( رد الطالب ماجد على رسالة أستاذه )

أستاذي الكريم، يتناقل الناس رسالتك عبر وسائل الاتصال الحديثة ...
وصلت إليَّ رسالتك - كغيري من الناس - فقرأتها وأنا أسترجع ( فلم ) تلك المرحلة ..

طفل يتيم فقد والده وهو في أشهره الأولى .. شبَّ ودرج عند أخواله ... لم يعرف قاموسه اللغوي عبارات كان يرددها أقرانه !! فحينما يتشاكس مع غيره تنهمر دموعه ويقول : ( والله لأعلم أمي ) بينما يقول الأخرون : ( والله لأعلم أبوي ).

مرت السنوات ووالدتي - جزاها الله خيرًا - تقوم بدورين دور الأب ودور الأم معًا !!

في أول يوم دراسيِّ أمسكت والدتي بيدي وذهبنا إلى المدرسة وهي تهمهم طوال الطريق
لم أفقه من همهمتها إلا ( الذي لا تضيع الودائع عنده )
ودعتني عند باب المدرسة ورجعت للبيت.

دخلت المدرسة لأول مرة .. وفي تلك السنوات كان الأسبوع التمهيدي في أول سنوات تطبيقه ..
كل طفل بجواره والده يشجعه إلا أنا وقفت وحيدًا لا ادري ما الله صانع بي ..
لكن ما كانت تهمهم به والدتي بدأ مفعوله .. سار نحوي رجل وأخذ بيدي .. سأل عن اسمي .. فأجبته ...
سأل عن والدي أين هو؟ ..ببراءة الطفولة قلت : ما عندنا أبو .. تقول أمي أنه مسافر ..
كتب اسمي على بطاقة وعلقها على صدري ..

إنَّ ذلك الرجل هو أنت أستاذي الكريم!!!!!!!

كنتَ تظن أنَّ بداية قصتي معك هي المسبحة .. لا والله إنَّ البداية من أول لقاء .. فا لانطباع الأولي هو الذي الذي يترسخ بالذهن سواءً كان انطباعًا جميلاً ام قبيحًا .. وهذا الانطباع يصعب تغييره مهما حاولنا ترميم ماحدث في أول لقاء ..

أما قصة المسبحة فهي واحدة من حيل الطفولة التي كنت احتال عليك حينما أشعر بحاجتي إلى جرعة من أبوتك !!

سافصح لك - بعد تلك السنوات - عن بعض سيرتي معك .. كنت أتعمد - أحيانًا - الوقوع في الخطأ في درس المطالعة مع معرفتي الجيدة لها .. وكثيرًا ما أقوم من مقعدي وأتجه إليك في مكانك لأسألك عن صحة ما كتبت مع يقيني أنَّ ماكتبه صحيحًا .. بل كم يوم ويوم حطمت سن القلم كي أقوم بإصلاحه بالبراية الكبيرة المثبتة في زاوية مكتبك ... صنعت ذلك كله من أجل أنْ أقترب منك فأشعر بدفء حرارة أبوتك !!

ختامًا : يا والدي العزيز، درست على أساتذة كثر من المرحلة الابتدائية مرورًا بالمرحلتين المتوسطة والثانوية وأخيرًا في المرحلة الجامعية و صورتك الجميلة ماثلة أمام عيني .. وكلماتك الأبوية وقود لمواصلة مشوار الحياة .. أسأل الله أنْ يرزقك الفردوس الأعلى من الجنة على وقوفك معي وتشجيعك .

التوقيع : تلميذك بل ابنك ( ماجد )

قصة مؤثره وتربويه اللهم ارزقنا لين القلوب

_

- قصة لو استطعت لعلقتها على جدار كل مدرسة .. قصة تحكي و تترجم قوة المربي و أثره على الطلاب ..
كم بين تلك الأجساد الصغيرة من قلوب تنتظر حبًا أبويًا ..
كم بين تلك العقول الصغيرة عقول فذة تنتظر الدعم و التشجيع

المعلم إما أن يكون منبرا من نور يهتدي به الطلاب
أو أن يكون معولا يكسر الهمم و الطموح
و بعضهم لا وجود له رغم دخوله المتكرر طوال العام ..
كُن الأول دائما و احتسب الاجر عند الله🌹

#مفيد_للقصص
🌹🌹🌹🌹🌹🌹🌹🌹
لا تنسونا من صالح دعواتكم

طارق اللبيبالمسؤولية .الحلقة 24 ..بقلم طارق اللبيب .بعد ما كملت نور كلامها .. وقع الكلام على الحضور زي الصاعقة .. وسكتو)تممم( امكن دقيقة او دقيقتين مافي زول قال كلمة ..لانها ختت ليهم النقاط فوق الحروف .. كوثر ما استحملت قامت طلعت ..ونور قامت وراها وهي تنتحب من البكاء ..ومحمد وفخري قعدو محتارين ..فخري قال لمحمد ..انت ياعم محمد ما مشيت سألت من نور؟ .. الجابها اصلا للدار منو ؟وجات كيف؟ ..قال ليهو .والله يافخري يا ابني زي ماعارف التردد والتخوف في قلب الانسان ..وخصوصا" انا حاس احساس الوالد .فاهمني ؟طبعا" صراحة املي كله انو تطلع نور بت حلال .. عشان كدا بتخوف اني احصل على معلومة تأكد لي الحاجة التانية ..لكن بالنسبه للدار .. مشيت وسألت .. وكم مرة بمشي ومتابع معاهم.بس في سرية تامة .ومافي زول من ناس البيت عارف التفاصيل .. وتتخيليوم من ذات الايام. نور قالت لامها شنو؟ .. قالت ليها . انا نفسي امشي اسأل من نفسي .. .بس خايفة اطلع نتيجة لعلاقة غير شرعية ...عشان كدا احسن ما امشي اسأل ..بالمناسبة يافخري ..انا عايز اقول ليك حاجة .. نور دي .. مستحيل يتعرف اهلها الحقيقيين ..انت عارف ليه؟ ..قالو اول حاجة لقاها سائق تكسي .. الساعة 4 صباحا" .. مختوته فوق صبة مقعد بتاع مظلة .. وماعارف عنها اي حاجة .. .بس حس انهاا مسؤوليه امام الله وشالها وداها الدار في نفس الوقت.والسواق دا من منطقة العسيلات .. وهسي الزول ده كبر .. وانا نامشيت ليهو في مكانه .. عشان يديني اي راس خيت ..والقى عندو اي معلومه .. تفيدني او تقودني للمعرفه .. لكن .. للاسف..ماعندو اي دليل يهديني .. غير انو لقاها في مظلة .. ملفوفة بي بشكير بمبي .. ومربوط في رقبتها خيط احمر .. .وشالها وداها الدار ..المهم ده كل الحاصل ..فخري قال ليهو لقاها وين بالضبط ..قال ليهو لقاها في منطقة )..........( المنطقة داخل العاصمة .. في مظلة في الشارع الفلاني فخري قال ليهو ايوة بعرفو ..بس ماوراك لقاها في ياتو مظلة؟..محمد قال ليهو ابدا" وماسألته .. لانو ده سؤال بدون فائدة ..قال ليهو ومين قال بدون فائدة ؟.. ياعم محمد .. الله يخليك .. خلينا نبذل مجهود اكبر .. شان نعرف الحاصل شنو .. نور دي بتستحق انو الزول يخسر وراها الغالي والنفيس ..محمد قال ليهو اها طيب .. انت فكرتك شنو؟قال ليهو بس عايزك توصلني للراجل سواق التكسي الشال نور من المظلة وهي طفلة ووداها لدار الايتام .ده زاااااتو ..ونساله زيادة اسئله خصوصا تحديد المظله ده احتمال كبير يفيدنا . قال ليهو يافخري عاين الكلام ده مر عليه كم من السنين..فخري قال ليه بس انت وصلني الزول بتاع التكسي..قال ليهو جدا السبت الصباح تجيني نمشي ليهو ..وفخري ودعهم ومشى لبيت خالتو حكى ليها الحاصل ..خالتو دكتورة فاطمة .. صاحبتو شديد وبكلمها باي حاجة .. وهي انسانة واعيةقالت ليهو يحليلا نور والله قطعت قلبي .. انا نفسي امشي لنور في البيت واتونس معاها .. واحسسها انو في ناس واقفين معاها ..والله البت دي بريدها ريده سبحان الله .. فخري قال ليها الصبر ياخالتي.. ح اوصلك ليها ..قالت ليهو بس انا المحيرني .. انت ماشي العسيلات تسأل من زول يوصف ليك المظلة ..هب انك عرفت المظلة .. حترجع الزمن عشرين سنة لورا عشان تشوف البت الختاها هنا منو؟قال ليها انا بس متوكل على الله اني ح أعرف راس خيت في الموضوعانا قاعد احس انو نور دي ح ألقى ليها مخرج وفرج باذن الله ..واحساسي ده مسيطر علي سيطرة شديدةلازم اسك الموضوع ده واوصلو اخرو .. لو وصلت لهدفي ولقيت مرادي .. يبقى كل تعبي وشقاي النسبة لي متعة وذكريات طيبة .. ولو فشلت في مسعاي بكون رضيان من العملتو ..ولو طلعت نور الشي النحن خايفين منو..نشوف بعدين البحصل شنو..السبت جا .. وهو مشى لمحمد وركبو ومشو العسيلات .. ولقو الراجل الكبير بتاع التكسي عيان .. وحاولو يتكلمو معاهو .. بس اولاد الراجل منعوهمقعدو معاهم شوية عشان يتحسن .. بس الراجل حالتو ماشة متأخرة ..وكلما هم قاعدين فخري يمسك واحد واحد في الاولاد .. ويحنسو يقول ليهو المعلومة الوحيدة ..النحن حنشيلا من ابوك دي مبنية عليها حياة كاملةلانسان مسلم ..اصلو ابو يسمعوا كلامو .. وقالو ليهو ابونا ممنوع من الكلام ..وحتى لو سمحنا ليك اتكلمتا معاهو .. هسي هو مابقدر يجمع عشان يجاوبك على اسئلتك ..المهم لغاية العصر كدا قنعو منهم .. ورجعوا بدون مايعرفو معلومة ..وفي الشارع محمد قال لي فخري .. يافخري نحن هسي ضيعنا اليوم ده بدون فائدة ..والله انا كل مرة بقول فخري ده المظلة داير بيها شنو؟قال ليهو يامحمد انا عامل زي الغريق البتعلق بي قشة ..لكن اهو ربنا ماقسم لي القى المعلومة اعمل شنو؟فخري مشى قاعد تلاتة ايام مهموم ومغموم .. وفي اليوم التالت قام مشى لي بيت ناس نور ..لانو حس انو قلبو حرقان من شوقها.. ونفسو بس حتى لو ما شافها ..يكون قاعد في حتة ويحس بانها هي قربة منو ...وصل بيت ناس نور .. ولقى محمد قاعد .. ومحمد اكرمو واتونس معاهو وجات كوثر سألتو من ال

