📣 Ertaga qishki perevod uchun qabulning so'nggi kuni

Uzrli sababga ko‘ra o‘qishni ko‘chirish bo‘yicha hujjatlar hududiy Ishchi guruhlar tomonidan qabul qilishning so'nggi kuni 20-yanvar bo'lib, undan so'ng qabul jarayonlari yakunlanadi.

👉 Belgilangan tartibga muvofiq 2 ta uzrli sababga koʻra davlat oliy taʼlim muassasalariaro o‘qishni koʻchirish haqidagi arizalarni qabul qilish uchun 13 ta oliy taʼlim muassasasida hududiy Ishchi guruhlar tashkil etilgan.

‼️Ishchi guruhlar har kuni soat 9:00dan 17:00 gacha (yakshanba – dam olish kuni; shanba – soat 9:00 dan 15:00 gacha) faoliyat koʻrsatadi.

@talimationuz — TAʼLIM DOIMO MUHIM!

📣 Chet tili imtihonida ishtirok etadigan talabgorlar diqqatiga!

Ertaga 21-yanvar kuni barcha hududlarda chet tilini bilish darajasini aniqlash test sinovlarining yozma qismi bo‘lib o‘tadi.

📆Gapirish ko‘nikmasini baholash imtihonlari esa 23-yanvardan 1-fevralga qadar grafik asosida tashkil etiladi.

Talabgorlar imtihon joyi, kuni va aniq vaqtini my.gov.uz saytining “Mening arizalarim” bo‘limidan bilishlari va ruxsatnomani yuklab olishlari mumkin.

‼️Talabgorlar test sinoviga belgilangan vaqtdan kamida bir soat oldin shaxsini tasdiqlovchi hujjat (pasport yoki ID-karta) bilan kelishlari lozim.

@talimationuz — TAʼLIM DOIMO MUHIM!

📣 Murojaatdagi xatolar toʻgʻrilanib qayta ariza yuborilganda qayta toʻlov undirilmaydi!

Attestatsiyada ishtirok etish uchun pedagoglar tomonidan hujjatlar toʻliq taqdim etilmagan hollarda vakolatli vazirliklar tomonidan hujjatlar qabul qilinmaganligi toʻgʻrisida davlat xizmatlari markaziga yoki Yagona interaktiv davlat xizmatlari portali yoxud vakolatli vazirliklarning rasmiy veb-sayti orqali pedagog kadrlarga xabarnoma yuboriladi.

‼️Pedagog kadrlar hujjat qabul qilish toʻxtatilgunga qadar kamchiliklarni tuzatgan holda hujjatlarni qayta topshirishlari mumkin. Bunda pedagog kadrdan davlat xizmatini koʻrsatganlik uchun yigʻim takroran undirilmaydi.

Asos: Vazirlar Mahkamasining qarori, 17.09.2021 yildagi 572-son, Nizom 30-band

@talimationuz — TAʼLIM DOIMO MUHIM!

📣 1-sinf o‘quvchilari uchun qo‘shimcha bir haftalik ta’til beriladi

Vazirlar Mahkamasining 2017-yil 15-martdagi 140-son qarori bilan tasdiqlangan «Umumiy o‘rta ta’lim to‘g‘risida»gi Nizomning 26-bandiga ko‘ra, 1-sinf o‘quvchilari uchun fevral oyi davomida qo‘shimcha bir haftalik ta’til berilishi belgilangan.

☝️Ta’til fevral oyining aynan qaysi kunlariga to‘g‘ri kelishi hududiy maktabgacha va maktab ta’limi boshqarmasi va hududiy bo‘linmalari tomonidan yoki har bir maktab pedagogik kengashi tomonidan mustaqil ravishda belgilanadi.

@talimationuz — TAʼLIM DOIMO MUHIM!

