🔄 “Perevod” qilish tartibi bo‘yicha kengroq tushuntirish
#perevod

Tushuntirishlarning asosi: 2022-yil 15-iyundagi PQ-279-son Prezident qarori.

1️⃣ Bir davlat OTMdan boshqa davlat OTMga o‘qishni ko‘chirish

Bunday holda faqat 2 ta vaziyatda ruxsat beriladi:

1) talaba oila qursa va turmush o‘rtog‘i doimiy yashaydigan hududdagi OTMga ko‘chmoqchi bo‘lsa;

2) davlat xizmatchisi ish yuzasidan boshqa hududga ko‘chsa va turmush o‘rtog‘i yoki voyaga yetmagan farzandining o‘qishini o‘sha hududga ko‘chirmoqchi bo‘lsa (ishga kirgan vazirlik xati asosida).

❌ Boshqa hududga ham, o‘z hududidagi boshqa OTMga ham shu qoida ishlaydi.

Masalan, SamDU talabasi Samarqand tibbiyot universitetiga ko’chiraman desa ham, Toshkent tibbiyot universitetiga ko’chiraman desa ham shu 2 ta sabab kerak.

2️⃣ Xorijdan o‘qishni ko‘chirish

Bunda o‘tgan yilgi tartib saqlanib qolgan:

1) mos va turdosh yo‘nalishga test yoki ijodiy imtihon topshiradi hamda o‘tish balini to‘plash talab etiladi.

2) o‘tish balini to‘play olmasa, super-kontrakt shartlari asosida o‘qishini ko‘chirishga ruxsat beriladi;

3) xorijdan mos va turdosh bo‘lmagan yo‘nalishga o‘qishni ko‘chirishga ruxsat berilmaydi.

‼️ Test o’tgach, har bir talabaning hujjati qayta tekshiriladi. Kimdir “xorijda o’qiyapti” degan soxta hujjat tayyorlagan bo’lsa, natijalar bekor qilinadi va prokuraturaga soxta hujjat tayyorlash fakti yuzasidan murojaat etiladi.

3️⃣ O‘zbekistondagi xorijiy va nodavlat OTMlardan o‘qishni ko‘chirish

Bunda ham o‘tgan yilgi tartib saqlanib qolgan:

1) mos va turdosh yo‘nalishga test yoki ijodiy imtihon topshiradi hamda o‘tish balini to‘plash talab etiladi.

2) o‘tish balini to‘play olmasa, super-kontrakt shartlari asosida o‘qishini ko‘chirishga ruxsat beriladi;

3) mos va turdosh bo‘lmagan yo‘nalish uchun esa bir martalik “super-kontrakt” to‘lab, imtihonsiz ko‘chirishi mumkin.

4️⃣ Davlat OTMdan nodavlat OTMga o‘qishni ko‘chirish

Buni davlat hozircha nazorat qilmaydi, buning tartibini nodavlat OTMlar o‘zi mustaqil belgilaydi. Nodavlat OTMga o‘qishni ko‘chirish mumkin yoki mumkin emasligini o‘sha OTMning o‘zidan aniqlashtiring.

5️⃣ Nodavlat OTMdan nodavlat OTMga o‘qishni ko‘chirish

Buni ham davlat hozircha nazorat qilmaydi, tartibini nodavlat OTMdan aniqlashtirish kerak.

6️⃣ Xorijdan nodavlat OTMga o‘qishni ko‘chirish

Buni ham davlat hozircha nazorat qilmaydi, tartibini ko‘chirmoqchi bo‘linayotgan nodavlat OTMdan aniqlashtirish kerak.

7️⃣ Bir davlat OTM ichida bir yo’nalish yoki fakultetdan boshqa yo’nalish yoki fakultetga o‘qishni ko‘chirish

Ushbu masala OTM rektori tomonidan hal qilinadi, ariza ham rektor nomiga yoziladi. Bunda ko’chirilayotgan yo’nalishning mos va turdoshligi, ko’chirilish sababi, OTM imkoniyatlari va boshqa faktorlar inobatga olinishi mumkin.

