🇺🇿🇺🇿🇺🇿 Arushada (Tanzaniya) Fransiya Senati Raisining o‘rinbosari Ksave Iakovelli bilan uchrashdik.

O‘zbekiston va Fransiya munosabatlarida yangi davr boshlandi. Davlat rahbarlarining siyosiy irodasi tufayli mamlakatlarimiz strategik sheriklarga aylandi. O‘zaro savdo hajmi o‘smoqda, Fransiyaning yetakchi kompaniyalari O‘zbekistonda yirik loyihalarni amalga oshirmoqda.

Muloqotimizda iqtisodiy hamkorlik bilan bir qatorda ta’lim va ekologiya masalalariga alohida e’tibor qaratdik. Fransuz senatorlarining Orolbo‘yi mintaqasiga tashrif buyurib, suv resurslarini muhofaza qilishga qaratilgan loyihalarning amalga oshirilishi bilan bevosita tanishgani, O‘zbekiston–Fransiya universitetining tashkil etilishi ikki mamlakat aloqalari qanchalik keng qamrovli ekanini ko‘rsatadi. Strategik kelishuvlarning ijrosida parlamentlarning mas’uliyati haqida ham atroflicha fikr almashdik.

Fransiya–Markaziy Osiyo parlamentlararo forumini muntazam o‘tkazish, do‘stlik guruhlari va tegishli qo‘mitalar o‘rtasida to‘g‘ridan to‘g‘ri muloqotni kuchaytirish, qo‘shma tashabbuslarga yosh parlamentariylarni jalb etish bo‘yicha kelishib oldik.

#IPU153 #hamkorlik #Senat
@tanzilanarbaeva

🇺🇿🇺🇿🇺🇿 Bugun BMT Bolalar jamg‘armasi (UNICEF)ning Yevropa va Markaziy Osiyo bo‘yicha mintaqaviy direktori Eduard Beygbeder bilan bolalar manfaatlarini ta'minlash borasidagi hamkorlikning amaliy yo‘nalishlarini muhokama qildik.

Prezidentimiz Shavkat Mirziyoyev rahbarligida mamlakatimizda bolalar huquqlarining konstitutsiyaviy kafolatlari mustahkamlandi, ijtimoiy himoyaning yangi tizimi shakllandi. Bu borada mamlakatimizning UNICEF bilan samarali hamkorligi muhim o‘rin tutmoqda.

Muloqotda bolalar manfaatlariga oid barcha qonunchilik hujjatlari, shu jumladan bolalarni zo‘ravonlikning barcha shakllaridan himoya qilish to‘g‘risidagi qonun ijrosiga alohida e’tibor qaratdik.

UNICEF ekspertlari bilan birgalikda uning hududlardagi ijrosini o‘rganish, bolalarga ko‘rsatilayotgan yordam samaradorligini baholash hamda natijalarni birgalikda ko‘rib chiqish yuzasidan fikr almashdik.

Shuningdek, bolalarning iqtidori va salohiyatlarini to‘liq namoyon etishlari uchun zarur sharoitlarni yaratish, bu borada mutaxassislar va ota-onalarga amaliy yordam ko‘rsatish ishlarida hamkorlikni yanada kuchaytirish zarurligi qayd etildi.

Mehmonimiz tomonidan ota-onasiz farzandlarimiz uchun oilada tarbiyalanish imkoniyatlari kengayganligi alohida etirof etildi.

Oilaviy bolalar uylarida tarbiyalanayotgan bolalarimiz, shuningdek, qiyin vaziyatdagi oilalarni qo‘llab-quvvatlash, nogironligi bo‘lgan bolalar uchun xizmatlar ko‘lami va sifatini oshirish hamda ijtimoiy dasturlarning birgalikda bajarilish masalalariga to‘xtaldik.

Ushbu yo‘nalishlardagi hamkorlikni UNICEFning 2026–2030-yillarga mo‘ljallangan mamlakat dasturi bilan muvofiqlashtirish masalalarini muhokama qildik.

#hamkorlik #UNICEF

@tanzilanarbaeva

🇺🇿🇺🇿🇺🇿 TurkPAning 15-yalpi yig‘ilishida ishtirok etish uchun O‘zbekiston parlamenti delegatsiyasi Bishkek shahriga tashrif buyurdi.

Tashrifimizning birinchi kuni qirg‘iz xalqining boy madaniyati va asrlar davomida saqlanib kelayotgan milliy an’analari bilan tanishishdan boshlandi. «Ala-Archa» davlat tabiat bog‘ida milliy kuy-qo‘shiqlar, rang-barang hunarmandchilik namunalari, an’anaviy kiyimlar va ko‘chmanchilar merosini aks ettiruvchi namoyishlar o‘zgacha taassurot ulashdi.

#TurkPA

@tanzilanarbaeva