المسؤولية..الحلقة 7بقلم طارق اللبيبالحلقة دي مدتها تسعة سنوات .الجماعة التلاتة ..مساء اليوم .. عقدو جلسة تشاورية ..محمد وزوجتو كوثر واختها نادية ..محمد قال : اها ياجماعة رايكم شنو؟ والمفروض يحصل شنو ؟.. والناسديل نكلمهم كيف؟ والبكلمهم منو؟ )الاسرتين(كوثر قالت ليهو : اها يامحمد الناس ديل ..حتي لو اتقبلو انو نحن اتكفلنا بي يتيمة من دار الرعاية . كيف بتقبلو اني انا كذبت .وقلت حامل ..هنا : اتكلمت نادية الذكية اللبقة .. قالت ليه دي مشكلة محلولة.. ومن الصباح انا بفكر فيها .. وجاتني خطة جهنمية ..الاتنين في لحظة واحدة قالو ليها : اهااااا ؟؟قالت ليهم اول حاجه انا بتصل على امي ..كويس؟.. وبقول ليها يا امي للاسف كوثر اعادت الكشف ..وظهر انو مافي حمل .. وكوثر متأثرة يا امي..وتعبانة نفسيا"..وماعارفين نعمل ليها شنو؟ وماح اجيب ليها سيرة الطفلة .. حلو؟ومحمد يتصل يقول نفس الكلام لي ناس بيتهم .. كدا تمام ؟.يلا بعد تلاتة يوم انا بتصل على امي واقول ليها .. كوثر ياامي .حالتها النفسية بقت سيئة .. وخفنا عليها تحصل ليها حاجة جبنا ليها وطفلة من دار الايتام ..ومحمد يتصل على ناس بيتهم ويقول ليهم نفس الكلام ..وكدا الموضوع يكون اتخت بطريقة حلوة شديد..وما حيكتشفو انكم كنتو بتكذبو نهائي .. وحيعرفو انو البت نحن جبناها ليك كمنقذ ليك ولحالتك النفسية ..محمد قال ليها والله انتي يانادية.. المفروض تشتغلي في السياسة وتكوني من اعضاء مجلس الوزراء ,,وفعلا تمت الامور كما هو مقرر لها ..وزي ماقالت نادية بالضبط ..والاسرتين اتقبلو الموضوع تقبل على مضص . واحدين يقولو .. ياخي الجماعة ديل ماكانو يصبرو شويه؟؟ .. واحدين يقولو والله ده عمل خير .. وربنا يوفقكم..والاسرتين عرفوا انو ناس محمد معاهم طفلة لقيطه ..طيب هنا الناس الفي الابيض والساكنين في الحي .. كلهم ماعندهم علم بالموضوع . وقايلين الطغله فعلا بت محمد وكوثر..ومررررت السنين .. نور نشات سنواتها الاولى في الابيض ..وكانت كثيرة المرض..بسبب حرمانها من حليب الام .. واعتمادها على لبن التربية الصناعي..بالرغممن كدا كانت هادئه .. ومابتبكي كتير.. ودائمة مبتسمه ..اي زول من الجيران يدخل هي تضحك معاهو .. وولوفة شديد .. ومتعلقه بمحمد جدا" ..ومحمد بقى لمتين يخلص الشغل عشان يجي جاري البيت..نور لمن بدت تتعلم في الكلام اول مانطقت .ماقالت ماما ..ولاقالت بابا..عارفين قالت شنو ؟؟يوم كوثر كانت في المطبخ .. وخلت نور نايمه .. سمعت صوت طفلة تقول ..) الله..الله..(..لمن طلعت عاينت بالشباك لي نور .. لقتها بتلعب وبتنطق اسم الجلالة بطلاقة .. وكانت دي اول كلمة ينطلق بيها لسان نور .. هي اسم الله العظيم ..ولمن كانت بتحبو .. بتحبو لغاية تقعد في السجاده.. وتقلد الصلاة . زي مابتشوف محمد وكوثر بعملو ..بتحاول تقلدهم .. وتعاين لامها وتضحك.. )امها مجازا" طبعا" ( ..المهم عايز ادلل ليكم .. في بداية عمر نور .انها نشات نشاة ربانية.. يعني هاديها ربها من يومها . ومحمد ماقصر ..علمها كل الخير والاداب والايمان .. ودايما بقول ليها .ده عيب ..وده حرام .. وده كويس.. والناس الطيبين بعملو كدا يانور .. والناس الشريرين بعملو كدا يانور .. لغاية مادخلت الروضة. وعرفت الصح من الغلط .وكانت البت كانت آيه من الجمال والادب ورجاحة العقل .. والهدوء وكانت تخطف قلب كل من يراها .. صح اسمها نور .. بس النور نابع من جواها .. وشاعي من وشها شعاع سبحانك ربي..سنواتها الخمسة الاولى ،كانت نور عبارة عن سعادة وفرحة لناس البيت..ولامها وابوها ..وكانت نور اي كلمة تقولها ،، بتقولها براحة .. وبتتكلم وهي مدنقرة..ولمن يسالوهابتعملي كدا ليه يانور ؟ بتقول ليهم ماصح ارفع صوتي قدام ربنا .. ربنا بسمعني .وانا بحترمو ياماما .. ولمن امها ترفع صوتها .. او تتكلم غلط تقولي ليها: ماما ربنا سامعك بزعل منك .. وده احساس متملك نورمن عمر 3 سنوات ..لغاية ما دخلت بيهو المدرسةوكل ماتكبر الاحساس ده بكبر معاها وتمشي اوعا وافهم .. واكتر ادبا واحتشاما والتزاما .. وجمالا..وهدوءا"وسكينة ..يوم من الايام كان كوثر طالعة على الجيران العصرية كدا.. وسايقة معاها نور .. ملبساها فستان برتقالي بي رباط .. وجزمة برتقالية .. وشرابات بيض .. ومسرحه ليها )ضنب الحصان( .. وشعرها طبعا" ماشاء الله مامحتاج )دابراملا( ..ووشها ممكيج من خلقتو .. باق نور .. المهم ف الشارع هم طالعين.لاقاهم راجل .. قال لي كوثر .عليك الله يا بتي . رجعي البت دي البيت وغيري ليها اللبس ده .. بتك لو لاقاها زول حاسد بتموت ليك قدام عينيك .. انا هسي شفتها .. من دون ماأحس قلت تبارك الله .. ماشا الله بتك عليها ملائكية .. بتجيب فرة القلب ..سبحان الله غايتو .. المهم .. فعلا رجعت وغيرت ليها بملابس قديمة ..ناس كوثر ساكنين في الابيض في حي متوسط ..والجيران بقو يضربوا المثل لي اطفالهم بادب نور .. وشطارتها .. دايما ماسكه الاولى . ناس كوثر جارتهم مراة غاية في الادب والجمال .اسمها زينب .. زينب

