📌 Talabalarga ijara to‘lovlarining bir qismini qoplab berish tizimi haqida batafsil ma’lumot

1️⃣ Kimlarga qoplab beriladi?

➖ yotoqxona bilan qamrab olinmagan bo‘lishi kerak. Agar yotoqxonada joy bo‘lsa-yu, lekin talaba yotoqxonada turmasdan, ijaraga chiqib ketgan bo‘lsa, unda kompensatsiya berilmaydi;
➖ o‘ziga yoki ota-onasi (qonuniy vakillari)ga tegishli bo‘lmagan uyda ijarada turgan bo‘lishi kerak;
➖ davlat oliygohi talabasi bo‘lishi kerak, xususiy oliygoh talabalariga qoplab berilmaydi;
➖ O‘zbekiston fuqarosi yoki respublikada doimiy yashayotgan fuqaroligi bo‘lmagan shaxs bo‘lishi kerak, xorijiy davlat fuqarosiga qoplab berilmaydi;
➖ faqat kunduzgi ta’lim shaklida o‘qiyotgan bo‘lishi kerak. Kechki, masofaviy, sirtqi, shuningdek, qo‘shma ta’lim dasturlarida o‘qiyotgan talabalarga qoplab berilmaydi;
➖ ro‘yxatga olingan doimiy yashash joyidan boshqa joyda (tuman, shahar miqyosida) yashayotgan bo‘lishi kerak. Masalan, Samarqand shahrida ro‘yxatda turgan talaba Samarqand shahridagi oliygohda o‘qisa, unga ijara to‘lovida kompensatsiya berilmaydi, lekin Kattaqo‘rg‘on tumanida ro‘yxatda turuvchi talabaga to‘lab berilishi mumkin;
➖ davlat granti yoki to‘lov-kontrakt asosida o‘qiyotganining farqi yo‘q, ikkalasiga ham qoplab beriladi.

2️⃣ Qancha kompensatsiya beriladi?

Har oy uchun:

➖ Toshkent shahrida — bazaviy hisoblash miqdorining bir baravari (412 ming so‘m);
➖ Boshqa hududlarda — yarim baravar (206 ming so‘m).

3️⃣ Ijara shartnomasi bo‘lishi shart

Kompensatsiya olish uchun ijara.soliq.uz saytida hisobga qo‘yilgan ko‘chmas mulk ijara shartnomasi bo‘lishi kerak, yo‘qsa kompensatsiya berilmaydi.

Yagona istisno: 1-kurslarga dastlabki sentyabr va oktyabr oylari uchun ijara shartnomasi so‘ralmasdan to‘lab beriladi. Noyabr oyidan esa 1-kurslarga ham ijara shartnomasi bo‘lishi kerak.

Bitta turar joyda ikki va undan ortiq talaba ijara huquqi asosida yashagan holatlarda, ularning barchasi ijara shartnomasida qayd etilgan bo‘lishlari shart.

❗️BU MUHIM: uyiga talabalarni ijaraga qo‘ygan fuqarolar ijarasi uchun daromad solig‘idan ozod qilinadi (Soliq kodeksi, 378-modda, 19-1-bandi). Shuning uchun talabalarni ijaraga qo‘yganlar, shartnomani rasmiylashtirishdan xavotir olmasa ham bo‘ladi, ular buning uchun soliq to‘lamaydi.

4️⃣ Kimlarga birinchi navbatda beriladi?

— Ijtimoiy yordamga muhtoj bo‘lganlar;
— o‘rnak ko‘rsatgan va faol talabalar birinchi navbatda moliyalashtiriladi.

❗️Ma’lumot uchun: qoidaga ko‘ra, ijara huquqi asosida yashaydigan davlat OTM talabalarining 60 foiziga kompensatsiya beriladi. Ya’ni bu degani, agar limit to‘lib qolsa, hammaga byudjetdan to‘lab berilmasligi ham mumkin. Ammo yetmay qolgan talabalarga universitetning budjetdan tashqari mablag‘lari orqali qo‘shimcha moliyalashtirish ham mumkin.