8️⃣ Bir OTM va hatto bir yo’nalish doirasida ta’lim shaklini yoki tilni o’zgartirish

Ushbu masala ham OTM ma’muriyati tomonidan hal qilinadi. Bunda ham ko’chirish maqsadi, OTMning imkoniyati (masalan, auditoriya sig’imi, professor-o’qituvchilari soni va hk) va boshqa faktorlarga qaralishi mumkin. Masalan, kechki, sirtqi yoki masofaviydan kunduzgiga o’tkazish deyarli imkonsiz, bu haqda o’ylamasa ham bo’ladi. Lekin kunduzgidan ko’chirish odatda muammosiz hal bo’ladigan masala.

@talimationuz — TAʼLIM DOIMO MUHIM!

Biz “Talimda nima gap?” Jamoasi mana bir necha yildirki sizlarga foydali ma’lumotlar, eng so’nggi yangiliklarni ulashib bormoqdamiz.

Izohlarga e’tibor qaratishga, ko’proq so’ralgan va sizni qiynayotgan savollarga batafsil post ko’rinishida javob berishga harakat qilmoqdamiz.

Sahifalarimizni kuzatib boring va bizni qo’llab - quvvatlash uchun izohlarda faol bo’lishni va mehnatimizni reaksiyalar orqali baholab borishingizni so’raymiz!

Biz bilan birga ekanligingiz uchun tashakkur.

@talimationuz — TAʼLIM DOIMO MUHIM!

#Qabul2026 #Abituriyent2026 #Statistika

Davlat oliy va kasbiy ta’lim tashkilotlariga qabul uchun onlayn ro‘yxatdan o‘tgan abituriyentlar statistikasi

15-iyun soat 6:40 holatiga ko‘ra davlat oliy va kasbiy ta’lim tashkilotlariga qabul uchun jami 154 819 nafar abituriyent onlayn ro‘yxatdan o‘tdi (batafsil yuqoridagi infografikada).

Eslatma: onlayn ro‘yxatdan o‘tish O‘zbekiston Respublikasi Yagona interaktiv davlat xizmatlari portali hamda Agentlikning my.uzbmb.uz saytida amalga oshirilmoqda. Onlayn ro‘yxatdan o‘tishning 1-bosqichi 25-iyunga qadar (shu kuni ham) davom etadi.

@talimationuz — TAʼLIM DOIMO MUHIM!

❗️Akademik litseylarga qabul boshlandi

10-iyun sanasidan boshlab 2026/2027-oʻquv yili uchun akademik litseylarga my.edu.uz portali orqali hujjatlarni qabul qilish boshlandi. Qabul 10-iyulgacha (shu kuni ham) davom etadi.

Talabgorlar roʻyxatdan oʻtish jarayonida tizimga ID karta yoki tug‘ilganlik haqida guvohnoma ma’lumotlarini kiritishlari va quyidagi hujjatlarni elektron shaklda (PDF, JPEG) yuklashlari lozim:

➖ 3,5x4,5 cm oʻlchamdagi 1 ta rangli fotosurat;
➖ O‘qishga imtiyozli kirish huquqini beruvchi hujjatlar — fan olimpiadasi gʻolibi ekanligini tasdiqlovchi diplom, chet tili va umumtaʼlim fanlarni bilish darajasi toʻgʻrisidagi milliy yoki xalqaro sertifikat (mavjud boʻlsa).

Tizimga shaxsiy ma’lumotlar kiritilganda, tug‘ilganlik to‘g‘risidagi ma’lumotlar FHDYO organi bazasidan, maktab va shahodatnoma to‘g‘risidagi ma’lumotlar esa Maktabgacha va maktab ta’limi vazirligining e-shahodatnoma.uz axborot tizimi orqali avtomatik tarzda olinadi.

