📣 Toshkent davlat oʻzbek tili va adabiyoti universitetida inklyuziv ta’lim uchun ilmiy-metodik adabiyotlar yaratiladi

Shu maqsadda universitetda “Inklyuziv ta’lim” ilmiy-amaliy laboratoriyasi ochildi. Shuningdek, tadbir davomida “Uzluksiz ta’lim tizimida Inklyuziv ta’lim: muammo va yechimlar” mavzusidagi ilmiy seminar ham boʻlib oʻtdi.

👉 Qayd etilganidek, muassasada 58 nafar nogironligi bo‘lgan talabalar ta’lim olayotgan bo‘lsa, shu kunga qadar universitet olimlari va yosh tadqiqotchilari tomonidan ko‘rish imkoniyati cheklangan talabalar uchun tilshunoslik fanlari bo‘yicha 14 nomdagi audiomahsulot tayyorlangan.

@talimationuz — TAʼLIM DOIMO MUHIM!

📣 2024 yilda yaxshi odatlarni shakllantirishga yordam beradigan 7 ta dastur MAQSADLI INTIZOMdan

📌 Productive Habit Tracker
— Bir vaqtning o'zida bir nechta odatlarni kuzatish imkonini beruvchi dastur, ular uchun individual sozlamalarni o'rnatishingiz mumkin. Sizni qiziqtirishga yordam beradigan batafsil statistika, mashhur odatlar uchun shablonlar.

📌 Loop
— O'zingizning odatlaringizni keraksiz ma'lumotlarsiz kuzatish imkonini beruvchi minimalistik va aniq dizayn. Bu erda siz reyting tizimi orqali kerakli ko'rsatkichlarni ko'rishingiz mumkin.

📌 Way of Life
— Chiroyli interfeys, interaktiv odatlarni kuzatish, ajoyib funksionallik va batafsil statistikaga ega ilova.

📌 Streaks
— Apple Health kabi o'rnatilgan xizmatlar bilan qulay tarzda integratsiyalashgan va Apple Watchgacha turli qurilmalarda ishlaydigan iOS uchun ilova. Siz turli qurilmalardagi odatlar bo'yicha faoliyatingizni kuzatishingiz mumkin.

📌 TickTick
— Ko'p funktsiyali dastur, unda siz nafaqat odatlaringizni kuzatishingiz, balki Pomodoro taymeridan foydalanishingiz, eslatmalarni o'rnatishingiz, taqvimingizni rejalashtirishingiz va boshqalar.

📌 Brite
— O'zini rivojlantirish uchun platforma. Unda: odat kuzatuvchisi, rejalashtiruvchi, taqvim, eslatmalar, vazifalar ro'yxati, byudjet va kayfiyatni kuzatish va yana 15 dan ortiq funktsiyalar mavjud. Afzallik - qulaylik: siz hamma narsani bitta ilovadan va turli qurilmalarda kuzatishingiz mumkin.

📌 Habitica
— Odatlarni rivojlantirish va shaxsiy samaradorlikni oshirish uchun dastur. Uning xususiyati o'yinlashtirishdir. Bajarilgan vazifalar uchun siz o'yin ichidagi jihozlarga sarflanishi mumkin bo'lgan mukofotlarni olasiz.

Agar sizda intizom, time-menejment, shaxsiy rivojlanish va samaradorlik bilan muammolar bo'latgan bo'lsa. Sizni o'zimni shaxsiy blogimda va ekspertli blogimda kutaman. Kunlik motivatsiya, tavsiyalar va eng asosisi o’zingizni eng yaxshi versiyangizni yaratasiz.

@talimationuz — TAʼLIM DOIMO MUHIM!

📣 18 nafar magistr Prezident davlat stipendiyasiga munosib koʻrildi

Tanlov komissiyasi bayonnomalariga asosan, 2023/2024-oʻquv yilida magistratura bosqichi uchun respublika oliy taʼlim muassasalarining 18 nafar magistr-talabasi Oʻzbekiston Respublikasi Prezidentining davlat stipendiyasiga munosib deb topildi (ro‘yxat ilovada).

🇺🇿Prezident stipendiyasi talabalarga 1-sentabrdan boshlab, belgilangan miqdorlarga qat’iy rioya qilingan holda tayinlanadi.

Shuningdek, sovrindor boʻlgan talabalarning ilmiy rahbarlari ham belgilangan tartibda moddiy ragʻbatlantiriladi.

@talimationuz — TAʼLIM DOIMO MUHIM!

📣 Tibbiyot instituti bitiruvchilari uchun 1 yillik rezidentura joriy etiladi

Tibbiyot yo‘nalishi bitiruvchilari uchun oilaviy shifokorlik yo‘nalishi bo‘yicha 1 yillik rezidentura joriy etish ko‘zda tutilmoqda.

‼️Rezidentura — oliy o‘quv yurtidan keyingi tibbiy ta’lim darajasi. Rezidenturani tugatganlik sertifikatiga yoki lisenziyaga ega oilaviy shifokorlarning oylik ish haqi 2 barobar oshiriladi.

@talimationuz — TAʼLIM DOIMO MUHIM!

📣 Urganch davlat universitetida “XXI asr algoritmi” mavzusida xalqaro anjuman o‘z ishini boshladi

Buyuk matematik olim Al-Xorazmiyning 1240 yilligi munosabati bilan tashkil etilgan ushbu anjumanda dunyoning 30 nafarga yaqin matematika sohasining yetakchi mutaxassislari, xususan, Amerika Qo’shma Shtatlarining 6 nafar yirik olimi, shuningdek, doktorantlar, talabalar qatnashmoqda.

👀Anjumanni o‘tkazishdan asosiy maqsad sun’iy intellekt borasidagi so‘nggi yangiliklarni yoshlarga yetkazish va sohaning yetakchi mutaxassislarini tayyorlash, raqamlashtirish, IT sohalarini rivojlantirishdan iborat. Tadbirda sohaga oid eng so’nggi ishlanmalar, o’zgarishlar, olib borilayotgan ilmiy tadqiqotlar va ularning natijalari yuzasidan ishtirokchilarning ma’ruzalari tinglanmoqda.

Konferensiya 9-yanvarga qadar davom etadi.

@talimationuz — TAʼLIM DOIMO MUHIM!

📣 Kirish imtihonlarida maksimal ball qancha bo'ladi?

◀️ 2023-yilgi imtihonda barcha test topshiruvchilar uchun majburiy 3 ta fandan imtihon:

🔸Ona tili (o‘zbek, rus, qoraqalpoq v.b. tillar) x 10 ta;
🔹Matematika x 10 ta;
♦️O‘zbekiston tarixi x 10 ta;
✔️30 ta savol uchun 1.1 balldan jami 33 ball.

◀️Bakalavriat ta’lim yo‘nalishiga mos bo‘lgan 2 ta fan:

➡️1-fan: 30 ta savol x 3.1 ball = 93.0 ball
➡️2-fan: 30 ta savol x 2.1 ball = 63.0 ball
✔️60 ta savoldan jami 156,0 ball.

🟩Umumiy 2023/2024-o‘quv yili qabulida abituriyentlarga 5 ta fan bo‘yicha jami 90 ta test topshirig‘i berilgan va bunda to‘plash mumkin bo‘lgan maksimal ball – 189 ball bo'lgan.

‼️Eslatma o‘rnida, 2024-yilgi kirish imtihonlari uchun maksimal ball, baholash mezonlari Qabul komissiyasi tomonidan alohida tasdiqlanadi.

@talimationuz — TAʼLIM DOIMO MUHIM!

📣 Qaysi xalqaro til bo‘yicha sertifikatlar bizda tan olingan? Ingliz tili (ro‘yxat)

Xorijiy tillarni bilish darajasini baholovchi turli mezonlar bor. Biz bilganimiz ko‘proq IELTS, TOEFL, GMAT va hokazo. Lekin aslida bunday sertifikatlarning turi juda ko‘p. Davlat tomonidan tan olinadiganlari chegaralangan.

Demak, davlatimiz tomonidan tan olingan xalqaro sertifikatlar quyidagicha:

🟡Ingliz tili bo‘yicha:

1. International English Language Testing System (IELTS)

2. Test of English as a Foreign Language (TOEFL iBT)

3. Test of English as a Foreign Language (TOEFL ITP)

4. Cambridge Assessment English

5. APTIS for teachers

6. Test of English for International Communication (TOEIC)

7. Linguaskill

8. Teaching Knowledge Test (TKT)*

9. Teaching English for Speakers of Other Languages (TESOL) *

10. Teaching English as a Foreign Language (TEFL)*

11. Teaching English as a Second Language (TESL)*

12. Certificate in English Language Teaching to Adults (CELTA)*

13. Diploma in Teaching English to Speakers of Other Languages (DELTA)*

❓ Kimda shunday sertifikatlar bor?

@talimationuz — TAʼLIM DOIMO MUHIM!

