Prezident Shavkat Mirziyoyev maktab ta’limida yangi avlod darsliklarini joriy etish hamda oliygohlar va korxonalar hamkorligida dual ta’limni tashkil qilish yuzasidan taqdimotlar bilan tanishdi.
—
Президент Шавкат Мирзиёев ознакомился с презентациями по вопросам внедрения учебников нового поколения в школах и организации дуального обучения в сотрудничестве вузов и предприятий.

#Mirziyoyev #taqdimot #maktabtalimi #dualtalim

Prezident.uz|Facebook|Instagram|YouTube|X

Universitet Kengashining navbatdagi yig‘ilishi bo‘lib o‘tdi

Universitet Kengashining ushbu sonida dastlab ilmiy daraja va ilmiy unvonga ega bo‘lgan universitet jamoasi a’zolari tabriklandi hamda bir guruh professor-o‘qituvchilarni ilmiy unvonga tavsiya etish masalasi ko‘rib chiqildi.

Kun tartibiga muvofiq, iqtidorli yoshlarni aniqlash va yuqori malakali kadrlar tayyorlashning uzluksiz tizimini tashkil etishga qaratilgan vazifalarning universitetdagi ijrosi muhokama qilindi.

Shuningdek, Aniq fanlar, Maktabgacha va boshlang‘ich ta’lim hamda Tabiiy fanlar oliy maktablarida raqobatbardosh pedagog kadrlar tayyorlash jarayonini yangi bosqichga olib chiqish bo‘yicha amalga oshirilayotgan ishlar tahlil qilindi.

Yig‘ilishda xalqaro ta’lim dasturlari, professor-o‘qituvchilar tomonidan tayyorlangan o‘quv adabiyotlarini nashrga tavsiya etish, Buyuk Britaniyaning Warwick universiteti bilan akademik hamkorlik doirasida “Amaliy lingvistika va TESOL” mutaxassisligi bo‘yicha magistratura dasturini tashkil etish masalalari ham ko‘rib chiqildi.

Bundan tashqari, universitet professor-o‘qituvchilari faoliyatini xalqaro standartlar asosida takomillashtirilgan KPI ko‘rsatkichlari va tartibi asosida baholash yuzasidan takliflar muhokama qilindi.

Yig‘ilish yakunida kun tartibidagi masalalar yuzasidan tegishli qarorlar qabul qilinib, kelgusidagi ustuvor vazifalar belgilab olindi.

Biz ijtimoiy tarmoqlarda:
Veb-sayt | Telegram | Instagram | You Tube | Facebook