Prezidentimiz ijtimoiy tarmoqlar rivojlangani uchun odamlar kinoteatrga bormay qo‘ygani haqidagi fikrlarga to‘xtaldi. Odamlar xorijiy filmlarni kinozallarni to‘ldirib tomosha qilayotganini qayd etdi.

– Demak, tomoshabin kinodan, kinoteatrlarga borishdan voz kechgani yo‘q, faqat uning didi va talabi o‘zgardi. Milliy filmlarimiz ana shu talabga javob beryaptimi? Afsuski, yo‘q!

– dedi davlatimiz rahbari.

Sababi filmlarni ishlab chiqarishdan uni tomoshabinga yetkazishgacha bo‘lgan yaxlit zanjir – distributsiya shakllanmagan.

Facebook|Instagram|X

Prezidentimiz bugun professional kinotanqidchilar fikri bilan yetarlicha hisoblashilmayotganini qayd etdi.

– Qolaversa, xolis tahlil ijodkorga o‘z kamchiliklarini ko‘ra olish va o‘sish imkonini beradi-ku!

– dedi davlatimiz rahbari.

Kino loyihalarini moliyalashtirishning amaldagi davlat buyurtmasi va xaridi tizimida ham yechimini kutayotgan masalalar bor. Eskidan qolgan “goszakaz” zamonaviy kinoindustriya talablariga javob bermayapti.

Bir vaqtning o‘zida bitta rejissorga oltitagacha, bir muallifga yettitagacha loyiha biriktirilgan. Bunday yuklamada har bir asar ustida puxta ishlash qiyin. Buyurtmalarning deyarli yarmi davlat studiyalariga berilgani xususiy ijodkorlar uchun teng raqobat imkonini cheklagan.

Oqibatda kuchli ssenariy va sifatli film yaratish o‘rniga topshiriqni tezroq “yopish” asosiy mezon bo‘lib qolgan. Mamlakatimiz yetakchisi ijodkor mehnatining natijasi tomoshabinni chuqur o‘yga solib, qalbida iz qoldirgan film bilan o‘lchanishi kerakligini ta’kidladi.

Ssenariy suratga olish jarayonida boyitilishi, ijodiy yechimlar o‘zgarishi mumkin. Shuning uchun san’at asarini oddiy tovar yoki qurilish obyekti kabi texnik topshiriqlar asosida xarid qilish to‘g‘ri emasligi ko‘rsatib o‘tildi.

Facebook|Instagram|X

Davlatimiz rahbari kino orqali xalqlar bir-birini tanishini ta’kidladi. O‘z tarixi, madaniyati va milliy qahramonlarini jahon ekranlarida munosib namoyon eta olgan mamlakatning ovozi ham, ta’siri ham kengayadi.

Kino bugun shunchaki ko‘ngilochar san’at turi emas, balki mamlakatning xalqaro nufuzi va ta’sirini oshiradigan “yumshoq kuch”ga aylangan.

Prezidentimiz armiyani kuchaytirish va xavfsizlikka e’tibor qaratish bilan birga farzandlarimiz ongi va dunyoqarashini kim va qanday himoya qilishi haqidagi savolni o‘rtaga qo‘ydi. Bu savolga javob, avvalo, kino san’ati va kinoijodkorlardan kutilmoqda.

Mamlakatimiz yetakchisi ilgari surgan “O‘z” g‘oyasining kino san’atidagi ifodasini shunday bayon qildi:

“O‘zligimizni anglab, o‘z hikoyamizni o‘z ovozimiz bilan dunyoga aytish”.

Facebook|Instagram|X

Prezidentimiz kinoijodkorlar bilan muloqot o‘tkazdi.
—
Президент нашей страны провел диалог с деятелями кино.

Prezident.uz|Facebook|Instagram|YouTube|X

Prezident Shavkat Mirziyoyev:

”O‘zligimizdan kuch olib, bugungi hayotimizni teran anglab, milliy kinomizning yangi sahifasini birgalikda yarata olamiz“.

—
Президент Шавкат Мирзиёев:

«Черпая силы в нашей идентичности и глубоко осмысливая сегодняшнюю жизнь, мы вместе сможем открыть новую страницу национального кинематографа».

Prezident.uz|Facebook|Instagram|YouTube|X

Bugun Prezident Shavkat Mirziyoyev Ko‘ksaroy qarorgohida sog‘liqni saqlash va farmatsevtika sohasi xodimlari bilan uchrashuv o‘tkazadi hamda Olimpiya shaharchasiga tashrif buyurib, Prezident Olimpiadasining ochilish marosimida ishtirok etadi.
—
Сегодня Президент Шавкат Мирзиёев проведет встречу с работниками сферы здравоохранения и фармацевтики, а также посетит Олимпийский городок, где примет участие в церемонии открытия Президентской Олимпиады.

Facebook|Instagram|X