📣 Bilim olish uchun eng samarali yosh

Inson axborotni 17 yoshdan 20 yoshgacha bundan kattaroq yoshi yoki bolaligidagidan ko‘ra osonroq o‘zlashtirar ekan. Bu haqda Nature Communications jurnalida maxsus maqola chop etilgan.

📌Olimlarning ma’lumotlariga ko‘ra, bilim olish jarayonida miya yo‘l-yo‘l tanasi dorsolateral qismi muhim ro'l o‘ynaydi. Yoshga bog‘liq holda miyaning bu strukturasi faolligi o‘zgarishi avval o‘rganilmagan edi. 

Olimlarning fikricha, 17 yoshdan 20 yoshgacha davr inson miyasi axborotni eng samarali qabul qiladigan bosqich hisoblanar ekan.

☝️Xulosa shuki, ilmni o'z vaqida o'rganishga harakat qiling. Zero, yoshlikda olingan bilim, toshga o'yilgan naqsh kabidur deb bejizga aytishmagan.

@talimationuz — TAʼLIM DOIMO MUHIM!

📣 Yotoqxona to‘lovida qanday talabalarga imtiyoz berilishi mumkin?

➡️JAVOB: Yotoqxona to‘lovi bo‘yicha imtiyozni oliy ta’lim muassasalari Kengashi belgilaydi va bu imtiyoz quyidagi shakllarda berilishi mumkin:

yotoqxona to‘lovlaridan butunlay ozod etiladi
👉 ko‘z kasalliklari bo‘yicha 1-2-guruh nogironligi borlar;
👉 chin yetimlar (ota-onasining har ikkisi vafot etganlar) va yetimlar (ota-onalaridan biri vafot etganlar);
👉 mehribonlik uyi tarbiyalanuvchilari;
👉 hamda ijtimoiy himoyaga muhtoj talabalar.

umumiy to‘lovdan 50 foiz chegirma beriladi
👉umumiy kasalliklar bo‘yicha 2-guruh nogironlari;
👉vazifasini namunali bajarayotgan talabalar Kengashi raisi, qavat sardori hamda yotoqxona kutubxonasi uchun mas’ul talabalarga.

@talimationuz — TAʼLIM DOIMO MUHIM!

📣 Magistraturaga kimlar imtihonsiz qabul qilinadi?

Xuddi bakalavrdagi kabi ayrim abituriyentlarga beriladigan imtiyozlar magistraturada ham bor.

Qator toifadagi talabalar magistraturaga imtihonsiz grant asosida o‘qishga kiradi:

✔️ Prezidentning davlat stipendiyalari va nomli davlat stipendiyalari sovrindorlari;
✔️ Zulfiya nomidagi Davlat mukofotlari sohibalari;
✔️ "Mard o‘g‘lon" davlat mukofoti sohiblari; fan olimpiadasi g‘oliblari;
✔️ Ta'lim vazirligi o'tkazadigan fan olimpiadasi g'oliblari (3 ta o'rin)
✔️ Kimyo va biologiya, informatika va axborot texnologiyalari yo‘nalishini “qizil”ga bitirganlar "o'z yo'nalishiga" imtihonlarsiz to‘lov-kontrakt asosida qabul qilinadi.
✔️ Faqat bir sharti mukofotlar beradigan imtiyozda undan foydalanmoqchi bo‘lgan talabgor talaba bo‘lishi yoki oliy ta’limning bakalavriat bosqichini tamomlagan bo‘lishi kerak.

Imtiyoz bilan o‘qishga kiradiganlar umumiy kvotadan tashqari magistraturaga qabul qilinadi. Ya’ni ular boshqalarga xalaqit bermaydi.

@talimationuz — TAʼLIM DOIMO MUHIM!

📣 Oliygohlarga qishki "perevod" uchun arizalar qayerda va qachongacha olinadi?

Ariza oluvchi ishchi guruhlar 2024-yilning 20 yanvar kunigacha har kuni soat 9:00dan 17:00 gacha (yakshanba – dam olish kuni; shanba – soat 9:00 dan 15:00 gacha) ishlaydi.

Hududiy ishchi guruhlarga quyidagi hujjatlar arizachi ishtirokida (oflayn) taqdim etiladi:

👉 o‘qishni ko‘chirish bo‘yicha ariza (ariza blankasi hududiy ishchi guruhi tomonidan beriladi va talaba tomonidan joyida to‘ldiriladi);
👉 talabaning reyting daftarchasi yoki belgilangan shakldagi akademik ma’lumotnoma yoki transkript nusxalari (bittasi bo‘lsa yetarli);
👉 pasport nusxasi;
👉 PQ-279-son qaror 7(v) bandida qayd etilgan uzrli sabablarni asoslovchi tegishli hujjatlar.