عملية الجنونية بتاعة مشية العسيلات دي .. هدفو منها شنو؟قال ليها والله اهو ياخالتي الواحد بحاول يلقى امل .. عليك الله نور كيفنها ..قالت ليهو نور مدعووووووكه في القراية ..قالت ليهو دقيقة اناديها تسلم عليك ..ومشت دخلت عليها في غرفتها .. قالت ليها يانور فخري جا .. ماجاية تسلمي عليهو؟ .قالت ليها مابقدر يا ماما حبيبتي ..بصراحة .. الزول ده لو شفتو برتبك .. تاني لي بكرة مابقدر اقرا ..امشي ليهو بلغيهو سلامي الله يخليك .. بعد امها طلعت نور .دموعها عاودت الذفق والانسكاب ..يا الله .. علي الحب العظيم النقي .. حينما يكون مقيدا" ومنكسرا" ..ومحكوم عليهو بالاعدام.. وفاقد الامل ..مشتت ويتيم ..كل الناس بتحب وتعيش في الحب .. بي هدف اللقاء المقدس.. ورباط الزواج والفرحالا نور .. نور حاسه بي فخري حب حياتها قريب منها .. وحاسه بي روحو تحتوي المكان .. وتنهال على الاجواء عطرا" وأمنا" ..وهو بحبها .. وهي بتحبو .. واهلها بحبوهو .. واهلو بحبوها وموافقين عليها..لكن السبب القاتل الواقف في طريقها .. ماعندها فيهو يد ..ياترى )من المسؤل ..من المسؤول(..كوثر مشت لي فخري بي غادي .. و بلغته السلام من نور .. وفهم انو ما حيقدر يشوفها .. ولايسمع صوتها حتى .. وهو كان متمني انو نور تجي تسلم عليهو .. من بعيد بس .. مجرد سلام .. مجرد سلام ..المهم بعد طلع منهم مكسور الخاطر .. متيم الفؤاد .. بس اصر اصرار شديد انو يمشي العسيلات تاني مرة ..لو لقى الراجل حي يسأله ومايجي الا يجي بنتيجة ..ولو لقاهو انتقل يعزي الاولاد ..ومشى فخري للعسيلات ..بدون مايكلم محمد ولافي زول عارف المشوار ده .. اها وصل ولقى الراجل التكاسي صحصح وبقى زي الفل ...وقال لي فخري . الجماعة قالو.. انت جيتني هنا ..وعايز تسأل عن حاجة.. قال ليهو نعم ياعمي .. انت بتذكر الطفلة القيتها ..في الصبة بتاعة المظلة ..ووديتها دار الايتام ..قال ليهو اي بتذكرها ..قال ليهو المظلة في ياتو محطة المظلة ياتها تحديدا" كدا ؟؟؟قال ليهو المظلة في محطة 12 .. كان مكتوب عليها . وقف لروح الحجه)فلانة الفرتكانية(.. ياخي فخري ده فرح فرحة التقول عرسو ليهو نور .النشوف الزول ده فهمو شنو .؟الى اللقاء .. — ‏

رفقه عمر:
#روايه_رفقة_عمر
#الجزء_الرابع(الحلقه3)
#دينا_محمود

مبسوط كده في شنو كدي تعال احكي لي .. مافي شي بس مبسوط .. لا لا متاكده في شي وريني .. انا يا امي داير احب نفسي ارجع احب تاني .. الناس بتقول نفسها تعرس انت نفسك تحب .. هههه ما يا امي احب اول بعدين اعرسانتي ماعارفه قاعدتي دي .. اي عارفاها وكل يوم بدعي تلاقي البت ديك ..مابتقصري يا امي كان لقيتا خلاص كان ما لقيتا مامشكله اشوف لي مزه تشبهك كده رايك شنو .. هههه زي ما بتلقى انا اخر حبه لي ابوك بس ههه .. ما طمنتيني لاكين جد والله اخر حبه ههه .ربنا يديك العافيه ويخليك لي ي رب .. امين حبيبي انا وان شاء الله تلقى احسن مني كمان .. مافي احسن منك يا امي والله .. لاكين عما قريب ان شاء الله حاجي ابشرك واقول ليك لقيت البت .. ان شاء الله والله ربنا يعدلا عليك .. يلا اقوم اعمل ليك شي تاكلو .. لا لا ماشي الجامعه الاقي الشباب ديل امس ما لاقيتم .. خلاص تمام خلي بالك من نفسك .. حاضر يا امي وطلع .. مشىلاقى احمد وطلعو ع الجامعه لاقو الشباب وزي كل يوم جبنه ومرات محاضره ومرات لا .. عمر شباب رايكم شنو الليله اعزمكم فطور بره .. اي الليله مبسوط كده مالك ما بتعزمنا ههه بس ورينا سبب البسطه عشان كان بنقدر عليها نعملا ليك كل يوم عشان تعزمنا كل يوم .. ههه لا ما بتقدرو عليها ارح بس انتو .. خلاص تمام وطلعو يفطرو بره ..الشباب فرحانين ومبسوطين ب بسطه عمر فطرو وانبسطو وطلعو اتفسحو شويه ورجعو البيت .. يوم من الايام ابو احمد تعب ودوه المستشفى احمد اتصل ع عمر كلمو عمر طوالي جرى ليه المستشفى في شنو .. ماعارف والله فجاء تعب ووديناهو المستشفى وليه فترى بشكي من جنبو .. خير ان شاء الله الدكتور معاهو جوه اي .. قعدو استنو لمن الدكتور طلع .. اها يا دكتور طمنا .. والله شباب ابوكم عندو فشل كلوي في الكلى اليمين ولازم يغسلو ليه لازم تسفرو بره يتعالج وتنزرع ليه كلى جديده .. احمد انهار وماقدر يقيف وقع في الارض وعمر جنبو .. بحاول يرفع فيه ويواسي .. احمد انت زول مؤمن المؤمن مصاب وان شاء الله خير وبتكلم معاهو واحمد يشتت في الدموع عمر اتكلم معاهو مسافه وبدى يشرح ليهوالموضوع ما خطير وبتعالج قام يكورك .. ماخطير كيف يا عمر قال ليك داير كلى وغسيل وابوي كان راح فيها امي واختي حيكون وضعم كيف حنعيش بدونو كيف .. ماتخت الاحتمالات السيئه انت كدي النفهم من الدكتور اول انت خليك هنا ..مسكو قعدو في اقرب كرسي ومشى للدكتور.. سلام ي دكتور اها عايز اطمن ع الوالد ..والله المرض واصل مرحله متاخره ما من البدايه يعني لاكين ان شاء الله بتعالج والطب ماشي متقدم واي شي بقى ليه علاج بس قلتا ليكم تسفرو عشان بره العلاج احسن من هنا وان شاء الله خير .. طيب ي دكتور البلد الكويسه في العلاج دا شنو.. اقرب بلد مصر هنا علاجا كويس ودول بره برضو كويسه ع حسب استطاعتك . . خير يا دكتور وشكرا ليك .. طلع لي احمد بره شنو ياخ اهاالدكتور طمني وقال كل شي حيكون تمام بس احنا نخلي املنا في ربنا كبير وحنسفرو مصر وانت حتسافر معاهو وامك واختك انا بخلي بالي منهم وارح نبدا نجهز اجراءات السفر وتطلع جوازاتكم وماتحاول تقلق امك طمنا ارح انا زاتي حامشي معاك ليهم تلقيهم قلقانين هسي يلا ارح #يتبع ..

( قصة نحوية طريفة ) ذات الحنك السنين😹🙈

#روائع_الادب_العربي ..

كان لأحد النحويين جارية، وكان شديداً في معاملتها، وقدر الله أن تنكسر جرة النحوي بين يدي جاريته؛ حيث انزلقت منها حينما همت لملئها من البحيرة، فارتعدت وخافت من مواجهة سيدها النحوي، إلى أن اهتدت إلى حيلة نحوية تحد من عقوبتها، إذ قالت لسيدها: مولاي. ألا يجب الكسر حين يلتقي ساكنان، قال: بلى، قالت: وكذلك فعلت. قال: كيف ذلك؟ قالت: لقد ذهبت إلى البحيرة فوجدتها ساكنة لا يتحرك ماؤها، وكانت الجرة في يدي ساكنة كذلك، فرأيت أن الجرة الساكنة ستلتقي بالبحيرة الساكنة، لذا قمت بكسرها منعا لالتقاء الساكنين!
فضحك سيدها وعجب لفطنتها وعفا عنها.

- قال ابن مالك في (الكافية):

إن ساكنان التَقَيَا اكسر ما سبق

وإن يكنْ ليْنا فحذفه استحق (أي حرف لين

من يقرأ التاريخ لا يدخل اليأس إلى قلبه أبداً،
و سوف يرى الدنيا أياماً يداولها الله بين الناس .
#‏مصطفى_محمود

ﺷﺎﺏ ﻣﺎﺕ ﺑﻤﺴﺠﺪ ﻭ آﺧﺮ ﻣﺎﺕ ﺑﺒﻴﺖ ﺩﻋﺎﺭﺓ،ﺍﻷﻭﻝ ﺻﻼﺗﻪ ﺭﻳﺎﺀ وﺍﻟﺜﺎﻧﻲ ﺩﺧﻞ ﺇﻟﻴﻬﻢ ﻧﺎصحا.
ﻟﻴﺲ ﺍﻧﺖ ﻣﻦ ﺗﺤﻜﻢ ﻫﺬﺍ بالجنة وﻫﺬﺍ ﺑﺎﻟﻨﺎﺭ - الحكم لله
فأحسنوا ظنكم."

المسوليةالحلقة 25بقلم طارق اللبيبفخري الحبيب الله يعينو في مسعاهو .. جاء راجع من العسيلات فرحان ..اول شي مشى بششر خالتو .. وقال ليها عرفت المظلة .. دكتورة فاطمة قعدت تضحك .. قالت ليهو . البشوف فرحتك يقول عرفت اهل نور هههه.المهم عدا اليوم داك مقلقل ..لانو وصل البيت زي الساعة تلاتة كدا..والوكت ما بمهلو يسوي شي..وباكر من الصباح ..قال ليها ياخالتي انا ماشي اسحب لي قروش من البنك..وح انقطع منكم شهر .. قالت ليهو ماشي وين آالبخيت ؟..قال ليها بينا التلفون .. وانا بوافيك بكل كبيرة وصغيرة تحصل معاي .. بس دعواتك.. ولمه هدومو في شنطة وفات ..وخالتو تصفق في ايديها ..قالت الولد ده اكيد .. فوت وفقد التركيز .فخري مشى لي )..........( اللهي المنطقة المقصوده .. _برضو مادايرين نجيب اسمها مراعاة لسكانها من القراء. _المهم وكت وصل وعاين . شاف المظلة في محطة 12 وهو راكب في الحافلة ..دقة أشر للكمساري ووقف .. مشى قعد في المظلة ..المظلة صبتها مشققة والاسمنتي بدا يقوم قحوف قحوف ..والركايز بتاعتها خلاس اتأسفن من الزمن ..قعد فوق الصبة محل بقعدو الناس.. المنتظرين وبقى يهبش في الصبة بي يدو كدا ويمسح فيها ..)سبحان الله يعني نور ختوها هنا وفاتو منها.؟؟ (اخد قعدتو وقام.. مشى لي اول بتاع بقالة فاتح علي المظلة جاءهو سلم عليعو ..وقال ليهو لو سمحت انا عايز لي نص بيت للايجار لمدة شهر .بس في الحتة دي . اهم حاجة يكون في الحتة دي .قال ليهو انت معاك منو؟ قال ليهو انا برااااااااي ..بتاع البقالة قال ليهو وينو عفشك؟ ..قاليهو ماعندي بس شنطتي ..دي فيها غيار ..وممكن اشتري لي سرير ولحاف وملايه تاني في شنو ؟قال ليهو اقعد دقيقة .. قعد قدام البقالة في الكرسي ..بتاع البقالة اسمو عبد العزيز ..من ناس النيل الابيض وزول اخو اخوان ..بعد خلص الزباين جاهو قعد معاهو واتعرف عليهو وعرف اسمو ..وقال ليهو انت شغلك شنو ؟ قال ليهو انا شغلي سري شوية اذا بتكتم السر. بوريك لقدام ..قال ليهو يا فخري ..انا ساكن براي في نص بيت ..ممكن تسكن معاي ..وتدفع لي نص الايجار ..اصلا هو شهر صاح؟ قال ليهو واحتمال اقل من شهر ..المهم فخري سكن مع عبد العزيزبتاع البقالة فی بیتو وبقو اصحاب ..فخري حاول يوهم عبد العزيز انو شغال في المباحث وبحقق في قضية..فخري هدفو شنو من الموضوع ده ؟الله اعلم ..بدا يوهمو كيف ؟ فخري بالليل بتكلم في اللفون مكالمات عجيبة ..المتهم .. والكيس الفلاني .. والقضية .. والتحريات .. وحاجات كدا بتكلم براحة وداك سامعو ..وكلها مكالمات وهمية ساي .. المهم عبد العزيز اتاكد انو الزول ده شغال في المباحث.. وتاني ماسالو من شغلوكمان مرات بناديهو يقول ليهو ياجنابو ههه..وشوية شوية خش في اولاد الحلة ..كل مايلقا ليهو شلة قاعدة في ركن..يجي يقعد معاهم ويعزمهم عشاء ..وفي اسبوع بقى مشهور بانو زول كلس وأصلي ..وبيمكالمة وهمية واحدة ..كل الشباب حسو انو الزول ده مباحث ..وطلقو الخبر في الحلة .. ودي الحاجة الكان دايرها هو ..ياربي هدفو شنو نصبر..اها يوم بسأل في عبد العزيز ..قال ليهو عبد االعزيز ..البقالة دي فاتحة هنا ليها كم ؟قال ليهو ليها اكتر من تلاتين سنة ..وكان قبالي شغال فيها عمك محمود.. هسي مؤذن في المسجد القدام ده..محمود ده كان شغال في البقالة دي من فتحوها ..قال ليها و طيب وانت ياعبد العزيز مسكتها من متين ؟قال ليهو يمكن سبع سنوات كدا ..فخري طوالي بقى يمشي الصلوات الخمس في المسجد القدام ..وصاحبالمؤذن ولقاهو رجل فاضل ..قام يوم سأله قاليهو ياعم محمود .. حصل سمعت وانت في البقالة دي..عن واحدة حملت بالحرام؟حاج محمود قال ليهو ..اعوذ بالله ..ده كلام شنو البتقول فيهو ده ياولدي ..قام فخري قال ليهو انت راجل صالح ..انا كان حكيت ليك مشكلتي بتساعدني ؟قال ليهو قول .. والعون من الله .. حكا ليهو كرررررر من طق طق للسلامعليكم ..حاج محمود قال ليهو شوف يا ابني وده برضو كلام سر .. انا في فترتي القاعدها سمعت بي تلات حالات زي دي .. لكن والله مابتذكر السنوات بالضبط ..وماعارفالبناتالحصل ليهم كدا ..الموت حار ياولدي ..لكن ليك علي بساعدك مادام سعيك سعي خير ..اها خت لي بالك كويس ..في مراة بتبع الطعمية في البقالة القدام..البعد بقالة عبد العزيز .. اسمها زهراء ..زهراء دي مسمنها منتكارلو .. طول السنوات دي وهي عندها اي خبر .مهما كان سري .وبالتفاصيل .. لو قدرت اتوصلت ليها وكسبت ثقتها ..حتما" حتلقى عندها خبر ,,فخري مسك الحاج وسلم عليهو وباسو في يدو ومشى ..فخري المسا شال ليهو عشرين جنية ومشى لي زهرا .. وسلم عليها بابتسامة .. واشتري طعمية بجنيه ..اول ماضاق الحبة الاولى .. قال امممممممم مبالغة مبالغة .. ياخي انعل ابو كدا زاتو .. زهراء قالت ليهو مالك يا ولدي ..قال ليها أول مرة في حياتي اضوق طعمية زي دي ..عليك الله اديني طعمية بيعشرة ..اشترى طعمية بي عشرة وبيض بي عشرة ..ومشى وهو ماشي .. اتلفت عليها وقال ليها باكر بجي بشتري منك بي عشرة ياخالة ياعسل ..زهراء م

