📢 “Digital Rights Week” doirasida seminar-trening o‘tkazildi
O‘zbekiston Respublikasi Vazirlar Mahkamasining “O‘zbekiston Respublikasida Inson huquqlari sohasidagi jahon ta’lim dasturining beshinchi bosqichini amalga oshirish chora-tadbirlari to‘g‘risida”gi qarori ijrosini ta’minlash maqsadida umumta’lim maktablari o‘quvchilari o‘rtasida “Mening raqamli huquqlarim” mavzusida seminar-trening tashkil etildi.
Seminar davomida o‘quvchilarga raqamli muhitda o‘z huquqlarini bilish va himoya qilish, internetdan xavfsiz va mas’uliyatli foydalanish, shaxsiy ma’lumotlarni himoya qilish hamda raqamli xavfsizlik qoidalariga rioya etish bo‘yicha tushunchalar berildi.
Tadbir davomida:
🔹 “Mening raqamli huquqlarim” mavzusida interaktiv mashg‘ulotlar;
🔹 huquqiy bilimlarni mustahkamlashga qaratilgan viktorinalar;
🔹 real hayotiy vaziyatlar asosida keys-stadilar;
🔹 “Mening huquqim buzilganda” mavzusida simulyatsion mashg‘ulotlar o‘tkazildi.
Shuningdek, yoshlarning raqamli huquq va majburiyatlari, internetdagi xavfsiz xulq-atvor hamda kiberxavfsizlik bo‘yicha bilimlarini oshirishga alohida e’tibor qaratildi.
📱 Tadbir doirasida ijtimoiy tarmoqlarda #MyDigitalRights xeshtegi ostida targ‘ibot-tushuntirish ishlarini olib borish bo‘yicha ham tavsiyalar berildi.

🌍🌍🌍🌍🌍🌍

Kanalni yaqinlaringiz bilan ulashing
❤https://t.me/toshkentv_xtb | 🌐Facebook|
🔎Veb-sayt |  🌐Instagram|▶️YouTube
👍@ToshvilmmtbgamurojaatBot

#faoliyat

👍 Toshkent viloyatida nazorat qiluvchi organlar xodimlari uchun o‘quv-seminar o‘tkazildi
 
Bugun, 22-sentabr kuni Biznes-ombudsman Devoni tomonidan Toshkent viloyatidagi nazorat qiluvchi organlarning 300 nafardan ziyod xodimlari ishtirokida o‘quv-seminar tashkil etildi.
 
Seminardan ko‘zlangan asosiy maqsad – tadbirkorlik subyektlari faoliyatida davlat nazoratini amalga oshirish va tekshiruvlarni o‘tkazishning amaldagi tartibini nazorat qiluvchi organlar xodimlariga batafsil tushuntirish, shuningdek, tadbirkorlarning huquq va qonuniy manfaatlarini himoya qilish kafolatlarini kuchaytirishdan iborat.
 
Tadbirda O‘zbekiston Respublikasi Prezidentining 2026-yil 17-apreldagi PF-63-son va 2026-yil 27-avgustdagi PF-175-son farmonlari bilan tadbirkorlik faoliyati ustidan davlat nazorati sohasida joriy etilgan yangi tartib va mexanizmlarga alohida e’tibor qaratildi. Ushbu hujjatlarda nazorat tadbirlarining shaffofligini oshirish, biznesga ortiqcha aralashuv va tekshiruvlarni kamaytirish bo‘yicha qator choralar belgilangan.
 

Xususan, seminar ishtirokchilariga “Yagona davlat nazorati” axborot tizimi, “Biznes himoya” QR-kodi orqali tekshiruv va profilaktika tadbirlarini ro‘yxatdan o‘tkazish, tekshiruv o‘tkazuvchi xodimlarga qo‘yilgan talablar hamda tadbirkorning tekshiruv jarayonidagi huquqlari yuzasidan tushuntirishlar berildi.
 
Shuningdek, PF-175-son Farmon bilan kichik tadbirkorlik subyektlari faoliyatini tekshirishga uch yillik moratoriy joriy etilgani va qonunda belgilangan ayrim holatlar bundan mustasno ekani, moratoriy talablariga zid ravishda o‘tkazilgan tekshiruvlar noqonuniy hisoblanishi tushuntirildi.
 
Seminarda Biznes-ombudsman tomonidan amalga oshiriladigan “Samarali nazorat” tadbiriga ham alohida to‘xtalib o‘tildi. Ushbu mexanizm doirasida nazorat organlarining oxirgi uch yilda o‘tkazgan tekshiruvlari o‘rganilib, tekshiruv tartibi buzilgan yoki noqonuniy tekshiruvlar aniqlangan hollarda tadbirkorlarning buzilgan huquqlarini tiklash choralari ko‘rilishi belgilangan.
 
Bundan tashqari, 2027-yil 1-yanvardan bir yil davomida takroriy tekshiruvlarni faqat Biznes-ombudsman ruxsati bilan o‘tkazish, o‘rta va yirik biznes subyektlari uchun tashabbusli audit mexanizmini joriy etish hamda ayrim hollarda “Birinchi xato uchun – ogohlantirish” tamoyilini qo‘llash bilan bog‘liq yangiliklar muhokama qilindi.
 
O‘quv-seminar davomida nazorat qiluvchi organlar xodimlariga qonunchilik talablariga qat’iy rioya qilish, tekshiruvlarni faqat belgilangan asos va tartibda o‘tkazish hamda tadbirkorlik subyektlarining huquqlari va qonuniy manfaatlariga asossiz aralashuvlarga yo‘l qo‘ymaslik yuzasidan tegishli tushuntirishlar berildi.

Website|Telegram|Instagram|Facebook|X|Youtube