@talimationuz — TAʼLIM DOIMO MUHIM!

📣 Dunyo boʻylab taʼlim haqida top faktlar

1. Koʻp marotaba toshqin muammolariga duch kelinganligi tufayli Bangladeshda 100 dan kam boʻlmagan qayiq maktablari mavjud. Ularning har biri Internetga ulangan, kutubxonaga ega va quyosh energiyasidan quvvat oladi.

2. Hindistonning Laknov shahridagi “City Montessori” maktabi oʻquvchilar soni boʻyicha dunyodagi eng yirik maktab boʻlib, u yerda 32 000 dan ortiq ilmu tolib tahsil oladi.

3. Chilida oʻquvchilar uchun yozgi taʼtillar bizdagidan farqli oʻlaroq, dekabr oʻrtalaridan boshlanadi va mart oyining boshlarida tugaydi.

4. Saxarada 11,07 million bola boshlangʻich taʼlimini tugatmasdan maktabni tark etadi. Janubiy va Gʻarbiy Osiyoda bu raqam 13,54 millionga etadi.

5. Dunyodagi eng qadimgi maktab Angliyaning Kanterberi shahrida joylashgan. U 1597-yilda “Qirollik maktabi” nomi bilan tashkil etilgan. Maktab sifatli uskunalar va jihozlar bilan taʼminlangan, hozirda zamonaviy taʼlim beradigan oʻquv muassasalari safiga kiradi.

6. Rivojlanayotgan, kam taʼminlangan mamlakatlarda har bir qoʻshimcha taʼlim yili oʻsha mamlakat fuqarosining kelajakdagi daromadini oʻrtacha 10%gacha oshirishi mumkin.

7. Dunyoda eng koʻp uy vazifasini bajaradigan talabalar Xitoydagi talabalar hisoblanadi. Oʻsmirlar haftasiga oʻrtacha 14 soat davomida uy vazifasini qiladilar.

8. Pokistonda bolalarga bepul taʼlim olish uchun qonuniy huquq berilmaydi. Faqat 5 yoshdan 9 yoshgacha boʻlgan bolalar majburiy taʼlim olish huquqiga ega.

9. Gollandiyada bolalar maktabni 4 yoshga toʻlgan kunidan boshlashadi. Bu jarayonda maktabdagi boshlangʻich sinf oʻquvchilari soni juda tez oʻzgaradi.

10. Yaponiyadagi maktablarda bolalarning oʻzlari sinflarini tozalashadi va hatto, tushlikni ham oʻzlari bilan olib yurishadi. Yaponiya maktablarida farrosh yoki oshxona mavjud emas.

11. Italiyaning Turin shahrida dunyodagi eng kichik maktab bor, u yerda bitta oʻquvchi taʼlim oladi.

12. Eron qizlar va oʻgʻil bolalarga ular kollejga kirgunlariga qadar alohida taʼlim beriladigan mamlakat hisoblanadi. Mazkur davlat taʼlim tizimida maktab oʻquvchilari orasida qizlar uchun faqat ayol oʻqituvchilar, oʻgʻil bolalar uchun erkak oʻqituvchilar dars beradi.

13. Braziliyada oila bilan ovqatlanish - madaniyatning muhim qismi, shuning uchun maktablar ertalab soat 07:00 da boshlanadi va tushgacha tugaydi, shunda bolalar ota-onalari bilan tushlik qilishlari mumkin boʻladi.

14. Dam olish kuni yoki taʼtil boʻlishiga qaramay, rus bolalari maktabni har doim “Bilimlar kuni” yaʼni 1-sentyabrda boshlashadi.

15. Jahon boʻylab eng keksa oʻqituvchi faoliyati Amerikada qayd etilgan. Uning ism-familiyasi Agnes Zhelesnik boʻlib, Yoshi 101 ga toʻlgan.

16. Islandiya maktablarida oʻquvchilarga “trikotaj” deb nomlangan fan oʻqitiladi. Jahonda boshqa mamlakatdagi maktablarda bu yoʻnalishga asoslangan fanni uchratish deyarli qiyin.

‼️Ushbu maqola orqali dunyo davlatlaridagi taʼlim tizimiga doir eng qiziqarli faktlar eʼtiboringizga havol etildi: guvohi boʻldingizki, anʼana va urf-odatlar - turli, bilimning yetkazilish usullari - turfa.

