Nukusda “Muvozanat” loyihasi doirasidagi uch kunlik psixologik trening yakunlandi

➖ Qoraqalpog’istonda Maktabgacha va maktab ta’limi vazirligi tomonidan “Muvozanat” loyihasi doirasidagi treninglar bo‘lib o‘tdi.

🟢 Mazkur loyiha pedagoglarning emotsional salomatligini mustahkamlash, kasbiy va hissiy charchashning oldini olish hamda ularni ruhiy jihatdan qo‘llab-quvvatlashga qaratilgan.

⏰ Trening davomida quyidagi yo‘nalishlarga e’tibor qaratildi:

➖ pedagoglar va psixologlarning kasbiy kompetensiyalarini rivojlantirish;
➖ o‘z-o‘zini boshqarish va emotsional qo‘llab-quvvatlash texnikalari;
➖ emotsional intellektni rivojlantirish va kasbiy motivatsiyani oshirish.

🌍🌍🌍🌍🌍🌍

Bizni kuzating

❤ Telegram          🌐 Facebook
🌐 Youtube           🌐 Instagram
🔎 Veb-sayt          😄 Linkedin

Prezident Shavkat Mirziyoyev raisligida Toshkent shahrini ijtimoiy-iqtisodiy rivojlantirish, investitsiya va bandlikni oshirish, mahallalarda zamonaviy infratuzilma yaratish masalalari bo‘yicha o‘tkazilgan videoselektor yig‘ilishida maktabgacha ta’lim qamrovini oshirish masalasi ham ko‘rib chiqildi.

Hozir Olmazor tumanida bolalarni maktabgacha ta’lim bilan qamrab olish darajasi 67 foizni tashkil etmoqda. Aholisi zich hududlarda mavjud bog‘chalar quvvatini kengaytirish orqali bu ko‘rsatkichni sezilarli oshirish mumkinligi ta’kidlandi.

441-sonli bog‘cha hududida mavjud 385 o‘ringa qo‘shimcha 450 o‘rinli yangi bino qurilishi natijasida mahallaning ehtiyoji to‘liq qoplangan. Ushbu tajriba asosida yil yakuniga qadar Olmazorda kamida yana 5 ta shunday loyihani boshlash belgilandi.

Poytaxtning boshqa tumanlarida ham aholisi zich mahallalar aniqlanib, bog‘cha infratuzilmasini kengaytirish bo‘yicha loyihalar tayyorlanadi.

Shu bilan birga, Toshkentda transport tirbandligi tobora dolzarb bo‘lib borayotgani qayd etildi. Bugun poytaxt ko‘chalarida kuniga 1,5 millionta transport vositasi harakatlanmoqda.

Tirbandlikni faqat yo‘llarni kengaytirish, ko‘prik va tunnellar qurish bilan hal etib bo‘lmasligi ta’kidlanib, piyodalar va avtomobillar harakatini xavfsiz va samarali boshqarish uchun intellektual transport tizimlarini joriy etish bo‘yicha ishlarni yil yakuniga qadar boshlash vazifasi qo‘yildi.

Bizni kuzating
❤ Telegram          🌐 Facebook
🌐 Youtube           🌐 Instagram
🔎 Veb-sayt          😄 Linkedin

#Xorijiy_investitsiya
#Maktabgacha_taʼlim

✅Samarqand shahridagi 67-sonli DMTTda Islom taraqqiyot banki va UNICEF vakillari ishtirokida bo‘lib o‘tgan uchrashuvdan videolavha.

🌍🌍🌍🌍🌍🌍

Bizni kuzating
❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin

#Oʻzbekiston_2030_strategiyasi
#maktabgacha_taʻlim

✅ Oʻzbekiston Respublikasi Prezidentining 2026-yil 16-fevraldagi tegishli Farmoni bilan tasdiqlangan “Oʻzbekiston — 2030” strategiyasida maktabgacha va maktab taʼlimi sohasini rivojlantirishga qaratilgan qator maqsadlar oʻrin olgan.

🔹 Xususan, dastlabki maqsad sifatida 2030-yilga qadar bolalarni maktabgacha taʻlim bilan qamrab olish darajasini 80 foizga yetkazish belgilangan.