📣 Bitiruvchi yakuniy davlat attestatsiyasi shaklini tanlash huquqiga ega

Amaldagi nizomga ko‘ra, oliy o‘quv yurtlari bitiruvchilarining davlat yakuniy attestatsiyasi fanlararo (umumiy kasbiy va maxsus) yakuniy attestatsiya imtihoni, diplom loyihasini himoya qilish yoki iqtidordan kelib chiqqan holda bitiruv malakaviy ishini himoya qilish, oliy ta’lim muassasasi kengashi qarori bilan bitiruvchilarning xohish-istaklari va o‘quv xususiyatlari.

@talimationuz — TAʼLIM DOIMO MUHIM!

📣 Startap loyihalar diplom ishi o‘rniga o‘tadi

Prezident qaroriga ko‘ra, shu yildan boshlab talabaning ta’lim yo‘nalishiga mos startap loyihasi yoki ratsionalizatorlik ishi diplom ishi, magistrlik dissertasiyasi sifatida himoya qilinadigan bo‘ldi.

Bu degani agar talabada biror startap loyiha bo‘lsa, yana o‘tirib 60 betlab diplom yozishi shartmas. Xullas, bilimni gapda emas, amalda ko‘rsatsa, ballini olib ketaveradi.

@talimationuz — TAʼLIM DOIMO MUHIM!

📣 Bu yil maygacha qaysi fanlardan milliy sertifikat olish mumkin?

2024-yilning 1-yarmida:

➖ ona (o‘zbek, rus, qoraqalpoq) tili va adabiyot;
➖ fizika;
➖ matematika;
➖ kimyo;
➖ biologiya;
➖ tarix;
➖ geografiya fanlaridan milliy sertifikat imtihonlari tashkil etiladi.

💵Imtihon uchun to'lov — 510 ming so'm.

@talimationuz — TAʼLIM DOIMO MUHIM!

📣 Yuridikka kirish uchun qaysi fanni o'qish kerak? IELTS nechchi bo'lishi kerak?

Yuridik yo‘nalishlar uchun birinchi fan — huquq. Bu faqat Toshkent davlat yuridik universitetida emas, respublikadagi barcha yuridik kadr tayyorlovchi OTMlar uchun amal qiladi.

IELTS talabi ham yumshatilgan

2023-yilgi imtihongacha Toshkent davlat yuridik universitetiga IELTS balli yozish ko‘nikmasi kamida 5,5 ball bo‘lishi kerak edi. Bu talab olib tashlangan. Endi writing balli nechchi bo‘lsa ham, sertifikat darajasi B2  bo‘lsa, qabul qilinaveradi.

@talimationuz — TAʼLIM DOIMO MUHIM!

📣 Xotin-qizlar qayerlarda tekin o'qiydi?

1️⃣Magistraturada:

Magistraturaga kontraktga kiradigan barcha qizlarning kontrak pulini davlat to'lab beradi.

2️⃣Kollej, texnikumlarning ba'zi yo'nalishlarida:

Shu yildan kollej va texnikumlarga qurilish, transport, kommunal, qishloq xo‘jaligi va xizmat ko‘rsatish sohalarida o'qiydigan xotin-qizlar davlat granti asosida taʼlim oladi.

@talimationuz — TAʼLIM DOIMO MUHIM!

📣

Talaba farzandli bo‘lganida unga OTM tomonidan bir martalik suyunchi puli beriladi

➖Talaba oliy ta’lim muassasasiga arizani bola tug‘ilgan kunidan boshlab olti oydan kechiktirmay taqdim etadi va unga rahbariyat tomonidan belgilangan nafaqa pulini 10 kundan kechiktirmay to‘lab berish majburiy hisoblanadi. Hozirgi kunda nafaqa puli miqdori mehnatga haq to‘lashning eng kam miqdorining 70,3 foizini tashkil etadi.

2023-yil 1-dekabrdan mehnatga haq to‘lashning eng kam miqdori — oyiga 1 050 000 so‘m etib belgilangan.

Kerakli hujjatlar:
➖OTM rektori nomiga ariza
➖Pasport nusxasi
➖Tug‘ilganlik haqida guvohnoma nusxasi

@talimationuz — TAʼLIM DOIMO MUHIM!

📣 Xorijdan hozir ham O'zbekistonga o'qishni ko'chirish mumkin

Qishki "perevod" faqat davlat OTM talabalari uchun yakunlandi, nodavlat va xorijiy OTM talabalari uchun emas.

➡️Xorijda, xususan qo'shni davlat OTMlarida tahsil olayotgan talabalar yurtimizdagi nodavlat OTMlarga o'qishni ko'chirishlari mumkin. Bu bo'yicha hech qanday cheklovlar mavjud emas.

Bundan tashqari, yashash hududidan uzoqda, boshqa viloyatdagi davlat va nodavlat OTMlarda tahsil olayotgan talabalar ham o'z viloyatidagi nodavlat OTMlarga o'qishlarini ko‘chirishlari mumkin.

✨O'qishni ko'chirish tartibi talabani qabul qilayotgan OTM tomonidan belgilanadi. Ya'ni, o'qishni ko'chirish ichki tartibda (imtihon yoki imtihonsiz) hal etiladi.

Kurs masalasi ham OTM tomonidan belgilanadi. Kurs pasayish yoki pasaymasligini nodavlat OTM qabul komissiyasidan bilib olishingiz mumkin.

@talimationuz — TAʼLIM DOIMO MUHIM!

📣 14 foizlik ta'lim kreditidan ham 12 fozini qaytarib olsa bo'ladi

Oliy ta'lim muassasalarida to‘lov-kontrakt asosida o‘qiyotgan talabaning kontraktini to‘lovchi shaxslar uchun soliq imtiyozi mavjud. Bunda to‘lov-kontrakt summasi uchun sarflangan pul mablag‘laridan daromad solig‘i - 12% undirilmaydi.

✔️Ushbu imtiyozdan ta'lim krediti olingan bo‘lsa ham foydalanish mumkin.

Masalan:

🗄Siz bir yillik kontrakt qiymati uchun 14% ga ta'lim krediti oldingiz. Keyin siz ushbu kreditni to'lash uchun yo'naltirilgan mablag'ingizdan 12%lik daromad solig'ini soliq organlaridan qqytarib olishingiz mumkin.

Naqd, plastik yoki pul o'tkazish yo'li bilan amalga oshirilgan kontrakt to'lovlaridan ham 12%lik daromad solig'ini qaytarib olish mumkin.

@talimationuz — TAʼLIM DOIMO MUHIM!

📣 Ta'lim krediti uchun arizalar qabuli boshlandi

Mikrokreditbank rasmiy sahifasida oliy ta'lim muassasalarining bakalavriat va magistratura bosqichi bo'yicha to'lov-kontrakt asosida o'qishga tavsiya etilgan talabalarga ta'lim krediti ajratish boshlaganini e'lon qildi.

➖Kredit miqdori: Cheklov yo‘q;
➖Qaytarish muddati: 7 yil muddatga;
➖Foizi: Yigitlarga 14% Qizlarga 0%;

Kimlarga beriladi:

➖Davlat va nodavlar OTM talabariga
➖kunduzgi, sirtqi va kechki taʼlim shakliga
➖bakalavr yoki magistrga
➖to‘lov-kontrakt asosida o‘qishga kirgan
➖yoki o‘qishini ko‘chirgan talabalarga beriladi.

@talimationuz — TAʼLIM DOIMO MUHIM!

📣 Ayrim banklarning hududiy bo'limlarida ta'lim krediti ajratilayotgan bo'lishi mumkin

Bizdagi ma'lumotlarga ko'ra, bir bankning hududiy bo'limida ta'lim krediti ochiq bo'lgan, biroq arizalarga sekin javob berilayotgani sababli fuqarolar tomonidan yuqori turuvchi organlarga cheksiz shikoyatlar yo'llangan.

➡️Aslida yopiq bo‘lgan ta'lim kreditini berayotgan bank ham shikoyatlardan xalos bo'lish maqsadida kredit ajratishni to'liq yakunlagan.

‼️Xulosa, o'z hududingizdagi banklardan ta'lim krediti ajratilayotgan yoki yo'q so'rab ko'rish tavsiya etiladi.

@talimationuz — TAʼLIM DOIMO MUHIM!

📣 Chet tilini bilish darajasini aniqlash test sinovlari bo‘lib o‘tdi

2024-yil 21-yanvar kuni chet tilini bilish darajasini aniqlash test sinovlarining yozma (tinglab tushunish, o‘qish, yozma ish) qismi bo‘lib o‘tdi.

◀️Test sinovlari talabgorlarga qulay bo‘lishi uchun barcha hududlarda, jumladan Qoraqalpog‘iston Respublikasi, viloyatlar va Toshkent shahrida tashkil etildi.

Unda jami 7 ming nafarga yaqin talabgor ishtirok etdi va 7 nafar talabgor tartib-qoidani buzgani uchun test sinovidan chetlatildi.

Test sinovlarida ishtirok etgan talabgorlar uchun gapirish ko‘nikmasini baholash imtihonlari 23-yanvardan 1-fevralga qadar bo‘lib o‘tadi.

‼️ Izoh: Test sinovi natijalari Vazirlar Mahkamasining qaroriga muvofiq imtihonlar yakunlangandan so‘ng bir haftada e’lon qilinadi.

@talimationuz — TAʼLIM DOIMO MUHIM!

📣 Talabalar amaliyot o‘tagani uchun pul olishi mumkin

❗️ Faqat, hamma talabalar emas. Tanlab olingan bitiruvchi kurs amaliyotchi talabalari.

Yangi tartibga asosan, bitiruvchi talabalar bir oydan uch oygacha iqtisodiyot tarmoqlari korxonalarida haq to‘lanadigan ishlab chiqarish amaliyotida bo‘lishi mumkin.

Bunda Oliy ta’lim vazirligi tomonidan talabalar o‘rtasida har yili tanlov o‘tkaziladi.

🗣️Amaliyot o‘tash uchun 500 ta (Toshkent shahri uchun – 45 ta, Qoraqalpog‘iston Respublikasi va viloyatlar uchun – 35 tadan) o‘rin ajratiladi.

✨Tanlovdan muvaffaqiyatli o‘tgan bitiruvchi talabalarga amaliyot o‘tayotgan korxona tomonidan BHMning 2 barobari miqdorida (680 ming so‘m) ish haqi to‘lanadi. Bu pul Oliy ta’lim vazirligidan tashkilotga o‘tkazib beriladi.

Amaliyot o‘tayotgan korxona talabani qo‘shimcha rag‘batlantirishi ham mumkin.

@talimationuz — TAʼLIM DOIMO MUHIM!

📣 Yotoqxona to‘lovida kimlarga imtiyoz berilishi mumkin?

JAVOB: Yotoqxona to‘lovi bo‘yicha imtiyozni oliy ta’lim muassasalari Kengashi belgilaydi va bu imtiyoz quyidagi shakllarda berilishi mumkin:

Yotoqxona to‘lovlaridan butunlay ozod etiladi:
👉 ko‘z kasalliklari bo‘yicha 1-2-guruh nogironligi borlar;
👉 chin yetimlar (ota-onasining har ikkisi vafot etganlar) va yetimlar (ota-onalaridan biri vafot etganlar);
👉 mehribonlik uyi tarbiyalanuvchilari;
👉 hamda ijtimoiy himoyaga muhtoj talabalar.

umumiy to‘lovdan 50 foiz chegirma beriladi
👉 umumiy kasalliklar bo‘yicha 2-guruh nogironlari;
👉 vazifasini namunali bajarayotgan talabalar Kengashi raisi, qavat sardori hamda yotoqxona kutubxonasi uchun mas’ul talabalarga.

@talimationuz — TAʼLIM DOIMO MUHIM!

📣 Tibbiyot OTMlarining 200 nafar bitiruvchisi yetakchi xorijiy OTMlarda o‘qitiladi

Huquqiy axborot qarorga ko‘ra, 2024/2025 o‘quv yilidan:

👉 tibbiyot OTMlarining 200 nafar bitiruvchisi magistratura va klinik ordinatura dasturlari asosida yetakchi xorijiy OTMlar va markazlarda o‘qitiladi;

👉 tibbiyot OTMlarining bitiruvchi kurs talabalarida oilaviy shifokor uchun talab etiladigan klinik ko‘nikmalarni shakllantirish maqsadida ko‘p tarmoqli tibbiyot tashkilotlarida ish haqi to‘lanadigan internatura tashkil etiladi;

👉 toshkent tibbiyot akademiyasining ta’lim dasturlari xalqaro akkreditatsiyadan o‘tkaziladi;

👉 tibbiyot yo‘nalishidagi OTM talabalarining bilimlari ikki bosqichli baholash tizimi asosida baholanadi.

📁Quyidagi magistrlik yo‘nalishlari joriy etiladi hamda har yili kamida 150 nafar mutaxassislarni davlat buyurtmasi asosida tayyorlash choralari ko‘riladi:

🔸“Jamoat salomatligini tashkil etish va boshqarish” (Public Health and Healthcare Management);
🔸“Jamoat salomatligi: epidemiologiya va ma’lumotlar tahlili” (Public Health: Epidemiology and data science/data analytics);
🔸“Jamoat salomatligi: ovqatlanish” (Public Health: Nutrition);
🔸“Profilaktik tibbiyot” (Preventive Medicine);
🔸“Jismoniy faollik va reabilitatsiya” (Physical Activity and Rehabilitation).

@talimationuz — TAʼLIM DOIMO MUHIM!

📣 Attestasiyaga hujjat topshirishda qancha to'lov qilish kerak bo'ladi?

Pedagog kadrlarni navbatdan tashqari attestasiyadan o'tkazish bo'yicha davlat xizmatini ko'rsatganlik uchun bazaviy hisoblash miqdorining bir baravari miqdorida yig'im undiriladi.

👀Yagona interaktiv davlat xizmatlari portali yoki vakolatli vazirliklarning rasmiy veb-sayti orqali murojaat qilinganda, yig'im summasining 90 foizi undiriladi, ya'ni 306 000 so'm (uch yuzi olti ming so'm).

Pedagog kadrlarni navbatdagi majburiy attestasiyadan o'tkazish bo'yicha davlat xizmatini ko'rsatganlik uchun yig'im undirilmaydi.

🫡Ta'lim tashkilotlari rahbarlari navbatdagi majburiy attestasiyadan o'tish muddati tugashidan olti oy oldin pedagog kadrlarni attestasiyadan o'tish lozimligi to'g'risida yozma ravishda xabardor qilishi shart.

@talimationuz — TAʼLIM DOIMO MUHIM!

📣 Kontraktdan 12 foiz daromad solig‘ini kimlar qaytarib olishlari mumkin?

Ma’lumki, talabalarning kontrakt pullaridan 12 foizlik daromad solig‘i qaytariladi. Lekin hammaga ham emas.

✔️ Talabaning ota-onasiga;
✔️ Talabaning turmush o‘rtog‘iga;
✔️ Talabaning o‘ziga.

‼️Qarindoshlarga, masalan, ukasi yo singlisining kontraktini to‘lagan akalarga 12 foizlik pul qaytarilmaydi. Lekin bu haqida taklif ishlab chiqilgandi.

Bunda muhim shartlar bor. Rasmiy ish bilan band bo‘lishingiz va daromad solig‘i to‘lovchisi bo‘lishingiz talab etiladi. Davlat ishida ishlaysizmi yoki xususiy sektordami, ahamiyati yo‘q.

@talimationuz — TAʼLIM DOIMO MUHIM!