@talimationuz — TAʼLIM DOIMO MUHIM!

📣1 yildan beri 200 nafardan ortiq xususiy oliygoh ochmoqchi bo'lgan investorlarga imkoniyat berilmayapti

Ko'chadagi mish-mishlarga ko'ra, xususiy oliygoh uchun litsenziya olish "stavka" narxi 500.000$+ atrofida baholanmoqda.

@talimationuz — TAʼLIM DOIMO MUHIM!

📣 2024-yil 1-yanvar holatiga ko'ra O'zbekiston aholisi 36,8 mln. nafarni tashkil etmoqda.

Eng ko'p aholi Samarqand viloyatida bo'lsa eng kam aholi Sirdaryo viloyatida.

◀️Hududlar kesimida doimiy aholi soni:

◀️Qoraqalpog‘iston R. – 2 002,7 ming kishi
◀️Andijon viloyati – 3 394,4 ming kishi
◀️Buxoro viloyati – 2 044,0 ming kishi
◀️Jizzax viloyati – 1 507,4 ming kishi
◀️Qashqadaryo viloyati – 3 560,6 ming kishi
◀️Navoiy viloyati – 1 075,3 ming kishi
◀️Namangan viloyati – 3 066,1 ming kishi
◀️Samarqand viloyati – 4 208,5 ming kishi
◀️Surxondaryo viloyati – 2 877,1 ming kishi
◀️Sirdaryo viloyati – 914,0 ming kishi
◀️Toshkent viloyati – 3 051,8 ming kishi
◀️Farg‘ona viloyati – 4 061,5 ming kishi
◀️Xorazm viloyati – 1 995,6 ming kishi
◀️Toshkent shahri – 3 040,8 ming kishi

@talimationuz — TAʼLIM DOIMO MUHIM!

📣 Qishki "perevod" uchun qabul tugashiga oz qoldi

Ariza oluvchi ishchi guruhlar 20-yanvar kunigacha har kuni soat 9:00dan 17:00 gacha (yakshanba – dam olish kuni; shanba – soat 9:00 dan 15:00 gacha) ishlaydi.

Hududiy ishchi guruhlarga quyidagi hujjatlar arizachi ishtirokida (oflayn) taqdim etiladi:

👉o‘qishni ko‘chirish bo‘yicha ariza (ariza blankasi hududiy ishchi guruhi tomonidan beriladi va talaba tomonidan joyida to‘ldiriladi);
👉talabaning reyting daftarchasi yoki belgilangan shakldagi akademik ma’lumotnoma yoki transkript nusxalari (bittasi bo‘lsa yetarli);
👉pasport nusxasi;
👉PQ-279-son qaror 7(v)-bandida qayd etilgan uzrli sabablarni asoslovchi tegishli hujjatlar.

@talimationuz — TAʼLIM DOIMO MUHIM!

📣 Taʼlim krediti uchun arizalar qabul qilish toʻxtatildi

Aytishlaricha, imtiyozli taʼlim kreditlari ajratish dasturida ishtirok etayotgan barcha banklar tomonidan imtiyozli taʼlim kreditlari uchun arizalar qabul qilish toʻxtatilgan.

Bu banklar tomonidan ajratilgan taʼlim kreditlarining Taʼlim kreditini moliyalashtirish jamgʻarmasi tomonidan resurs bilan qoplab berilmayotgani bilan bogʻliq.

@talimationuz — TAʼLIM DOIMO MUHIM!

📣 2024-yilning 1-yarmida bo‘lib o‘tadigan milliy sertifikat imtihonlari

2024-yilning 1-yarmida ona (o‘zbek, rus, qoraqalpoq) tili va adabiyot, fizika, matematika, kimyo, biologiya, tarix va geografiya fanlaridan milliy sertifikat imtihonlari tashkil etiladi.

👨‍💻Test sinovida ishtirok etish uchun talabgorlarni ro‘yxatga olish my.uzbmb.uz sayti (“Milliy sertifikat” bo‘limi) orqali onlayn tarzda amalga oshiriladi.

📍Ro‘yxatdan o‘tishda talabgorlar o‘zlariga qulay bo‘lgan hududni tanlagan holda mazkur hududda test sinovlarida ishtirok etishlari mumkin.

📆Test sinovlari qaysi fanlardan o‘tkazilishi, ro‘yxatga olish muddatlari va test sinovi o‘tkaziladigan sanalar yuqoridagi rasmda keltirilgan.