5️⃣ Ariza qanday beriladi?

Arizalar har oyning 7-sanasiga qadar onlayn topshirilishi kerak. Buning uchun:

➖ kontrakt.edu.uz axborot tizimidan ro‘yxatdan o‘tiladi va shaxsiy kabinetga kiriladi;
➖ shaxsiy kabinetdan “Ijara to‘lovlari” bo‘limi tanlanadi;
➖ “Ariza yuborish” tugmasi bosiladi va ariza yuboriladi.

6️⃣ Rad etish asoslari

Agar soxta hujjat topshirilgan bo‘lsa, manzil mos kelmasa yoki ariza muddatida berilmagan bo‘lsa — rad etiladi.

Komissiya tomonidan doimiy ravishda ijara shartnomasini qalbakilashtirgan va noto‘g‘ri ma’lumotlar taqdim etgan talabalar ro‘yxati shakllantirilib boriladi. Ushbu talabalar ro‘yxatiga tushgan talabalarga oylik ijara to‘lovining bir qismini qoplab berish to‘xtatilishi mumkin.

Rad etilgan taqdirda kamchilikni tuzatib, yana murojaat qilish mumkin.

7️⃣ Tugatilishi shartlari

Agar talaba akademik ta’tilga chiqqan, kursda qoldirilgan yoki safdan chetlashtirilsa — to‘lov to‘xtatiladi.

Ijara shartnomasi bekor qilinsa yoki manzil o‘zgarsa 3 ish kuni ichida xabar qilish kerak.

Ta'lim sohasiga oid yangiliklar:
✅ @Talimgaoid

⚡️Bu yil ham magistraturada o‘qiydigan xotin-qizlarning kontrakt pullari to‘lab beriladi

Kvota to‘g‘risidagi prezident farmoyishida kontrakt asosida magistraturaga kiradigan talaba xotin-qizlarning kontrakt pullarini to‘lab berish qayd etilgan.

Kontrakt pullari hech qanday qaytarish shartlarisiz to‘lab beriladi. Buning uchun:

➡️ Magistraturada o‘qiyotgan xotin-qizlar har yili 15-sentyabrgacha o‘zlari o‘qiyotgan OTM rektori nomiga ariza bilan murojaat qilishadi. Bu sanadan kech qolganlarning kontrakti to‘lanmaydi. Talabgorlarning arizalari yig‘ilib OTM tegishli bo‘lgan vazirlikka yuboriladi.

➡️ 15-oktyabrgacha OTMlarning rektorlari talabgorlarning kontrakt pullarini toʻlab berish to‘g‘risida buyruq qabul qiladi.

🖊 Ma'lumot uchun: magistratura uchun chet tili sertifikati majburiy hisoblanadi.

Ta'lim sohasiga oid yangiliklar:
✅ @Talimgaoid

⚡️OTM bitiruvchilarining o‘rtacha oylik maoshi 4,9 mln so‘mni tashkil etmoqda

2025-yil iyulidan 2026-yil iyunigacha bo‘lgan davrda bitiruvchilarning respublika miqyosidagi o‘rtacha rasmiy oylik daromadi 4,9 mln so‘mni tashkil etdi.

Ta’lim yo‘nalishlari kesimida o‘rtacha daromad:

➖Ijod (sport) yo‘nalishlari — 6,33 mln so‘m;
➖Amaliy fanlar — 5,5 mln so‘m;
➖Ijtimoiy-gumanitar fanlar — 4,61 mln so‘m;
➖Tibbiyot fanlari — 4,43 mln so‘m.

Bitiruvchilarning o‘rtacha daromadi eng yuqori bo‘lgan ta’lim tashkilotlari:

➖S.A. Gerasimov nomidagi Butunrossiya davlat kinematografiya instituti (VGIK) Toshkent filiali — 23,4 mln so‘m;
➖Toshkent shahridagi Inha universiteti — 12,6 mln so‘m;
➖Toshkent xalqaro Vestminster universiteti — 12,5 mln so‘m.