📝 Yo‘nalish tanlash tartibi: Ro‘yxatdan o‘tishda abituriyentlarga uchtagacha akademik litseyning ta’lim tili bir xil bo‘lgan bittadan mos yo‘nalishini (barcha tanlangan litseylarda ta'lim tili bir xil bo'lishi shart) tanlash imkoniyati beriladi.

Abituriyentning to‘plagan ballari u tanlagan birinchi akademik litseyga yetarli bo‘lsa, u yerga o‘qishga qabul qilinadi va uning natijalari o‘sha litseyda e’lon qilinadi. Bunday holatda uning ikkinchi va uchinchi litseylar tanlovida ishtirok etishiga ruxsat etilmaydi.

Agar ballari birinchi va ikkinchi litseylarga yetmay, uchinchi litseyga yetarli bo‘lsa, uning natijalari faqat uchinchi akademik litsey yo‘nalishida e’lon qilinadi.

ℹ️ Talabgorlar roʻyxatdan oʻtishda qaysi chet tilidan kirish test sinovini topshirishini belgilaydi hamda oʻzi tanlagan hududda tashkil etiladigan kirish test sinovlarida ishtirok etadi.

@talimationuz — TAʼLIM DOIMO MUHIM!

#Qabul2026 #Abituriyent #Statistika

Akademik litseyga qabul boʻyicha arizalar statistikasi

Akademik litseyga qabul boʻyicha jami 12 108 ta ariza kelib tushdi.
Ma’umotlar 17-iyun soat 18:05 holatiga ko‘ra

📌Arizalar onlayn tarzda my.edu.uz platformasi orqali qabul qilinadi.

@talimationuz — TAʼLIM DOIMO MUHIM!

#Qabul2026 #Abituriyent2026 #Statistika

Davlat oliy va kasbiy ta’lim tashkilotlariga qabul uchun onlayn ro‘yxatdan o‘tgan abituriyentlar statistikasi
19-iyun kuni soat 18:17 holatiga ko‘ra davlat oliy va kasbiy ta’lim tashkilotlariga qabul uchun jami 371 429 nafar abituriyent onlayn ro‘yxatdan o‘tdi (batafsil yuqoridagi infografikada).

Eslatma: onlayn ro‘yxatdan o‘tish O‘zbekiston Respublikasi Yagona interaktiv davlat xizmatlari portali hamda Agentlikning my.uzbmb.uz saytida amalga oshirilmoqda. Onlayn ro‘yxatdan o‘tishning 1-bosqichi 25-iyunga qadar (shu kuni ham) davom etadi.

@talimationuz — TAʼLIM DOIMO MUHIM!

❗️Texnikum bitiruvchilarining oliy ta’limni 2-bosqichdan davom ettirishi mumkin bo‘lgan bakalavriat yo‘nalishlari tasdiqlandi

2026/2027-o‘quv yili uchun texnikum bitiruvchilarining oliy ta’limni 2-bosqichdan davom ettirishi mumkin bo‘lgan o‘z mutaxassisligiga mos bakalavriat ta’lim yo‘nalishlari ro‘yxati tasdiqlandi.

Texnikumni muvaffaqiyatli tamomlagan bitiruvchilar oliy ta’limga kirish imtihonlarisiz, yakka tartibdagi suhbat orqali bakalavriat ta’lim yo‘nalishlarining 2-bosqichidan o‘qishni davom ettirishlari mumkin.

Bunda o‘qishga qabul qilish to‘lov-kontrakt asosida amalga oshiriladi.

@talimationuz — TAʼLIM DOIMO MUHIM!

