➡️ Yig‘ilishda tuman va shaharlardagi maktabgacha ta’lim tashkilotlari faoliyatini muvofiqlashtirish hamda davlat-xususiy sherikchilik yo‘nalishlari bo‘yicha mas’ul mutaxassislar ishtirok etdi.

🟠 Kun tartibi doirasida 2026-yilda amalga oshirilgan ishlar, 3–7 yoshli bolalarni maktabgacha ta’limga qamrab olish holati va yil yakuniga qadar belgilangan ko‘rsatkichlarga erishish masalalari ko‘rib chiqildi. Hududlardagi mavjud imkoniyatlardan samarali foydalanish, qamrovni oshirish bilan birga ta’lim-tarbiya jarayoni sifatini ta’minlashga e’tibor qaratildi.

🔴 Shuningdek, yuqori turuvchi tashkilotlardan kelib tushgan topshiriqlarning ijrosi, ijro intizomi va murojaatlar bilan ishlash holati muhokama qilindi. Har bir topshiriqni belgilangan muddatda va sifatli bajarish, murojaatlarda ko‘tarilayotgan muammolarni atroflicha o‘rganish hamda ularning yechimiga mas’uliyat bilan yondashish masalalariga to‘xtalib o‘tildi.

🟠 Bolalar uchun xavfsiz va zo‘ravonlikdan xoli ta’lim muhitini ta’minlash yig‘ilishning muhim mavzularidan biri bo‘ldi. Xususan, Toshkent viloyati Ichki ishlar bosh boshqarmasining 2026-yil 29-sentyabrdagi taqdimnomasi hamda bolalarni zo‘ravonlikdan himoya qilish tizimini takomillashtirishga qaratilgan qonun ijrosini ta’minlash bilan bog‘liq vazifalar ko‘rib chiqildi.

🔴 Muhokamalarda bolaning sha’ni va qadr-qimmatini hurmat qilish, uning huquqlarini himoyalash, zo‘ravonlik holatlarining oldini olish hamda bu borada mas’ullarning o‘zaro hamkorligini kuchaytirishga alohida e’tibor qaratildi.