Yurtimizda tahsil olayotgan talabalardan ２ta iltimosim:

・Darsda ustozingizni ko'p savolga tuting, uni qiynab tashlang. Shunda ustozingiz siz bergan savollar ustida ishlab, o'zini kuchaytiradi. Formasini yaxshilaydi va doimo darsga hushyor keladi. Men bilgan ko'pchilik ustozlar samimiy insonlardir. Talabalaridan keladigan zalvorli savollarni yaxshi ko'radilar va buning uchun talabalarini yomon ko'rishmaydi.

Darsda ustoz yaxshi o'qitmay, 'olib qochyaptimi'? Demak, oldingi kursdagi talabalar undan deyarli savol so'rashmagan. Ustozga o'zini ustida ishlashga imkon berishmagan. Siz undaylardan bo'lmang.

・Dars davomida yoningizdagi talabalar bilan gaplashaverib, boshqa talabalar va ustozga halaqit bermaylik. Darsni hush ko'rmasangiz, bir kitobni ochib maza qilib o'qib o'tiring. Ammo, boshqalar haqqiga kirib, ustoz vaqtini olmaylik. Bu pastkashlikdir.

Doomscrolling - Yomon xabarlarni tinmay aylantirish va o'qish insonlarga salbiy ta'sir qilyapti.

Bunga qarshi kurashish uchun Singapur hukumati yaqindan boshlab kuniga 15 minut bo'lsa ham kitob o'qiganlar uchun moliyaviy qo'llab-quvvatlash tizimini ishga tushiribdi.

Yaxshi choralardan biri deb o'ylayman - hayotda eng ko'p muomala qilishda qiynalgan insonlarim bu - kitobni kam o'qiydiganlar yoki umuman o'qimaydigan toifadir.


Youtube  |  Facebook  |  Telegram  |  Twitter  |  Instagram

Nagoya shaxrida o’tayotgan Osiyo o’yinlari - Kurash musobasining tushlik paytida yapon yoshlari ijrosidan.

Sizlarga ham ilindim.

Oltin medal, muborak!

Yaponiyada bir to'polonchi yigitimiz bor. Ko'ngli toza, mard yigit, ammo biroz to'poriligi bor. Shuning uchun hamma ham unga yaqinlashgisi kelavermaydi.

U kuni Osiyo o'yinlarida uni ko'rib qoldim. Uylanibdi. Yaponkaga! Kelin bola ham Islomni qabul qilib, ismini ham o'zgartiribdi. Hatto familiyasini ham. Hulqi ham ajoyib chiroyli ekan. O'zbek yigitlariga gap yo'qda.

Shuncha o'yinni birga ko'rdik, lekin vatanim uchun shu yigitdan nima 'o'marsam ekan....' deya uzoooq o'ylandim. O'zi aytib qoldi, ko'chmas mulk sohasida er-hotin ishlashayotgan ekan. Quvonib ketib, 'Nagoyada o'zbek talabalar ko'p, ammo yotoqxona qimmatliligidan doimo aziyat chekishadi. Yaxshi bino qo'lga kirsa, er-xotin bitta yotoqxona tashkil qilib bermaysizlarmi, savob bo'lardi-da!' deya taklif berdim. Yaxshi qabul qilishdi.

Ko'ramiz, kelajakda amalga osharmikan? Nima bo'lganda ham yaxshilik urug'i ekildi, endi u unib chiqmasa, undirmagan tuproq uyalsin, shunday emasmi?!

Barcha hamkasblarimni Ustozlar kuni bilan tabriklayman. Talabalarni tarbiyalash, o'qitish va yuqoriga parvoz qildirishdan hech qachon toymanglar!

Ustozlariga sovg'a qidirib yurganlarga esa mana shu kitobni tavsiya etaman!

Аламли мағлубият… лекин йигитлар жанг қилишди, раҳмат!

@Davron_Fayziev

Kun fotosi.

Umid qilamanki, iqtisodiy diplomatiyamiz yangi marralarni ham egallab, JSTga yil ohirigacha qabul qilinamiz.

Naiteishiki - Yaponiyada kompaniyalardan rasmiy taklif olish marosimi

Kecha shahar markazida ketayotsam ko'plab rasmiy kiyinib olgan yoshlarga ko'zim tushdi. Undan keyin kechaning 1-oktabr ekanligi esimga tushdi: haa, bugun naiteishki ekanda!

Yaponiya mehnat bozori o'ziga hos. Bu yerda ish topish jarayoni bir paytda boshlanadi va uning katta qismi 1-oktabrgacha tugaydi. Ishga kirgan talabalar esa kompaniyalariga 1-oktabr kuni taklif qilinib boshqaruvchilar bilan tanishadilar. 6 oydan keyin esa ish boshlaydilar.

Hozir yapon mehnat bozorida ishchilarga ehtiyoj katta. Ma'lumotlarga ko'ra, 2027-yil mart oyida o'qishni bitirib, apreldan ish boshlamoqchilarning 85.6%i allaqachon ishga taklif - naitei olib bo'lgan. Bu juda ham yaxshi ko'rsatkich hisoblanadi. Chunki, kompaniyalar martgacha qolgan 15% ga naitei berishda davom etadi.

Umid qilamanki, yurtimizda ham katta shirkatlar paydo bo'lib, minglab yoshlar uchun mahalliy va xorijiy ish o'rinlarini yaqin yillarda joriy etishadi.

🍁 Kuzgi uchrashuv — ilm, izlanish va yangi tanishuvlar!

Uzbek Academic Club in Kanto sizni navbatdagi ilmiy uchrashuvga taklif etadi!

Nanomateriallar yordamida suvni tozalash va ingliz tilini o‘qitishdagi ko‘nikmalar tafovuti — bu safar ikki xil sohadagi tadqiqotlar bilan tanishamiz. Yaponiyada ilmiy izlanish olib borayotgan vatandoshlarimizni tinglab, savollar beramiz va birgalikda fikr almashamiz.

🗓 10-oktabr, shanba
🕚 Soat 11:00
📍 Tokyo chet tillar universiteti — TUFS (JLS, 105-xona)

Ilmga qiziqsangiz, tadqiqotingiz uchun yangi qarashlar izlayotgan bo‘lsangiz yoki Yaponiyadagi o‘zbek akademik hamjamiyati bilan tanishishni istasangiz — davramizga qo‘shiling!

Bir savol yangi fikrga, bir uchrashuv yangi hamkorlikka sabab bo‘lishi mumkin. Ko‘rishguncha!

@Tadqiqotchi_Kanto

Kecha tushlikdan chiqayotib, 2 talabaning yapon tiidagi gapi qulog'imga chalindi:

・Savol: Bu semestergi kitoblar senga qanchaga tushdi?

・Javob: 2 man (130 dollar) ga tushdi. Shunda ham ustozim 5 manlik(320 dollar) kitoblar to'plamini tavsiya qilgandi.

Yaponiya ketma-ket 3 yildan buyon ilm va tinchlik yo'lida Nobel sovrindorlarini chiqarayotgan Osiyo arsloni. Uning talabalari esa har semesterda yuzlab dollarlarga kitob sotib olib o'qishadi.

O'zbekistonda ham shundaymi holat? Keyingi yillarda universitetlar pullarni tejash maqsadida elektron kutubxonaga kitoblarni yig'ib qo'yib, 'o'sha yerdan o'qib olinglar' deyish urf bo'lgandek go'yo.

Ekrandagi ma'lumotlarning xotirada kam qolishini inobatga olsak, bu ish yaxshi natija berishiga ishonmayman. Chop etilgan kitoblarga yana qaytish lozim.

Talabalarga tavsiyam: Bir semesterda eng kamida 500 ming so'mlik kitob xarid qilinglar. Bo'lmasa, o'qish yaxshi bo'lmaydi. Darslik va o'quv materiallari bilan jiddiy ishlanglar.

Bugun Tokio Chet tillari universitetida ko’rishguncha!