“O‘quv sifatini yetarlicha taʼminlay olmaganimiz sabab sirtqi taʼlim tugatildi” — Qo‘ng‘irotboy Sharipov

Oliy ta'lim vaziri “Daryo”ga bergan intervyusida sirtqi ta'lim shaklining tugatilishiga asosiy sabab ta'lim sifatining yetarlicha ta'minlab bera olinmagani ekanini ma'lum qildi.

“Biz bu yo‘nalishda taʼlim sifatini 100 foiz taʼminlab bera olmaymiz. Chunki bilamizki, talabalarning ko‘pchiligi ish bilan band, vaqtida darsga kela olmaydi. Buni hammamiz ko‘rib turibmiz, yashirishga hojat yo‘q”, – dedi u.

Vazirning aytishicha, endi o‘qish istagidagilar uchun sirtqi o‘rniga masofaviy ta'lim shakli yo‘lga qo‘yiladi. Mazkur yo‘nalishda nazorat kuchliroq bo‘ladi. Talaba har kuni kompyuteridan darsga kirib, masofadan o‘qishi kerak bo‘ladi. O‘rniga boshqa odam kirsa yoki imtihonlarda qanaqadir “shpargalka”dan foydalanaman desa, uning kompyuteri avtomatik tarzda o‘chirib qo‘yiladi.

“O‘zi butun dunyoda sirtqi taʼlim shakli yo‘q. Biz kredit-modul tizimiga o‘tdik, dunyodagi top-300 talik reytingdagi universitetlar dasturlarini qabul qilyapmiz. Xorijdan professor-o‘qituvchilarni ishga taklif qilyapmiz.

Yevropa, Amerika yoki boshqa davlatlarga qarasangiz kunduzgi, kechki, masofaviy va uzaytirilgan taʼlim shakllari mavjud. Talabalarga institutni to‘rt yilda emas, 5–10 yilda ham bitirish imkoniyati beriladi. Shuning uchun bundan qo‘rqish kerak emas. O‘rniga muqobil taʼlim shakli berilyapti”, – dedi Sharipov.

@talimationuz — TAʼLIM DOIMO MUHIM!

Xususiydan davlat universitetiga o‘qishni ko‘chirish mumkinmi?

Xususiy universitetdan davlat universitetiga o‘qishni ko‘chirsa bo‘ladi. Har yili 15-iyul – 5-avgust oralig‘ida o‘qishni ko‘chirish uchun arizalar topshiriladi.

Arizalar my.uzbmb.uz platformasi orqali onlayn qabul qilinadi. Ro‘yxatdan o‘tganingizdan so‘ng, transkript yoki zachotka faylini (pdf/jpg formatda) yuklashingiz kerak bo‘ladi.

15–20-avgust kunlari maxsus test sinovlari bo‘lib o‘tadi. Natijalarga ko‘ra ko‘chirish masalasi hal qilinadi.

O‘qishni qanday holatlarda ko‘chirish mumkin?

- Mos yoki turdosh yo‘nalishlar bo‘yicha – test topshirasiz, sinov natijasiga qarab qaror qabul qilinadi.

- Noturdosh yo‘nalishlar bo‘yicha – sinovsiz, ammo tabaqalashtirilgan to‘lov-kontrakt asosida o‘qishingiz davom ettiriladi.

Eslatma: Xususiy yoki xorijiy universitetdan davlat OTMga o‘tayotganda rasmiy hujjatlar tayyor bo‘lishi, to‘lov va shartlarga diqqat qaratilishi lozim.

@talimationuz — TAʼLIM DOIMO MUHIM!

Ta’lim biznesining asosi endi mustahkam ustav kapitali va real infratuzilma bo‘lishi kerak

Nodavlat oliy ta’lim muassasalari endi ta’lim jarayoni bilan bevosita bog‘liq moddiy-texnik baza, dasturiy ta’minot va infratuzilmani qamrab olgan holda ustav kapitalini shakllantirishi shart. Bu talab, avvalo, muassasaning daromad emas, imkoniyat asosida faoliyat boshlashi kerakligini anglatadi.

Eng muhimi, talabalar soni ortgani sari ustav kapitali ham bosqichma-bosqich oshirilishi kerak. Boshqacha aytganda, talabalar ko‘payishi faqat daromad ko‘zlashga emas, balki infratuzilmani parallel rivojlantirish majburiyatiga ham bog‘lanadi.

Bu jarayonda nodavlat OTMlardan yuqori darajadagi rejalashtirish, sohaga jiddiy qarash va mas’uliyat talab qilinadi. Demak, endi ta’limni boshlashdan oldin shunchaki ro‘yxatdan o‘tish yetarli emas. Tayyor infratuzilma, yetarli moddiy resurs va strategik reja ham bo‘lishi shart.

@talimationuz — TAʼLIM DOIMO MUHIM!

📌 BUXORO XONLIGI SHAYBONIYLAR DAVRIDA
HARBIY SOHA

1. Ilg'or - yo'lning xavfsizligini, pistirma qo'yilgan-qo'yilmaganligini aniqlagan.
2. Manglay (avangard) - ilg'ordan so'ng borgan va unga qalbni dushmanning bexosdan qilinadigan hujumidan saqlash yuklatilgan.
3. Qorovul qism - umumiy qo'shinni qo'riqlab borgan.
4. Katta va kichik g'ullar - maxsus qism bo'lib, Oliy bosh qo'mondon (xon) va sarkardalarni himoya qilgan.
5. Chanoh - qo'shinning o'ng va chap qanotlarini qo'riqlovchi maxsus qism
6. Maxsus choparlik xizmati - barcha qismlar o'rtasida tashkil etilgan. Ular Oliy bosh qo'mondonning buyruq va ko'rsatmalarini sarkardalarga yetkazib turardi.
7. Tug'chi qism - davlat bayrog'ini qo'riqlagan.
8. Zabongiri - dushman tomonidan asir olib keluvchi
9. Xabargiri - razvedka qiluvchi. Ba‘zan vaziyat taqozo etganida zabongiri va xabargiri xizmatlarini
1) ilg'or yoki 2) qorovul qismi tomonidan ham amalga oshirilgan.
10. Borgoh - harbiy harakat vaqtida Oliy bosh qo'mondon uchun maxsus rasmiy qabul marosimi o'tkazadigan joy.
11. Xon - Qo'shinning Oliy bosh qo'mondoni.
Tavochi -
1) harbiy askarlarni to'plash, ularni harbiy yurishga tayyorlash masalasi bilan shug'ullangan.
2) qo'shinning moddiy ta‘minoti uchun ham mas‘ul bo'lgan.
12. Jevachi - qo'shinni qurol-yarog' bilan ta‘minlash masalasi bilan shug'ullangan.
13. Yasovul - Oliy bosh qo'mondon va sarkardalarning alohida topshiriqlari bajaruvchi zobit.
14. Qurchi - Xonni qo'riqlagan.
15. Yalovbardor - davlat bayrog'ini ko'tarib borgan.
16. Qo'rxona boshlig'i - harbiy qurolsozlik ustaxonasiga rahbarlik qilgan.
17. O'q va yoy - asosiy qurol.
18. Sadoq - yoy (kamon) o'qi joylashtirib qo'yiladigan moslama.
19. To‘fandoz - to‘fang (miltiq) bilan qurollantirilgan guruh.
20. Kejim - harbiy yurish chog'larida otlarni o'qlardan himoya qilish uchun otlar ustiga yopiladigan yopinchiq.
21. Naftandoz – neftni yondirib otuvchi
22. Manjanaq - tosh otuvchi

👨🏼‍🏫 Tayyorladi: Sobir Matkarimov

@talimationuz — TAʼLIM DOIMO MUHIM!

⚡️ Abituriyentlar kutgan yangilik

✅ 2025-2026-o‘quv yilida oliy va professional ta’lim muassasalariga kirish uchun onlayn ro‘yxatdan o‘tgan abituriyentlarga “Abituriyent ruxsatnomasi”ni berish boshlandi.

👨🏻‍💻 Abituriyentlar test sinovlarida ishtirok etish uchun “Abituriyent ruxsatnomasi”ni my.uzbmb.uz saytiga shaxsiy identifikatsiya raqami hamda pasport seriyasi va raqamini kiritgan holda olishlari mumkin.

📋 Abituriyentlar test sinoviga pasport (ID-karta) va abituriyent ruxsatnomasi bilan belgilangan vaqtdan kechikmagan holda kelishlari lozim.

❗️ Pasport nusxasi yoki boshqa hujjatlar bilan kelgan, shuningdek, kechikib kelgan abituriyentlar test sinovlariga kiritilmaydi!

@talimationuz — TAʼLIM DOIMO MUHIM!

📜 Texnikum bitiruvchilari oliy taʼlim muassasalarining 2-bosqichidan oʻqishni davom ettirishi mumkin boʻlgan oʻz sohasiga mos bakalavriat taʼlim yoʻnalishlari tasdiqlandi

@talimationuz — TAʼLIM DOIMO MUHIM!

🚀 Qabul allaqachon boshlangan, siz nimani kutyapsiz?

Har bir daqiqa kechikish — bir imkonni boy berish demak. Navoiy innovatsiyalar universitetida 2025/2026-o‘quv yili uchun qabul davom etmoqda!

🎓 18 ta bakalavriat yo'nalishlari;
🎓 3 ta magistratura mutaxassisliklari;
💰 2 milliard so‘mlik GRANT
📚 Amaliyotga yo‘naltirilgan ta’lim
📍 Navoiy va Surxondaryoda joylashgan zamonaviy kampuslar

Bugun ariza topshiring — ertangi kelajagingizga poydevor qo‘ying!

📞 +998555000043
Ro'yxatdan o'tish uchun havola: USTIGA BOSING

— Bakalavriat ta'lim yo'nalishlari
— Magistratura mutaxassisliklari

Litsenziya ( № 755472 06.08.2022 )

Bizning manzillar:
📍 Navoiy viloyati, Karmana tumani, Toshkent ko'chasi 39-uy
📍 Surxondaryo viloyati, Sho'rchi tumani, Oqkamar MFY, Mustaqillik ko'chasi 64-uy

Ijtimoiy tarmoqlarda kuzatib boring:
Telegram | Instagram | Web-sayt

❓Talabalar o‘rtasida grantlarni taqsimlash

Ayni kunlarda oliygohlarda ilk marta talabalar o‘rtasida grant o‘rinlarini qayta taqsimlash uchun onlayn arizalar qabul qilinmoqda. Ya’ni kontraktdagilar grantga o‘tib, grantdagilar kontraktga tushishi mumkin. Arizalar 20-iyulga qadar qabul qilinadi.

Bunda baholash mezoni 100 ballni tashkil qilib, u 2 ta guruhga bo‘linadi:

1️⃣ Akademik o‘zlashtirishga — 80 ball;

2️⃣ Ijtimoiy faollik uchun — 20 ball.

Grant taqsimlashda eng avvalo o‘zlashtirishga qaraladi va buning uchun eng ko‘p ball beriladi (82%). Qolgan ijtimoiy faollik yo‘nalishi uchun 18% ball beriladi.

• Talabaning akademik o‘zlashtirishi — 82 ball;
• Kitobxonlik madaniyati — 4 ball;
• “5 muhim tashabbus” doirasidagi to‘garaklarda faol ishtiroki — 4 ball;
• Xalqaro, respublika, viloyat miqyosidagi ko‘rik-tanlov, fan olimpiadalari va sport musobaqalarida erishgan natijalari — 2 ball;
• “Ma’rifat darslari”dagi faol ishtiroki — 2 ball;
• Ichki tartib qoidalar va Odob-axloq kodeksiga rioya etishi — 1 ball;
• Darslarga to‘liq va kechikmasdan kelishi — 1 ball;
• Volontyorlik va jamoat ishlaridagi faolligi — 1 ball;
• Teatr va muzey, xiyobon, kino, tarixiy qadamjolarga tashriflar — 1 ball;
• Sport bilan shug‘ullanishi va sog‘lom turmush tarziga amal qilishi — 1 ball;
• Ma’naviy-ma’rifiy sohaga oid boshqa yo‘nalishlardagi faolligi — 1 ball.

@talimationuz — TAʼLIM DOIMO MUHIM!

❗️“El-yurt umidi” jamg‘armasining 2025-yil 1-ochiq stipendiya tanlovi suhbat bosqichiga taklif etilgan nomzodlar diqqatiga
#abituriyent

⁉️ Suhbat bosqichiga o‘tgan nomzodlarning davlat oliygohiga kirish test imtihoni bilan El-yurt umidi stipendiyasining suhbati bir kunga to‘g‘ri kelib qolgan bo’lsa nima qilishlari kerak?

✅ Demak:

agarda suhbatga o‘tgan talabgorlar testga ham bir paytga kiradigan bo‘lsa, unda tasdiqlovchi hujjat sifatida abituriyent ruxsatnomasini ko‘rsatgan holda, suhbatga boshqa kuni kelishga ruxsat beriladi.

@talimationuz — TAʼLIM DOIMO MUHIM!

Hurmatli abituriyentlar!

Test sinovlari kuni shaxsni tasdiqlovchi pasport (ID-karta)ning asli majburiy ravishda taqdim etilishi shart. Aks holda siz test sinoviga kiritilmaysiz!

📱 2025-yil 1-iyuldan boshlab my.gov.uz orqali pasport va boshqa hujjatlarning elektron shakllari rasman tan olinadi. Biroq bu test sinovlariga taalluqli emas, chunki:

🚫 Test sinovi hududiga mobil telefon va boshqa raqamli qurilmalarni olib kirish qatiyan taqiqlangan.

❗️ Shuning uchun sizda pasportning asl nusxasi – ID-karta yoki biometrik pasport bo‘lishi shart.

📌 Yodingizda bo‘lsin:

✅ Pasport (ID-karta) asl nusxasi;
✅ Abituriyent ruxsatnomasi — testga kirishda talab etiladi.

❗️Test sinovlariga kech qolmang, hujjatlaringizni avvaldan tayyorlab qo‘ying!

@talimationuz — TAʼLIM DOIMO MUHIM!

⚡️Test sinovlarida ishtirok etmaydigan abituriyentlar

🧾 Joriy yilda 678 nafar abituriyent fanlar majmuasiga mos milliy yoki xalqaro sertifikatga ega bo‘lgani sababli test sinovlaridan ozod qilingan hamda ularga ruxsatnoma shakllantirilmagan. Ular quyidagi ballar bo‘yicha taqsimlangan:

▪️ 189 ball – 361 nafar
▪️ 180–189 ball oralig‘i – 207 nafar
▪️ 170–180 ball oralig‘i – 57 nafar
▪️ 160–170 ball oralig‘i – 46 nafar
▪️ 150–160 ball oralig‘i – 3 nafar
▪️ 126 ball (ijodiy imtihon topshiradi) – 3 nafar
▪️ 96 ball (ijodiy imtihon topshiradi) – 1 nafar

🗓 Test sinovlari yakunlangach, ushbu abituriyentlar qabulning ikkinchi bosqichida, 15 kun davomida quyidagilarni tanlaydi:

✅ Oliy ta’lim muassasasi
✅ Bakalavriat ta’lim yo‘nalishi
✅ Ta’lim shakli
✅ Tanlov ustuvorligi

⚠️ Eslatma: Belgilangan muddatda tanlovni amalga oshirmagan yuqoridagi toifaga kiruvchi abituriyentlar oliy ta’lim bakalavriati tanlovida ishtirok eta olmaydi va talabalikka tavsiya etilmaydi.

@talimationuz — TAʼLIM DOIMO MUHIM!