ℹ️ Bunda rasmiy qayd etilgan daromadlar nazarda tutiladi. Indeksni hisoblashda bitiruvchining daromadi u istiqomat qilayotgan hududdagi o‘rtacha ish haqi bilan solishtiriladi.

Ta'lim sohasiga oid yangiliklar:

✅ @Talimgaoid

⚡️Oshirilgan maoshlar bo‘yicha maktab xodimlari qancha maosh olishadi?

✅ Maktab direktori
🟠 400 o‘quvchigacha — 5 528 139 so‘m
🟠 401–880 o‘quvchigacha — 5 902 718 so‘m
🟠 881–1600 o‘quvchigacha — 6 259 169 so‘m
🟠 1600 dan ortiq — 6 621 088 so‘m

✅ Direktor o‘rinbosarlari (MMIBDO‘, O‘TIBDO‘)
🟠 400 o‘quvchigacha — 5 163 119 so‘m
🟠 401–880 o‘quvchigacha — 5 528 139 so‘m
🟠 881–1600 o‘quvchigacha — 5 902 718 so‘m
🟠 1600 dan ortiq — 6 259 169 so‘m

✅ Direktorning xo‘jalik ishlari bo‘yicha o‘rinbosari
🟠 400 o‘quvchigacha — 2 094 908 so‘m
🟠 401–880 o‘quvchigacha — 2 389 633 so‘m
🟠 881–1600 o‘quvchigacha — 2 484 676 so‘m
🟠 1600 dan ortiq — 2 691 147 so‘m

✅ Psixologlar
🟠 Oliy ma’lumotli — 3 591 900 so‘m
🟠 Ikkinchi toifali — 3 846 491 so‘m
🟠 Birinchi toifali — 4 107 571 so‘m
🟠 Oliy toifali — 4 357 584 so‘m

✅ O‘qituvchilar
🟠 O‘rta maxsus ma’lumotli — 3 711 386 so‘m
🟠 Oliy ma’lumotli — 3 990 999 so‘m
🟠 Ikkinchi toifali — 4 468 142 so‘m
🟠 Birinchi toifali — 4 978 872 so‘m
🟠 Oliy toifali — 5 501 997 so‘m

✅ Kadrlar bo‘yicha menejer
🟠 1 881 458 so‘m

✅ Kutubxona mudiri
🟠 O‘rta maxsus ma’lumotli — 2 513 908 so‘m
🟠 Oliy ma’lumotli — 2 742 883 so‘m

Ta'lim sohasiga oid yangiliklar:
✅ @Talimgaoid

⚡️Rasman: Namangan davlat universitetida super-kontrakt uchun arizalar qabuli boshlandi

Talabgorlar kontrakt.edu.uz platformasi orqali onlayn tarzda rasmiylashtirishlari mumkin.

Abituriyent tomonidan rasmiylashtirilgan ariza oliy ta’lim muassasasi Qabul komissiyasi tomonidan ko‘rib chiqiladi va tasdiqlanadi. Shundan so‘ng, abituriyent uchun QR-kodli to‘lov-shartnomasi shakllantiriladi.

Tasdiqlangan to‘lov-shartnomasini platformadan yuklab olish hamda unda belgilangan to‘lovlarni belgilangan muddatlarda amalga oshirish so‘raladi.

✅@Axmadjanoov | Instagram

⚡️Rasman: Magistratura qabul natijalari e’lon qilindi

2026/2027-oʻquv yili uchun davlat oliy taʼlim tashkilotlarining magistratura mutaxassisliklariga qabul boʻyicha my.edu.uz elektron tizimi hamda yagona interaktiv davlat xizmatlari portali (my.gov.uz) orqali onlayn roʻyxatdan oʻtgan fuqarolarning arizalari toʻliq koʻrib chiqildi.

Talabgorlar natijalarni my.edu.uz elektron tizimi orqali shaxsiy kabinetidan bilishlari mumkin.

Ta'lim sohasiga oid yangiliklar:
✅ @Talimgaoid

⚡️Oshirilgan maoshlar bo‘yicha akademik litsey va texnikum xodimlari qancha maosh olishadi?

➖ Bosh o‘qituvchi — 5 503 920 so‘m;
➖ Yetakchi o‘qituvchi — 4 980 320 so‘m;
➖ Katta o‘qituvchi — 4 470 320 so‘m;
➖ Oliy ma’lumotli o‘qituvchi — 3 992 960 so‘m;
➖ O‘rta maxsus ma’lumotli o‘qituvchi — 3 731 840 so‘m. 

ℹ️ Ustama: Akademik litseylar o‘qituvchilariga chuqur o‘rganiladigan fanlar bo‘yicha amalda o‘tkazilgan darslar uchun 20 foiz ustama to‘lanadi. 

❓Texnikum pedagog xodimlari maoshi qancha? (1-b ilova)

Kasbiy ta’lim tashkilotlari pedagog xodimlari uchun tasdiqlangan yangi stavkalar:

➖ Bosh o‘qituvchi — 5 503 920 so‘m;
➖ Yetakchi o‘qituvchi — 4 980 320 so‘m;
➖ Katta o‘qituvchi — 4 470 320 so‘m;
➖ Oliy ma’lumotli o‘qituvchi — 3 992 960 so‘m;
➖ O‘rta maxsus ma’lumotli o‘qituvchi — 3 731 840 so‘m;
➖ Ishlab chiqarish ta’limi ustasi — 4 980 320 so‘m. 

❗️Eslatma: PQ-316-son qarorga muvofiq, ishlab chiqarish ta’limi ustasining stavkasi maktabning birinchi malaka toifali o‘qituvchisi stavkasiga tenglashtirilgan. 

✅Oddiy kasb-hunar kollejlari va mustaqil litseylar (1-ilova)

Oliy ta’lim huzurida bo‘lmagan muassasalarda stavkalar quyidagicha:

➖ Bosh o‘qituvchi: litseyda — 4 560 524 so‘m, kollejda — 4 307 944 so‘m;
➖ Yetakchi o‘qituvchi: litseyda — 4 307 944 so‘m, kollejda — 4 059 185 so‘m;
➖ Katta o‘qituvchi: litseyda — 4 059 185 so‘m, kollejda — 3 800 957 so‘m;
➖ Oliy ma’lumotli o‘qituvchi: litseyda — 3 800 957 so‘m, kollejda — 3 548 870 so‘m;
➖ O‘rta maxsus ma’lumotli: litseyda — 3 548 870 so‘m, kollejda — 3 315 799 so‘m. 

🔹 Boshqa pedagog xodimlar (psixolog, to‘garak rahbari, konsertmeyster) (2-ilova)

➖ Akademik litsey psixologlari: 3 593 664 so‘m (shuningdek, 20 foiz ustama qo‘llaniladi);
➖ Boshqa muassasalar psixologi va tarbiyachilari: toifasiga ko‘ra 2 357 669 so‘mdan 3 199 558 so‘mgacha;
➖ Akademik litseylarning to‘garak rahbari: toifasiga ko‘ra 2 065 886 so‘mdan 2 684 015 so‘mgacha;
➖ Madaniyat va san’at kollejlari konsertmeysterlari: 2 860 639 so‘mdan 3 800 957 so‘mgacha. 

❓Rahbar xodimlarning maoshlari qancha? (3-ilova)

Muassasa guruhiga (I–IV guruh) qarab:

➖ Direktor: 6 031 112 so‘mdan — 7 106 019 so‘mgacha;
➖ Direktor o‘rinbosarlari: 5 682 853 so‘mdan — 6 741 289 so‘mgacha;
➖ Chaqiriluvgacha tayyorgarlik rahbari: 3 800 957 so‘mdan — 4 560 524 so‘mgacha;
➖ Jismoniy tayyorgarlik rahbari: 3 084 108 so‘mdan — 3 800 957 so‘mgacha;
➖ Katta usta: 2 684 015 so‘mdan — 3 359 569 so‘mgacha;
➖ Bo‘lim boshlig‘i: o‘quvchilar soniga qarab (150 dan 601+ nafargacha) 2 164 627 so‘mdan — 2 780 841 so‘mgacha. 

Ta'lim sohasiga oid yangiliklar:

✅ @Talimgaoid

⚡️Rasman: Vakant o‘rinlar uchun o‘tkazilgan qo‘shimcha tanlov natijalari e'lon qilindi

📝 Oliy ta’lim tashkilotlarining bakalavriat ta’lim yo‘nalishlariga kirish uchun vakant o‘rinlar mavjud bo‘lgan, fanlar majmuasi va ta’lim tili mos bakalavriat ta’lim yo‘nalishlariga qo‘shimcha tanlovda ishtirok etish uchun ro‘yxatdan o‘tgan abituriyentlar natijalari e'lon qilindi.

👨‍💻 Abituriyentlar natijalarini my.uzbmb.uz saytidan shaxsiy kabinetlari orqali bilishlari mumkin.

📝 Agentlik tomonidan belgilangan tartibda tayyorlangan yakuniy tanlov qaydnomalari tegishli oliy ta'lim tashkilotlariga taqdim etildi.

Ta'lim sohasiga oid yangiliklar:
✅ @Talimgaoid

⚡️Super-kontrakt boʻyicha tanlov qanday qilinadi?

✅Oʻqishga qabul qilinganlar uchun:

Agarda siz tanlagan 5 ta yoʻnalishingizdan biriga oʻqishga qabul qilingan boʻlsangiz, oʻz xoxshingizga koʻra faqatgina 1-yoʻnalishda super-kontrakt asosida oʻqishingiz mumkin.

Bunda hozirda oʻqishga tavsiya etilgan grant yoki kontraktingiz kuyadi va faqatgina 1-yoʻnalishda super-kontrakt asosida oʻqishingiz mumkin. Muhim jihati shu-ki, 1-yoʻnalishda super kontrakt asosida oʻqishingiz uchun u yoʻnalishga balingiz yetmagan boʻlishi lozim. Super kontrakt miqdori balingizdan qat'iy nazar 4 balldan koʻproq yetmay qolganlar singari hisoblanadi.

✅Oʻqishga kirolmaganlar uchun:

Agar sizda 5 ta yoʻnalishdan birortasiga ham oʻqishga kirolmagan boʻlsangiz, unda shu 5 ta yoʻnalishdan istalganiga super-kontrakt asosida oʻqishga kirish imkoningiz bor. Bunda super-kontakt miqdori yetmay qolgan balga nisbatan hisoblanadi, 4 ballik shkala amal qiladi.

✅Oʻqishga kirgan, lekin boshqa yoʻnalishni tanlamoqchi boʻlganlar uchun:

Siz masalan 3-yoʻnalishga oʻqishga kirdingiz, lekin balingiz 4 va 5 yoʻnalishga ham yetar ekan. Bunda siz balingiz yetgan qolgan yoʻnalishni tanlay olmaysiz. Tavsiya etilgan uchinchi yoʻnalishda oʻqishga majbursiz, na 1, 2 yoʻnalishlar, na 4,5 yoʻnalishlarda oʻqiy olasiz. Yagona imkoningiz grant yoki kontraktga kirgan boʻlsangiz faqatgina 1-yoʻnalishda super-kontrakt asosida oʻqish mumkin.

Oʻtgan yilgi tartibga koʻra, 2, 3, 4, 5-yoʻnalishlarda super-kontrakt asosida oʻqishga ruxsat berilmaydi. Bu yilgi tartib hozircha e'lon qilingani yoʻq.