عندها تلاتة اطفال ..فخري الكببر11سنة ولبنى 9في عمر نور .وساره اصغر من الجميع 5.. بنمشي نور دايما تلعب مع الاطفال وبتحبهم جدا .. ودايما بتتكلم مع الاطفال كلام الناس الكبار .. البغلط بتقول ليهم اعتذر يافلان الاعتزار امان وطمانينة .. والمظلوم تقول ليهو اعفو يافلان العفو مريح للقلب ..وامهم زينب تقعد تعاين للبت دي .. والكلام الكبار البتقول فيهو .. ولمن يسالوها .. يقولو ليها يانور الكلام ده بتجيبيهو من وين؟ تقول ادونا ليهو في المدرسة .. يعني اي درس كان ادبي كان سلوكي اتلقتو في الروضة او المدرسة اتكفلت بيهو بيجديه ومسؤولية ..وبطبقو بي حذافيرو..وزينب بقت تحب البت دي حب فوق الطبيعي .. لانها غيرت الاولاد التلاتة من الفوضى .والاهمال والمشاكل .. وبقو صور منسوخة لي نور ..وده بي سبب الحب .. والصداقة .. الطفل دايما بشيل طبايع صديقه .. عشان كدا الناس ماتهمل مراقبة اصدقاء اطفالهم .. ومعرفة سلوكياتهم قبل الاختلاط معهم..مرت الايام والشهور والسنوات سريعا .ونور بقى عمرها تسعه سنة ولغاية الان كوثر ماحصل ليها اي حمل . وفي الفترة دي ام كوثر جات الابيض اكتر من تلاتة مرات ..ومن تجي تنشغل مع نور وروعتها .. وطيبتها .. وتنسى تتكلم مع كوثر في الحمل وما الحمل ..وكوثر ذاااتتها نست حكاية انها تفكر تلد .دي... وبقت مابتجيب سيرة للموضوع .. نور ملت ليها حياتها فرحة وسعادة .. ونور كان قدمها للبيت قدم خير .. ومحمد متواصل بالعاصمة واشتري بيت بيت .. فيهو تلاتة دكاكين في منطقة الفتيحاب بامدرمان .. وبقى يستفيد من عطاءات الشركة وتمويلاتها استفادة طيبة ..وكانو بقولو ده كلو بي سبب بركة نور .. وقدمها الطيب .. نور محافظةعلى صلاتها اكتر من كوثر ذاتها .. وبتصحي ابوها لصلاة الفجر يوميا .. وكلامها كله عن ربنا ،، ودايما بتقول ربنا ده طيب خلاص.. وربنا ده بحب الناس الطيبين .. وانا بحب ربنا لانو اداني ام واب حلوين وطيبين .. انا مبسوطة منك ياربنا .. وتتكلم وتعاين للسماء بعيونها المضيئة ..ولغايةﻻهسي ما مكتشفة انها هي لقيطة وانو ديل ما امها وابوها ..اها في يوم من الايام محمد قال لي كوثر انا عايز احكي لي نور انو نحنما اهلهاوانو نحن مابنعرف امها وابوها .. عشانهي هسي ما بتقدر تقدر حجم الماساة .. لكن لمن تكبر بكون صعب عليها تقبل الخبر .. احسن نحن نكلمها من هسي وتكبر وهي عارفة ..الى اللقاء .. وشير ياجماعة الخير ..

#شارع_الاربعين:
#بااااااارت_4
يلااا دي المشكله الناس البتحصل ليهم حجات زي دي بحاولو يخبووها..او م بشاركو غيرهم بيهااا...فرح احمد حاول يقنعها تديهو فررصه بس رفضت واصرت ع الطلاااق ...ف طلقها...بعد شهر كده ..وهي رااجعه من الشغل وكالعااده بنفس الشارعفجاع انتبهت ف جمجمه ع الارض وقفت العربيه ونزلت م لقت حاجة بعد مساافه حست ف حاجة مااسكاها من رجوولهاحاولت تفلت منها وم قدرت وم قادره تفتح خشمها بكلمة كانو ف شخص مااسكو ليها لساانها تقييييييل وحااسه رااسها لافي بعد مساافه بقت بتشووف قداامعا جمجمات كتيره لافه ف شكل دائره..وبتطلع منها اصوات م حنسيبك م حنسيبك وبقت بتسم ريحة مقرفه كعبههه شديد اغمي عليها ولمن صحت لقت نفسها ف نص الغااابه ومجرده من ملابسها وجسمها كانو ف شخص كشح فيها رماد بقت تبكي من غير صوت وم قاادره تقووم من حتتها الحته كانت مخيفففةة شديد شافت عبايتها ع مساافه بعيده منها قاامت عشان تمشي تلبسها وكل م تقرب منها العباايه بتمشي زي ف شخص جااريها منها ...حاولت تقرا ايه الكرسي م قدرت لاسف حست لسانها ممسووك بقت تردد بسم الله بسم الله قدرت تمسك عباايتها ولبستها بسرعه وبقت جااريه لحد م طلعت من الحته ديل ولقت عربيتها ف حالتها وطوالي مشت البيت بتبكي وتتراااجف بصوره مبالغ فيهاا

وصلت البيت كان عندها صحبتها اسمها مريم اتصلت عليها عشان تجيها فورا البيت لمن مريم جات فرح كانت حالتها كعبه شديييد..وبتبكي بصوره هستيريه..مريم حاولت تفهم منها م قدرت خششتها الحمام غسلت ليها جسمها كلو وجات رقدتها ف غرفتها جابت ليها شوربه داافيه ..وبعدين مسكت المصحف وعاايزه تقرا ليها سوره البقره واول م تبدا مريم عشان تقرااا فرح بتجووط فيها وتضربها وتبكي بصوره مبالغه لدرجة طلعت وقفلت مريم جوا الغرفه مريم بقت تهدي فيها وتترجاها عشان تفتح الباب بس فرح كانت بتتكلم بصوت مخيف ومخنوق وتردد جمله وااحد سيبوني ف حالي..
مريم م عرفت تتصرف كيف ..وهي زاتها خاافت ع نفسها ..وقالت ياما البيت داا مسكون او فرح ركبها جني

#نتلااااااااقي🙌

المسؤولية .الحلقة 8 ..بقلم طارق اللبيب ..طبعا لمن محمد شاور كوثر .. مشاورة خبر .يعني هو اصلا مصمم يكلم البت .. بس عايز يدي كوثر خبر .. وكان من فترة بفكر في طريقة يكلم بيها البيت دي ..كوثر قالت ليهو على كيفك يامحمد.. انا تاني مابعترضك في حاجة .. الحاجة البتشوفها صاح اعملا . وانت تتحمل مسؤليتها ..قال ليها حاضر . ان شاء الله يا كوثر مايحصل الا الخيرالمهم بعد جات نور من المدرسة .. وارتاحت شوية واتغدت ناداها .. تعالي يانور ياحبيبتي انا عايزك .. قالت ليهو حاضر يا بابا.. اجيب ليك معاي موية ؟قال لا لا شكرا" .. سيبيها الموية .. اناعايزك في موضوع ضروري ..جات وقفت قدامو ..وقلعت سفنجتها اللابساها.. والكرعين ديل بيوووض .. ونضيفاااات ..وقعدت قدامو في المصلاية واتربعت .. وربعت يدينها .. وقالت ليهو .. اهايابابا.. قول .. !! .انا ح انتبه لكلامك شديد.. وبقت تغمض وتفتح في عيونها وتتبسم..محمد قلبو وجعوا . وبلع ريقو .. وقرررب يضعف .. وكوثر قاعدة جوة في الاوضة ..متمحنة وتعاين ليهو..محمد قوى قلبو ، واتنحنح وقال ليها .. انا عايز اسالك سؤال يانور ..قالت ليهو اسألني يابابا.. انا بحل اي سؤال ح تشووووف.. قول بس انت ..قاليها طيب.. من هو النبى الذي اتربى في بيت ما بيت اهلو . والناس الربوهو ماعارفين اهلو .ولاعارفين امو ولا ابوهو ..وكانو بسموهو اللقيط؟قالت ليهو ايوه عارفة يا بابا .. ده سيدنا موسى . لمن فرعون قال عايز يضبح الاطفال..سيدنا موسى امو ختتو في تابوت من الخشب.. ونزلته كدا برااااحة في البحر ..والبحر شالو ..وبقى ماشي وماشي وماشي .. )تحكي وتحرك في يدنها وتغمض في عيونها ..( وشفتا يابابا .. في بنات كانو شغالين في بيت الفرعون.. شافو الطفل ماشي في البحر .. وخاضو في الموية وطلعوهو .. تصدق يابابا فرعون كان عايز يضبح موسى اللهو الطفل ده نفسو شفتاكيف؟ .. لكن هو عشان رسول ربنا حماهو ..حكت لينا كدا ساتاذة سامية .. وقالت زوجة فرعون قالت لفرعون خليهولي انا اربيهو بينفعني .. عشان كدا ماكانو عارفين امه وابوه ...قال ليها عليك نووووووووور يانور .. انتي بت شطورة ..يلا يانور انتي زي موسى ده بالضبط .. قالت ليهو كيف يعني؟؟ !! .. انا رسولة؟قال ليها لا .. يعني نحن لقيناك وماعارفين امك وابوك .. قعدت تضحك وقالت ليهو .. هوي يا بابا . كيف يعني ؟؟ انتو امي وابوي وماعافرين نفسكم؟قال ليها يانور انا قاعد اكذب ؟؟ قالت ليهو لالالا .. ابوي انا مابكذب.. وبكره الكذب كمان.. عشان الكذب حرام.قال ليها يلا يانور اسمعيني كويس .. انا وكوثر لقيناك في حتة وماعارفين امك وابوك منو؟وكوثر دي امك الربتك لكن ماولدتك ..قالت ليهو يعني لقيتوني في تابوت في البحر برضو ؟قال ليها لا لا .. لقيناك في حتة بعيدة في الخرطوم مع مراة .. والمراة قالت ماعارفة امك وابوك .. ونحن شلناك وانتي كنتي صغيرة .. وربيناك..وبقيتي بتنا ..سكتت مسافة .. وسرحت بعيد .. وقالت ليهو طيب ليه ما سألتو من امي الولدتني؟ .. مكانها وين؟ والحصل ليها شنو .؟احتمال كان عايزين يضبحوني وهي انقذتني .. وحتجي تاني تاخدني منكم..لالالا يابابا ماتقول كدا انا مابمشي مع اي زول ..انت يابابا ماعاوزني ؟ انا والله بحبك شديد وبحب ماما .. تاني ماعندي ام...بابا ماتقول تاني كدا عليك الله يابابا .. وعيونها رقرقن .. ودموعها اشتتنزي اللؤلؤ ..كوثر جوة اتفعت بالبكا..وهي قامت جارية عليها وتقول .. يا ماما مالك؟؟ .. ماتبكي انا مابمشي منكم .. بابا بهظر معاي ساي .. ومسحت ليكوثر دموعها بيدها ..قالت ليها فعلا" يانور ابوك كلامو صح .قالت ليها حتى لو صح .. انا ماااا بمشي منكم لاي زول تاني .. بس انتي اوعديني ماتبعديني منك ياماما .. انا خايفة شديد .. ورقدت في حضن كوثر .. وكوثر دموعها بالات صدرها ..محمد قال ليها تعالي يانور .. ومسكها حضنها على صدرو ..وقال ليها نحن مابنخلي زول يسوقك مننا .. بس دايرنك تعرفي الحكاية دي ..بس ماتكلمي زول نهائي بالكلام ده حاضر حبيبتي ؟؟.. قالت ليهو طيب يا ابابا..قال ليها خلاص امشي ارتاحي شوية انتي جيتي تعبانة ...مشت غرفتها وبقت سارحة وتتكلم براها .. انا اسمي نور محمد .امي كوثر . وناس المدرسة عارفين كدا ؟ والاستاذة بتقول لي كدا ..طيب كيف ابوي يقول هو ما ابوي ؟ابوي مابكذب نهائي .. طيب كيف يعني عندي امين ؟ وعندي ابويين ؟طيب وين ابوي التاني ؟ وين امي الولدتني .؟ تاني تهز راسها كدا ..وتقول لالالا .. مامعقول كدا ما صح .. تاني قالت لنفسها هوي يانور نومي خلاص ..ابوك وامك قالو مافي زول حيسوقك من بيتك .. ورقدت نامت ..)يحليلا( .. قمة البراءة ..على من تقع مسؤلية هذه الفوضى التي جاطت راس نور ؟؟ على من؟؟..وتاني بقت مابتجيب سيرة الموضوع ..وبتخاف انهم يجيبو ليها سيرة .. وبقت تعاين لي محمد كتير ..وتعاين لي امها بنظرات كدا فيها نوع من الاستغراب .. وهم ماقدرو يفهو ده شنو؟يوم من الصباح طلعت كراساتها واي كراس فيهو اسمها .. بتكتب فيهو حاجة غريبة ..اسمها مكتوب .. نور محمد

.. بتكتب ) نور محمد و...........(..كوثر قالت ليها ده شنو يانور .. قالت ليها ده محل سم ابوي التاني.. لاني ماعارفه اسمو عملتو نقط نقط .. لمن اعرفو بكتبو ..قالت ليها لالا يانور .كدا ماصح. الاستاذة حتسألك .. وانتي حتطلعي السر القالو ليك ابوك.. امسحي الواو دي والنقاط ..المهم باختصار البت عاشت افكار ومشكلة اكبر من عمرها بكتير .. حتى ماقادرة تفهم ابعاد الكلام ده يعني شنو؟وبتتحاشا تتكلم في الموضوع ..وهي مشغولة كل الوقت وتسرح سرحات طويلة وغريبة .. ومحمد وكوثر مراقبين حالتها وقلوبهم تتقطع .. لكن في النهاية .. ربنا رسم الامور كدا ..مرت الايام ونور في الامتحان اتدهورت .. وحتى مازعلت من نتيجتها السيئةكانت افكارها شاردة طول الوقت .. ومرات تكون بتذاكر تسرح وتلوك قلم الراس لمن يكمل ..والفرحة الكانت فوقها والنشاط والحيوية والضحك داك بدأ يتلاشى شيئأ فشيئا..محمد يوم جاء من الشغل فرحان .. وقال لي كوثر.. الحمد لله ناس الشركة قبلو طلب النقلية للخرطوم .. اخيرا حنمشي نسكن في بيتنا الملك ..نور قعدت تبكي .. قال ليها مالك يانور ؟ قالت ليهو يابابا انا ما ماشة.هناك في الخرطوم الحتة الفيها المراة الحتسوقني منكم ..قال ليها انا قلت ليك مافي زول بسوقك مننا .. انتي ما مصدقاني ؟ قالت ليهو مصدقاك يابابا ..بس خايفة المراة تجيك وتقول ليك اديني البت الاديتك ليها زمان .. ويمكن يسرقوني بالليل وانتو تكونو نايمين ..قال ليها ابدا" حبيبتي مافي كلام زي ده .. لو امك وابوك ظهروا حنخليهم ساكنين معانا في البيت .. حاضر حبيبتي ؟ ماتبكي انتي شطوورة ..وبعد كم يوم تمت النقلية ..وودعو تاس الحي ..بكل مافيهم من الذكرياتالطيبة ..ورحلو الخرطوم .. ارض العجايب والمحن .. وكمابدأت المأساة من الخرطوم.. ح تتواصل المآسي في الخرطوم .. المدينة الحاضنة الخير والبلا ..الى اللقاء

#شارع_الاربعين:
#باااااارت5
مريم اتصلت طوالي علي احمد وحكت لي ..بسرعه يجي يشوف الحاااصل ..هو م فهم منها حاااجة نهاااي ...طوالي جاا لمن وصل م قدر نهااي يتعرف علي فرح كانت زي المجانين شعرها منكوش وبتضرب ف الحيط فتح لمريم الباب ..مريم قالت ليهو ناااخدها مسستشفي احسن يلا طوالي ودووها ع اساس مجنونه...فرح دخلت مستشفي المجانين وطبعا هم م عارفين انو الفيها دا م مرض وانو هي ممسوووسه..يلا فرح حاولت تنتحر كذا مره لدرجة ختوها ف غرفه براااااها ..ف يوم صحت كده نص الليل زي 3 صباحا طبعا اتدمرت عديل مريم كانت بتزورها فتره كده وبعدين خلتها...بقت مشغووله بحياتها وم بتجي وحتي احمد م وقف معاها والدكاتره حسب حالتها قالو احتمال مرض نفسسسي حاااااد..يلا شافت حااجة زي الغبااار قدااام الغرفه طبعا غرفهم من حديد زي بوابات السجن وباب برااهو من قزاز..المهم يلا وبتسمع اصواات زي صوت رييح قوويه..ختت يدينها ع اذنيها بس الصوت كان قووي شديد بقت تصررخ خلووني خلووني فجاه بقت تسمع صوت مره قالت ليها لو عاايزه انتي بطلعك من هنا..بطلللععععععك ي فررررررح بطلللععك بصوت خخششن كده فرح قالت ليها طلعيييني فجاه البوابات كلها فتحت ويلا فرح بقت جااريه والحاجات الزي الدددخان دي ورراها وبتجي حواليها..يلا طلعت من المستشفي كلها وبس بقت جااريه لحظتها سبحان الله بسسس لانو ربنا بحبها جات جاريه بجنب مسجد وكان وقت اذان الصبحح اذن كده فجاه الاصوات والحجات دي كلها اختفت مع كلمة الله اكببببر فرح اغمي عليها قدااام المسجد بعد الصلاه طلع المؤذن..وامام الجاامع والناس الصلت مشت جا الامام انتبه ليها مشا بيتهم اصلا م بعيد من المسجد ومن حظها طلعو سودااانين يلا نادا بتو ومرتو اخدوها البيت ناامت وصحت وكان بيتهم شغال فيهو قراااان بقت تصرخ ومن حالتها مرت الراااجل اسمهاا فاطمة قالت ليهو البت دي بتكون فيها مس ااو معمول ليها عمل راجلها اسمو يوسف قال ليها احتمال مجنونه قالت ليهو سيبك من الكلام ده ‘نكسب ف البت دي ثوااااب يلا جيب مويه قرو ليها فيها ورقو ليهااا بعدين طوالي شربتها ليها ..وقالت ليهو يقرا ليها قرااان وطوالي يوسف بدا يقرا ليها وحالتها تسو اكتر وفجاه بقت تصرخ وبتقوم من حتتها وبتضرب الارض وبتنتف شعرها وهو نهاي م وقف قرااااايه ف النهايه بقو بسمعو اصوات بتقول لو م وقفت قراااايه نحن بنااذيييييك وبنضضضضرك وهو اصلا م وقف قراايه مرتو قالت ليهو بقترح توقف لانو خافت وقالت ليهو نوديها لي شششيخ يعاالجها وهم بقولو كده فجاه كل اسلاك الكهرباء ف بيتهم ضربت وكهربتهم قطعت
#يوووووووتبع

أمر بالقبض على ثلاثة أشخاص
في تهمة وأمر بوضعهم في
السجن ثم أُمر عليهم أن تُضرب
أعناقهم.

وحين قدموا أمام السيَّاف
لمح الحجاج إمرأة ذات جمال
تبكي بحرقة.

فقال : أحضروها...
فلما حضرت بين يديه
سألها: ما الذي يبكيك؟

فأجابت:
هؤلاء الذين أمرت بضرب
أعناقهم هم زوجي وشقيقي
وابني فلذة كبدي فكيف لا
أبكيهم؟

فقرر الحجاج أن يعفو عن
أحدهم أكراماً لها...
وقال لها:

تخيري أحدهم كي أعفو عنه
وكان ظنه أن تختار ولدها

خيم الصمت على المكان
وتعلقت الأبصار بالمرأة في
انتظار من تختاره ليعفى عنه.

فصمتت ثم قالت:
أختار « أخي ».

ففوجئ الحجاج من جوابها
وسألها عن سرِّ اختيارها لأخيها؟

فأجابت :

أما الزوج فهو موجود
"أي يمكن أن تتزوج برجل غيره"

وأما الولد فهو مولود
" أي تستطيع بعد الزواج
إنجاب الولد "

وأما الأخ فهو مفقود
" لتعذر وجود الأب والأم ".

فذهب قولها مثالاً وحكمة
وأُعجب الحجاج بحكمتها
وفطنتها فقرر العفو عنهم جميعاً.

..سبحان الله..🌳

الأخ لا يعوض ولا يشعر بقيمة
الأخ والأخت إلاّ من فقد أحدهم..

فحافظ على العلاقة بينك وبين
أخوتك لأنها الشئ الذي لا يعوض

( وقفة مع آية )


﴿ قال إني أنا أخوك فلا تبتئس
بما كانوا يعملون﴾

الأصل في الأخوة أن يذهب
الأخ عن أخيه البؤس والحزن،
ويبعث في نفسه الطمأنينة بالود
والقرب منه.

ما أجمل الحياة حين تضيق بك
الدنيا فتجد فيها أخا عزيزا أو
صديقا حميما يشاركك أحزانك
و يُواسيك في همومك. وأجمل
من ذلك حين يُقاسمك، الشراكة
في العمل الصالح....

﴿ اشدد بهِ أزري وأشركهُ في
أمري كي نُسبحك كثيراً
ونذكرك كثيرا ﴾

سئل حكيم: كيف تعرف ود
أخيك؟

فقال: يحمل همي، ويسأل عني،
ويسد خللي، ويغفر زللي،
ويذكرني بربي.

فقيل له: وكيف تكافئه؟

قال: أدعو له بظهر الغيب.

قال
مثل الأخوة في الله كمثل اليد
والعين، إذا دمعت العين مسحت
اليد دمعها، وإذا تألمت اليد بكت
العين لأجلها.
جعلنا اللّٰه وإياكم إخواننا متحابين في اللّٰه.

