#Ustozga_ehtirom

Ustozlik — o‘rganish va o‘rgatishdan to‘xtamaslikdir

✅ 32 yillik pedagogik stajga ega, Pedagogika fanlari bo'yicha falsafa doktori Lobarxon Rustamova bugungi kunda ustozlar uchun yaratilgan ko'plab imkoniyatlardan samarali foydalanib kelmoqda.

U o‘quvchisiga yaxshiroq bilim berish istagi ustozni doimo izlanishga undaydi, deb hisoblaydi. Dars jarayonidagi qiyinchiliklarga yechim topish, murakkab mavzularni bolalarga tushunarli yetkazish uchun u yillar davomida to‘plagan tajribasini yangi bilimlar bilan boyitib boradi.

➖ Lobarxon Rustamova — Namangan viloyati, To‘raqo‘rg‘on tumanidagi 1-sonli maktab o‘qituvchisi

Bizni kuzating:

❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin

#Kelajak_soati

✅ Yurtimiz bo’ylab ta’lim muassasalarida navbatdagi “Kelajak soati” darslari bo’lib o‘tdi.

🔹Bundan ko‘zlangan maqsad — o‘quvchilarning vatanparvarlik tuyg‘ularini yanada mustahkamlash, ona Vatanga bo‘lgan mehr va sadoqatini oshirishdan iborat.

📍Videolavhada Toshkent shahri, Shayxontohur tumani 84-DMTTdagi jarayonlar aks etgan.

Bizni kuzating:

❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin

Prezidentimiz Markaziy Osiyo va Ozarbayjon davlat rahbarlarining Maslahat uchrashuvida keng ko‘lamli tashabbuslarni ilgari surdi

Prezident Shavkat Mirziyoyev 8-oktabr kuni Avazada o‘tgan sakkizinchi Maslahat uchrashuvidagi nutqida mintaqaviy hamkorlikni rivojlantirish bo‘yicha takliflarni bildirdi. Davlat rahbari hamkorlik suverenitet, o‘zaro hurmat, ishonch va pragmatizmga asoslanishi kerakligini ta’kidladi.

Iqtisodiy aloqalarda o‘zaro savdodan birgalikda tayyor mahsulot yaratishga o‘tish zarurligi qayd etildi. Shu maqsadda 2027-yilda Xivada biznes forumini o‘tkazish va qo‘shma investitsiya loyihalarini qo‘llab-quvvatlaydigan maxsus platforma tashkil etish taklif qilindi.

Prezident boshqa yo‘nalishlarda ham tashabbuslar ilgari surdi:
– Infratuzilmani rivojlantirish kengashini tashkil etishni tezlashtirish va ilk yig‘ilishini O‘zbekistonda o‘tkazish;
– yangi generatsiya quvvatlari, energiya saqlash tizimlari va energetika yo‘laklarini rivojlantirish uchun qo‘shma konsepsiya tayyorlash;
– suv tejovchi texnologiyalarni kengaytirish va Afg‘oniston bilan suvdan foydalanish bo‘yicha doimiy muloqot o‘rnatish;
– «Markaziy Osiyo toza havosi» konsorsiumi doirasida sanoat zonalari, agroklasterlar va transport uzellarini ekologik modernizatsiya qilish;
– muhim minerallar zaxiralarining yagona raqamli xaritasini yaratish;
– milliy ma’lumotlar markazlarini bog‘laydigan umumiy hisoblash infratuzilmasini yaratish, talab yuqori bo‘lgan kasblar va kompetensiyalarning mintaqaviy atlasini ishlab chiqish.

Mintaqalararo hamkorlik masalalarini kelgusi yili Toshkentdagi xalqaro konferensiyada muhokama qilish ham taklif etildi.

Sammit yakunida Qo‘shma bayonot qabul qilindi.

Bizni kuzating:

❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin