Variativ sinf – o‘quvchilarga qanday imkoniyat beradi?
 
✅ Variativ o‘quv rejasi — bu o‘quvchilarning individual qiziqishlari va qobiliyatlarini inobatga olgan holda, maktabning o‘zida oliy ta’lim muassasalariga tayyorgarlik ko‘rish uchun imkoniyat yaratish tizimidir.

Bundan ko‘zlangan maqsad — o‘quvchilarning qiziqishi va qobiliyatini rivojlantirish, zamonaviy kasblarni o‘rgatish, tanlangan oliy ta’lim muassasalari yo‘nalishlari  bo‘yicha kirish imtihonlariga tayyorlanishlari uchun keng imkoniyatlar yaratib berishdan iborat.

⏰ Jumladan, 2025-2026 o‘quv yilida maktab o‘quvchilarini qiziqishi va qobiliyatiga ko‘ra 7-11-sinflarda variativ o‘quv rejalar asosida 439 ta maktabda 18 ta yo‘nalishda tegishli fanlar chuqurlashtirib o‘qitildi.

📊 Unda 1 070 ta sinfda 30 mingdan ortiq o‘quvchilar qamrab olindi.

🔹2026-2027 o‘quv yilida filologiya, xorijiy tillar, axborot texnologiyalari (IT), muhandislik (texnologiya), moliya-iqtisod, tabiiy fanlar, ijtimoiy-gumanitar fanlar, sport, yurisprudensiya, turizm hamda harbiy vatanparvarlik kabi 18 ta yo‘nalish bo‘yicha variativ o‘quv rejalar taklif etilmoqda.

🔰 Variativ sinflarni tashkil etish uchun dastlab so‘rovnoma o‘tkaziladi.

🌐 So‘rovnomada sinfdagi o‘quvchilar, ota-onalar hamda o‘qituvchilarning uchdan ikki qismi (2/3) rozilik bildirsa, ushbu sinfda variativ sinf tashkil etish mumkin.

✔️ Variativ o‘quv rejalar asosida tanlangan yo‘nalishdagi fanlarni chuqurlashtirib o‘qitish o‘quvchilarni maktabni o‘zida, oliy ta’lim muassasalariga maqsadli tayyorlash imkonini beradi.

🌍🌍🌍🌍🌍🌍

Bizni kuzating
❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin

#sohaga_doir_hujjatlar

📣 Pedagoglarning farzandlari uchun kontrakt toʻloviga 30 foiz chegirma beriladi

✅ Davlatimiz rahbarining 2025-yil 15-sentabrda oʻqituvchi va murabbiylar bilan qilgan muloqoti davomida pedagoglarning davlat oliygohlariga oʻqishga kirgan farzandlarining kontrakt summasiga 30 foiz chegirma berilishi haqidagi taklif ilgari surilgan edi.

🔹 Vazirlar Mahkamasining 2026-yil 17-sentabrdagi tegishli qarori bilan mazkur imtiyoz amaliyotga joriy etildi. Unga koʻra:

👉 2026-2027-oʻquv yilidan boshlab — har yili davlat oliy taʼlim tashkilotlariga oʻqishga kirgan hamda tahsil olayotgan pedagoglarning farzandlari uchun toʻlov-kontrakt summasiga 30 foiz miqdorida chegirma joriy etiladi.

➖ Chegirma davlat oliy taʼlim tashkilotlarining bakalavriat bosqichida kunduzgi taʼlim shaklida tahsil olayotgan pedagoglarning farzandlariga tatbiq etiladi.

Pedagogning bir nechta farzandi davlat OTMlarida toʻlov-kontrakt asosida tahsil olayotgan boʻlsa, chegirma har bir farzand uchun alohida qoʻllaniladi.

📍 Pedagog farzandlari toʻlov-kontrakt shartnomasi olish yuzasidan kontrakt.edu.uz tizimi orqali ariza yuboradi.

➖ Arizani koʻrib chiqish jarayonida ariza beruvchining pedagog farzandi ekanligi “Raqamli hukumat” tizimining idoralararo integratsiyalashuv platformasi orqali tasdiqlanganda, chegirma avtomatik tarzda qoʻllaniladi. Arizalar masʼul tashkilot tomonidan 2 ish kuni mobaynida koʻrib chiqiladi.

❗️Pedagog farzandlariga mazkur chegirma oʻquv yili uchun bir marotaba qoʻllaniladi. Pedagog farzandlarining otasi yoki onasi pedagog toifasidan chiqarilgan taqdirda, keyingi oʻquv yilidan boshlab unga chegirma qoʻllash toʻxtatiladi.

👉 Mazkur chegirma :

▪️ oliy harbiy va harbiylashtirilgan taʼlim tashkilotlarida;
▪️ Oʻzbekistonda faoliyat olib borayotgan xorijiy oliy taʼlim tashkilotlari va ularning filiallarida ;
▪️qoʻshimcha va tabaqalashtirilgan toʻlov-kontrakt asosida;
▪️xorijiy hamkor OTMlarning qoʻshma taʼlim dasturlari asosida va fakultetlarida;
▪️ nodavlat oliy taʼlim tashkilotlarida tahsil olayotganlarga nisbatan qoʻllanilmaydi.

Bizni kuzating:
❤Telegram                   🌐 Facebook
🌐Youtube                     🌐Instagram
🔎Veb-sayt                     😄 Linkedin