نتكارلو بقت تضحك لغاية الضروس الورا .واتكيفت كيف من الولد ده ..ايوة ايوة .. طبعا" لانو المراة لو داير تكسر جناحاتها وتخليها تتبسم براها . شكر ليها اكلها .. ولو عايز تحطمها قول ليها اكلك كعب ومابتعرفي تطبخي .. هههه..المهم ..باكر جاها وجر البمبر .. وقال ليها الليلة عايز اكل جمبك هنا ..واحس بالامان انتي ذكرتيني امي .. ونفس يديك الحلوين ديل .. ياهن زاتن يدين امي .. منتكارلو بدت تسال فيهو وبديهو اجابات مزيفة ..المهم المراة دي في كم يوم حبته حب شديد واطمأنت ..اها يوم داير يفاتحها .. ودي بقت املو الوحيد ..قال ليها تصدقي ياخالةعندي حلم بحلم بيهو تلات يوم ماعارفو شنو؟قالت ليهو اها شنو احكي لي ان شاء الله خير ياولدي ..قال ليها في مرة بشوفا في النوم بتقول لي انا اتهموني بالحرام قبل عشرين سنة وانا ساكنة في الحلة دي ..زهراء قالت ليهو قبل عشرين سنة؟؟؟ قال ليها اي نفس الكلام بتقولو لي تلاتة يوم .. قالت ليهو عرفتها ليك ...الى اللقاء .. — ‌‏

رفقه عمر:
#روايه_رفقة_عمر
الجزء الخامس (ح1)بقلم دينا محمود
طلعو الاتنين وطول الطريق عمر بوصي في احمد يهدي اعصابو ويروق وما يخلع ناس البيت .. وصلو جات امو ونهاد جارين احمد اها طمنا ابوك كيف .. ابوي مالو يا احمد .. مافي شي كويس بس تعب شويه واظن الكلى والدكتور قال لازم يسافر مصر يتعالج .. امو واختو قامو يكوركو.. عمر الله يهديك يا احمد ما كده .. والله يا امي مافي شي كدي روقي والدكتور طمنا عليه والله بس لازم يعمل عمليه بسيطه .. يطمنكم كيف وقال ليكم لازم يسافر .. السفر دا هو قالو عشان عارف امكانيات المستشفيات هنا قال احسن مصر عشان هناك العلاج احسن وكلها فتره بسيطه شهر ولا اقل ويرجع وانا من بكره حامشي مع احمد نشوف الاجراءات ويسافر معاهو وانتي ونهاد حاختكم في عيوني وكان ما بتمانعو تمشو معاي البيت امي حتنبسط بيكم والله .. مابتقصر والله ي ولدي ما بتجينا عوجه ان شاء الله بس طمنونا ع الحاج .. ان شاء الله خير وهسي كان دايره ارح معاي نطمن عليه .. فعلا لبست هي ونهاد وطلعو المستشفىشافو ابوهم ورجعو .. تاني يوم الصباح عمر كلم الشباب جو كلهم المستشفى واطمنو ع الحاج ومشو مع احمد وعمر يجهزو اجراءات السفر .. وبي واسطه من ابو عمر ما اخدت معاهو الاجراءات غير يومين وجوازم طلع وقطع ليهم التزكره اداها لي احمد يوم السفر وماشين كلهم معاهو المطار عمر نادا احمد ع جنب واداهو قروش في يدو لحده ما يصل ويرسل ليه الباقي حق العمليه .. احمد مابتقصر والله ي عمر لاكين دبرتا .. دبرتا كيف يعني ومن وين .. والله كان عندنا ارض في البلد وكلمتا عمي وحكيت ليه الظروف اشتراها هو مني واداني القروش.. يخسي عليك يا احمد لي تتصرف كده بتحتاجو ليها لي بايعا .. اكتر من حوجتي لي علاج ابوي وعارف العلاج انا حيطول وداير قروش كتيره .. انت ما تشيل هم كان احتجتا ليك بكلمك .. سلم عليه وع اهلو والشباب ومشى .. عمر ساق امو ونهاد اختو ورجعم البيت ومشى السوبر ماركت جابليهم اي حاجه بتكفيهم لي مده شهر جاء ختاها واداها مصاريف اذا احتاجت حاجه وهو كل يوم حيجي يشوفا ويطمن عليها .. شكرتو ..وطلع ..طبعا الاحداث دي كلها احمد جايط وعمر جايط وزول كلم صفاء مافي دقت تلفون لي عمر .. اممم دي صفاء نسيت اكلما واكيد احمد مع الجوطه نسى برضو .. رد عليها وسلم وسالتو من احمد حكى ليها ب الحصل معاهوكلو .. زعلت ما في زول كلما .. اعتزر ليها الامور جاطت وعشان كده ما لقو وقت يكلموها طمنا وقال ليها اول ما يصل عمر ويعمل شريحه انا حاديك رقمو اتواصلي معاهو .. قالت حاضر وقفلت .. احمد دق من مصر وطمن عمر واهلو وشكر عمر لانو ححز ليه المستشفى واجر ليه الشقه الحينزل فيها بواسطه معارف اصحابو هناك كلمو ب صفاء وادى صفاء الرقم ..صفاء اتصلت ع احمد وكفرت ليه لي بابا وبقت متواصله معاهو لاكين احمد ما زي اول مشغول وجايط مع ابوه ومارايق لي صفاء بقى يختصرا ومراتمايرد وصفاء تشكي لي عمر .. عمر بحاول يشرح ليها وانو احمد مشغول واعزريهو وكده .. بقت مابتدق لي احمد الا احمد يتصل براهو وهي كل يوم بتتكلم مع عمر نظام بتشكلي من احمد وتصرفاتو .. شويه شويه بقى متعلقين الاتنين بي بعض شديد .. احمد هناك ابوه كل يوم يغسل الدكاتره قالو بس يزرعو ليه احمد قال خلاص ياخدو حقتو وكلم عمر قال ليه ما يجيب سيره لي امو واختو .. عمر قبل يوم العمليه حقت النقل حجز تزكرتو وحصل احمد عشان يقيف معاهو في اليوم دا ومواصل صفاء واصحابو .. قال لي صفاء ماتحاولي تتصلي كتير الايام ديعشان هو مع احمد نقنقت شويه واقتنعت بقت تراسلو بس ب الرسائل ..عملو العمليه لي احمد وابوه تاني يوم طوالي وعمر هو الواقف معاهم لحده ما العمليه نجحت واحمد شد حيلو شويه .. احمد اشتاق لي امو واختو سال الدكتور بعد ما العمليه نجحت ممكن يرجعو .. الدكتور قال ليهلا لازم يقعد فتره عشان يشوفو حيتقبلا الجسم ولا .. عمر قال ليه ماتشيل هم انا معاهم وهسي موصي ابوي وعادل وخيرو مابتجيهم عوجه انت بس روق وانتبه لي نفسك ولي ابوك هسي وانا بقعد معاك لحده ما تشد حيلك ..انبسط من عمر شديد ومن وقفتو معاهو ..بقى هو وعمر كل يوم بمشو الصباح يقيلو في المستشفى وب الليل يرجعو البيت ومرات ينزلويتفسحو في مصر شويه واطمنو ع ابو احمد .. يوم جو راجعين البيت وكانباقي يومين وعمر يرجع السودان .. عمر دخل يستحمى والصور كلها في تلفونو ..احمد كورك ليه قال ليه عايز ارسل الصور ..فتح تلفون عمر وقعد يرسل في الصور ..عينو وقعت في صوره صفاء في الواتس فتحا لقى رقما .. عمر كاتبا ست الناس .. جاهو فضول يعرف في شنوولي مسجلا بي ست الناس والكلام دا .. دخل قراها المحادثات كلها انصدمعرف انو عمر عامل علاقه معاها ..عمر انتبه لانو احمد ممكن يفتح المحادثه ما استحمى كويس لفى بشكيرو وجاء جاري .. احمد طوالي طلع من المحادثه وبقى يرسل في الصور .. كدي دقيقه اديني التلفون نسيت ياخ امي قالت لي ارجع لي كدي الحقى قبل ما تنوم .. دقيقه طيب هاك وكمل لي الصور .. تمام شال التلفون ومسح

