#Мактабгача_таълим
#Milliy_tarbiya

Maktabgacha ta’limda milliy tarbiya modeli amaliyotga joriy etilmoqda

✅ Bugun Olmazor tumanidagi 441-sonli DMTTda “Maktabgacha taʼlimda milliy tarbiya modeli – kelajak avlod tarbiyasining strategik yoʻnalishi” mavzusida amaliy seminar bo’lib o’tdi.

Unda Oliy Majlis Senati Raisi Tanzila Narbayeva, Maktabgacha va maktab ta’limi vaziri E’zoza Karimova ishtirok etib, mamlakatimizda ta'lim sohasida amalga oshirilayotgan ishlar, "Milliy tarbiya" modelining ahamiyati, uning o’ziga xos tomonlari va kelgusi rejalar haqida so’z yuritishdi.

🔹 Tadbirda shuningdek, senatorlar, vazirlik mas'ullari, tuman MMTB va poytaxtimizdagi maktabgacha ta'lim tashkilotlari rahbarlari qatnashishdi.

➖ Ta'kidlash joiz, 3–18 yoshdagi bolalarni qamrab oluvchi uzluksiz Milliy tarbiya modelining maktabgacha ta’limga oid “Men va mening oilam” bosqichi 3–4 yoshdagi, “Vatanim — O‘zbekiston” bosqichi esa 5–6 yoshdagi bolalarga mo‘ljallangan.

📚 Seminarda “Ilk qadam” davlat o‘quv dasturida milliy meros va xalqaro tajribalar uyg‘unlashtirilgani, uni amaliyotga joriy etish doirasida 265 mingdan ortiq rahbar va pedagog xodim o‘qitilgani ma’lum qilindi. Dasturdagi qadriyatlarni bolalarga o‘yin, ertak tinglash, mehnat va o‘zaro yordam kabi kundalik faoliyatlar orqali singdirish usullari yoritildi.

🔰 Ishtirokchilarga “O‘zbek tilini o‘ynab o‘rganamiz” platformasi hamda bolalarni turli kasblar bilan tanishtiruvchi “Kasblar alifbosi” doirasidagi mashg‘ulotlar namoyish etildi. Shuningdek, har bir guruhdagi beshtadan rivojlanish markazi, milliy-ma’naviy va vatanparvarlik burchaklari, budjet mablag‘lari hisobidan yetkazib berilayotgan o‘quv-metodik va didaktik materiallar bilan tanishildi.

🔷 Tadbirda ota-onalar va mahalla faollari bilan olib borilayotgan tarbiyaviy-ma’rifiy ishlar, oilalar bilan muntazam muloqot tajribasi ham taqdim etildi. Milliy tarbiyani ta’lim tashkilotlari, oila, mahalla, tegishli vazirlik va tashkilotlar hamda ommaviy axborot vositalari hamkorligida tizimli amalga oshirish zarurligi ta’kidlandi.

🌍🌍🌍🌍🌍🌍

Bizni kuzating

❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin

#Sayyor_qabul

✅ Bugun Jizzax viloyati Forish tumanidagi 1-umumtaʼlim maktabida Maktabgacha va maktab taʼlimi vazirining birinchi oʻrinbosari Sherzod Karimov ishtirokida sayyor qabul tashkil etildi. Unda:

➖ oilaviy nodavlat maktabgacha taʼlim tashkilotlarini tashkil etish;
➖ taʼlim muassasalariga ishga joylashish;
➖ bolalarning maktabgacha taʼlim tashkilotlariga qabuli;
➖ ish beruvchi va xodimlar oʻrtasidagi mehnat munosabatlariga doir qator aholi murojaatlari masʼullar ishtirokida koʻrib chiqildi.

👉 Keltirilgan murojaatlarni oʻrnatilgan tartibda koʻrib chiqish va hal etish boʻyicha zarur choralar amalga oshirildi.

🔹 Sayyor qabul davomida avtohalokat xavfi ostidagi bolaning hayotini asrab qolishga munosib hissa qoʻshgan hamda ijtimoiy tarmoq foydalanuvchilari tomonidan keng eʻtirof etilgan Forish tumanidagi 1-umumtaʼlim maktabining 11-sinf oʻquvchisi Shahzodbek Oʻtkirovning jasorati va mardligi alohida eʼtirof etildi.

👉 Shu bilan birga qahramon oʻquvchiga vazirlikning esdalik sovgʻalari hamda maktab kutubxonasiga kitoblar jamlanmasi topshirildi.

🌍🌍🌍🌍🌍🌍

Bizni kuzating

❤ Telegram          🌐 Facebook
🌐 Youtube           🌐 Instagram
🔎 Veb-sayt          😄 Linkedin