⭐️⭐️⭐️⭐️⭐️⭐️⭐️

📝 BO‘KA TUMANIDA FUQAROLAR VA PЕDAGOGLAR ISHTIROKIDA OMMAVIY SAYYOR QABUL O‘TKAZILDI

✍️ Toshkent viloyati Maktabgacha va maktab ta’limi boshqarmasi tomonidan aholi bilan ochiq muloqot qilish, fuqarolarning murojaatlarini bevosita tinglash hamda ta’lim tizimidagi masalalarga joyida yechim topish maqsadida hududlarda ommaviy sayyor qabullar o‘tkazib kelinmoqda.

🔵 Navbatdagi sayyor qabul bugun Bo‘ka tumanida tashkil etildi. Unda boshqarma boshlig‘i Shukur Burxonov, boshqarmaning tegishli bo‘limlari vakillari, soha mutaxassislari, pedagoglar, ota-onalar hamda jamoatchilik vakillari ishtirok etdi.

⚡️ Qabulda Bo‘ka tumani bilan birga Piskent, Bekobod tumanlari va Bekobod shahridan kelgan fuqarolar ham o‘zlarini o‘ylantirayotgan masalalar yuzasidan mas’ullarga to‘g‘ridan to‘g‘ri murojaat qildi. Ular taklif va tashabbuslarini bildirib, ko‘tarilgan muammolar bo‘yicha huquqiy hamda amaliy tushuntirishlar oldi.

🤔 Pedagoglar ta’lim sifatini oshirish, o‘quv jarayonida zamonaviy metodikalarni qo‘llash, kasbiy mahoratni rivojlantirish va mehnat faoliyati uchun munosib sharoitlar yaratish yuzasidan takliflar bildirdi. Shuningdek, sohadagi ish jarayonlarini takomillashtirishga doir masalalar muhokama qilindi.

➡️ Ota-onalar va boshqa fuqarolar maktab hamda maktabgacha ta’lim tashkilotlaridagi shart-sharoitlar, ta’lim-tarbiya sifati, farzandlarini ta’lim muassasalariga qabul qilish, o‘quvchilar xavfsizligi va qo‘shimcha to‘garaklar faoliyati haqida murojaat qildi. Qurilish-ta’mirlash ishlari va ta’lim muassasalari infratuzilmasini yaxshilash bilan bog‘liq masalalar ham e’tiborga olindi.

♾️ Ochiq muloqot davomida jami 30 ga yaqin murojaat tinglandi. Ularning aksariyati joyida hal etilib, fuqarolarga zarur tushuntirishlar berildi. Qo‘shimcha o‘rganish, vaqt yoki mablag‘ talab qiladigan masalalar esa tegishli mas’ullarga biriktirildi va ijrosi nazoratga olindi.

✅ Sayyor qabulda bildirilgan har bir murojaat ortida muayyan inson, oila yoki ta’lim jamoasini o‘ylantirayotgan masala bor. Shu bois muloqot faqat savollarga javob berish bilan cheklanmadi: joylardagi ehtiyojlarni aniqlash, takliflarni eshitish va ular bo‘yicha amaliy vazifalar belgilashga ham xizmat qildi.

🔴 Toshkent viloyati Maktabgacha va maktab ta’limi boshqarmasi tomonidan aholi va pedagoglar bilan bevosita muloqot qilish, murojaatlarni o‘z vaqtida ko‘rib chiqish hamda ularga yechim topishga qaratilgan sayyor qabullar davom ettiriladi.

🗓 Shu kunning o‘zida hududdagi tadbirkorlar bilan ham uchrashuv o‘tkazildi. Batafsil birpozdan so‘ng.

🌍🌍🌍🌍🌍🌍

Kanalni yaqinlaringiz bilan ulashing
❤https://t.me/toshkentv_xtb | 🌐Facebook|
🔎Veb-sayt |  🌐Instagram|▶️YouTube
👍@ToshvilmmtbgamurojaatBot