#مفيد_للقصص
🥀🥀🥀🥀🥀🥀
لا تنسونا من صالح الدعوات

المسؤولية..الحلقة 9بقلم طارق اللبيب..الجماعة طبعا" سافروا الخرطوم .. واول حاجة نزلو في شقة قريبة من البيت حقهم ..على بال مايجهزوا البيت بالعفش اللازم . كلها يومين تلاتة.. زاروا فيها الاهل . والاقارب .. ونور معاهم طبعا" في اي زيارة .. وكان ظاهر عليها ظاهر عليها الخوف والفزع .وكانوا بعض الجهلاء والجاهلات في الاسرتين ..بنظروا ليها بإشمئزاز.. وفي ناس مابسلمو عليها .. غايتو عندنا صنف كدا من البشر .. لايصدق..وطبعا" القصة دي نور حاسة بيها ..بس ماعارفة السبب شنو ؟والمسألة زادت من خوفها وقلقا .. واي زول يدق الباب هي بتخش جوة تتدسا .استمرت معاها العملية دي فترة ..وبعد داك بدت تخف حبة حبة ..وبقت لما امها تكون ماشة اهلها.. تتحجج باي حاجة عشان ماتمشي معاها ..لان النظرات بتاعة الناس بقت تضايقها ..طبعا اتحولت لمدرسة قريبة من المنطقة الساكنين فيها .والاحوال في المدرسة كانت عادية وطبيعية .. لانها المدرسة كانت بعيدةمن المنطقة الساكنين فيها الاسرتين ..وما كان في زول من المدرسة لا الاستاذات ولا الطالبات عارف عن نور اوعن حياتها شي غير انو ابوها محمد وامها كوثر ..بس نور بقى عندها احساس بعدم الانتماء لاي انسان .. فقدت الاحساسبامان الاب .. وحنان الام .. مع انو كان محمد بتعامل معاها احسن من معاملة الاب الحقيقي .. بس احساس انو ده ابوها .. راح من جواها .. طبعا" في احساسبالاب بسيطر على الوجدان .. حتى لو كان الاب سئ ومعاملتو كعبة ..بس بتلقى جواك ولاء وانتماء ..كدا اجباري .. بجبرك انك تقول في النهايةده ابوي ..وكذلك الام ..مهما كانت لاتمثل دور الام .. برضو الاحساس بانها دي امي..نفس الشي بكون حاجة فوق الاراده والتحكم ..بس نور مع مرور الايام ..بقت تحس بالغربة والوحشة .. ولمن امها او ابوها واحد فيهم يهيج فيها .. بتتحسس شديد وبتحزن حزن مبالغ فيهو ..وبتقول ليهم مع انكم انتو مامجبورين علي .. وانا بقيت سبب تعب ليكم ..ولمن امها تعمل ليها الاكل بتشكرها زي شكر الزول الغريب .. بي زوق واحساس عالي .. امها مفتكرة انو ده طبعاه كدا .. لكن نور حاسة بي انو ده احسان من كوثر ما من مسؤوليتها ,,وبقت تحس بعمق الهوة .. وبعد المسافة بينها وبينا وبين كوثر ومحمد.. كل ما هي ماشة كبيرة ..وبقت تلاحظ نظرات الاهل الغريبة بوضوح اكتر.. يوم كان في سماية عند ناس ببقو لمحمد ..وكانو معزومين .. مشو التلاتة .. وطبعا نور كان عليها نور وبهاء غير عادياها مشت قعدت مع البنات الفي عمرها .. نور كانت شايلة كيس فيهو شبس ..وهو عبارة عن )بطاطس مقليه .تباع في اكياس(..نور دخلت يدها في الكيس ومدت لي واحدة من البنات .. البت لمن مدت يدها عشان تشيل من نور..ام البت جات جارية من بعيد .. ونتلت يد بتها كدا . عشان ماتشيل شبس من نور ..نور استغربت وبقت تعاين للام .. ومافهمت هي عملت كدا ليه ؟المرة ساقت بتها وقالت ليها كلام في اضانها ومشت ..ونور بقت تفكر.. ياربي المرة دي ليه حمت بتها تشيل مني ؟وقالت ليها شنو؟يلا بعد شوية جابو صينية الاكل . ولما البنيات ديل قعدن فوق الاكل..عشان ياكلو .جات نفس المرة وهاجت.. وقالت البت دي مفروض ماتاكل مع البنات ديل ؟تقصد نور ما تاكل مع بقية البنات ..النسوان المعاها بقو يسكتو فيها ..ويغمزو ليها ..ونور لاحظت كل حاجة ..قامت طوالي من الاكل ..اساسا" هي ماشالت ولا لقمة .. مشت على المغسلةوبقت تعاين لروحها في المراية.. وتعاين ليدينها وفستانا .احتمال لو وسخانة ولا فيها حاجة مامزبوطة ..بس لقت نفسها هي انضف واجمل واحد في البنوت ..استغربت ياربي ليه المرة دي قالت كدا؟والسؤال التاني النسوان ليه ماسألوها من السبب ..جات راجعة قعدت في الكرسي والبنات بياكلو .. بعد شويه في مرة جابت ليها اكل في صحن .. نور قالت ليها شكرا" ياخالتو ..انا ما حاسه اني جيعانة ..كوثر جات مارة وعاينت للبنات بياكلو . ونور قاعدة بعيد في كرسي براها ..قالت ليها ليه يانور مابتاكلي ؟قالت ليها ماجيعانة يا امي ؟في واحدة من البنات قالت ليها .. حموها تاكل معانا..!!قالت منو الحماها؟ البنات كلهم سكتو .. كوثر قالت ليها تعالي يانور ..ساقتها معاها .. قالت ليها مالك في شنو ؟.. وحموك الاكل ليه ؟ نور قعدت تبكي وماقدرت تجاوب ..بس قالت ليها والله يا امي انا ماعملت حاجة .. انا كنت ساكتة ومؤدبة زي ما وصيتيني ..قالت ليها خلاص حتاكلي معاي انا ..قالت ليها ياماما خليني .. انا ماعايزة..عارفه يا امي .. انا كنت عايزة ادي واحده من البنات )شبس( .امها حمتها تشيل مني !!!كوثر فهمت طوالي الحاصل ..وسكتت وقالت ليها ولايهمك يانور ..ونور حست انها هي فيها حاجة غلط .. بس هي شنو ؟ ماقادرة تفهم ..والسؤال ده حاضرها حصار شديد.. والموقف اثر فيها تاثير مبالغ فيهو.. وبقت تقول لنفسها ياربي انا غلطانة في شنو؟)) انتي ماغلطانة يانور .. والغلط الحاصل انتي ما مسؤولة عنه .. ولكن يظلالسؤال كبيرا" وعملاقا" .. !! على من تقع المسؤولية ؟؟على من تقع مسؤولية هذا الاحساس المر الذي تملك هذه ا

لطفلة؟((..مرت الايام والشهور .. ونور تزداد جمالا" وكالا . وادبا" وبتصلي وتدعي كتير بتقول ياربي وريني انا بت منو ؟ .. انا نفسي اشوف امي مرة واحدة ..في يوم كان عندهم رحلة للمدرسة .. ولما مشت الرحلة كان في مدرسة تانيةعندهم رحلة في نفس المكان ..في الرحلة جات نفس البت الكان امها منعتها تاخد الشبس من يد نور ..ونادتها وكلمتها بي كلام ..ونور لمن شافت البت البت دي .. فرحت شديد وقالت هدي فلانة انا ح اسألها .. اليوم داك امها قالت ليها شنو عني ؟وليه منعتها تشيل مني الشبس ..وبقت تتذكر في اسم البت دي منو عشان تناديها .. وتسألها ..وفعلا البت دي اليوم داك امها كان حكت ليها السر والسبب .. ونور .شكلها الليلة حتكتشف الحقيقة المرة .. تابعو معاي ..الى اللقاء

