🇺🇿🇺🇿🇺🇿 Yaponiyada bo‘lib o‘tgan «Aichi–Nagoya–2026» V yozgi Paraosiyo o‘yinlarida sportchilarimizning har bir chiqishini katta qiziqish va hayajon bilan kuzatdik.

Har safar O‘zbekiston bayrog‘i baland ko‘tarilganda barchamizning qalbimiz iftixorga to‘ldi.

Bugun ana shu aziz sportchilarimiz bilan uchrashish, ularni tantanali taqdirlash marosimida Prezidentimiz Shavkat Mirziyoyevning tabrigini o‘qib eshittirish men uchun katta sharaf bo‘ldi.

Mamlakatimizda parasportga qaratilayotgan e’tibor, sport infratuzilmasining rivojlanishi va barcha uchun teng sharoitlar yaratilayotgani iqtidorli sportchilarimizning xalqaro maydonda yuksak natijalarga erishishiga zamin yaratmoqda.

45 ta oltin, 49 ta kumush va 51 ta bronza — jami 145 ta medal! Terma jamoamiz umumjamoa hisobida uchinchi o‘rinni egallab, O‘zbekiston parasporti tarixidagi eng yuqori natijaga erishdi.

Ayniqsa, sportchilarimiz tomonidan 15 dan ortiq jahon, Osiyo va Para osiyo o‘yinlari rekordlari yangilangani, 15 yoshli Boburbek Toshtemirov musobaqaning eng yosh chempioni bo‘lgani hammamizni quvontirdi.

Aziz sportchilarimiz!
Barchangizni chin qalbimdan tabriklayman. Ota-onalaringizga, ustoz va murabbiylaringizga samimiy minnatdorlik bildiraman.

Gʻalabalar bardavom bo‘lsin!

#paraosiyo2026

@tanzilanarbaeva

🇺🇿🇺🇿🇺🇿 «Markaziy Osiyo va Ozarbayjon yosh yetakchilari» mintaqaviy dasturi ishtirokchilari bilan uchrashdik.

Mintaqamizda bilimli, tashabbuskor, zamonaviy fikrlaydigan yoshlar safi kengayib borayotgani quvonarli. Ularning intilishlari, yangi g‘oyalari va o‘zaro hamkorlikka bo‘lgan qiziqishi mamlakatlarimiz taraqqiyoti uchun katta imkoniyatdir.

Uchrashuvda O‘zbekistonda yoshlarni qo‘llab-quvvatlash, ularning davlat va jamiyat hayotidagi ishtirokini kengaytirish, ta’lim olishi, kasb egallashi va o‘z tashabbuslarini amalga oshirishi uchun yaratilayotgan sharoitlar haqida suhbatlashdik.

Ayni paytda qo‘shni mamlakatlarning bu boradagi tajribasi, yoshlar takliflarini qo‘llab-quvvatlash va ularni amaliy qarorlarga aylantirish yo‘llari ham muloqotimiz markazida bo‘ldi.

Ta’lim, tadbirkorlik, raqamli texnologiyalar, ekologiya va turizm kabi yo‘nalishlarda yoshlarning qo‘shma tashabbuslarini rivojlantirish uchun imkoniyatlar keng.

Ishonamanki, ushbu dastur davomidagi uchrashuvlar, O‘zbekistonning turli hududlari va tashkilotlari faoliyati bilan tanishuv yosh yetakchilarga yangi tajriba, do‘stlik aloqalari va kelgusidagi hamkorlik uchun yaxshi imkoniyat yaratadi.

#yoshlar #senat #hamkorlik

@tanzilanarbaeva