المحادثه وعمل نفسو بتكلم #يتبع

طارق اللبيبالمسؤولية ..الحلقة 26 ..بقلم طارق اللبيب..فخري منتبه انتباه شديد لي كلام منتكارلو .. وكت قالت ليهو عرفتها ليك.. قال ليها اها .. دي منو؟؟ .. لانو الحلمة فيها باقي مهم ..قالت ليهو دي .. )شاشوقه( ..قال ليها شاشوقه؟؟ .. شاشوقة دي منو .. ؟قالت ليهو دي بت زمان .. اسمها اشتياق .. واولاد الحلة مسمنها شاشوقه..البت سمحه سماحة ياولدي .. تضوي زي الرتينة .. وعاقلة وطيبة .. و)مسكينة الله والرسول( البت عرست عرس الهنا والمنى ..اها راجلها ده قاعد معاها 4 شهور اظنو وكت حملت قال لهم ده موجناي.. وانا اصلي بتكم دي ماهبشتها .. عشان انا ماقدرت اعمل معاها حاجة . وهي يسألو فيها ومتبكمة قالو وتبكي بس .اها ساقو الراجل ..ومشو معاهو للدكتور ..وقالو لقو راجلها عندو عجز . وفعلا ماقرب منها ..وهي حامل .طوالي ابوها طلقها منو ..وحلف عليها ..وسجنها في اوضة لامن ولدت.. وقالو شالو الجنى ودوهو وين مابعرفو .. الكلام ده الناس العارفنو بالعدد اوعك تمرقو ..هسع اي زول يمشي بيت ناس شاشوقة .. مابقدر يلاقيها..وخالاتها قالن عيانة .. الفقير مانعها تقابل زول .. وزول بشوفها مافي..والناس زاتهم خلو الدخلة عليهم من الزمن داك .فخري قال لاحول ولاقوة الا بالله .. وهم الدنيا نزل فوقو .. وخلاص دي بادرة من بوادر انو نور ..فعلا" ناتجة عن علاقة ماشرعية .قاليها اها ياخالتي العزيزة .. وصفي لي بيت ناس شاشوقة ديل ..قالت ليهو شن بتدوربو ؟ قال ليها بس هسع بوريك الحاصل ..قالت ليهو شفت الشارع القصاد البقالة ده ؟..تمشي طوالي تفوت الشارع الاول .. والشارع التاني . تلف بالشارع التالت .. على يدك الشمال تاني باب .. باب كبير لبني ..اها بس انت داير بيهم شنو؟؟ وباقي الحلمة بقول شنو ؟قال ليها انا بجيك بعدين .. وبحكي ليك الباقي .. وفات منها ..فخري مشى البيت يقضي ليلو داك ..لقى عبد العزيز راقد يقلب في تلفونو ..فخري اصلو ما تكلم معاهو وسارح ومغموم ..لدرجة انو نسى السلام زاتو .. ماقال لي عبد العزيز السلام عليكم ..عبد العزيز قال ليهو كنت وين ؟ برضو مشيت لمنتكارلو ؟ والليلة وينها الطعمية البتجي كلو يوم مالي بيها كيسك ..؟فخري قال ليهو انا اسف .. والله نسيت اسلم عليك ..طبعا ..هسي فخري في الحلة دي بجاي ليهو تقريبا" 12 يوم .. ويوميا بتصل علي خالتو فاطمة .. وبوريها الامور ماشة كيف ..الليلة ما تصل عليها نهائي ..ونوى انو مايوريها ..لانو امورو ماشة كعبه.. ومافي بوادر خير في الموضوع ..اها ياجماعة الخير .. باكر الصباح فخري لبس بنطلونو وقميصو ..وكرب القاش .. واتقيف ..وشال ليهو دفاتر في يدو ومشى ..الولد المبروك ده الليلة ماشي وين؟ الله يدينا خيرو .. طوالي اتجه علي بيتناس شاشوقة ..على حسب وصف منتكارلو .. ولقى الباب اللبني اب تلاته ضلف ..ودق الباب .. جاتو مرة كبيرة في السن .. يعني بتكون قريبة من منتكارلو..او اكبر منها شوية .. قالت ليهو مرحب ..عليكم السلام .. اهلا ياولدي ..قال ليها كيفك ياحجة ..ان شا الله كويسين .. قالت ليهو نحمد الله ياولدي .. داير منو؟ .قال ليها ممكن ادخل ؟ قالت ليهو اتفضل .. ولدي مافيش كان داير عثمان..قال ليها لا انا دايرك انتي ..دخلت معاهو ..وقعدو في صالون كدا قريب للباب ..مشت جابت ليهو موية وجات ..وفوق وشيها خمسمية علامة استفهام ..شرب الموية ..وهي قعدت فوق كرسي .. وهو اتوهط تب فوق سرير ..قال ليها بتعرفيني ؟؟ قال ليهو والله شايفاك فبال يومين في اخر محطة .. والحريم قالن ده بتاع المباحث .. بس اول مرة اشوفك في الحلة دي ..قال ليها انا جيت في الحلة عشانكم .. انتو واقعين في مشكلة كبيرة ..واحتمال تجركم للسجن .. بسبب طفلة اتخلصتو منها قبل عشرين سنة..وانا جيت عشان اساعدكم ..لو بتساعدوني ..بمرقكم منها زي المافي حاجة..الحجة طيرت عينيها من جاب ليها سيرة السجن .. قالت ليهو نساعدك بشنو؟ ..قال ليها تحكي لي الحقيقة .. والحصل قبال عشرين سنة بالتفصيل .. مع شاشوقه)الزول ده لابخاف ولابتردد .. بالجد بالجد دخل في شخصية ضابط مباحث كبير وبتكلم معاها بكل ثقة ..(قالت ليهو حصلت علينا مصيبة .. تحصل على العدو ياولدي .. احكي لك شنو واخلي شنو ؟؟انا مافضل لي في الدنيا دي غير عثمان ولدي .. والبت المنحوسة ساجومه دي.الضيعت شرفنا .. ووسخت سمعتنا ..قال ليها احكي لي براحة وحبة حبة .. وماتنسي حاجة انا مامستعجل ..قالت ليهو اول حاجة ..خطبها واحد واكل قروشنا وزاغ ..تاني جا واحد .. راجل عسكري وفاضل ..في عمرك ده كدي ..وعقد عليها..ويوم العقد ناس الجيش رسلو ليهو .. وتاني يوم سافر الجنوب ..لاشافهاولاشافتو ..رسلها ورقة الطلاق مرسال ..وعشان كدي اول اتقدم ليها نحن قبلنا ..وكنا فرحانين ..وكان عرس قدر الليلة وباكر ..الدنيا كلها تنضم بيهو ..والراجل العرسها .. كان راجل خايب الله ..يخيبو ويخيب يومو .. اصحابو بجو في البيت .. ويجو بوراهو وهو مافيش .. اظنها البت شيطانها غشاها مع واحد .. من اصحابو ..اها البت لمن حملت وحملها ظهر بعد خمسة شهور ..ال

راجل حلف قال ده موجناي ..وكت سألناهو ..قال انا اساسا ما بقدر اقرب من مراة .. لكن اخواتي جبروني على العرس .. ونحن ماصدقناهو ..مشينا معاهو للدكتور .. وطلع كلامو صاح مفيهو الحبة .. ويخربو من التتعك الرماده . وبتنا حامل .. الدنيا ضاقت علينا .. والله ياولدي بقت قدر خرم الابره ..وكت نسألها تكضب وكل مرة تجيبلها كلام براهو في النهاية اتبكت تب بس انقدت لينا بكا ..ونحن لسانا انقطع ..ابوها جاهو ضغط وسكري ..وقفلها هنا في البيت ..لامن ولدت وجابت ليها بت .. قام ابو اولادي قال لابكتلها لابكتلها جناها. شال الطفله الساعة 3 الصباح .. وختاها فوق الشارع في مظلة ..وحلف انو شاشوقة تاني ماتمرق من الاوضة دي .. ولاتشوف زول ..ولازول يشوفها لامن تموت..وقال لي كان مرقت من الاوضة .. انتي طلقانة ..وهسع ابوها اتوفى ليهو 3 سنة ..وهي ابت تمرق كلو كلو .. وانا زاتي مادايراها تمرق ..الانمرقها من اوضتها على المقابر جنازة.. الله يعجل بي موتها بركة الله..وهنا طبعا" .. اتطابقت الاقوال مع اقول منتكارلو .. فخري شكر الحجة وقال ليها ..ماتخافي .. انا مابخلي واحد فيكم يخش السجن .. وفات .. وانتهت مهمة البحث بتاعة فخري .. ورجع بي كمية من الالام تفرتق جبل اصم .ولسان حالو يقول ..احباط عظيم شايل وجع ..فوق القليب خيم رسا..الماضي كان افاق ألم ..شبح التأوه حارسا ..والليلة ياقلبي الحزين ..جاك العذاب جاك الاسى..شوفي الزمن )يانور( خلاص..كتل الاماني ويبسا ..ــومشى علي بيت عبدالعزيز .. وقلع جزمتو ورقد في السرير ..وهو منهك وتعبان ..ويعاين للسقف .. آمالو كلها انهارت . فجأة قام على حيلو .. زي الفي زول محطو بي سوط ..ولبس نعلاتو ومرق بي سرعة شديدة ..الى اللقاء .. — ‌‏

رفقه عمر:
#روايه_رفقة_عمر
(الجز۽ الخامس ح2)
الشقه يكورك صفاء صفاء .. قعد يفتح في في الغرف ..فتح غرفه النوم .. لقى صفاء حبيبتو زاتا لابسه قميص نوما وراقده .. اول ما شافتو جرت الملايه عليها عايزه تستر نفسها .. طوالي مشى عليها كفتا ودقاها لمن الله غفر ليه وهي تكورك لا ما تظمني الموضوع ما زي ما انت شايف وتبكي والراجل المعاها طلع من الشقه وخلاهو خاف يكون واحد من اهلا ويقوم يضربو ويقتلو ساي .. ما زي ما شايف كيف انتي ماشايفه نفسك وجراها ليك من السرير وقفا جنب المرايه عايني لي نفسك كويس ويشيل ويكفت فيها لي كده .. عملتا ليك شنو اذيتك ب شنو عشان تجازيني كده .. قصرتا معاك ب شنو .. خنتا صاحبي وعشره سنين معاهو عشانك .. وكل ما اعاين في عيونو بحس ب الخيانه لمن بقيت ما بقدر اعاين ليه عشانك .. واستحملتا .. بس انتي رديتي ليدا كلو ب شنو .. وهي تبكي .. ما تبكي تبكي لي وعشان شنو .. مفروض ابكي انا ع زمني الضيعتو معاك وع حبي الحببتو ليك ... وقعد يضحك.. صحي الدنيا دواره عان انا خنتا صاحبي وثقتو وانتي رديتيها لي ب خيانتك دي .. ولسه جاريها وبكفت فيها وطلعا الصاله اتلفت لقى الراجل ماف .. وينو البعتيني عشانو .. سابك وخلاك في ابسط موقف .. كنتي حتتوقعي منو شنو مثلا .. حتى ماكلف نفسو يسال انا منو .. بس تستاهلي دا جزاك لا لميتي فيني لا فيه .. تفي عليك .. جدعا في الارض وما اداها فرصه تتكلم وطلع من الشقه .. ماشايف قدامو برجف كلو واعصابو بايظه .. متحسر ع معرفتو ب صفاء وع خيانتو لي صاحبو .. هسي انا اقول لي احمد شنو ماعندي عين زاتو اواجهو .. ركب عربيتو.. وماشايف قدامو وبفكر في الحصل والحيحصل ..وهو ماشي والعربات زحمه والناس ماشه وجايه وهو برجع في الشريط حقو لي وراء .. عمل حادث ..الناس اتلمت والاسعاف جاء ودوه المستشفى .. كلمو ابوه وامو جو جارين..امو دي عملتو بيت بكا عديل .. وابو عمر يشيل ويهدي فيها لمن جاء الدكتور طالع .. اها ي دكتور طمن ولدي مالو .. لا الحمد الله مافي شي جات سليمه كسر في يدو بس وجبصناها ليه وشويه كدمات ويومين وبخفو .. الحمد الله ي رب .. ممكن نشوفو اي خشو . . دخلو ع عمر .. حبيبامك انت لي تخوفني عليك وحضنتو وقعدت تبكي .. انت ماعارف انا مابتحمل فيك شي .. ولدي الوحيد انت .. ماعندي غيرك وقعدت تتكلم .. مالك يا امي مافي شي اهندا انا كويس وما عندي شي الحمد الله جات سليمه .. الحمد الله ي ولدي .. انت كيف هسي .. كويس ي ابوي الحمد الله .. وين شارد لمن عملتا الحادث .. ماعارف فجاءه سرحتا .. الله يهديك ما بقول ليك خلي بالك من نفسك وانتبه وانت سايق .. ام عمر خلاص هو كويس الولد ما تزيدا عليه انت كمان .. كويس .. اصحابو عرفو جو جارين .. شنو ياخ خوفتنا عليك انت كيف .. ابتسم مافي شي ما تخافو ضربه خفيفه وانا سايق بس شردتا كده وسرحتا دخلتا في القدامي والحمدالله خفيفه .. الحمد الله .. وهسي كيف مافي الم .. لا مافي الحمد الله .. حتى اطمنو شويه بقو يشغلوها ليه اي سرحان في الجكس وكده ويتضاحكو وابوه وامو يضحكو .. عادل دقيقه ادق لي احمد .. لا لا ما تدق ليه تقلقو .. انا دقيت ليه زمان وقال لي طمننوني اول ما تصلو عشان بحاول يتصل عليك وتلفونك مقفول .. والله ماعارف التلفون زاتو وين.. اتصل ع احمد وطمنو احمد قال ليه اديني عمر .. اخد التلفون ومتردد .. الو شنو ي عمور ياخ مقلقني عليك انت الزول ما يزح منك ما بتهتم لي نفسك ولا تخلي بالك من نفسك لي والله اعاصبي باظت وقاعد هنا ما عارف اعمل شنو وتلفونك مقفول والله قلتا كان اتاخرو شويه وما دقو لي انا كنت حاقطع تزكره واجي اشوفك .. عيونو اتملت دموع وماعرف يرد يقول ليه شنو .. عان انا عملتا فيهو شنو وهو بعاملني وشايل همي كيف قعد يبكي وجدع التلفون .. الناس دي كلها مستغربه عمر مالو هسي ما كان كويس فجاء كده قلب .. عادل اخد التلفون واعتزر لي احمد انو مابقدر بتكلم معاهو هسي .. احمد حسا انتو ديل بكذبو وانو عمر ما بس كسر يد شي اكبر بقى يسال ويحلف في عادل يقول الحقيقه وعادل يشيل ويتحلف انو بس كسر ومافي شي .. عمر قال ما يقلقو زياده مسح دموعو وشال التلفون .. طمنو وسلم عليه .. مافي حاجه ي احمد انا كويس انت ما تقلق بس كسر في اليد وبكره طالع البيت .. تاني العبره خنقتو .. اختصرو وقفل الخط .. في شنو يا عمر مالك لي بتبكي .. مافي شي بس اشتقتاليه وماقدرتا اتحمل وهو كان خايف علي شديد وكده .. ما اقنعم لاكين مشوها ليه .. تاني يوم طلع عمر البيت واصحابو معاهو .. سابو الجامعه وبقو مركزين معاهو .. بعد 3 ايام هم قاعدين مع عمر وهزل وضحك شويه جاء داخل عليهم احمد شباب ما اشتقتو لي .. كلهم ب صوتواحد احمد وجرو عليه .. الا عمر كان خايف ومتوتر وماعايز يلاقي وماليه عين يشوفو .. سلم عليهم وجاء لي عمر .. عايز يقوم ابى يخلي .. سلم عليه وكفر ليه وبقى قاعد جنبو بيسال من اخبارو .. عمر برد وهو متوتر .. احمد حسا بيه بس ما سالو .. انت الجابك شنو .. والله ي شباب قلقتا ع عمر قلتا اج

ي اشوف الح

اصل عليه قلتا انتو بتكذبو و بطمنو

فيني ساي ولي 3 يوم كايس حجز مالقيت لقيت الليله .. وابوك .. ابوي جبتو معاي الدكتور زاتو طمني قال لي مامشكله سوقو يرتاح وخلي يراجع كل اسبوع في المستشفى هناك وكان حسا ب اي شي رجعو المستشفى عندنا .. عمر عاين ليه .. دا كلو عشاني .. عندي منو غيرك انا نسيت وقفاتك معاي ..حسى نفسو داير يبكي استاذن منهم ودخل الحمام بكا وغسل وشو وطلع ليهم .. قعدو شويه الشباب استاذنو .. احمد قال انا بقعد الليله مع عمر ..وابوك .. مابجيهو شي وامي واخوي هناك كان حصل اي حاجه بدقو لي .. الشباب ودعوهم وطلعو .. بقى هو واحمد #يتبع ...

المسؤولية ..الحلقة 27 ..بقلم طارق اللبيب..فخري طلع سريع ..رجع تاني لبيت ناس شاشوقة .. وكت وصل ..الحجة قالت ليهو .. اها ان شاء الله خير ياولدي ..قال ليها انا لازم اخد اقوال شاشوقة ..لازم لازم يا حجة ..قالت ليهو ده متل السما للوطا .. مابتطلع ليك ..اول حاجة انا راجلي حالف علي ..دايرني اكسر حليفتو هو ميت؟قال ليها ياحجة راجلك الله يرحمه .. خلينا نمشي مع القانون .. قبل ماتحصل ليكم مشاكل وجرجرة محاكم .. وسجون وفضايح انتو غنى عنها ..قالت ليهو خلاص امش اتكلم معاها .. من خشم الاوضة من بره ..الاوضة كانت مقفولة .. جا وقف جنب الباب وسمع صوتها بتقرا في القران ..قال ليها يا اشتياق سلام عليكم .. انا اسمي فخري .. امك في خطر واحتمال تتسجن .. وبتك الولدتيها عايزة تنتحر .. لو ماجيتي طالعة .. ربنا بحاسبك والله ..طوالي وقفت القراية وجات فتحت الباب ..فخري ده لمن شافها اتخلع قرب يقع .. من شدة الشبة البينها وبين نور..المراة بالله زي النجفة ..نار مولعة .. نفس وقفت نور .. ونظرتها وعيونها.. وعلامة الصلاة مسودة على جبهتها ووشها يشع نور ..قال ليها تعالي وراي للصالون ..جات وراهو .. ماشة نفس مشية نور .. والتكفو والهدوء .. وقعدت في طرف السرير .. ولامة جسمها وكرعيها ومدنقرة ..فخري ده لمن جاتو خوفة من شدة الشبه والتشابه بين البت وامها ..وامها قاعدة فوق الكرسي الهنا داك .. وفخري قاعد في كرسي مقابلها.قال ليها سيبي المسكنة..واحكي لي الحصل معاك براحة كدا وبهدوء ..قالت ليهو انا ماعملت غلط .. انا عايزة بتي..انت عرفتها كيف انها بتي انا؟ قال ليها البشكير البمبي والخيط الاحمر متذكراهم ..طوالي دميعاتها كبن ..وقالت ليهو .. انا عارفة بتي بترجع لي وان طال الزمن ..انا كلمتهم هم ماصدقوني .. قلت ليهم البت بت عبد الرحمن .. ما بت حمد ..انا ماعملت حرام ..قال ليها عبد الرحمن منو؟الحجه : قالت ليهو عبدالرحمن الجياشي .. لكن ياولدي عبد الرحمن ده لاشافها لاشافتو .. وهاجمه فوقو القصة دي .. عشان هو مات في الجنوب.. وتاني مابجي .. دي واحدة كضابة .. الا كانت معاهو قبال العقد .. لكن بعد العقد كضابة كضابة ..شاشوقة قالت ليهو انا مابقدر احكي اكتر من كدا ..الحجة قالت ليهو .. اها ياهو ده الكلام الماسكه فيهو عشرين سنة ..فخري قال ليها لازم تحكي ياشاشوقة.. وسريع عشان انا ماعندي وكت ..بتك في خطر .. واحتمال تقتل روحها ..في اي لحظة بتك حية .. وبجيبها ليك والله ..قالت ليهو خلاص .. قول لي امي تطلع برة ..امها طلعت قعدت في كرسي تحت النيمة البرة ..شاشوقة قالت ليهو انا خجلانة من الكلام لكن بحكي ليك ..عبد الرحمن ده حبيبي .. وعلاقتنا استمرت خمسة شهور .يوم العقد زاتو عبد الرحمن جاهو استدعاء من الجيش .. انو يبلغ القيادة الساعة 7صباحا تاني يوم .. الاستدعاء كان بعد العقد بساعة بس ..قام ضرب لي تلفون في تلفون البيت .. وقال لي لازم نتلاقى بالليل .. وانا امي محذراني اني الاقيهو ..وقالت لي عيب تلاقيهو بعد العقد .. الا بعد العرس والكرامة ..وهو كان مصر يلاقيني .. وانا سمعت كلامو هو .. وقلت ليهو طيب نتلاقىكيف ؟وكنت متشوقة اني الاقيهو .. قال لي انا بخت ليك جركانة فيها موية فوق الحيطة .. انت بعد العشاء خلي امك وابوك وعثمان اخوك يشربو منها ..انا عامل فيها منوم ..وبجيك بالليل في البيت .. وهم ماحيصحو بينا ..وفعلا خت الجركانة وانا شلتها ودسيتها .. وكبيتها في جك العشاء وكلهم شربو ونامو نوم شديد..ضربت ليهووعبد الرحمن جاني وعدا معاي الليل داك كله ..ووعدته اني ما حأكلم زول نهائي وحلفت ليهو ..وعبد الرحمن سافر تاني يوم .. ورسل لي ورقة الطلاق وكتب لي معاها ..قال لي انا تاني ماجاي راجع ..نحن كتيبتنا عاملين تعاهد على النصر او الشهادة .. وفعلا فيما بعد قالو استشهد .اها لمن اتقدم لي الزول التاني الاسمو حمد . ماقدرت اقول ليهم عبد الرحمن دخل علي ..وفعلا حمد مامساني نهائي .. والحمل ظهر وشكو فيني .. وانا ماقادرة اقول كلام ..لاني مابقدر اقول لناس ابوي وامي انا عملت ليكم منوم ودخلت عبدالرحمن البيت ..وعليك الله ماتحكي لامي الكلام ده .. في النهاية عبد الرحمن استشهد .. وانا ماعايزة اطلع فيهو كلام شين ..قال ليها بالجد انتي زولة مسكينة والغنماية تاكل عشاك ..احسن تقولي كدا ولا احسن يتهموك بالحرام .. وتشردي بتك عشرين سنة .. وهي محرومة منك وانتي محرومة منها ..قالت ليهو مرة حكيت . لامي جزء من الكلام وماخلتني اكمل كفتتني .. وقالت لي انتي كذابة .. انتي قلتي عبد الرحمن مالاقيتو .. عشان كدا نحن عرسنا ليك بدون عدة .. دايرة تفضحينا انتي ..فخري قال ليها فعلا دي مشكلة .. وعقدة كبيرة لكن انا بحلها .. انتي ماتشيلي هم ..وانا بوعدك ان شاء الله .. القى ليك مخرج .. انتي ونور واجمعك بي بتك قريب ..والحجة برضو لمن هو جاي طالع .. قالت ليهو اسمع ياولدي .. اوعك تجيب لينا بت حرام في البيت ده .. نحن مابنقبلها .. قال ليها بوعدك ياحجة لو اتأكدت انها كدا .. مابجيبها ليكم

ابدا .. وفحري طلع فرحان سبحان الله عكس الحالة المرق بيها قبيل ..ياسلاااااام والله فخري ده فرح فرح .. مع انو كلام الحجة .. بيوحي انو اشتياق كذابة كبيرة .. بس هو عايز يتعلق بالكلام ده ..نشوفو الزول المسلط ده ح يسوي شنو؟..الى اللقاء — ‌‏

رفقه عمر:
#روايه_رفقة_عمر
(الجزء السادس والاخير ح 1)
دينا محمودالليله حابيت معاك وجع وش هههه .. انا لاقي ياخ طولتا منك زاتو احكي ليامورك شنو وابوك بقى كيف ..والله الحمد الله والوالد تمام احسن من اول بكتير .. الحمد الله .. احمد قعد يحكي ليه ب مواقف في مصر وبيضحك وعمر بضحك ضحكه مجامله .. سالو عمر مالك انت .. اها مالي في شنو ..ماعارف لاكين حاسي بيك ما طبيعي في شنو احكي بقيت تدس مني ماصاحبك انا نسيت ايام زمان واسرارنا كلها مع بعض ومافي زول بخبي شي من التاني وقعد يحكي لحده ما وصل ليه لي صفاء ونسيت ساعدتني لي اني اصل صفاء .. ب المناسبه هي كيف متواصله معاك ..عمر من سمع اسما بقى ما ع بعضو ابى يرد .. احمد ما حبا يضايقو سكت .. وغير الموضوع .. وعمر نفسو يتكلم نفسو يقول اي شي عايز يرتاح عايز احمد يكفتو يسب ليه بس هو يطلع الفي قلبو حاسي نفسو مخنوق وماقادر ..رجع تاني دمع .. دا شنو يا عمر مالك بتبكي مالك في شي مؤلمك وقعد يهبش ليه في يدو .. عمر شال يد احمد وختاها في قلبو المؤلمني جوه المؤلمني دا ي احمد .. وقعد يبكي .. احمد اول مره يشوف عمر ببكي ومنهار كده .. في شنو ما تخلعني انا اصلا عارف انك فيك شي مالك احكي .. انا كان حكيت خايف اخسرك وانا ماعندي زول غيرك .. ياود قول بسم الله ما بتخسرني انت بس اتكلم .. عمر قعد يحكي من بدايه ما حسا انو هو متعلق ب صفاء وحاول يبعد منها .. ورجعت ليه لمن احمد سافر والتفاصيل كلها .. واحمد بسمع ومافي اي ردت فعل لانو عارف مسبقا .. عمر سكت وبعاين ليه ..قول لي حاجه ما تسكت لي كده انا تعبتا ياخ وشال يد احمد ويكفت في روحو .. انت بتعمل في شنو كدي روق .. بعدين انا ما زعلان والله وعارف انو كان عندك علاقه ب صفاء .. عمر اتخلع عارف كيف .. قعد يزكروب لمن كانو في مصر وقراء المحادثه .. بس انا عرفتا وما حبيت اناقشك في شي وانت العملتو معاي ما شويه وعشانك انا اعمل اي شي عشان كده دقيت لي صفاء ونهيت علاقتي بيها عشان انت تكون مبسوط معاها وانا ما اخش بينكم وتستاهل احسن من صفاء زاتو لاكين مدام اخترتا صفاء ماحبيت اكون عقبه وماصدقتا انك بعد كم سنه حتى قررتا تحب تاني اصلوما بستكترا عليك .. يعني شوف انت بتعمل لي شنو وانا برد ليك كيفواريتو بعد دا جات ع كده .. لي في شنو .. خانتني مع واحد تاني .. كيف ومع منو .. قعد يحكي .. واحمد مصدوم دا كلو يطلع من صفاء .. وانا طلعتا ماشايف وعملتا الحادث دا .. لا حول الله ولي ما كلمتني والله ما اخليها وقام جاط لي تعمل فيك كده .. استاهل انا عشان خنتا صاحبي وثقتو .. ماتقول كده ي عمر احنا اصحاب واخوان والثقه لي هسي في ودي حاجه ما كانت ب ارادتك وما حتجي بت زي صفاء دي تفرقنا بس والله ما اخليها دي بس لحظه ضعب والشيطان لعب بيك .. انت لي كل شويه بتتحسسني انا ضعيف واناني وتافه ب كلامك دا .. ياخ نبزني ان شاء الله عشان انا زاتي ارتاح .. مامعقوله يكون دا كلامك .. يعني هسي دايرني انبزك عشان ترتاح .. اي بس كده وقعد ينبز نبز ضحك وعواره وعمر يضحك .. والله انت مجنون .. هههه والله انا عشانك اعمل اي شي ابقى مجنون ابقى اي حاحه بس عشان اشوف بسمتك دي .. وان شاء الله ما يجي يوم يكون واحد فينا سبب زوال بسمت التاني وان شاء الله مافي شي بفرقنا ويخرب خوتنا ..اتصافو واتسامحو ورجعو حلوين ومبسوطين .. معنو عمر لسه حاسي ب تانيب بس احمد عادي وزي الماحاصل شي ..ولسه مصر وحالف مايخلي صفاء .. حاول يتصل بيها تلفونا مقفول وماعارف عنها شي .. جاء لي عمر تلفونا مقفول .. خلاص خليها الله يستر عليها .. لا اصلو ما بخليها العملتو معانا ما ساهل دي لعبت بي وبيك ومابعيده تكون كانت دايره تخرب بيني وبينك .. طيب اها انا زاتي ماعارف ليها شي غير رقما دا .. تاني دقيقه نسيت يوم المطعم انا ما وصلتا بيتم .. اي صحي ارح يلا .. ارح وين .. بيتم .. احمد انت ما جادي .. والله جادي قوم ارح .. اصره ع عمر .. طلعو الاتنين .. مشو بيت صفاء .. دقو مافي زول برد .. قعدو مسافه بدقو ف الباب .. طلع ليهم جارم .. خير ي شباب مالكم .. والله بس بنسال من صفاء الساكنه هنا .. مافي زول اسمو صفاء ساكن هنا .. الافي ياخ وقعد يوصف تاني قال ليه دقيقه .. طلع صوره صفاء من التلفون اهندي .. الراجل اها دي مدام ايناس .. الاتنين مداااام وايناس.. اي كانت ساكنه هنا هي وصحبتا وامس جات الشرطه ومسكتم الاتنين ..وكان معاهم واحد .. لي مالم الشرطه مسكتم .. والله ي شباب دي اعراض ناس تاني انا ما بتكلم .. عرفو موضوعا مستحمى .. شكرو ربهم انهم كشفوها في البدايه وكويس انها جات ع كده والله جازاها خلاص .. شكرو الراجل وطلعو .. الحمد الله اها الله بحبنا بعدا عننا .. اي والله الحمد الله .. رجعو البيت.. بعد 3 اسابيع كده اتصل خيرو .. الو عمور كيف .. اهلين خيرو تمام وانت .. الحمد الله .. اسمعني عايز العربيه حقتك ضروووري .. خير مالك .. يازول الليله انا ما تسالوني لي مالك .. الليله حالاقي افنان .. اخيرا.. اي والله .. انبسطا