#شارع_الاربعين:
#باااااارت6
يلا غفلووها ف غرفه برااها وماف طريقه تاني الا الصبااح بت مجهووله الهوويه قاااعده ف بيتهم وكمان فيها جني...المهم الراجل ومرتو صبحووها قااعدين قدااام الغرفه ساااامعين صوتت الصراخ وتضرب الباب وكده ...الصباح بحمد الله طوالي ودوها مركز العلاج بالقران اول شي قالو يمشو يوودوها الحته الحصل ليها فيها مس الجن دا وطبعا م بعرفو هم قالو لو خلوها هي اكيد ح تمشي الحته ديك..المهم فعلا مشت براااها ومشو معاها المووقع كان #شاارع_الاربعين الحصلت فيهووو كمييييية من الحووادث الاصلا م كان معررووف سببها ...وكميه من الناااااس ماتت الشيخ قال الله بحبها لانو م ماتت لانو المسس قووووي كان بس ف زوول بدعي ليها اابت دي..يلا الشيخ بدااا يعمل ليهو مثلثات وكده حاجات ف الارض م مفهوومه وقراااا القرااان وهي كانت تعبااااانه شدددديد بتحس روووحها ح تتطلع منهاا وانها ح تموووت يلا لمن حسوها تعبت شديد رجعوها المررركز وبعدين قالو ح يبدو ليها العلااااج وانو الشاارع داااك لازم يبللغو يتقفل وفعلاا لانو حصلت فيهو قصص كتيره وجراائم كانت مجهووله...مده العلااج كانت سته شهور اهتمو بيهاااا شدييييد خصصو ليها غرفه وبت ملازماااها طوالي ف العلاج وكده ...طلعت بعد سته شهور ويوسف وفااطمة الحاج والحجة كانو طوالي بزوروها اتعرفت عليهم وكانو عندهم بت اسمها سمر وولد اسمو محمد وكانو الاتنين مساافرين البت متزووجة والولد لا بعد طلعت من المستشفي او مركز العلاج ده الحصل معاها دا كان نقطه تحول ف حياتها عرفت انو الغريب بقيف معاااك اكتر من زوولك احيانا مريم اتخلت عنها واحمد كذلك ...م جرب يقيف جنبها بس ده كلو كان ل خير بالنسبه ليها ...حاولت اتصلت علي اهلها وبعد رجعت بيتها طبعا وطمنتهم وحكت ليهم الحصل كلو كانو كلهم فااقدين الامل منها بس امها دايما كانت بتصلي وتدعي ليهااا ...رجعت لحياتها ووقفت علي رجولها من جديد رجعت الشركة زي م كانت ف الفت ه دي كانت قريبه من ناس محمد. ...وسمر سمر قالت ليها والله محمد عايز يرجع لندن وقبل م يمشي عاايز يفااتحك ف موضووع انو عاوز يعقد عليك..واذا انتي مواافقه فرح طلبت منها فتره تفكر واستخارت وردت ليهم بانها مووافقه اكتر نااس حبوها واحتوها وسمر اعز صديقه ليهاا بقت ومحمد م فيهو كلام اتصلت وورت اهلها وطبعا اتفهمو القصه كلها جا ابوها وامها وقراايبين ليها وحضرو الزوواج وسافرت معاه لندن ونقلت البسنس حقها هناك اتجاااوزت كل الحصصل ليها بقووتها وبايمانها بانو الله داايما يبدلك الخير بخيرااا منه...❤️
#الننهاااايه

✿°•┈┈┈••ৡ❀ৡ•┈┈┈•°✿
🎀قصــ وعبــرة ــة🎀
كان هناك رجل صالح أقام سقاية للناس وجعلها وقفاً لله رب العالمين...
وفي اليوم التالي تفاجأ الناس بأن سقايتهم قد لوثها أحد ما بالقاذورات والأوساخ. .
فأخبروا الرجل الصالح بهذا الفعل المشين ، فقال لهم الرجل :
لا بأس أعيدوا ترتيبها وبناءها.
فلما فعلوا ذلك فوجيء الناس في اليوم التالي، أن سقايتهم قد تلوثت مجدداً، وأخذوا يصرخون:
من هذا الذي يلوث صدقة جارية للناس ؟.
وذهبوا للرجل الصالح فقال:
للعمال أعيدوا ترتيبها، واختبئوا في الليل وانظروا لي من هذا الشخص، واكتموا أمره ولا تكلموه وأعطوني الخبر.
وفي اليوم التالي جاء العمال إليه على استحياء وإحباط يقولون له:
ماذا نقول لك يا سيدي؟
قال
ماذا؟
فقالوا له:
إن الفاعل هو ابن عمك فلان الفلاني.
فقال:
لا حول ولا قوة إلا بالله، خلاص اسكتوا واكتموا أمره، ولا تحدثوا أحدا عن فعله.
ثم قال لهم وللمرة الثالثة:
أعيدوا ترتيب السقاية وبنائها..
ولما جن الليل ذهب يطرق بيت ابن عمه، واخذ معه كيس من القمح وآخر من السكر واخذ معه طيبا وكيسا من النقود، ثم قرع باب بيته قال:
من بالباب؟
فقال الرجل الصالح:
خويدمكم( وهي كلمة تصغير لكلمة خادم).
ولما فتح الباب وجد أن الطارق ابن عمه فقال له:
ماذا تريد؟
فقال له الشيخ :
( جئتك يا ابن عمي معتذرا لك، فانا مقصر في حقك، فلم أزورك منذ فترة طويلة، ولم اسأل عنك، أرجو أن تسامحني، فنحن بيننا صلة رحم ).
واخذ يلاطفه، ولم يذكر له قصة تلويثه للسقاية، بل انه أكرمه وأعطاه ما معه من الأكياس مع النقود والطيب وانصرف من عنده
ثم اجتمع بعماله وأمرهم أن ينظروا الليلة في أمر السقاية، فلما انتصف الليل أتى ابن عمه مجددا، ولكن هذه المرة ليس ملوثا للسقاية، بل مبخرا إياها بالطيب الذي أعطاه ابن عمه الرجل الطيب،
فإنبهر العمال من التحول العجيب الذي حصل لابن عمه إذ تحول في لحظة من عدو إلى صديق حميم !!..
#الحكمة:
إننا إذا أردنا التخلص من المشاكل التي تواجهنا مع الآخرين، علينا أن نحسن لمن أساء إلينا، وان لا نواجه الإساءة بالإساءة ، قال الله تعالى : ( ادْفَعْ بِالَّتِي هِيَ أَحْسَنُ فَإِذَا الَّذِي بَيْنَكَ وَبَيْنَهُ عَدَاوَةٌ كَأَنَّهُ وَلِيٌّ حَمِيمٌ )

يقول شاعر :
خذ العفو عن جاهل قد بغى

عليك تفز بالمقام الأمين

وبالعرف فأمر وكن محسنا

وواصل، وأعرض عن الجاهلين

لتتصافى قلوبنا لنمضِ يداً بيد لعمران بيوتنا وبلادنا وسائر الأمة الإسلامية..
فبالأخلاق والقيم تنتصر الأمم🎀