Ta'lim sohasiga oid yangiliklar:

✅ @Talimgaoid

⚡️Maktabgacha va maktab ta'limi tizimidagi xodimlarning yangi bazaviy tarif stavkalari tasdiqlandi

📃Maktab va qo‘shma ta’lim, madaniyat va sport muassasalari, davlat maktabgacha ta’limi tizimi rahbar, pedagog va boshqa xodimlari, tuman (shahar) maktabgacha va maktab ta’limi bo‘limlari, markazlashtirilgan moliya-buxgalteriya xizmati hamda maxsus ta’mirlash-ekspluatatsiya xizmati hodimlari uchun yangi bazaviy tarif stavkalari tasdiqlandi.

📌2026-yil 1-sentyabrdan maktabgacha va maktab ta’limi tizimidagi xodimlarining bazaviy tarif stavkalari ushbu hujjatda ko‘rsatilgan miqdorlarda belgilanadi.

Ta'lim sohasiga oid yangiliklar:
✅ @Talimgaoid

⚡️Rasman: Tibbiyot yoʻnalishlariga oʻtish ballari oshiriladi

Prezidentning 2026-yil 10-sentyabrdagi “Tibbiyot va farmatsevtika sohasida kadrlar tayyorlash tizimini tubdan takomillashtirish chora-tadbirlari to‘g‘risida”gi 191-son farmoni qabul qilindi.

Farmonga koʻra, 2027/2028 oʻquv yilidan boshlab tibbiyot va farmasevtika sohasida bakalavriat ta'lim yoʻnalishlariga, shu jumladan, maqsadli qabul parametrlari doirasida talabalikka qabul qilishning minimal chegarasi kirish imtihonlarida toʻplash lozim boʻlgan maksimal ballning 60 foizi etib belgilanadi.

Ya'ni ayni vaqtdagi mavjud minimal 56,7 oʻtish bali endilikda 113,4 ball etib belgilandi. Bundan kam miqdor toʻplaganlar hatto super-kontrakt ham qila olmaydilar.

‼️2026/2027 oʻquv yilidan boshlab tibbiyot va farmatsevtika sohasida:

▶️bakalavriat taʼlim yoʻnalishlari, magistratura va rezidentura dasturlari har bir oʻquv modulining akademik koʻrsatkichlarini oʻzlashtirishda, shuningdek, davlat imtihonlarida minimal oʻtish ballari shifokor mutaxassisliklari uchun eng yuqori ballning 70 foizi, oʻrta tibbiyot xodimi mutaxassisliklari uchun 60 foiz etib belgilanadi;

▶️qisqa muddatli qayta tayyorlash kurslari yoki dasturlari orqali tor soha mutaxassisliklari boʻyicha (qoʻshimcha) ixtisoslashtirish bekor qilinadi;

▶️birlamchi maqsadli ixtisoslashtirish kurslari (internatura)ga qabul bekor qilinadi.

Ta'lim sohasiga oid yangiliklar:
✅ @Talimgaoid

⚡️Rasman: Birinchi ustuvor ta’lim yo‘nalishida tabaqalashtirilgan to‘lov-kontrakt asosida o‘qish imkoniyati ochildi

Davlat qabul komissiyasining tegishli qaroriga muvofiq, bakalavriat ta’lim yo‘nalishlariga kirish imtihonlari natijalari asosida tanlovda ishtirok etib, ikkinchi–beshinchi bakalavriat ta’lim yo‘nalishlaridan biriga davlat granti yoki to‘lov-kontrakt asosida talabalikka tavsiya etilgan abituriyentlarga o‘z xohishiga ko‘ra, ustuvorlik tartibida tanlagan birinchi bakalavriat ta’lim yo‘nalishida tabaqalashtirilgan to‘lov-kontrakt asosida tahsil olishga ruxsat berildi.

Mazkur tartib maqsadli qabul asosida talabalikka tavsiya etilgan abituriyentlarga nisbatan tatbiq etilmaydi.

Belgilangan mezonlarga muvofiq tabaqalashtirilgan to‘lov-kontrakt asosida o‘qishga qabul qilinishi mumkin bo‘lgan abituriyentlar arizalarni kontrakt.edu.uz platformasi orqali onlayn tarzda rasmiylashtirishlari mumkin.

