“First Global Challenge - 2026” xalqaro robototexnika musobaqasi gʻoliblari taqdirlandi

Janubiy Koreyaning Incheon shahrida 7–10-oktyabr kunlari oʻtkazilgan “First Global Challenge - 2026” xalqaro robototexnika musobaqasida Oʻzbekiston terma jamoasi 3 ta oltin medalni qoʻlga kiritib, 16 ta oʻyinning barchasida gʻalaba qozondi va 637 ball bilan musobaqa rekordini oʻrnatdi.

Ushbu natija bilan vakillarimiz qariyb 190 mamlakat yoshlarini birlashtirgan nufuzli musobaqada mamlakatimizning ilm-fan, muhandislik va texnologiyalar sohasidagi salohiyatini namoyon etdi.

Oʻzbekiston Respublikasi Prezidenti “Robototexnika boʻyicha xalqaro musobaqa gʻoliblari va ularning murabbiylarini mukofotlash toʻgʻrisida”gi Farmonni imzoladi va shu kuni “Inno” innovatsion oʻquv-ishlab chiqarish texnoparkida xalqaro musobaqa gʻoliblari va ularning murabbiylarini tantanali taqdirlash marosimi boʻlib oʻtdi.

Tadbirda Oʻzbekiston Respublikasi Bosh vazirining birinchi oʻrinbosari — taʼlim va ilm-fan vaziri Erkinjon Turdimov, Raqamli texnologiyalar vaziri Sherzod Shermatov va Yoshlar ishlari agentligi direktori Alisher Saʼdullayevlar ishtirok etib, musobaqa gʻoliblari va ularning murabbiylariga mukofotlarni tantanali ravishda topshirdilar.

Erkinjon Turdimov oʻz nutqida yoshlarning ilm-fan va texnologiyalar sohasidagi yutuqlari mamlakat kelajagi uchun muhim ahamiyatga ega ekanini qayd etdi.

Batafsil: https://gov.uz/edu/news/view/232423

❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin

🌍🌍🌍🌍🌍🌍

😊 TA’LIM SIFATINI BAHOLASH VA AKKRЕDITATSIYAGA TAYYORGARLIK MASALALARI MUHOKAMA QILINDI

✍️ Bugun Ohangaron tumanidagi 12-sonli umumiy o‘rta ta’lim maktabida ta’lim tashkilotlarida o‘zini o‘zi baholash va tashqi sifatni ta’minlash jarayonlarini samarali tashkil etishga bag‘ishlangan viloyat seminari o‘tkazildi.

🔵 Seminarni Toshkent viloyati Maktabgacha va maktab ta’limi boshqarmasining mas’ul mutaxassislari olib bordi.

🤔 Tadbirda attestatsiya jarayonlariga jalb etilgan ekspert guruhlari rahbarlari, 2027-yilgi davlat akkreditatsiyasi rejasiga kiritilgan davlat maktabgacha ta’lim tashkilotlari direktor o‘rinbosarlari hamda maktablarning o‘quv ishlari bo‘yicha direktor o‘rinbosarlari ishtirok etdi.

🎤 Mashg‘ulotlarda ichki va tashqi baholashni tashkil etish, akkreditatsiyaga tayyorgarlik ko‘rish, ta’lim sifati hamda samaradorligini oshirish masalalari muhokama qilindi. Shuningdek, mavjud ilg‘or tajribalarni ommalashtirish va baholash jarayonlarini to‘g‘ri yo‘lga qo‘yishga e’tibor qaratildi.

🌍🌍🌍🌍🌍🌍

Kanalni yaqinlaringiz bilan ulashing
❤https://t.me/toshkentv_xtb | 🌐Facebook|
🔎Veb-sayt |  🌐Instagram|▶️YouTube
👍@ToshvilmmtbgamurojaatBot

✅✅✅✅

📝 NODAVLAT MAKTABLARDA BARQAROR BOSHQARUV VA TA’LIM SIFATI

➡️ 2026-yil 14-oktabr kuni Toshkent viloyati Maktabgacha va maktab ta’limi boshqarmasi tomonidan nodavlat maktablar ta’sischilari va direktorlari uchun «Maktabni biznes emas, barqaror ta’lim tashkiloti sifatida boshqarish modelini shakllantirish» mavzusida o‘quv seminari o‘tkazildi.

✅ Seminarda boshqarmaning mas’ul mutaxassislari o‘z taqdimotlari bilan ishtirok etdi.

🔴 Ishtirokchilarga tadbirkorlik faoliyati ustidan davlat nazoratining yangi tartiblari, «Yagona davlat nazorati» axborot tizimi, «Biznes himoya» QR-kodi orqali tekshiruv va profilaktika tadbirlarini ro‘yxatdan o‘tkazish hamda tadbirkorlarning huquqlari yuzasidan tushuntirishlar berildi.

📎 Shuningdek, litsenziya talablari va shartlaridagi o‘zgarishlar, davlat xizmatlarini ko‘rsatish tartibi, qat’iy nazoratdagi hujjatlarni yuritish, elektron platformadan samarali foydalanish, darsliklarga ehtiyojni aniqlash va buyurtmalarni shakllantirish masalalari muhokama qilindi.

🟠 Seminar yakunida ishtirokchilarning taklif va mulohazalari umumlashtirilib, mavjud muammolarni bartaraf etish, nodavlat maktablar faoliyatini rivojlantirish bo‘yicha chora-tadbirlar belgilandi.

🎤 Uchrashuv nodavlat maktablarda boshqaruvni takomillashtirish, ta’lim jarayonini tashkil etish hamda o‘quvchilar uchun sifatli ta’lim muhitini yaratishga qaratilganligi bilan ahamiyatli.

🌍🌍🌍🌍🌍🌍

Kanalni yaqinlaringiz bilan ulashing
❤https://t.me/toshkentv_xtb | 🌐Facebook|
🔎Veb-sayt |  🌐Instagram|▶️YouTube
👍@ToshvilmmtbgamurojaatBot