخله حست الجو غريب في البيت سلمت علي و كيف و الاخبار ، طبعا كان شفتوني م حتعرفوني وانا بتونس معاها قعدت جمبها و خاته فبالي لازم اوصل لتلفونها بأي طريقه .. قعدت عسر دقايق و جبت التلفونالجابو لي وليد ، قلت ليها شوفي سهاد انا نزلت الاسناب جديد و ما فاهمه فيهو حاجه ، ممكن توريني ، قالت لي حاضر ، قلت ليها انتي عندك حساب فيهو ؟ قالت لي ايوة قلت ليها عادي اتصفحو من تلفونك قالت لي عويرة انتي تستأذني ، بي سري قلتا " غبية" شلت التلفون و قلت ليها حعمل عصير تشربي شنو ؟ قالت لي اي حاجه و سلت التلفون و انسحبت علي المطبخ ، و طلعت تلفوني التاني و دخلت علي الاسماء عندها و شلت رقم احمد سجلتو ، م عارفه ليه كتبت عليهو 815 بس يمكن عشان بفكر في سرية الرقم دا شنو ..رجعت و جبت العصير ، قلت ليها هبشتو في حسابك م فهمت حاجه ،كدي عايني ما اكون طبظت ليك في حاجه ، قالت لي عادي .. خلاص مصلحتي انتهت و بقيت م طايقه قعدتا دي ، خشيت غرفتي و قفلت الباب )ي جماعه م قليله اصل للدرجه دي ، دبستا غيداء خليتا تقعد معاها (قعدت و فكرتا ، اتزكرتا في وحدة من البنات الاتعرفت بيهم عن طريق جهاد اسمها سلوىقلت يا رب ترد م تكون راحت في خبر كان مع جهاد ،، ردت بعد مسافهنهائي م قلت ليها انا اقبال و هما اصلا عارفني بأسم روان ، قلت ليها اناوحدة م بتعرفيها المهم عندي زول عايزاكي تجيبي راسو ، قالت لي طوالي معاكي كاش ؟ قلت ليها المبلغ التطلبيه ، بس م اسي لمن اتصل بيكي تاني و اشربك الموضوع ، قالت لي ابششششري طالما فيها كاش.. و قفلت علي كداجاتني غيداء خبطت علي قالت لي وليد دا منتظرك تحت ، استغربت ما كلمني انو جاي ، قلت ليها لحظات و بجي ، لبست سرعه سرعه و نزلتا ، سلمت عليهو قال لي وين الكتب و الشيتات ، قلت ليهو كيف يعني ما فهمتك ، قال لي الماده الربتي فيها و اتفقنا تمتحنيها قبل العرس ، قلت بسري ) قطيعه تقطعك ياخ دا زمنك انت كمان ( ، قلت ليهو خلاص انا بقراها ، قال لي لا اتفقنا اني اشرحا ليكي ، قلت ليهو انت حتشرح لي !!! قال لي ايوةقلت ليهو متين ؟ قالي اسي ، قلت ليهو طيب حطلع اجيب الكتب ، طلعت فعلا قلتا فرصه افهم الغموض الفيهو دا .. طلعتا جبت الكتب و كلم امي ،قعدنا في الصالون و الباب متاكا و ابتدا يشرح لي و انا وحاتكم ما مركزة ولا جايبه خبر ، لمن نهرني نهرة قمتا ناطة مترقلت ليهو براحه بس سرحتا شويه ، شاكلني قال لي م وقت سرحانك و ركزي معاي ، فرض كلامو علي و غصبا عني ركزت و فهمت والله و اهتميت شديد بالموضوع ، في اللحظات دي جو ناس الشرطة و اخدو البصمات و انحنا ف الصالون م جايبين خبر ، المهم بعد خلصنا حوالي الساعه 6 قال لي بكرة نكمل ، قلت ليهو تمام ، بصراحه ابتدت تتكون جواي مشاعر تجاه وليدولا دا بسبب اهتمامو بي ما قادرة افصل ،قبل يمشي قلت ليهو : وليدقالي : نعم اقبال*قلت ليهو : حابه اعرف انت اشتريت لي الشريحه من وين ؟قال لي : ليه السوال ما شغغاله ؟*قلت ليهو : لالا شغاله انا بس نسيت اكلمك اني حابة رقما يكون مميز ،زيك ّقال لي : نعم !!!!قلت ليهو لالا خلاص ، ما قدرت اخد منو اجابه و هو ذكي شديد بيراوغ او بحاول يشتتني م قادرة افهم ،علي كدا طلع .. مشيت لامي لقيتا لسه مهمومه ، قلت ل

يها امي كل شي بتعوض زي م قاليك ابوي ، قالت لي ان شاءالله يقدرو يرجعو اخر امل لي بعد ربنا موضوع البصمات دا ، قلت ليها كدي يجو بس زاتو اتاخرو ،قالت لي جو من ساعتين انتي مع وليد ، م عارفه ليه اتخلعتا ، قلت ليها اهااا كويس طيب لي خير ، قالت لي الدهب دا انا احتفظت بيهو كراس مال لمشروع ابوكي ، قلت ليها الدهب كله ؟ قالت لا جزء منه بس اسيما بقت عندي حاجه ، حزنت من جواي وخفت وضعنا المادي يتدهور ،قلت ليها سغل ابوي موجود زي م جبتي دا ان شاء الله بتجيبي غيرو ، قالت لي عقلتي يا اقبال و حضنتني ، في سري قلتا ) لا يا امي بس حبيت افهم و اعرف اذا حيمسني شي من الحصل دا ولا لا ( ..قمت من جمبها ، جاتني غيداء قالت لي شوفي انا عايزة اقشر في عرسك دا ، قومي نمشي السوق ، قلت ليها في الوضع الفي البيت دا ؟ ختت يدها في راسي قالت لي الحمة رجعت ليكي ولا شنو ؟ من متين بتفكريفي غيرك ، علعموم انا ماخدة الاذن من ابوي يلا اجهزي ، قلت احسن اطلع ..فعلاا طلعنا .....استككانه

ضياع الدر ..الحلقة 14..بقلم طارق اللبيب ..الجواب اترسل وفيهو الخبر بتاع انو الجيلي مسجون في قضية مخدرات ..ونحن راح نمشي السودان .. نشوف تداعيات الخبر .. المهم الان الحصل كالاتي .. جاء مرسوم لأدارة السجن .. من المحكمة باطلاق سراح الجيلي. في الثامن من اغسطس عام 83 . وكان اخد ي السجن بالضبط 7شهور وستة يوم .. وكان الناس القامو بالمساعي .. هم مسعد وعم مهدي .وكانت قصة حسن المصري .. بمجرد ماطلع من السجن مشى لمسعد وقال ليهو .. انا فاضي من المغرب .. ممكن اشتغل معاكم في مكان الجيلي .. واسد ليهو خدمة مسائية لغاية مايجي . مسعد قال ليهو مافي داعي .. الجيلي مرتبو شغال من يوم دخل السجن .. ومرتب مضاعف لانو الجيلي كان شغال دوامين قبل ما ينسجن ..والجيلي طلع من السجن بعد حسن فقط ب45 يوم .. ويوم طلوع الجيليمن السجن كان حدث .احتفال عجيب وكان في بكا عديل من المساجين . المساجين ديل حزينين التقول ميت لهم زول .. حتي العساكر سبحان الله الكانو بعرفو الجيلي اصابهم حزن على فراقو ..وكان الكفيل مسعد مجهز احتفال وضبايح في بيتو لخروج الجيلي وداعي اصحابه واصحاب عم مهدي وحسن وجماعة مصريين عشان يتعرفوا علي الجيلي وكا الاحتفال جيدا .. والناس ديل اتبرعوا في الاحتفال دة تبرعات سخية وشي لايخطر على بال .. ومسعد قال مرتب الجيلي مستمر من يوم دخول السجنبالاضافة لاني انا بعتبر الجيلي .. كانه ولدي واخوي الصغير .. والجيلي من الموقف عيونو دمعت من رجالة الناس ديل وحفظهم للمعروف .. والجيلي استمر في شغله .عادي كان لم شي .. ورب ضارة نافعةودائما" المصائب تكون جواها الخير .. فالانسان يأسو على ما أصابه ولايفرح بما وتيه .. فانه لايعلم مراد الله ..رب العالمين عندو حكمة في تصرف يقع على العبد .. وبالتاكيد لايريد بك الا الخير .. الجيلي كان مستيقن بالموضوع ده .. عشان كدا ما كان منزعج من دخول السجن .. وما كان مشلهت على المواعيد ..يلا على سوداننا الحبيب بعد امأنينا على الجيلي وعلى مستقبلو .. بدرية بت الزعيم تحسب في الليالي والايام بالساعات والدقايق .. وكل يوم ياهي مع صفية يا صفية معاها .. هسع قاعدات يتونسن في ضل الضحى في بيت ناس الجيلي وصفية كان بتورق ليها في خدرة وقالت لي بدريه .. هسع يابدور كان الجيلي ..ما اتوفق وماقدر لم القروش الابوك قالها ليهو .. بتعرسي ود الخرتوم؟ قالت ليها يخرتمو البلا الياخدو .والله كان مات مايمسك ايدي .. قالت ليها اها بتقولي لابوك شنو؟ .. قالت ليها انتي عارفة ياصفيه .. ابوي ده بتكلم ساكت وانا عارفاهو .. كانجاهو الجيلي في المواعيد حتى لو ماكمل الاموال الخيالية دي .. ابوي بقبلو .. انا حاسة انو ابوي عايز يعمل للجيلي تمارين على كسب القروش.. ومايقتنع بالمزارعية والعمل بالاجرة اليوميه .. ولو ابوي حس بي الجيلي بقى عندو مصدر دخل ثابت .. تاني مابشتغل بي قصة جابكم . ده ابوي وانا بعرفو ... قالت ليها طيب لو طلع كلامك غلط.. وابوك اصر انو يعرسك لود الخرتوم ..قالت ليها انا قلت لي امي وكل الناس عارفة .. يا الجيلي يا البحر ماعندي تالت .. قالت ليها انتي يا الجبانة بحر شنو البتمشي عليهو انتي بتخافي من الضلمه .. قالت ليها عليك الله ؟ انتي مابتعرفيني وكت ازعل واتحمق البسويهو مابوعاهو .. قالت ليها يالطيف منك .. يعني كان الجيلي عرسك بتنجضينا نجاض ..ونحن غايتو شايفين الامور ماشة تمام وكل شي ماشي على قدم وساق ..وحتي الجيلي لو جا في مواعيدو .. ان شاء الله يكفي كلام الزعيم ويفضل..ربنا يجيب العواقب سليمة ويكفي شر العوارض .. ونشوفالى اللقاء ..

ضيــاع الدر ..الحلقة 15 ..بقلم طارق اللبيب ..الجواب الرسلو ناصر وصل بعد 6 ايام لي الخرطوم ..وسلموه لاخو ناصر ..وقراهو كله .. وكان بتونس مع اصحابو ..وقرا ليهم الجواب كامل .. وطبعا ناس بيت العزابة كلهم عارفين قصة الجيلي مع بت الزعيم احمد .. وعارفين قصة معتصم مع الزعيم واي حاجة.. طبعا الولد الجاهو الجواب .. اللهو اخو .ناصر قال لهم والله لو الخبر ده وصل الزعيم تاني الجيلي ..بدرية الا يشمها قدحة .. ودي امنية الود معتصم .. بس ياجماعة لازم نتكتم على الخبر .. لانو الجيلي بستاهل كل خير ..اها في واحد من العزابة من ناس البلد .. زول ضميرو وسخان .. ومفلس وتارك صلاة .. اسمو بلوله بقولولو )الدحيش( .. اها الدحيش قال ليهم ..انتو معتصم ده منو؟؟ انا ماعرفتو .. قالو ليهو ياخي معتصم ود فلان الفلاني المشهور ده .. عندهم عمارة في السوق العربي جنب الهناي داك.وعندهم املاك ومصانع .. هم زاتو رضو بي يمشو يعرسو من البلد ليه؟؟ نحن مستغربين .. يلا الولد خت جوابو الرسلو ليهو اخوهو في الشنطة بتاعتو ..وطبعا" شنط العزابة بتكون تحت السراير وما مقفولة ..اها يازول .. الدحيش المنحوس خلا رفاقتو مشو الشغل..وبراحه فتح الشنطه وشال الجواب من شنطة الولد ومرق ..مشى السوق العربي للعمارة ..وسأل ناس الدكاكين المؤجرين..بسأل فيهم من معتصم يلقاهو وين ؟..وصفو ليهو المكتب حقو في شارع الجمهورية .. مشى ليهو طوالي.. وقال للحارس .. قوليهو في زول مرسل من بدرية بت احمد ..اول ما الحارس كلم معتصم.. وجاب ليهو سيرة بدريه .. معتصم قال ليهو بسرعة خليهو يدخل ..دخل الدحيش على معتصم . وقال ليهو .. كيف الحال يا استاذ معتصم ؟ طبعا" انت مابتعرفني لكن انا بعرفك ..وعارف مناك في الدنيا تتزوج بدرية بت احمد صاااح؟ قال ليهو ايوة نعم .. قال ليهو انا لو فتحت ليك طريق تعرسها في اليومين ديل .. بتديني كم؟قال ليهو انت تتمنى .. والبتتمناهو بديك ليهو .. بس بعد تأكد لي كلامك بالدليل انو حقيقة ..الدحيش قال ليهو .. انا موافق .. انا زول بوزع العيش.. بشيل من الفرن للدكاكين .. بس داير عجلة حمالة .. )نوع الدراجة البختو فيها الطاولة قدام فيها زي سبت كدا (المهم معتصم .. قال ليهو انا موافق.. هسي بديك القروش .وتمشي تشتريها جديدة كرت بس قول لي الحاصل شنو؟قال ليهو .. الجيلي المتكلم في البت الانت دايرها .. قال ليهو مالو؟)طبعا" معتصم عارف قصة انو الجيلي طالب بدريه لكن اهله ماعارفين(الدحيش قال ليهو الزول ده يامعتصم . مسجون في السعودية في قضية مخدرات ..ولو الزعيم عرف الموضوع ده .. بفسخ وعده معاهو .. وانت طريقك بكون سالك ..معتصم قال ليهو .. بس الدليل على كلامك ده شنو؟ وانا أتأكد كيف انو ده حصل..قال ليهو.. اتفضل اقرا الجواب ده ..مرسلو واحد صديق الجيلي شغال في السعودية لي اخوهو ..وفيهو الكلام بالنص ..معتصم مسك قرا الجواب ووقف على حيلو وقال .. )الليلة يا الراكوبة .. من الصباح مخروبه ( ..وشال منو الجواب.. وعدا ليهو قروش تمن العجلة.. 50 جنيه ورق جنيهات جدااااااد الجنيه يحك الجنيه .. العجلة دي كانت في الوكت داك ب 50 جنيه .)يعني الكبريتة الليله . بي تمن اربعة عجلات في الزمن داك .. لانو الكبريتة هسي يوم كتابة الرواية دي بي 200 جنيه (.. ..المـــهم .. معتصم استلم الجواب.. الجواب اللهو مخرجو الوحيد .. واملو المرتجي .وفرح فرح قعد ينطط زي القرد ..والدحيش شال القروش ومشى .. وطوالي على محل العجلات ..واشترى العجلة .. ووداها بيت العزابه .. لمن سألوهو قال اشتراها لي أخوي .. والود اخو ناصر كاس للجواب.. ومالقاهو وماربط ابدا" بين)غياب الجواب وحضور العجلة ..(....ــــــــباكر الصباح بدري .. معتصم قال لابوهو انا عندي سفرية صغيرة وجاي ..ومشى طبعا ركب عربيتو الخاصة .. وسافر البلد برااهو الله ورقبتو .. ولمن وصل.. وقف عربيتو الجديدة قدام ديوان الزعيم .. ولقى الزعيم قاعد .. ومعاهو جماعة من زعماء البلد .جايين لموضوع بتاع تبرعات ..والزعيم رحب بيهو شديد .. مع انو استغرب في الزيارة الغريبة دي .. وفي الولد الجاي براهو وجاي مخلوع كدي مالو ..اها قال ليهو ياعمي احمد.. انا مستعجل لاني راجع هسي.. بس دايرك في كلمتين ..وموضوع ضروري وما بأخرك .. قال ليهو ياولدي قول بسم الله .. انتهسع جيت متين. ؟ قال ليهو بس انت تعال لي وبعدين نشوف .. المهم.دخل معاهو جوه ..قال ليهو والله ياعم احمد .. انا كنت منتظر المواعيد القلتها لي ..وعرفت من الناس انك انت منتظر زول اديتو كلمة بشروط لفترة زمنية محدده ..والزول اللهو الجيلي .. لكن ياعم الجيلي خسارة تنتظر الزول ده .. الزول ده وكت مشى السعودية ..وعرف انو مابقدر يوفي التزامات الزواج الانت اشترطها عليهو ..مشى يباري في طرق خطرة ومحرمه ..عشان يجمع مال كتير في زمن قصير ..ويوفي طلباتك ويتزوج بتك ..الزعيم قال ليهو ياولدي بوظت اعصابي بي كلامك ده ..قول كلامك عديل وريحنا ..معتصم قال ليهو .. الجيلي أشتغل في تجارة المخدرات .. لكن اتقبض وهسع مسجون

في جدة ..الزعيم قال ليهو اسمع .. انا بصدق الكلام ده في اي زول.. الا في الجيلي..الجيلي انا بعرفو من شافع .. ده كلام كذب القال ليك منو ؟؟ ..معتصم قال ليهو بتعرف ناصر ود فلان ود فلان ..قال ليهو ايوة ..ده ولدنا من الحلة .. وشغال في السعودية في جدة فعلا".. أها مالو ؟قال ليهو الزول ده ياعم احمد ..رسل جواب لاخوه الفي الخرطوم ..وحكا ليهو فيهو كل حاجة ..والجواب معاااااااااااي .. الزعيم قال ليهو سلمني الجواب كان صاح؟معتصم طلع الجواب وسلمو لحاج أحمد ..الى اللقاء ..

حلقه]14[سحر سميرتنويه* اي وحدة حابه ترسل الروايه او تنشرا في قروبات تانيه ارجوكي اهتمي بحفظ الحقوق لانو الروايات دي حتنزل في اول نسخه كتاب لي باذن الله ..طلعنا ، مشينا بي ركشه ، السوق م بعيد مننا ،اخدنا جولتنا تماااام و بقيت متوقعه استلم رساله من عمر في اي لحظة ، بس م رسل لي من بعد ما اتصلت عليهو ، المهم خليت غيداء واقفه في محل ، قلت ليها لحظات بس حجيب حاجه ، مشيت محل اتصالات قلت ليهو دايرة شريحه ، قالي بطاقتك قلت ليهو م معاي والله ، قال لي خلاص اختاري الرقم العايزاهو و لمن تفتحيها اتصلي بالشركة و سجلي بياناتك عشان م يوقفوها ، قلت ليهو تمام ، شلتها دخلتها شنطتي ، اديتو 100 جنيه خمسينتين ، قال ليه دا كلو هي بي 25 قلت ليهو م مشكله خلي الباقي عشانكاستغرب فيني ، طوالي مشيت ، بفتش في غيداء ما لقيتا بقيت لافه ولافه و قدر م اتصل التلفون دا بيديني خارج نطاق التغطيه، قلت انتظر جمب الشارع العمومي اكيد لو جات طالعه بتشوفني .. و اقفه و في عربيه واقفه علي يساري و النور بتاع الانتظار دا ينور و يطفي طشش لي عيوني و خلاص انا وصلتا حدي من الانفعال ،بقيت واقفه و واقفه و بتلفت زي الهبله بفتش في غيداء ، بتاع العربيه ابتدا كل شويه يقرب ماشي علي قشر بيض ، بس مغيوظه منو غيظ ، كل م يقرب انا بشوف العربيه بوضوح ياخ حلات عربيه هي لكن ياخ لؤلؤة ماشه كسرررررتني كسير قلتا اريتا حقتي . و بعاين ونسيت اصلا انا واقفه هنا ليه ، قرب وقف قصادي و الشباك مظلل ظلل قلبي معاهو احييييانا ، يلا الشباك ابتدا ينزل ينزل و انا قلبي دا متشحتف عايزة اشوف الجواها، لحد م نزل الشباك وحاتكم لا بعرفني لا بعرفو بس مالو نتعرفالصراحه الولد وجيه يعني العربيه زاتا يحردوها ليه ، المهم قال لي الجميل واقف كدا ليه ، قلت ليهو م شغلتك واقفه في راسك ؟ ولا دا شارع ابووك ، قال لي عنيفه فكي الصرة دي عشان ما لايقه عليكي ، قلتليهو ممكن افهم انت اسي عايز شنو ؟ ) طبعا عارفه و واقعه لي بس لازم سويه دراما كدا (قال لي اوصلك وكداا وقفتك م عاجباني قلت ليهو اممم منتظرة اختي ، قال لي اركبي انتظريها معاي وقفتك م ظريفة ،قلت ليهو ريح نفسك ي ود التاس و شوف محل اتجاهك وين ، قال لي م ماشي مكان الا نتعرف ، قلت ليهو المطلوب ؟قال لي رقمك ، عملت فيها تقيله و انا العربية مسكراني 360 حته اكيد دا وضعو فوق الهاي الصراحه اتسرعتا في زواجي من وليد ،لكن يلااا نقضيها ، قلت ليهو جيب رقمك انا حتصل ، قال لي لا معناتو م ناويه، قلت ليهو بتصل ، قال لي خلاص اكتبي و اعملي لي مسكول ، قلت ليهو طيب ، ملاني الرقم و مسكلتا ، قلت ليهو ممكن تبعد بعد كدا من قدامي لانو منتظرة اختي م ظريفه الوقفه قال لي تمام و ركن بعيد ولا مشا ، عاد عربيه تسوي كدي، بقيت منتظرة و رجولي ديل وجعوني ، بتصل علي غيداء م في رد ، طوالي اقرب ركشه و طرتا علي البيت ، مشيت لقيت ليكم الحلوة دي قاعده و بتاكل و ما جايبه خبري ،قلت ليها ليكي نفس بتاكلي طرتي وين خليتيني منتظراكي في الشارع زيالهبله ، قالت لي انا ولا انتي بفتش فيك لي ساعه ، قلت ليها طيب تاني ما تمشي معاي مكان وريتك ،قلت ليها امي وين ؟ قالت لي مصدعه راقده في غرفتا و ابوي برا مع اعمامي ، مشيت طلعت لامي لقيتا راقدة متغطيه ، قلت ليها اها بقيتي كيف ؟ قالت لي صداع بس ، قلت ليها ابلعي بندول ، قالت لي افتحي درج الكمدينه ، بتلقي علبه ف اول درج و جيبي لي مويه سخنه م تجيبي من التلاجه ، قلت ليها تمام ، مشيت علي التواليت خطوتين مافي حسيت بحاجه تحت رجلي ..) في جانب بيت ناس وليد (سهاد بتقول لامها ، والله يا امي اقبال دي قليله ادب انا ما عارفه وليد دا العاجبو فيها شنو .. امها قالت ليها اسكتي دا شي انتي م حتعرفيهو ، قالت ليها كيف يعني ؟قالت ليها امور شغل ، و زواج اضطراري بس اوعي تطلعي الكلام دا برراا بقتلك ، قالت ليها وانا مالي .. بس يا امي والله احرجتنا في العرس قدام الناس اسي الناس ديل كان عزمناهم لعرس وائل وعرفوها العروس زول بجينا مافي ، قالت ليها انا كان علي م دايرة عرس زاتو لشنوالخسائر اصلا زواج من اوله فاشل انا من يجي عبدالله والاولاد بقعدهم في خلال الاسبوع دا الزواج يتم لا تتحبس لا شي انا ما فاضيه للجرجرة دي ،،اما اناا ، دنقرتا و كنت حفيانه اتألمتا شديد قلت بكون مفتاح ولا حديده من اادولاب وقعت لانو الدولاب يميني التواليت في وشي ، دنقرتا ارفعا عشان ماف زول يعفصاشلتها لقيتا ..............استككانه<~يتبع .....

مساء الخير

حابي اتكلم عن حاجه يمكن كل الناس بتجهلها بس حاجه مهمه شديد

ياريت تقرو الموضوع للنهايه لانو مهم

حا اتكلم عن الـ access token وخطورتها

طيب access token دي عباره عن رموز ممكن نعتبرها زي كلمه المرور لي التطبيقات بتاعت الفيس بوك بقدر عن طريقها التطبيق ينشر في صفحتك

طيب التطبيقات زي شنو

زي مثلا تطبيقات الاذكار والادعيه

او زي المواقع البتطلب انك تسجل عن طريق الفيس بوك

زي مثلا التطبيقات بتاعت زياده الاصدقاء او زياده التفاعل او الاوتو لايك

زي التطبيقات بتاعت " شوف نفسك بعد 20 سنه او اعرف من يحبك او ما اسم طفلك في المستقبل او من هو شريك حياتك "

لو اشتركت في تطبيقات زي دي حتلقي انو حسابك بعمل لايك وتعليق براهو

المشكله ماهنا بس
المشكله انو يقرا ممكن يقرا رسايلك وممكن ينشر بدل عنك في حسابك او في حسابات اصدقاءك ممكن ينشر في قروباتك وممكن ينزل حاجات اباحيه في صفحتك والعياذ بالله

للاسف التطبيقات دي كترت شديد الايام دي .. زي تطبيقات ماهو اول بوست ليك بعد 20 سنه

وللاسف الشديد يستحيل ما يكون في زول مننا جرب التطبيقات دي حتي انا جربتها

يا جماعه انتو مفتكرين انو التطبيقات دي لي للترفيه بس

لكن انت وبدون ما تحس بتساعد في تهكير حسابك

بطلو تستخدمو التطبيقات دي ..

التطبيقات دي بطلو تستخدموها

بتقدر تشوف التطبيقات الانت اديتها صلاحيه النشر في حسابك من الاعدادات وبعديها التطبيقات والغي كل التطبيقات الماعاوزها

وعشان تأمن حسابك اكتر اعمل تغيير لي كلمه السر

بعتذر عن الاطاله بي الموضوع مهم شديد والخلاني اكتبو انو الناس بقت تستخدم التطبيقات دي

ملاحظه : التطبيقات المقصوده دي هي التطبيقات بتاعت الفيس بوك ما تطبيقات الاندرويد

ياريت تعمل شير للبوست وتاااق لي اي زول بستخدم التطبيقات دي عشان يعرف خطورتها
واخيرا بعتذر الكلام ركيك لانو نعسان والله

#احمد_حيدر

حلقة]15[ سحر سميرتنويه* اي وحدة حابه ترسل الروايه او تنشرا في قروبات تانيه ارجوكي اهتمي بحفظ الحقوق لانو الروايات دي حتنزل في اول نسخه كتاب لي باذن الله ..دنقرتا ارفعا عشان ماف زول يعفصا ..شلتها لقيتا فاروصة بيضاويه حمرا ، امي قالت لي يا بت مالك ناولينيالبندول دا ، دخلتها في جيبي وقلت ليها جايباهو ، اديتا ونزلت جبت ليها المويه ،قالت لي شوفي عم صلاح دا يدو بقت كيف من الصباح م اطمنت عليهو .. قلت ليها شنو !!! قالت لي كبايه قزاز اتكسرت في معصم يدو و جات في عرق ، قلت ليها ايواااا ، تمام بشوفو ، و طلعت غرفتي غيرتا سرعه سرعه ، ، بقت بعاين في الفاروصه بحاول استنتج دي فاروصه شنو ، قدر ما حاولتا اعرف غلبني ، استسلمتا لانو قاطعني تلفون من ابو عربيه ، طوالي رديتقال لي وصلتي كيف ؟قلت ليهاو تمام والله ، قالي اتقلت بيكي قبل المكالمة دي مالك م بتردي ، قلت ليهو والله جيت لقيت امي مصدعه شوية كدا ف كنت معاها ، قال لي لالا الف سلامة عليها م تشوف شر ان شاء الله ، قلت ليهو الشر ما يجيك ، و دييييك يا الونسه ، طبعا قلت ليهو اسمي وعد ، خش لي في الانتظار وليد ، قلت ليهو انا حقفل يا )اسمو هيثم ( صحبتي في الانتظار ، قال لي خلصي وارجعي لي ، قلت ليهو سمح ،، من ما رديت وليد قال لي مشغوله وين ؟قلت ليهو مع سلمي صحبتي و كداا ، قال لي اهااا مالك ما اتصلتي علي اليوم ؟قلت ليهو كنت مشغوله شويه كداا ، قال لي تمام ، انا عندي صديق ليقال حيخلص لي اوراقك خلال اسبوع ، عشان انا ملتزم بشغلي هناك لازم نستعجل في العرس ، و شهر العسل تلاته يوم بس و منو نسافر وان شاءالله بعوضك بشهر عسل تاني ، طبعاً فرحتا فرحقلت ليهو شهر العسل حيكون وين ؟قال لي رايك شنو في اسمرا ؟ قلت ليهو طوالي بس لو مشينا اروبا مالو ، قال لي الوقت ضيق لكن اوعدك في اول اجازة بنمشي ، انا هنا الدنيا ضحكت لي ، و ابتدا يقرب لي يعني و يعرف تفاصيل حياتي وبحب شنو و بكره شنو وكدا ، اتعلقتا بيهو شديد ، في اللحظة دي هيثم كان خاشي لي اتصال اكتر من مرة ....قلت ل وليد يلا انا حقفل بعد دا امي مصدعه شويه حقوم اطمن عليها ) الشماعه(قفلتا منو ، و طوالي قفلت تلفوني و ركبت الشريحه الجديده ، مليت البيانات زي م قالي الراجل ، طوالي شلت رقم احمد ، و رسلت ليهو * منويه دا رقمي الجديد ياداب حنزل الواتساب ، ارجعي لي ضروري عليكي الله *دقايق مافي رد برساله * الرقم غلط يا اخت راجعيهو *رديت ليهو * يا بت بطلي عوارتك دي انتي لسه م عقلتي ، طبعا ما وريتكخلاص بابا قال حنستقر في السودان و لازم بكرة الاقيكي *رد لي * انا ولد و انتي غلطانه في الرقم *رديت ليهو * عشان هبالتك دي انا الليله بحددا معاكي حتصل ردي *جبت طرحتي و ختيتا في خشمي و قحيت القحه ديك ، و اتصلتا ....رد علي .. الوووووهقلت ليهو بسم الله ،قال لي مالك سمعني صوت بعاتيقلت ليهو اسفه و الله بس قبل اسافر دا كان رقم امنية صحبتي انا متاكدة ،قال لي الرقم دا معاي ليهو اربعه سنة من 2013 واسي انحنا في 2017.. قلت ليهو طيب اسفه الازعاج ) بنبرة كدا حاولو تتخيلوها ( .. قال لي لا بالعكس فرصه سعيده .." اول خطوة في الخطة تمت بنجاح " هانت يا احمد الزفت عشان تاني تعرف حدودك ..رجعت اتصلتا بهيثم ، قال لي منتظرك لمن قربت انوم في العربيه ،قلت ليهو عربيه زي الوقت دا انت وين ؟قال لي افتحي الشباك احتمال تشوفيني ، قلت ليهو هاهاها ضحكتني لكن، قال لي طيب جربي كدااا ،قلت ليهو بطل عواره ، قال لي حلفتك تجربي ، فعلا قمتا فتحت الشباك)الشيش بس اساسا شياكي طوالي فاتح ( بس قبل السور في شجرة نيمة كبيرة بزاوية شباكي ، قلت ليهو ماف ياخ تعبتني وقومتني علي الفاضي م عندك موضوع ، اها ما قلت لي بتشتغل شنو وكداااا ، قال لي طيب خليكي من شغلي عايني في الشباك .. عاينت وانا قاعده في السرير لقيتو واقف لي من الشباك ، اقسم بالله الخلعه الاتخلعتها دي لو حللت حلقي عندي سكر ولا ضغط ، قمتا ناطة وراميه التلفون من يدي و اعصابي تلفت عديل .. و دموعي ديل جرووووو ..من بعيد قال لي اسسسسف اسسف و اختفيانا واقفه بحاول افهم حاجه و لا اخد نفسي حته م قادرة .. التلفون واقع في الارض و سامعه بيقول الوووو الوووو ، انا قلت والله بيتنا الا كان مسكون ..نزلت دخلتا الحمام و شربتا مويه و رجعت شلت التلفون لقيت الخط لسه فاتح ، قلت ليهو الووو .. قال لي بملابس البيت و شعرك آية من الجمال يا وعد بالجد انا معجب بيك شديد و من غير م تسألي اي سوال انا حابي اتقدم ليكي ،، انا زي النزلت علي صاقعه بقيت فاتحه خشمي و مطيرة عيوني ،قلت ليهو اسمعني انت بتعرفني من وين كيف تتقدم لوحدة معروفه ساعات ، قال لي ما بالزمن ي وعد انا كدا دايرك دايرك و ما بخليكي لغيري الا علي جثتي ) قلت الزول دا مجنون انا مالي ما بقع حظي دا الا مع المجانين يا رب ، و بعدين دا لو عرف انا عاقدين علي ممكن يسوي شنو ولا عرسي (قلت ليهو عاين عشان نعرف نتفاهم .. انت وصلت بيتنا كيف ؟قال لي قبيل بمن ركبتي الركشه اتحركت

ا وراكن و عرفت البيت دا كل الموضوع و حبيت اعملا ليكي مفاجئه ، اوووف ياخ انا هنا ياداب ارتحتا لانو رد منطقي بدل الرعب الحاصل دا ....قلت ليهو انا نعستا حا نوم وبكرة نتم موصوعنا ، قال لي بكرة انا مستعداجي مع اهلي ، عشان كدا ردي اسي ، اقسم بالله ورطة حجم عائلي ،قلت ليهو شوف انا عاقدين علي ....استككانة

ضياع الدر ..الحــلقة 16..بقلم طارق اللبيب..الزعيم استلم الجواب من معتصم وقراهو .. طبعا" اتفاجأ جدا لمن قرا عبارةالجيلي مسجون في قضية مخدرات .. وسكت مساااااافه .. قال لي معتصم.. وانا أصدق كيف انو الجواب ده جاي من ناصر ..؟قال ليهو من حقك تتأكد بالطريقة البتريحك ياحاج احمد .. الزعيم قال ليهو انت تصبر .. وماتسافر لغاية ما أنا اشوف الموضوع ده شنو ؟المهم الزعيم طلع برة وكمل قعدتو مع الجماعة .. وخلصو اجتماعهم ومشو ..الزعيم نادي واحد من الاولاد .. قال ليهو تمشي تنادي لي .نصر الدين ..نصر الدين شقيق ناصر المرسل الجواب تمام ؟..لمن جاء نصرالدين .. الزعيم قال ليهو يانصر الدين .. بتعرف خط اخوك ناصر؟نصر الدين قال ليهو ده كلامك ياحاج؟ .. بعرفو معرفة شديدة .. لكن في شنو بالضبط كدا؟ .. والزول المعاك ده منو؟.. ان شاء الله مافي مشكلة ..قال ليهو مافي عوجة لغاية حسي .. هاك شوف ده خط اخوك ناصر. ؟؟نصر الدين من عاين للظرف من بره .. عرف خط ناصر .. فقال للزعيم..ايوة ياحاج احمد دي كتابة ناصر أخوي .. الزعيم اداهو الجواب كلو قال ليهو اتاكد ..ونصر الدين ازداد له تأكيدا" .. انو دي كتابة ناصر وخط يدو ..الزعيم هنا شال نفسو وختاهو ..وقال : خسارة والله يا الجيلي .. الراجل الحر وضكر .. اخر النهاية تطلع زول صفر .؟نصر الدين قال ليهو في شنو ياحاج ..؟قال ليهو اخوك مرسل الجواب ده .. وقال الجيلي مقبوض في قضية مخدرات ..وانا في البداية شكيت في الولد ده .. قلت عنده هدف المنافسة في البتلكن مادام انت اكدت لي .. تاني الجيلي ماعندو عندي حاجة ..ومواعيدو زاتها بلغيها ..دايرك تكلم لي الجماعة في صلاة الضهر ..يجو يتغدو معاي .. عشان اوريهم الجواب ده ..وتاني زول يلومني مافي .والمشكلة كلها بقت كامنة في عدم معرفة الناس لتفاصيل العبارة الفي الجواب ..والناس اجتمعوا كلهم ..واهل البت ..واعمام الجيلي .. واولاد عمو .. واي زول عندو علاقة حتي اصحاب الجيلي .. كلهم جو للزعيم .. لانو نصر الدينقال ليهم الزعيم عندو كلام معاكم بخصوص الجيلي ..اها لمن وصلو ..الزعيم قال ليهم .. والله ياجماعة انا كنت منتظر الجيلي..متين تجي مواعيدو عشان ازوج ليهو بتي .. وانا لمن اديتو مواعيدي وطلباتي ..ماطمعان لي قروش انتو عارفين كدي ..بس عشان يشد حيلو..وعلي الطلاق انا كنت ناوي كان جاني بأيديهو بلاقروش .. وقال لي حاولت وماقدرت ..انا اعرس ليهو بتي .. لكن الجيلي جرفو الشيطان .. ومشى يشتغل في تجارة المخدرات لغاية ماقبضوهو في السعودية وسجنوه ..الناس صنن .. زي الصبت فوقهم مطرة .. اخو الجيلي الكبير كان قاعد ..قال ليهو ده كلام شنو ياحاج أحمد .. قال ليهو زي ماسمعت ..قال ليهو والله ياحاج الجيلي اخوي وانا بعرفو .. انا وكل القاعدين ديل لو سويناها ..الجيلي مابسويها ..الزعيم : قال ليهو اسمع ياحامد ..رايك شنو في ناصر؟؟ ..بكضب؟؟ .. قال ليهو ابدا" حاشاهو ..قال ليهو هاك اقرا الجواب ده ..رسلو ناصر لاخوه في الخرطوم ..اقراهو بصوت عالي خلي الناس يسمعو . ..)ومعتصم واقف ورا هناك شاك بنطلونو . ومربع ايديهو يتبسم( ..حامد اخو الجيلي بعد قرا الجواب والناس كلها تسمع ..قال ليهو والله يا الزعيم .. الجيلي كان كدي مابستحق البت .. ولابستحق يكون وسطنا من اساسو ..لكن احتمال يكون الجيلي مسجون ظلم .. الزعيم قال ليهو السعودية يا استاذ مطبقين الشريعه .. مستحيل يسجنو زول بالظلم .. هناك مافي رشاوي.. ولا كذب ونفاق .. ديك بلد الله والرسول ياخوي .. قال ليهو صدقت يا الزعيم ..نقول شنو عاد .. نحمد الله على كل حال .. السواها فينا الجيلي لابتزول ولابتنعسل ..نكس راسنا في الواطا ..الزعيم قبل على الجماعة وقال لهم اها رايكم شنو يارجالة ؟قالو ليهو .. مافي راي يازعيم ..انت ماقصرت ووفيت بوعدك ..الجيلي براهو طلع ملعون ومابستاهل ..طوالي الزعيم اتلفت على معتصم ..وقال ليهو اركب عربيتك ياولدي .. وأمش كلم ابوك واهلك ..قول ليهم .. عم احمد قال ليكم تعالو لينا الاسبوع الجاي .. وربنا يتم لك على خير ..والحلة كلها بقت تنضم .. نسوان ورجال .. اي مجلس اي لمة .. وبتريقو .. ويقولو ..الجيلي تلقاهو بقى من رجال الاعمال ..هو قال السعودية ملعبة ؟ والله تلقى القروش اللماها .. مسخت عليهو .. واحدين يقولو الجيلي بكون محكوم عليهو بالاعدام .. وهو في السجن منتظر التنفيذ..وطبعا" زي ما انتو عارفين في الوكت ده الجيلي طلع من السجن ..لكن منو البوصل الخبر .. للزعيم قبل مايغلط ويزوج بدور لي معتصم الملعون ده..طبعا الخبر وصل لي بدرية بكل تفاصيلو .. من خالها الكان حاضر .. وصل ليها الكلام من طقطق للسلام عليكم .. قالها زواجك في الاسبوع الجاي ..من معتصم ..شدي حيلك حتكوني من سكان الخرطوم ..الى اللقاء ..

الصـــديق

ﺗﻮﻓﻲ ﺻﺪﻳﻘﻪ ﻣﻦ ﺯﻣﻦ ﻭﻟﻜﻨﻪ ﻟﻢ ﻳﺤﺬﻑ
ﺍﺳﻤﻪ ﻣﻦ ﺍﻟﻬﺎﺗﻒ ﻭﺍﻟﺴﺒﺐ ..!!!

ﻳﻘﻮﻝ ﺍﻟﺮﺟﻞ : ﻟﻘﺪ ﻣﺎﺕ ﺻﺪﻳﻘﻲ ﻣﻦ ﻓﺘﺮﺓ
ﻃﻮﻳﻠﺔ ..ﻭﻟﻜﻦ ﺑﺎﻟﺮﻏﻢ ﻣﻦ ﺫﻟﻚ ﻟﻢ ﺍﺣﺬﻑ ﺍﺳﻤﻪ
ﻣﻦﻫﺎﺗﻔﻲ ... !!

ﻭﺣﺘﻰ ﺍﺫﺍ ﻏﻴﺮﺕ ﻫﺎﺗﻔﻲ ﻭﺳﺠﻠﺖ ﺍﻼﺳﻤﺎﺀ
ﻣﺠﺪﺩﺍ ﺍﺿﻌﻪﻓﻲ ﻗﺎﺋﻤﺔ ﺍﻼﺳﻤﺎﺀ .. !!

ﻓﺴﺄﻟﻮﺍ ﺍﻟﺮﺟﻞ ﻟﻤﺎﺫﺍ ﺗﺘﺼﺮﻑ ﻫﻜﺬﺍ ﻭﺗﻔﻌﻞ
ﺫﻟﻚ ﺑﺎﻟﺮﻏﻢ ﻣﻦ ﺍﻧﻪ ﻣﺎﺕ ؟

ﻓﺄﺟﺎﺑﻬﻢ ﻗﺎﺋﻼ :ﻻ ﺍﺣﺬﻑ ﺍﺳﻤﻪ ﺣﺘﻰ ﺍﺫﺍ
ﻣﺮﺭﺕ ﻋﻠﻰ ﺍﺳﻤﻪ ﻓﻲ ﻛﻞ ﻳﻮﻡ ﺍﺩﻋﻮﺍ ﻟﻪ
ﺑﺄﻥ ﻳﺮﺣﻤﻪ ﺍﻟﻠﻪ ):

🔴 ﻣﺎ ﺍﺟﻤﻞ ﺍﻟﺼﺪﺍﻗﺔ ﻋﻨﺪﻣﺎ ﺗﻜﻮﻥ ﺻﺎﺩﻗﺔ.
#مفيد_للقصص
🌹🌹🌹🌹

شباب🖖حاغيب ليوم من التلي لمن ارجع حعوضكم بروايات 😅

🚨 #تنبيه ..
⚠️ خدعة للحصول على عنوان ال IP الخاص بك بدات تلجأ لها بعض الجهات على تليقرام ..

و ذلك بنشر كودات تسجيل و أرقام وهمية .. فيتم التسجيل بها لتصل رسالة لصاحب الرقم اﻷساسي و الكود تحذره فيها من محاولة تسجيل على حسابه و فيها عنوان ال IP للهدف .. و يمكن استخدامه بطرق عدة لﻹضرار ب الضحية ..
#أخبار_تليقرام
#SaudiaTelegram
#saudiatelegram
https://telegram.me/joinchat/BA6_Ajwq7ZlJchAD9NfMNA
@saudiatelegram

الحلقة 17بقلم طارق اللبيب..طبعا" زي ما كلنا ماعارفين .. البدور كانت حالفه ومتجزمة .. مافي زول بمسك يدها غير الجيلي ..لامعتصم ولاغيرو .. اها لمن خالها حكا ليها الحصل .. قالت ليهو اسمعني .. انا اقسم بجلال الله .. وبحلف بالغيب تراني ماني حاضرة .. الا الكلام ده موصح .. اصلو الجيلي ماممكن يتاجر في الحرام .. وانا والله مابقبل بالزواج ده .. مالم اتأكد من الجيلي ذات نفسو .. وهو براهو يقول لي .. ااذا هو فعلا" بشتغل في الشغلة دي ولالا..ولو سمحت ياخالي .. نادي لي ابوي هسع .. قال ليها ابوك تاني مابتراجع .. لانو كلم الولد يجيب اهلو .. والولد سافر .. قالت ليهو بس انت ناديهو لي لو مافيها تعب ليك .. قال ليها لاتعب ولاحاجة .. هسي بمشي انا ديهو مشي .. كلمو براحة قال ليهو بدريه دايراك ..الحاج طوالي لفح شالو ..وجا داخل على بتو .. قال ليها نعم .. في شنو؟قالت ليهو ..يابا انا من الله خلقني .. ماعصيت ليك كلمة .. ولا كسرت ليك امر ..ابوي الكلام القالوهو عن الجيلي ده موصاح .. انتظر لمن تسمع من الجيلي..قال ليها اسمع منو وين .. انا ما نعارف ليهو عنوان ولاتلفون ..قالت ليهو طيب اصبر لمن تتم الفترة الاديتها ليهو ..قال ليها الموضوع ده انتهى .. وانا اديت الناس كلمة .. قالت ليهو يابا انت غلطان ..كيف تدي الناس كلمة بدون ماتاخد راي انا ..؟قال ليها ماعندك راي عندي .. مش قلتي لامك دايرة تنتحري .. اشربي صبغة اشنقي روحك .. اقعي البحر .. الفي راسك سويهو انا مابتراجع ..قالت ليهو يابا .. انت لو عنيد .. انا بتك .. ودمك جاري في عروقي ..انا ماني دايراك بعدين تندم ..قال ليها يابت انتي هبلة .. انتي لو تاني فتحتي خشمك .. بكتلك انا ما بنتظرك تكتلي روحك فاهمة؟ .. قومي شوفي اوضاعك ما الصق لك كف ..قالت ليهو كويس يابوي .. مافي مشكلة اعمل العايزو ..وانا بعمل الفي راسي ..بس انا بقول لك قدام امي وخالي وخالتي .. كلهم ياهوديل حاضرين انا مابتزوج الزول ده نهائي .. ولو مات مابمسك يدي ..الا بشرط واحد .. اسمع من الجيلي اعتراف .. انو فعلا بشتغل تجارة مخدرات..قال ليها يابت اتلمي ولمي عليك خشمك .. وطلع طوالي ..وبدا طوالي في التجهيزات .. و عمل بوماستك جديد للديوان .. وضرب الابواب بوهية ..والسراير الماشادة حيلا .. كلها عمل ليها صيانة واعادة تجليد واللحافات ..واشتروا الملايات ..المهم التجهيزات الاولية لتهيئة مكان الدعوة والعرس .. كلها قام بيها في 72 ساعة..في الوقت ده حامد اخو الجيلي سافر الخرطوم ..تقريبا ماشي يشوف طريقة اتصال بالجيلي .. او بي ناصر صاحب الجواب.. عشان يتأكد من الحاصل .. لانه ما مقتنع ابدا بالشي البحكو فيهوو الناس ..وطبعا السفرية لغاية الخرطوم .. بتاخد يومين باللواري .. لانو مافي زلط ولا سياحي ..اها لمن وصل بيت العزابة .. وكلهم ماكان عندهم خبر بالحاصل في البلد ..حكا ليهم وكلهم استغربوا كيف الجواب اتسرب بالسرعة دي للبلد ..وكل زول بدأ يسال في نفسو .. واي زول شكا في التاني ..حامد قال ليهم .. هسع ده مووكت لوم .. والفات مابجي ..والما الانجلغ مابنفعو اللمليم ..)يعني الموية لو اندفقت تاني مابتتلملم .. ( هسع نحن دايرين نمرة تلفون سريع .. نضربو للناس ديل في السعودية عشان يخبرونا الحاصل ..الجواب مكتوب فيهو نص سطر بس .. شوفو لي نمرة للجيلي ولا الزول الشغال معاهو ..ولا شوفو لي نمرة ناصر .. اتصرفو ..قالو ليهو والله ياحامد نحن ماني خابرين اي نمرة .. الناس ديل مواصلتنا معاهو بالجوابات ..والجواب بياخد ستة يوم ولا اسبوع عشان يصل ..والرد مامعروف يجي متين ..المهم سعو كلهم بالاسئلة والكلام والاستفسارات .. مالقو اي طريقة اتصال بالناس ديل في السعودية .. المهم في النهاية اضطرا حامد يكتبجواب تاني لي ناصر ورسلوهو ..وزادو عليهو عدد الدمغات عشان يصل سريع ..لكن المشكلة كانت انو الزمن انتهى والاسبوع جاء سريع ..والناس هناك في البلد كلهم مستعدين للعرس اللهو .. حيكون حدث ما بعدو حدث ..أهل الجيلي مقاطعين المناسبة .. وماعندهم اي وش يقابلو الناسلا أمو ولابوهو ولا اختو صفية اللهي صديقة العروس .. من قبل 4 يوم من الزواج تاني مامشت على ناس العرس ,,وبدرية رسلت ليها كم مرة .. قالت ليها انا محتاجة ليك تقيفي معاي .. قالت ليها انا اسفة والله مابقدر اجيكم ماعندي وش اقبابل بيهو الحريم ..حاسة عيونهم بتتكلم معاي .. ومافاضل لي الا ادخل في ضفوري من الخجلة ..ويوم الحنة ام بدرية قالت لي خالتها خليك قريب من بدرية دي .. ماتشرب ليها مصيبة ..تموت .. أحرسيها بس لمن نسلمهم عروسهم .. تاني عندهم كان دايرةتموت التموت ..وبدرية حست بانو خالتها مراقباها .. قالت ليها ياخالتي انتي حتراقبيني لمتين ..الروح دي روحي انا .. وكت ادور امرقها مافي زول بقدر يحصلني ..ولاهسع الفرصة معاكم .. اتلافو القصة ولمو الموضوع ده ....ولافي زول استمع ليها .. وكل الناس قايلنها بتهرش فيهم .. وبتكضب عليهم ..ماعدا امها وخالتها كانو حاسين انها ممكن تعمل حاجة ..الحاصل ي

اجماعة بكرة اصبح اليوم الاخير والعقد بعد صلاة العصر .. وبدرية مشت مع خالتها وبنات عماتها لبيت من بيوت الجيران عشان يجهزوها للعرس ..لانو لمن تجي بعدين لي )قطع الرحط(والرقيص..لازم تكون في ابهي زي واحسن هيئة ..والعقد باقي ليهو تلاتة ساعات بدرية قالت ليهم انا نعسانة شديد طلعو لي الحنة..وامرقن برة خلني اخد لي نومة .. وتضحك وتتونس كانو مافي حاجة ..بس مرقن بيجاي هي طلعت بالشباك .. ومرقت بالشوارع الميتة المافيها اي زول ..شوارع زرايب وجناين .. ولابسة الفنجة بس ..وعلى وين ؟؟ ..على دربا" مشن بيهو بنات كتار .. وراحن تاني مارجعن..وبقت قصصهم تحكي للناس حكايات .. بدريه ملصت سفنجتها وسلكت نفس الدرب..اللهو درب البحر ..والبنات قاعدات في البيت قايلاتنها نايمة ..اتونسن لن نعسن ونامن ..الى اللقاء ..

حلقة]16[ سحر سميرتنويه* اي وحدة حابه ترسل الروايه او تنشرا في قروبات تانيه ارجوكي اهتمي بحفظ الحقوق لانو الروايات دي حتنزل في اول نسخه كتاب لي باذن الله ..قلت ليهو انا عاقدين علي ، قال لي تمام و ربنا يتم علي خير ) بالجد ردة فعل غريبه( وقفل علي كداا ، و المحيرني عمر اختفي نهائي .. نمت وصحيت الصباح لقيت البيت جايط شديد ناس خالتي و اعمامي وكدا ، اهل وليد الظاهر كلمو بابا و العرس خلاص ، الوقت ضاق و بدو يجيبو لي الشيله و الدهب ، ما خلو لي حاجه ، طبعا فرحانه فرحّالا امي و غيداء زعلانين ، وتاني جوني ، امي تقول لي يا اقبال ما عايزة اشيل ذنبك لكن خلاص الغي العرس دا وانا مستعده نسافر كلنا البلد التحبيها، قلت ليها يا امي القروش دي اولى ابوي يتم بيها مشروعوو انا بجيكم اجازات ، غيدا بس تجي تحضني و تبكي و تقول نفس كلام امي ، قالت لي يعني حتبعدي عننا بسبب السفر كيف ما حتفقدينا عادي تقعدي من غيرنا يا اقبال ؟ قلت ليها اسي البكا لزومو شنو عايزين تضايقوني وخلاص ، دا طبعا قبل العرس بيوم ، المهم بعد طلعو مني ، اتصلت علي سلمى قلت اعزما ، رد لي محمود اخوها ، قلت ليهو ، الووو*قال لي ي هلاا اقبال كيفكقلت ليهو بخير حمدلله*قال لي دي شنو الجوطه الجمبك دي شكلك في مناسبهّقلت ليهو اي دلوكة دي عرسي*سكت قال لي مبرووكقلت ليهو الله يبارك فيك ، بس سلمى وين ليها كم يوم مختفيه ، *قاللي والله عيانه ليها خمسه يوم راقدين بيها المستشفيقلت ليهو لالا سلامتا والله انت عارف ظرفي لو ما العرس دا كان جيتكم ،*قال لي معذورة ، قلت ليهو تمان سلامي للاهل ،، قال لي الله يسلمك و قفل ..ما لقيت زول اعزمو ما عند صحبات اتاثرتا كدا والعرس مسخ لي ، مشيت الكوافير للحنه ، رسمت و خلصتا ، رسل لي وليد ، يشيل و يرسل لي رسايل رومنسيه و اتصالات و ونسه صراحه بقيت شايفه حياتي متجسدة فيهو ، حبيتو بالجد لاول مرة احب زول كداا ..جا تاني يوم ، اليوم الموعودمن الصباح في الكوافير و بيتنا دا مقلوب معازيم اغلبيتهم ما بعرفهم ، لانكم زي م عارفين م عندي علاقات ، قاعده في الكوافير بيعملو لي المكياج ، جاتني رساله من عمر ، قال لي * مبروووك الزواج*هنا انا قمتا ناطه عديل ، بتاعت الكوافير هرشتني ، انا سكت ليها ؟مسكتها من رقبتا عديل قلت ليها انتي قايله نفسك منو هاااا ؟ منو عشان تعلي صوتك علي كداا ؟ الا اتلمو و فكوها مني ، و البت من الخوف لمن بترجف ، قلت ليهم البت دي م تقرب مني وجيبو لي غيرها تمكيجني ، فعلاا جابو لي غيرها لاني دافعه و عامله اغلا عرض بتاع مكياج عندهم ، قعدو يعتذرو لي و اصريت انها لازم تنطرد من الشغل ، صاحبه المشغل قالت لي انحنا بنتاسف معليش سامحيها و ما تقطعي برزقها لانو بتصرف علي اسرة ، قلت ليهم جيبوها تعتذر ، قالت لي حاضر .. جات قالت لي انا اسفه بس كنت خايفه مكياجك يخرب عشان كدا .... قاطعتهاقلت ليها اسفك ما بيلزمني و انقلعي من قدامي ..بقيت قاعده متوتره من الرساله دي عكننت علي ، قلت عشان اعيش بهدوء لازم ما يبقي عندي تلفون اساساً ،، بعدها بساعه اتصلت علي سلمى بصوت مرهق قالت لي والله كان نفسي اجي لكن عيانه اعفي لي ، قلتليها لالا سلامتك كأنك جيتي و قفلتا ..جا وقت وليد يجي يسوقني ، اتاخر عشرة دقايق ما جا ، اتاخر ربع ساعه ما جا ، ساعه عديل م جا و التلفونات دي اشتغلت و انا اعصابي دي باظت ، طبعا غيداء و بنات خالتي و كم وحدة م بعرفهم كانو في كوافير تاني و جو بعربيتين تبع السيرة و فضلو منتظرين برااا ، بعد ساعه ونص بالضبط جا و البوري و الاغاني و الصفافير و الزغاريت ، من شفت العربيه قلت الله احلا عربيه اتزفا بيها وفرحانه والابتسامة شاقه للاضنين ،،جا ساقني و مسكني من يدي ، فتح لي الباب ركبت و هو ركب جمبي .. و اتحركنا و ديلاك ورانااا و انا وليد يهمس لي و انا اضحك في عزززز الضحكةعيني جات في المرايه و شفت هيثثثثثثم ، اي هيثثم و انا اصلا من شفت العربيه قلت تشبه عربيتو بس قلتا اكيد شبهااا ، في لحظة الضحكة اختفت و هو غمز لي في المرايه ، من التوتر خلاص ما قادرة اتنفس يا ربياسوي شنو معقول يطلع صاحب وليد ، حاولتا اتذاكى علي وليد قلت ليها دا صاحبك ؟ قال لي مالك ومالو انتي ، علي فكرة بغييييير ، ابتسمت ابتسامة مشي حالك ، و قلبي دا داير يطير مني ،، ّلمن وصلنا الصاله و نزلنت و هيثم زاتو داخل معانا الصاله ، قلت ي ربي لو صاحب وليد معقول م بكون كلمو بتواصلو معاي ، بس وليد عادي لو في حاجه زي دي اكيد كان طلقني ولا العرس دا ما كان تما .. والله لمن بقيت ما شايفه زول قدامي و عيوني رقرقو حابسه دموعي دي بالقوة واقفه علي الهبشه ،الناس هججت ورقصت و الكل بفول عرس حلو وعلي مستوى الا انا الما كنت حاضرة ، ااي حاضرة جسدياً بس ذهنياً لا ..طبعا انحنا حنسافر طوالي و حاجزين واي شي حتي الجرتق ما اتعمل لانو الوقت اتاخر و مواعيد سفرنا قربت و اساسا بسبب تاخير وليد خشينا الصاله متاخرين .. المهم طلعنا من الصاله و انقرو الحيوصلنا منو ؟ ياهو زاتو ه

يثم انا ح اجن والله ، المهم و صلنا البيت غيرتا فستاني و لبست عادي و ودعت ناس امي و البكااا دا ما يديكم الدرب لمن امي دي غمرت مصرة اني م اسافر كلهم ببكو الا انا بقلب قوي ، قلت ليها امي الله يخلي التلفونات و ما حغيب عنك ، بقت تبكي زياده ودعتهم وامي بقت توصي في وليد ، معليش هي عصبيه بس استحملا و اسلوبا حاد بس والله طيبه يا وليد ، امنتك ليك ، ضحك ضحكة كدا وقاليها في عيوني الاتنين ، و طلعنا و برضو هيثم الحيوصلناو قاعده علي اعصابي ، المهم وصلنا المطار ، نزلنا و عيني م نزلت من هيثم قلت الليله حتحصل مصيبه يعني حتحصل مصيبه ، وليد ابتدا يفتش في جوازاتنا مالقاها اتصل بي ابوه قليهو شوف كدا انا نسيت الجوازات في دولابي في اول ضلفه فيالنص قاليهو لحظه ، ثواني مافي قاليهو ايوة لقيتا ، قاليهو اديها لاحمد سرعه يوصلا لي ، قاليهو احمد ف الصاله مع اصحابو انا بجيبا ليك اسي ، نص ساعه مافي عم عبدالله جا و انا وهيثم ف اللحظة دي نظرات بس و ساكته م نطقتا بحرف ، المهم جا عم عبدالله سلم علينا ، قاليهو امك دي دايرة تكلمك هاك ، عايز يديهو التلفون اتزحلق وقع من يدو لا ارادياً كدا انا دنقرت اتناولو من الارض يدي و يد عم عبدالله اتصادفو و عيني وقعت علي يدو شفت ال...............استككانه~~توقعاتكم يا السمحاتبتاعت الجن العاشق كييييييفتمام هههه قومي اشربي قهوه وتعالي خمني ، يلا في انتظاركم يتبع .......

#منقوول
🚨السلام عليكم ورحمة الله

حابي الليلة اتكلم ليكم عن موضوع شوية كدا بقا منتشر الايام دي
اي زول في تلجرام يتشاكل مع زول تاني طوالي يشبكو انا هكر وانا بهكر حسابك وبعمل ليك وبفعل ليك

طيب لو قابلكم واحد زي ده ادوهو بلوك في وشو
اصلاً لو طار لو نطط مستحيييييييييل يهكر اي حساب في تلجرام
حسابات تلجرام كلها محمية ضد الاختراق
مافي شي اسمو تخترق حساب

داير تخترق لازم تخترق النظام بتاع الشركة كلو
وده لو عملتو عندك جائزة 200 الف دولار من الشركة

بعدين هكرز انونيموس قاعدين يسلقو في بيض ولا بعوسو في كسرة؟
لو كان ممكن تخترق حساب تلجرام كان عملوها ناس انونيموس قبلك

لكن مش انت مبطوح في حوش بيتكم وخالف رجلك وشغال تهدد الناس
ياخ شوف ليك شغلة نافعة

بعدين هكر ده لازم تكون ملم بلغات برمجة كتيرة زي:
Java, c++,sql,html,php...etc

لازم تكون ملم بانظمة التشغيل زي ويندوز ولينكس بمختلف التوزيعات

بعد كدا عندكم جانب الشبكات
لازم يكون بعرف الشبكات وبروتوكولات الشبكات
ولازم يكون بعرف امن معلومات

حتى بعد كدا يادوووووووب ممكن يشوف التهكير ده شنو

مش واحد اسمو بالانجليزي ما بعرف يكتبو ويهدد في الناس

فشنو يا ناس
ما اي واحد يقول ليك انا بهكرك تصدقو
واصلاً لو واحد قال ليك كدا اعرفو اكبر طيرة

سلام👋
@mufeeed
#Halool

حلقة]16[ سحر سميرتنويه* اي وحدة حابه ترسل الروايه او تنشرا في قروبات تانيه ارجوكي اهتمي بحفظ الحقوق لانو الروايات دي حتنزل في اول نسخه كتاب لي باذن الله ..قلت ليهو انا عاقدين علي ، قال لي تمام و ربنا يتم علي خير ) بالجد ردة فعل غريبه( وقفل علي كداا ، و المحيرني عمر اختفي نهائي .. نمت وصحيت الصباح لقيت البيت جايط شديد ناس خالتي و اعمامي وكدا ، اهل وليد الظاهر كلمو بابا و العرس خلاص ، الوقت ضاق و بدو يجيبو لي الشيله و الدهب ، ما خلو لي حاجه ، طبعا فرحانه فرحّالا امي و غيداء زعلانين ، وتاني جوني ، امي تقول لي يا اقبال ما عايزة اشيل ذنبك لكن خلاص الغي العرس دا وانا مستعده نسافر كلنا البلد التحبيها، قلت ليها يا امي القروش دي اولى ابوي يتم بيها مشروعوو انا بجيكم اجازات ، غيدا بس تجي تحضني و تبكي و تقول نفس كلام امي ، قالت لي يعني حتبعدي عننا بسبب السفر كيف ما حتفقدينا عادي تقعدي من غيرنا يا اقبال ؟ قلت ليها اسي البكا لزومو شنو عايزين تضايقوني وخلاص ، دا طبعا قبل العرس بيوم ، المهم بعد طلعو مني ، اتصلت علي سلمى قلت اعزما ، رد لي محمود اخوها ، قلت ليهو ، الووو*قال لي ي هلاا اقبال كيفكقلت ليهو بخير حمدلله*قال لي دي شنو الجوطه الجمبك دي شكلك في مناسبهّقلت ليهو اي دلوكة دي عرسي*سكت قال لي مبرووكقلت ليهو الله يبارك فيك ، بس سلمى وين ليها كم يوم مختفيه ، *قاللي والله عيانه ليها خمسه يوم راقدين بيها المستشفيقلت ليهو لالا سلامتا والله انت عارف ظرفي لو ما العرس دا كان جيتكم ،*قال لي معذورة ، قلت ليهو تمان سلامي للاهل ،، قال لي الله يسلمك و قفل ..ما لقيت زول اعزمو ما عند صحبات اتاثرتا كدا والعرس مسخ لي ، مشيت الكوافير للحنه ، رسمت و خلصتا ، رسل لي وليد ، يشيل و يرسل لي رسايل رومنسيه و اتصالات و ونسه صراحه بقيت شايفه حياتي متجسدة فيهو ، حبيتو بالجد لاول مرة احب زول كداا ..جا تاني يوم ، اليوم الموعودمن الصباح في الكوافير و بيتنا دا مقلوب معازيم اغلبيتهم ما بعرفهم ، لانكم زي م عارفين م عندي علاقات ، قاعده في الكوافير بيعملو لي المكياج ، جاتني رساله من عمر ، قال لي * مبروووك الزواج*هنا انا قمتا ناطه عديل ، بتاعت الكوافير هرشتني ، انا سكت ليها ؟مسكتها من رقبتا عديل قلت ليها انتي قايله نفسك منو هاااا ؟ منو عشان تعلي صوتك علي كداا ؟ الا اتلمو و فكوها مني ، و البت من الخوف لمن بترجف ، قلت ليهم البت دي م تقرب مني وجيبو لي غيرها تمكيجني ، فعلاا جابو لي غيرها لاني دافعه و عامله اغلا عرض بتاع مكياج عندهم ، قعدو يعتذرو لي و اصريت انها لازم تنطرد من الشغل ، صاحبه المشغل قالت لي انحنا بنتاسف معليش سامحيها و ما تقطعي برزقها لانو بتصرف علي اسرة ، قلت ليهم جيبوها تعتذر ، قالت لي حاضر .. جات قالت لي انا اسفه بس كنت خايفه مكياجك يخرب عشان كدا .... قاطعتهاقلت ليها اسفك ما بيلزمني و انقلعي من قدامي ..بقيت قاعده متوتره من الرساله دي عكننت علي ، قلت عشان اعيش بهدوء لازم ما يبقي عندي تلفون اساساً ،، بعدها بساعه اتصلت علي سلمى بصوت مرهق قالت لي والله كان نفسي اجي لكن عيانه اعفي لي ، قلتليها لالا سلامتك كأنك جيتي و قفلتا ..جا وقت وليد يجي يسوقني ، اتاخر عشرة دقايق ما جا ، اتاخر ربع ساعه ما جا ، ساعه عديل م جا و التلفونات دي اشتغلت و انا اعصابي دي باظت ، طبعا غيداء و بنات خالتي و كم وحدة م بعرفهم كانو في كوافير تاني و جو بعربيتين تبع السيرة و فضلو منتظرين برااا ، بعد ساعه ونص بالضبط جا و البوري و الاغاني و الصفافير و الزغاريت ، من شفت العربيه قلت الله احلا عربيه اتزفا بيها وفرحانه والابتسامة شاقه للاضنين ،،جا ساقني و مسكني من يدي ، فتح لي الباب ركبت و هو ركب جمبي .. و اتحركنا و ديلاك ورانااا و انا وليد يهمس لي و انا اضحك في عزززز الضحكةعيني جات في المرايه و شفت هيثثثثثثم ، اي هيثثم و انا اصلا من شفت العربيه قلت تشبه عربيتو بس قلتا اكيد شبهااا ، في لحظة الضحكة اختفت و هو غمز لي في المرايه ، من التوتر خلاص ما قادرة اتنفس يا ربياسوي شنو معقول يطلع صاحب وليد ، حاولتا اتذاكى علي وليد قلت ليها دا صاحبك ؟ قال لي مالك ومالو انتي ، علي فكرة بغييييير ، ابتسمت ابتسامة مشي حالك ، و قلبي دا داير يطير مني ،، ّلمن وصلنا الصاله و نزلنت و هيثم زاتو داخل معانا الصاله ، قلت ي ربي لو صاحب وليد معقول م بكون كلمو بتواصلو معاي ، بس وليد عادي لو في حاجه زي دي اكيد كان طلقني ولا العرس دا ما كان تما .. والله لمن بقيت ما شايفه زول قدامي و عيوني رقرقو حابسه دموعي دي بالقوة واقفه علي الهبشه ،الناس هججت ورقصت و الكل بفول عرس حلو وعلي مستوى الا انا الما كنت حاضرة ، ااي حاضرة جسدياً بس ذهنياً لا ..طبعا انحنا حنسافر طوالي و حاجزين واي شي حتي الجرتق ما اتعمل لانو الوقت اتاخر و مواعيد سفرنا قربت و اساسا بسبب تاخير وليد خشينا الصاله متاخرين .. المهم طلعنا من الصاله و انقرو الحيوصلنا منو ؟ ياهو زاتو ه