Abituriyent tomonidan rasmiylashtirilgan ariza oliy ta’lim muassasasi Qabul komissiyasi tomonidan ko‘rib chiqiladi va tasdiqlanadi. Shundan so‘ng, abituriyent uchun QR-kodli to‘lov-shartnomasi shakllantiriladi.

Tasdiqlangan to‘lov-shartnomasini platformadan yuklab olish hamda unda belgilangan to‘lovlarni belgilangan muddatlarda amalga oshirish so‘raladi.

Ta'lim sohasiga oid yangiliklar:

✅ @Talimgaoid

⚡️Xushxabar: Tibbiyot xodimlari farzandlariga kontrakt toʻlovining bir qismini qoplab berish boshlandi

📄Esingizda boʻlsa, Vazirlar Mahkamasining 2026-yil 12-iyundagi 310-son qarori bilan davlat tibbiyot muassasalarida kamida 15 yil ish stajiga ega boʻlgan tibbiyot va farmatsevtika xodimlarining farzandlari uchun bakalavriatdagi yillik kontrakt toʻlovining 30 foizini qoplab berish belgilangan edi.

 
Ushbu toifadagi xodimlarning farzandlariga respublikadagi oliy taʼlim tashkilotlarida bakalavriat bosqichida oʻqish uchun yillik toʻlov-kontrakt summasining 30 foizi qoplab beriladi. Bunda subsidiya miqdori BHMning 15 baravari (6,6 mln soʻm) dan oshmasligi kerak.
 
✔️ Bugundan kontrakt summasining 30 foizigacha qismini qoplab berish boshlandi. Ya'ni, ariza topshirganlar va arizasi tasdiqlangan xodimlarning farzandlarining oliygohlariga pullar kelib tusha boshlagani haqida ma'lumotlar kelmoqda.

Subsidiya koʻrinishidagi kontrakt toʻlovini bir qismini qoplab berish tartibi boʻyicha qoʻshimcha:

▶️Subsidiya uchun arizalar yil davomida har oy oxirgi ish kuniga qadar qabul qilinadi;
▶️Subsidiya davlat va nodavlat oliygohi talabalariga toʻlanadi;
▶️Subsidiya bakalavriatdagi talabalar uchun ajratilgan;
▶️Subsidiya har bir farzand uchun kontrakt summasidan kelib chiqib ajratiladi;
▶️Subsidiya talaba oʻqishni tamomlaguncha (yoki talabalar safidan chetlashtirilguncha) har yili beriladi.
▶️Subsidiya super-kontrakt uchun ham amal qiladi.
▶️Subsidiya oliygoh hisob raqamiga tushadi;
▶️Talaba oʻqishdan chetlatilsa, u tomonidan subsidiya qaytarilmaydi.

Ta'lim sohasiga oid yangiliklar:
✅ @Talimgaoid

⚡️Rasman: Pedagoglar farzandlari uchun 30% kontrakt chegirmasiga ariza qabuli boshlandi

Ota yoki onangiz pedagogmi? Unda kontraktning 30 foizi qoplab berilishi mumkin.

🔹 Imtiyoz davlat OTMlarida bakalavriat kunduzgi ta’limida o‘qiyotgan pedagoglar farzandlariga beriladi.
🔹 Ariza kontrakt.edu.uz platformasi orqali yuboriladi va 2 ish kunida ko‘rib chiqiladi.
🔹 Bir nechta farzand o‘qisa, chegirma har biriga alohida qo‘llanadi.
🔹 Imtiyoz har o‘quv yili uchun bir marta beriladi.

Kimlarga berilmaydi: nodavlat va xorijiy OTMlar, ularning filiallari, harbiy OTMlar, qo‘shimcha va tabaqalashtirilgan kontrakt hamda qo‘shma dasturlarda o‘qiyotganlarga.

Asos: Vazirlar Mahkamasining 2026-yil 17-sentabrdagi 501-son qarori.

Ta'lim sohasiga oid yangiliklar:
✅ @Talimgaoid