#Qabul2026: Abituriyentlar statistikasi

2026-yil 20-iyun kuni soat 18:20 holatiga ko‘ra, davlat oliy va kasbiy ta’lim tashkilotlariga o‘qishga kirish uchun onlayn ro‘yxatdan o‘tgan abituriyentlar soni:
Jami: 432 805 nafar
Muhim eslatma:
Ro‘yxatdan o‘tish joyi: Ariza topshirish jarayoni Yagona interaktiv davlat xizmatlari portali (my.gov.uz) hamda Bilim va malakalarni baholash agentligining my.uzbmb.uz sayti orqali amalga oshirilmoqda.
Muddat: Onlayn ro‘yxatdan o‘tishning 1-bosqichi joriy yilning 25-iyun kuniga qadar (shu kuni ham) davom etadi.

@talimationuz — TAʼLIM DOIMO MUHIM!

#Qabul2026 #Abituriyent #Statistika

Akademik litseyga qabul boʻyicha arizalar statistikasi

Akademik litseylarga 2026/2027-o‘quv yili uchun qabul jarayonida 22-iyun soat 10:00 holatiga ko‘ra jami 22 751 ta ariza kelib tushdi.

📌Arizalar onlayn tarzda my.edu.uz platformasi orqali qabul qilinadi.

@talimationuz — TAʼLIM DOIMO MUHIM!

⚡️Fanlar majmuasi yangilandi

2026/2027-o‘quv yili uchun bakalavriat ta’lim yo‘nalishlari va ularga mos test sinovi (kasbiy (ijodiy) imtihon) topshiriladigan fanlar majmuasi

Eslatma: Taʼlim yoʻnalishlari nomi oʻzgarganda, shuningdek, yangi yoʻnalishlar tashkil etilganda mos ravishda tegishli oʻzgartirishlar kiritiladi.

@talimationuz — TAʼLIM DOIMO MUHIM!

#Qabul2026 #Abituriyent2026 #Statistika

Davlat oliy va kasbiy ta’lim tashkilotlariga qabul uchun onlayn ro‘yxatdan o‘tgan abituriyentlar statistikasi

23-iyun kuni soat 08:26 holatiga ko‘ra davlat oliy va kasbiy ta’lim tashkilotlariga qabul uchun jami 558 694 nafar abituriyent onlayn ro‘yxatdan o‘tdi (batafsil yuqoridagi infografikada).

Eslatma: Onlayn ro‘yxatdan o‘tish O‘zbekiston Respublikasi Yagona interaktiv davlat xizmatlari portali hamda Agentlikning my.uzbmb.uz saytida amalga oshirilmoqda. Onlayn ro‘yxatdan o‘tishning 1-bosqichi 25-iyunga qadar (shu kuni ham) davom etadi.

@talimationuz — TAʼLIM DOIMO MUHIM!

Abituriyentlarga tavsiyalar

🔹 Hujjat topshirish jarayonini oxirgi kunlarga qoldirmang. Sertifikatlar, imtiyozlar va shaxsiy ma’lumotlar to‘g‘ri aks etganini oldindan tekshirib chiqing.

🔹 SAT, milliy yoki xalqaro sertifikatlardan foydalanishda tanlagan ta’lim yo‘nalishingizga qaysi sertifikat tatbiq etilishini aniqlab oling.

🔹 Ro‘yxatdan o‘tishda faol foydalaniladigan telefon raqamini kiriting. Barcha muhim xabarnomalar va tasdiqlash kodlari shu raqamga yuboriladi.

🔹 Test sinovlariga ruxsatnoma shakllantirilganidan keyin uni o‘z vaqtida yuklab oling va unda ko‘rsatilgan sana, vaqt hamda manzilga e’tibor bering.

🔹 Test sinovlari yakunlangach, tanlov bosqichini o‘tkazib yubormang. Oliy ta’lim muassasalari va ta’lim yo‘nalishlarini tanlamasangiz, tanlovda ishtirok etmagan hisoblanasiz.

🔹 Ta’lim yo‘nalishlarini tanlashda ustuvorliklarni puxta o‘ylab belgilang. Birinchi ustuvorlik sifatida eng ko‘p o‘qishni istagan yo‘nalishni tanlash maqsadga muvofiq.

@abituriyentga_xos — Bu sizga xos!