Bo‘zatovlik yoshlar uchun tarix, madaniyat va zamonaviylikni birlashtirgan unutilmas sayohat

Hurmatli Prezidentimiz Qoraqalpog‘iston Respublikasida bo‘lib turgan shu kunlarda bo‘zatovlik farzandlarimiz Toshkentda boʻlishdi. O‘qishda, fan olimpiadalari va sport musobaqalarida yutuqlarga erishgan bu yoshlar uchun davlatimiz rahbarining qo‘llab-quvvatlashlari bilan poytaxtimiz bo‘ylab ta’lim sayohatini tashkil etdik.

Sayohat dasturida ta’lim, madaniyat va dam olishni uyg‘unlashtirishga e’tibor qaratdik. Ular o'z uylariga yangi bilim va taassurotlar, o‘qish va izlanishga yanada kuchli ishtiyoq bilan qaytishini istaymiz.

✉️ Telegram 📱 Instagram 🗳 Facebook

Ustoz qadri va kamoloti davlatimiz rahbarining doimiy e’tiborida

Ustozlarimizning qadr-qimmati, farovonligi va kasbiy kamoloti hurmatli Prezidentimiz hamda davlatimiz uchun ustuvor ahamiyatga ega. Davlatimiz rahbarining o‘qituvchilar yutug‘idan samimiy quvonishlari, ularning mehnatini yuksak qadrlashlari pedagoglarimizga ko‘rsatilayotgan ehtiromning hayotiy ifodasidir.

Ikki yil avval Nigora Allambergenova chekka hududda ishlab, 2 ming dollar maosh olayotganini aytganida, hurmatli Prezidentimiz uning daromadi 4 ming dollarga yetishini istagan edilar. Muloqotda ustoz “Yil o‘qituvchisi” tanlovi g‘olibi sifatida 616 mln so'm mukofot olayotganini faxr bilan ma’lum qildi. Bu yutuq ustoz mehnatiga e’tibor va munosib rag‘batning amaliy ifodasidir.

Farzandlarimizga bilim va tarbiya berib, ularning kelajagi yo‘lida fidoyilik ko‘rsatayotgan har bir ustozimiz ana shunday hurmat va e’tirofga munosib. Bu e’tiborni har bir pedagog o‘z hayoti va faoliyatida his etishi uchun mas’ulmiz. Ularning mehnatini munosib qadrlash hamda tashabbuslarini qo‘llab-quvvatlash vazifamizdir.

✉️ Telegram 📱 Instagram 🗳 Facebook