#مفيد_للقصص
🌹🌹🌹🌹🌹
لا تنسونا من دعواتكم

شباب سوري نسيت الروايه امس

المسؤولية ..الحلقة العاشرةبقلم طارق اللبيب..نور الصغيره ..اتذكرت انو البنيه اسمها هديل .. مشت عليها ..قالت ليها ياهديل ازيك .. هديل صرت وشها ومدت قدوما وقبلت منها كدا .. نور مشت للاستاذة بتاعة ناس هديل .. قالت ليها .. يا استاذة سلام عليكم ..الاستاذة قالت ليها .. عليكم السلام حبيبتي انتي منو؟ .. قالت ليها انا نور.. من طالبات المدرسة التانية النازلين هناك ديلك هم .. قالت ليها .. اها عندك سؤال؟قالت ليك عاوزه منك مساعدة .. الاستاذة شايله ليها زمزمية بتكب في موية ..ختت الزمزمية والكباية واقبلت على نور بكل انتباه ..وقالت ليها عيوني حبيبتي قولي احكي في شنو؟قالت ليها .. الطالبة الاسمها هديل دي . بتبقى لي .. بس جيت اسلم عليها صرت مني وشها وابت ترد لي السلام ..عايزاك تسأليها قدامي.. انا غلطانة في شنو؟ عشان اتأسف ليها واعتذر ..طوالي الاستاذة كوركت تعالي ياهديل ..هديل جات الاستاذة قالت ليها مش البت دي بتبقى ليك ؟قالت ليها لا .. ماعندي بيها اي علاقة .. الاستاذة قالت لي نور .. اها يانور انتي غلطانة معناها هي قالت مابتعرفك ..قالت ليها مستحيل يا استاذه .. انا متأكدة انها بتبقى لابوي ..بس ماعارفةكيف ..وانا كنت في بيت خالتها في السماية ولاقيتها هناك ..أسأليها ..قامت هديل قالت للاستاذة ..بحكي ليك يا استاذة بس ماهسي ..قامت الاستاذة قالت لنور دقيقة يانور.. افهم منها الحاصل شنو. وبقول ليك ..نور مشت وقفت بعيد، مربعة يدينها وبتعاين للبت تحكي للاستاذة ،ونور بتعاين للاستاذة وشها اتغير وملامحها اتبدلت .. وبقت تتكلم مع البت بيزعل ..بس ماعرفتهم بقولو في شنو؟.. لكن حست بانو الموضوع خطير ..نور خافت انو الكلام يكون متعلق بالحاجة الحكاها ليها ابوها .. وخافت انو البت دي امها تكون حكت ليها حاجة عارفاها .. وبقت تقول معقول يكونالناس عارفني اني ماعندي ابو ولا ام؟احتمال يقولو انا مسروقة !! وبقت ترجف من الخوف .. بس انتظرت الاستاذة عشان تعرف بالضبط الحاصل شنو؟الاستاذة جات.. قالت ليها البت دي ماعندها اي موضوع يانور .. وتعالي سلمي عليها عادي .. واتونسي معاها .. والاستاذة مشت .وقعدت مع زميلاتها الاستاذات .. وبقت تحكي ليهم في كلام وبتأشر على نور .. نور عرفت انو الكلام عنها .. الاستاذات بقو يعاينو لنور باستغراب ..جات نور قعدت جنب هديل .. وقالت ليها ياهديل انا غلطانة في حاجة ؟قالت ليها ماعارفة .. قالت ليها احكي ليا ياهديل .. امك قالت ليك عني شنو؟قالت ليها مابقول ليك .. امي قالت لي ماتتكلمي .. والاستاذة زاتها قالت لي ماتقولي ليها كلام زي ده ..نور طوالي مشت للاستاذة تاني.. قالت ليها يا استاذة انا قلت ليك تساعديني وانتي ماساعدتيني .. شكرا" ليك انا ماشة ..الاستاذة بقت تعاين لي نور بمشاعر غير معروفة .. والاستاذات متوجمات ومهجومات وبعاينو لي نور بنظرات غريبة لامن البت اتعقدت ومشت خايفة ..وما استمتعت بالرحلة ديك نهائي.. كل الرحلة هي سارحة وبتعاين لناس المدرسة التانية .. البقو ماعندهم موضوع غير انهم يتوسو مع بعض ويعاينو لي نوروالمشكلة انها هي بت ذكية وبتفهم ..وعاينت لي هديل قاعده مع الطالبات صاحباتها و تحكي ليهم برضو ..ونور بقت طول الرحلة خايفة ومرعوبة انو يجي زول يخطفها .. وبقت تتمنى لمتين الرحلة تخلص عشان تمشي البيت ..استاذتها لاحظت عليها خوف وقلق وتوتر .. قالت ليها انتي يانور مالك؟ في حاجة؟ ..نور قالت ليها يا استاذة انا حاسة اني عيانة .. وفعلا" نور كترة الخوف والتوتر جاب ليها حمى .. !!!)ويظل السؤال قائما" على من تقع المسؤولية؟( من المسؤول ؟؟من المسؤل عن هذا العذاب الذي تواجهه هذه البريئة؟؟قريب نهاية الرحلة كدا جات جات بت من مدرسة ناس هديل .. وقعدت جنب نور .. وقالت ليها صحي انتي )بت حرام ؟( ..نور قالت ليها هديل قالت ليكم كدا ؟ قالت ليها ايوه كلمت البنات .. قالت انك بت حرام ولقيطه..نور قالت ليها .. ماعارفة والله .. الا أسال أبوي ..نور كانت مفتكره انو بت حرام معناها )مسروقة( .. وطول الطريق وهي راجعة على البيت من الرحلة .. بتقول بس ابوي قال انو المراة ادتو نور براها .. وهو ماسرق سرق نور منها .. طيب احتمال المراة تكون سارقاني من امي .. والناس عارفين .والله أنا ماعارفة ..طيب .. بس لو وروني امي منو ؟هسي بتكون ماعارفاني انا وين؟ وبتكون بتبكي ..انا لازم اسأل ابوي يوديني للمراة الجابني منها ..وطبعا ياجماعة نور الان تمت العشرة سنوات وداخلة في الحداشر وبقتتفهم شوية شوية .. بعض الاشياء ..وبتشاهد في المسلسلات .. حكايات الحمل الحرام .. وابناء السفاح وغيرها ..ودرست في المدرسة عن الموضوع .. بس كانت مستبعده انها تكون معنية بالموضوع ده.. واول مرة تسمع لفظة )بت حرام( وماكانت عارفة معناها بالضبط شنو؟ومصممة تسأل ابوها عن تسأولات كتيرة..مع انها كانت بتتحاشا تفتح الموضوع مع امها وابوها ..أها لمن وصلت البيت استحت تسأل ابوها .. قالت لو سألت ابوي بزعل وبقول نور متهماني بالسرقة احسن اسكت ..واسال زول

تاني ..طيب بكرة الصباح في المدرسة مشت سألت واحدة صاحبتها اسمها)تماضر( .من الصف التامن .ونور في الوكت داك . كانت في خامس .وكانت البت دي بتحب نور شديد ودايما بتسأل منها ونور بتثق فيها شديد ..ودايما" بفطرو مع بعض .. اها قالت ليها يا تماضر شنو يعني لو قلت الزول ده ولد حرام؟وطبعا" تماضر زولة فاهمة وواعية يمكن 13 سنة أواكتر ..قالت ليها عارفه ..ود الحرام ده يانور .. يعني زول ولدته امو بالحرام بدون عرس . ويمكن برضو تكون معرسه لكن جايباهو من راجل غير راجلا .وده بكون ملعون. وكعب شديد . وبكون مضر وشرير .. عشان كدا الزول لمن يعمل حاجة شريرة بقولو ليهو ود حرام . بس انتي بتسألي ليه؟؟قالت ليها طيب ياتماضر لو الزول مسروق من اهلو .بقولو عليهو ود حرام برضو؟)شوف بالله نور وذكاها( .. تماضر قالت ليها ..لالا.. بس ود الحرام هو الوالدنو بالحرام ..داك بقولو مسروق او مخطوف ..وبي الاجابة الاخيرة دي ..نور انلاشى جواها الامل في انها تكون بريئة من التهمة ..وخلاص عرفت انو هي في عيون الناس شنو بالضبط .وضلمت الدنيا في وشها وعيونا كبتو ..الى اللقاء .

بكره ببدا روايه جديده

😊✋بكره برسل ليكم روايه جديده رهييبه مره انتظروني

💕جنه السوشيال ميديا💕


روايات جديده 2017



مسابقات وجوائز روعه


تسليات وألغاز


مزاجيات ونكات مضحكه


قرءانيات وازكار

للاشتراك اضغط هنا 👇🏻👇🏻👇🏻
😍مزاجيــــشن😍

المسؤولية ..الحلقة 11 .بقلم طارق اللبيب ,,مدة الحلقة ست سنوات ,,نور الصغيرة رجعت البيت وكانت متوترة ومستاءة استياء غريب لدرجة انها بطنها طامة وعندها حمى .. واول وصلت استفرغت شديد .. ولمن الليل جاء كانت درجة حرارتها فوق الاربعين ..وامها خافت عليها شديد.. وقامو ودوها الدكتور بالليل وهي ماقادرة تتكلم ..والدكتور قال ماعندها اي حاجة فحوصاتها نضيفة ..احتمال اكلت حاجة مانفعت معاها او انو ارهاق عادي صرف ليهم فايتمينوبسنور وصلت البت نامت طوالي واكوثر كل مرة تقوم بالليل تلمسها عشان تشوف الحمى نزلت منها ولا لا ..بكرة الصباح قامت كويسة من الحمى ..لكن ساكتة ووشها متغير ..وحاسة انها هي ما نور المعروفة .. وبقت تنظر لنفسها بنظرة تانية خالص ..وقبل ماتلبس للمدرسة دخلت لغرفتها وبقت تعاين لروحها في المراية كتير ..وتقول معقول انتي يانور كدا ؟؟ خساااااااااااارة ..طلعت برة واتشجعت تسأل ابوها من حاجة ؟جاتو قالت ليهو يا بابا انا عايزة اسألك . وشكلها زعلانة كدا ..قال ليها اسالي سريع انا مستعجل .. قالت ليهو .. صح انا بت حرام؟امها جوة في المطبخ لمن سمعت السؤال الصحن الشايلاهو في ايدها وقع منها ..وابوها اتهجم .. ونطط عيونو .. وقال ليها تعالي هنا القال ليك كدا منو؟حكت ليهو كلام هديل النشرتو في الرحله..وقالت ليهو .. انا تماضر صحبتي قالت لي بت الحرام ..هي المولوده بالحرام .. واهلها جدعوها ماعايزنها .. وقالت بتكون ملعونهوشريرة ..محمد قال ليها .. نووووور يانور .. بس انتي ماشريرة انتي طيبانة وصلايه وبتحبي الخير للناس .. عشان كدا اكيد انتي مابت حرام .. انتي بت حلال ..بس احتمال امك وابوك يكون حاصل ظرف وما قدرو يتكفلو بي معيشتك .. خافو علي تموتي بالجوع .. عشان كدا ادوك للمرا ..قالت ليهو طيب . ام هديل قالت كدا ليه؟قاليها بالمناسبه ام هديل دي ماعندها اي فكرة عنك . بس عشان اناكلمت حبوبتك . قلت ليها نور امها وابوها غايبينوام هديل سمعت بالكلام افتكرتك كدا .بعدين هديل وامها اصلا كذاباات وشريرات.. انتي بتصدقي ابوك ولابتصدقي الكذابين والشريرين . قالت ليهو بصدق ابوي .. ابوي مابكذب نهائي. بكره الكذب كمان.قالليها .انتي بت حلال زي سيدنا موسى بالضبط ..وحيجيي يوم وتلاقي امك وابوك .. بس انتي صلي وادعي كتير..نور اطمأنت شديد بكلام ابوها .. وقربت عليهو باستو وقالت ليهو انا بحبك شديد يا بابا .. بس يا بابا انا عايزة اسألك سؤال ..لو يوم ابوي وامي جو .. انا لو قلت ليهم ماماشة معاكم انت بتقيف معاي ..لاني بالجد انا ماعايزة ام غير ماما ولاعايزة بابا غيرك ..قال ليها بالتاكيد يانور في النهاية الراي برجع ليك انتي .. وانا معاك فيكل صغيرة وكبيرة ..ونور زال عنها هم كبير بكلام محد ورجعت تضحك ومبسوطة من جديد ..وازدادت التزاما وطيبة .. وبقت اي وكت فاضي عندها .. بتقرا قران وبتسبح .. ليه؟طبعا" عايزة تقنع نفسها ونفسياتها انها بت حلال .. عشان كدا هي طيبة وماشريرة ..حتى في المدرسة البت البتغلط عليها هي بتعفاها وبتسامحا وبتحسن ليهاولمن تتصرف تصرف زي ده .. تقول لنفسها انتي كدا بت حلال يانور..في اليومين ديل ظهرت اعراض حمل عند كوثر والدكتور أكد الموضوع ..والخبر انتشر والناس فرحو شديد ..ومرت الايام والشهور والسنين وفي فترة ستة سنوات حصلت حاجات كتيرة .. كوثر جابت بتين تومات ..ونور مافرحت في حياتها زي فرحتها بالتومات الجديدات ديل .. وكوثر ابدا" ما اهملت نور مع مشغوليتها بالتومات .. ونور ماشة كبيرة وماشة فاهمة وزايدة جمال وبهاء ونور .. والالتزام بالدين .. مواظبه على دروسها . وفي الاجازة وقتها كلو قرايه فيكتب السيرة والفقه .. واي درس في المسجد نور بتكون حافظاهو صم.. لانو مكرفونات الجامع مسموعات في البيت بوضوح ..ومرت السنوات ونور تحتمي بربها من سوء حياتها .. وناس الفتيحاب لايعلمون شيئا عن تاريخها ,,وطيلة الفترة دي كانت عايشة في سلام داخلي .. ومستواها الاكاديمي ممتاز جدا ..وسبحان الله كل ماتفكر في حياتها وتتضايق ..تجري تمسك المصحف تقرا ليها جزء تحس بي فرحة وأمان .. وتنسى كل همومها .. لغاية مابقت تحب القران اكتر من اي شي في الدنيا .. ودخلت الثانوي ..ونور ماحصل زارت ناس حبوبتها ام امها ولا ام ابوها .. الايوم وفاة والدة كوثر قبل كم شهر ربنا يرحمها .. ونور بكت عليها شديد لانها كانت بتحب نور شديد ..غير كدا تاني مامشت نهائي بس نادية وهادية احيانا بجو في بيت اختهمبلاقوها وبحبوها برضو وما محسسنها باي غربةلكن غير كدا اي زول من الاسرتين يكون جاي في البيت.. نور بتدخل تختفي من الانظار ..عشان ماتسمع كلمة تعكر صفوها.. خصوصا" اهل محمد ناس كعبين شديد .. ونور مابتظهر في اي مناسبة .. وعايشة عزلة تامة .. بس شغالة قراية .. وبتتكلم براااحة وهادية ورزينة .. ونضيفة وحلوة وطاعمة غايتو البت دي مكملة الكمال لله ..والان نور في تانية ثانوي ماشة تالتة واخواتها الاتنين بقرو في الروضة ..سامية وسمية ..نور عمرها 17 سنة .. بس الزول مابقدر ي

عاين ليها مرتين .. من الجمال الفوقها ..اي زول يشوفها بتجيهو خلعة ويصاب بشلل حسي .. ويغلبو يعبر ..بس الحمد لله هي مابتطلع نهائي الا للمدرسة ..اها يوم الاستاذة قالت ليها يا نور انتي فتنه والله .. لمن تجي خاشة المدرسة الشارع كلو بقيف على حيلو .. انتي المفروض تتنقبي .. كدا بتعذبي الناس حرام عليك ..ماهي ردة فعل نور على كلام الاستاذة دي
الى اللقاء