❕Izoh: hukumat topshiriqlari va talabgorlar sonidan kelib chiqqan holda test sinovi o‘tkaziladigan sanalarga o‘zgarishlar kiritilishi mumkin.

@talimationuz — TAʼLIM DOIMO MUHIM!

📣Milliy sertifikat imtihonida 65 balldan o'tgan abituriyent OTMga kirishda o‘sha fandan maksimal ballga ega bo'ladi

Vazirlar Mahkasining tegishli (2024-yil 10-yanvardagi 17-son) qaroriga muvofiq, Milliy sertifikat imtihonida 65 balldan o'tgan abituriyent "A +, A" darajaga ega bo'ladi va OTMga kirishda o‘sha fandan maksimal ballga ega bo'ladi.

📚Shuningdek, B+, B, C+, C darajaga ega bo'lgan abituriyentlarga test sinovlarida egallagan ballariga nisbatan foiz asosida maksimal ballga nisbatan tabaqalashtirilgan ball beriladi.

💻Test natijalari xalqaro metod – Rash modeli asosida hisoblanadi.

✅Sertifikat uchun talabgordan bazaviy hisoblash miqdorining 1,5 baravari miqdorida to‘lov undiriladi.

📋Seritifikatning amal qilish muddati 3 yilni tashkil qiladi.

@talimationuz — TAʼLIM DOIMO MUHIM!

📣 Maktabga ilk ishga kirganda o'qituvchilarda qanday daraja bo'ladi?

Bakalavr darajasiga ega pedagog kadrlarga — mutaxassis (oliy ma’lumotli o‘qituvchi) lavozimi;

➡️Magistr darajasiga ega mutaxassislarga, shuningdek, oliy ma’lumot darajasi bo‘yicha akademik darajalar joriy etilgunga qadar olingan oliy ma’lumotli pedagog kadrlarga — ikkinchi malaka toifasi (katta o‘qituvchi lavozimi);

🎗Fan nomzodi, falsafa doktori (Doctor of Philosophy (PhD) yoki fan doktori (Doctor of Science (DSc) ilmiy darajasiga hamda Oliy attestatsiya komissiyasi tomonidan berilgan katta ilmiy xodim, dotsent va professor ilmiy unvoniga ega bo‘lgan pedagog kadrlarga — oliy malaka toifasi (bosh o‘qituvchi lavozimi).

@talimationuz — TAʼLIM DOIMO MUHIM!

📣 Qirg‘izistonda tahsil olayotgan talabalar diqqatiga!

Qirg‘iziston Respulikasi Vazirlar mahkamasining 2023-yil 10-oktyabrdagi 541-son qaroriga muvofiq, "Chet el fuqarolarining mamlakatda bo‘lish tartibi to‘g‘risida nizom"i tasdiqlangan.

👉Yangi nizom bo‘yicha, agar chet el fuqarosi mamlakatda 60 kun davomida ro‘yxatdan o‘tmasdan qolsa, u viza uchun ariza topshirishi yoki shu vaqt ichida mamlakatni tark etishi kerak. 60 kunlik muddatni to‘ldirib, Qirg‘izistondan chiqib ketgan fuqarolarga yana 60 kundan keyin kirishga ruxsat beriladi.

Chet el fuqarolarining mamlakatda qolish muddati chegarani kesib o‘tgan kundan boshlab 00:01 dan boshlab kalendar kunlarida hisoblanadi.

☝️Hisoblash Tashqi migratsiyani hisobga olish tizimi(TMEBT)ning avtomatlashtirilgan tizimi tomonidan amalga oshiriladi. Tizimga kirishning imkoni bo‘lmagan yoki tizim ishlamagan taqdirda, hisob-kitob davlatning vakolatli organi tomonidan xorijiy fuqaroning amaldagi hujjatidagi kirish/chiqish sanasini hisoblagan holda amalga oshirilishi belgilangan.

Shu munosabat bilan ushbu mamlakat hududida bo‘lib turgan talabalar, turli sohalarda faoliyat yuritayotgan vatandoshlarni Qirg‘iziston tomonidan qabul qilingan ushbu qaror talablariga rioya etishlari tavsiya etiladi.

‼️O‘zbekistonning O‘sh shaxridagi Bosh konsulxonasi, O‘zbekiston yoshlari umumjahon assosiatsiyasining Qirg‘iziston Respublikasidagi vakilligi

@talimationuz — TAʼLIM DOIMO MUHIM!