➖ Shu maqsadda Maktabgacha va maktab taʼlimi vazirligi tomonidan maktabgacha taʻlim tizimida yangi oʻrinlar yaratish, davlat-xususiy sheriklik va oilaviy nodavlat maktabgacha taʻlim tashkilotlarini kengaytirish boʻyicha izchil ishlar olib borilmoqda.

👉 2026-yilning oʻtgan davri mobaynida jami 56 569 ta, xususan:

➖ 118 ta DXSh asosidagi MTT tashkil etilishi natijasida — 13 779 ta;
➖ 1 100 ta oilaviy nodavlat MTT tashkil etilishi natijasida — 42 790 ta yangi bola oʻrni yaratildi.

👉 Hozirgi vaqtda mamlakatimizdagi:

➖ 3–7 yoshdagi 3 246 913 nafar bolaning 2 533 314 nafari maktabgacha taʻlim bilan toʻliq qamrab olingan hamda qamrov darajasi 78 foizni tashkil etmoqda;

➖ joriy yilda 811 ming nafardan ortiq 6 yoshli bolalarni maktabga tayyorlov tizimi bilan qamrab olinishi natijasida qamrov koʻrsatkichini 99,3 foizga yetkazish rejalashtirilgan.

#birinchi_maqsad

🌍🌍🌍🌍🌍🌍

Bizni kuzating:

❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin

#qonunchilik_hujjatlari

📣 Tarbiyalanuvchilarga nisbatan zoʻravonlik sodir etgan tarbiyachilar uchun javobgarlik belgilandi

✅ Oʻzbekiston Respublikasining 2026-yil 11-sentabrdagi tegishli Qonuni bilan ayrim qonunchilik hujjatlariga zarur oʻzgartirish va qoʻshimchalar kiritildi. Xususan, Maʼmuriy javobgarlik toʻgʻrisidagi kodeksga kiritilgan qoʻshimchalarga koʻra:

🔹 taʼlim tashkilotida voyaga yetmagan bolalarni tarbiyalash va ularga taʼlim berish borasidagi majburiyatlar oʻz zimmasiga yuklatilgan shaxs tomonidan:

➖ tarbiya va taʼlim berish jarayonida voyaga yetmagan bolaga nisbatan jismoniy zoʻravonlik sodir etish, shuningdek uni kamsitish yoki xoʻrlash kabi harakatlarda ifodalangan tarzda tahqirlash, basharti jinoyat alomatlari, shuningdek belgilangan boshqa huquqbuzarliklar alomatlari mavjud boʻlmasa, BHMning 1 baravaridan 5 baravarigacha miqdorda jarima solishga sabab boʻlishi;

➖ pedagogik faoliyatni amalga oshirish jarayonida voyaga yetmaganlarga nisbatan jismoniy va (yoki) ruhiy zoʻravonlikka oid huquqbuzarlikni sodir etganlik uchun maʼmuriy javobgarlikka tortilgan shaxslarning 1 yil muddat davomida quyidagi taʼlim tashkilotlarida pedagogik faoliyat bilan shugʻullanishiga yoʻl qoʻyilmasligi belgilandi:

🔹 maktabgacha taʼlim tashkilotlari;
🔹 umumiy oʻrta va oʻrta maxsus taʼlim tashkilotlari;
🔹 professional taʼlim tashkilotlari;
🔹 bolalar uchun qoʻshimcha taʼlim tashkilotlari.

👉 Shuningdek, ushbu Qonun bilan:

➖ davlat yoki nodavlat muassasalarining toʻliq taʼminotida boʻlgan voyaga yetmagan bolaga aliment toʻlashi shart boʻlgan otani yoki onani aliment toʻlashdan ozod qilishga yoʻl qoʻyilmasligi koʻzda tutildi;

➖ ota-ona qaramogʻidan mahrum boʻlgan bola foydasiga ota-onadan yoki ularning biridan undirilishi belgilangan aliment miqdorini kamaytirish boʻyicha ishlarda “Inson” ijtimoiy xizmatlar markazlari jalb etilishi belgilandi.

👉 Mazkur Qonun rasmiy eʼlon qilingan kundan eʼtiboran kuchga kiradi.

Bizni kuzating:

❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin