#Зулҳижжа

Расулуллоҳ соллаллоҳу алайҳи васаллам: “Зулҳижжа ойининг ўн кунидаги амалдан кўра афзалроқ амал йўқдир”, деганлар (Имом Ибн Ҳиббон ривояти).

🔸ЗУЛҲИЖЖАНИНГ ЎН КУНЛИГИДА МУСТАҲАБ БЎЛГАН АМАЛЛАР

Ўзбекистон мусулмонлари идораси
Фатво маркази.

https://t.me/taskin_uz

Қуёш хеч қачон ўзи учун нур сочмайди.
Роббимиз уни биз учун яратган.

Ой хеч қачон ўзи учун кечани ёритмайди.
Роббимиз ойни биз учун яратган.

Осмон хеч қачон ўзи учун ёмғир тўкмайди.
Роббимиз уни биз учун ёғдиради.

Дарахтлар хеч қачон ўзлари учун барг чиқариб, гуллаб, мева тугиб, ўзларини соя-салқин қилмайдилар.
Роббимиз уларни ҳам биз учун яратган.

Гуллар хеч қачон ўзлари учун ифор сочиб, гўзаллик улашмайдилар.
Роббим уларни биз баҳра олмоғимиз учун яратиб қўйган.

Денгизлар, дарёлар, ирмоқлар хеч қачон ўзлари учун мавжланмайдилар.
Роббимиз уларни биз учун тўлқинлантириб қўйган.

Санаса саноғи йўқ неъматларни биз учун яратиб, текинга бизга ҳизмат қилдириб  қўйган Роббимнинг раҳматини қалбингизни ич-ичидан ҳис қилдингизми?
Роббим уларни биз У Зотнинг раҳматини ҳис қилиб, буюклигини тафаккур қилиб, У Зотдан қўрқмоғимиз учун яратди.

Роббимнинг неъматларига ғарқ бўлган ҳолда, У Зотнинг осмони остида ерининг устида юриб, У Зотга осий бўлмоқдан ҳаё қилмайсизми?

https://t.me/taskin_uz

✅ https://t.me/taskin_uz

Мўмин учун Роббисига рўбарў бўлишдан (мулоқот қилишдан) бошқа роҳат йўқдир. Орамизда кўпчилик бу иборани нотўғри тушунади: бу мулоқот албатта ўлимдан кейин бўлиши шарт эмас.
 
Намоз – мулоқотдир;
Муножот – мулоқотдир;
Зикр – мулоқотдир;
Тафаккур – мулоқотдир;
Садақа – мулоқотдир;
Қуръон ўқиш – мулоқотдир;
Одамларга меҳр кўрсатиш – мулоқотдир;
Илм – бу мулоқотдир;
Олимлар билан одоб ила суҳбат қуриш – мулоқотдир;
Тунги намоз – мулоқотдир;
Беморни зиёрат қилиш – мулоқотдир;
Қариндошлик ришталарини боғлаш – мулоқотдир;
Ота-онага яхшилик қилиш – мулоқотдир;
Мусулмонларнинг оғирини енгил қилиш – мулоқотдир.
 
Хўш, биз қанчадан-қанча мулоқот имкониятлари борлигини англаб етдикми?
Аллоҳ таоло айтади: «Бас, ким Роббига рўбарў келишни умид қилса, солиҳ амал қилсин ва Роббининг ибодатига биронтани шерик қилмасин», Каҳф сураси, 110-оят.
https://t.me/taskin_uz

Қурбонлик

🔖"Бас, Роббингга намоз ўқи ва жонлиқ сўй", Кавсар сураси, 2 - оят.

Холис Аллоҳнинг Ўзи учун ибодат қилиб, намоз ўқиш, фақат Худонинг йўлида жонлиқ сўйиб, бева-бечораларни тўйдириш шукрнинг бир кўринишидир.
Имом Қатода, Ато ва Икрималар: «Намоздан мақсад қурбон ҳайити намози, қурбонликдан мурод қурбон ҳайитидаги сўйиладиган жонлиқдир», дейишди. Ибн Касир: «Сўйишдан мурод қурбонликдир», деб айтдилар.

Жобир розияллоҳу анҳудан ривоят қилинади. «Набий соллаллоҳу алайҳи васаллам билан намозгоҳда Қурбон намозига қатнашдим. У зот хутбаларини тугатиб, минбарларидан тушганларида бир қўчқор кетирилди. Бас, у зот уни ўз қўллари билан сўйдилар ва: «Бисмиллаҳ, ва Аллоҳу Акбар! Бу мендан ва менинг қурбонлик қилмаган умматимдан», дедилар».
Абу Довуд ва Термизий ривоят.

https://t.me/taskin_uz

Абу Абдураҳмондан ривоят қилинади:
«Алий розияллоҳу анҳу арафа куни бомдод намозидан кейин то охирги ташриқ кунининг аср намозигача ва аср намозидан кейин ҳам такбир айтар эдилар».

Такбирнинг сийғаси ҳақида саҳоба ва тобеинлардан турли ривоятлар ворид бўлган. Улардан энг машҳурлари қуйидагилар:

الله أكبر، الله أكبر، لا إله إلا الله، والله أكبر، الله أكبر ولله الحمد

"Аллоҳу акбар, Аллоҳу акбар, ла Илаҳа Иллаллоҳу валлоҳу акбар, Аллоҳу акбар, ва лиллаҳил ҳамд". (Ибн Масъуд ривояти)

Маъноси: “Аллоҳ буюкдир, Аллоҳ буюкдир. Аллоҳ таолодан ўзга илоҳ йўқдир. Аллоҳ буюкдир, Аллоҳ буюкдир ва ҳамд Аллоҳ (таоло) учундир”.

الله أكبر، الله أكبر، الله أكبر كبيرا

"Аллоҳу акбар, Аллоҳу акбар, Аллоҳу акбар кабийро". (Салмони Форсий ривояти, энг саҳиҳи)

Маъноси: “Аллоҳ буюкдир, Аллоҳ буюкдир. Аллоҳ (таоло) ҳақиқатда буюкдир”.

Такбир(Аллоҳ-у акбар) сийғаси жуфт-жуфт айтилгани.

Ва баъзи саҳобалар тоқ суратда айтишган:

الله أكبر الله أكبر الله أكبر، لا إله إلا الله، الله أكبر الله أكبر الله أكبر ولله الحمد

Аллоҳу Акбар, Аллоҳу Акбар, Аллоҳу Акбар. Ла илаҳа иллаллоҳ. Аллоҳу Акбар, Аллоҳу Акбар, Аллоҳу Акбар. Ва лиллаҳил ҳамд.

Бари яхши. Хоҳ уни жуфт-жуфт ёки тоқ суратда адо этса ҳам.

Шулардан яна:

الله أكبر كبيراً والحمد لله كثيراً، وسبحان الله بكرةً وأصيل

Аллоҳу Акбару Кабийро. Валҳамдулиллаҳи Касийро. Ва субҳаналлоҳи букротан ва асийла. [Маъноси: Аллоҳ ҳақиқатда буюкдир. Аллоҳга кўпдан-кўп ҳамдлар бўлсин. Аллоҳни эртаю кеч барча айбу нуқсонлардан поклайман.]

Буларнинг бари саҳобалар ва Расулуллоҳ соллаллоҳу алайҳи ва салламдан ривоят қилинган асарларда ворид бўлган.

Такбир айтиш лаззатини ҳис қилиб баланд овозда айтинг!

https://t.me/taskin_uz

#Эслатма

Aрафа кунининг бомдодидан бошлаб учинчи ташриқ кунининг асригача ҳар фарз намозидан сўнг такбири ташриқни айтиш мустаҳабдир.

Такбири ташриқ белгиланган 23 вақт намознинг ҳар фарзидан кейин орада намозни бузувчи амал қилмаган ҳолда камида бир марта айтилади:

Aрафа куни: 5 вақт (бомдод, пешин, аср, шом, хуфтон);
Ҳайит куни: 5 вақт;
1-ташриқ куни: 5 вақт;
2-ташриқ куни: 5 вақт;
3-ташриқ куни: 3 вақт (бомдод, пешин, аср) намозда.


https://t.me/taskin_uz

#Qurondan_bir_oyat

Qattiq esgan shamollar bilan qasam. (Mursalat, 2)

Tafsir:

Birinchi oyatda zikr qilingan farishtalar bilan ushbu
oyatdagi shamollar o'rtasida uzviy bog'lanish bor.
Chunki farishtalar Alloh taolodan vahiy, bashorat, g'alaba va xotirjamlik kabi yaxshilik xislatlarini olib keladi. Shamollar esa yer yuziga yomg'ir, serhosillik keltiradi. Demak, har ikkala holat ham Alloh taoloning irodasiga bo'ysungan. Bog'lanish holati ana shu hikmatda.

Shayx Muhammad Sodiq Muhammad Yusuf

https://t.me/taskin_uz

Ҳайит яқин

Эй қурбонлик қилувчи, қурбонлик гўштларидан улашишда камбағал дўст, яқинларингни унутма!

Аллоҳ таоло айтади: "Бас, улардан енглар ва бечора, фақирларга ҳам егизинглар", деди.

Ҳаж сураси, 28-оят.
https://t.me/taskin_uz

ҚУРБОНЛИК ҚИЛИНГ!
🐏🐏
Қурбонликка бирдек интилинг,
Унинг ҳукми вожибдир, билинг.
Иброҳимдан меросдир бу иш,
Аҳли ислом, қурбонлик қилинг!

Номангизга савоб бўлажак,
Малакларга жавоб бўлажак.
Лаҳад ичи нурга тўлажак,
Аҳли ислом, қурбонлик қилинг!

Сигир, туя, эчки ёки қўй,
Зиқна бўлма, чин юракдан сўй.
Охиратда кўрсатгайдир бўй,
Аҳли ислом, қурбонлик қилинг!

Аросатда кўзингиз тиниб,
Қолганида кўнглингиз синиб.
Пул сиротдан ўтгайсиз миниб,
Аҳли ислом, қурбонлик қилинг!

Қиёматда зоҳир бўлади,
Тарозида оғир бўлади.
Савоб халта файзга тўлади,
Аҳли ислом, қурбонлик қилинг!

Гувоҳ бӯлгай шохи, оёғи,
Қони, гӯшти, пайи, туёғи.
Кӯзи, тиши ҳамда қулоғи,
Аҳли ислом, қурбонлик қилинг!

Мезон узра асқотар тили,
Жигар, ӯпка, талоқ ва дили.
Жуни, туки, териси, қили,
Аҳли ислом, қурбонлик қилинг!

Етаклайди жаннатга томон,
Насиб этса, дўзахга қалқон.
Аллоҳ сизга берибди имкон,
Аҳли ислом, қурбонлик қилинг!

Жаҳон узра ҳайитдир бугун,
Танингизнинг закоти учун.
Оилангиз нажоти учун,
Аҳли ислом, қурбонлик қилинг!!!

https://t.me/taskin_uz

Эртага, 25 май 2026 йил (8 - Зулҳижжа), Ҳаж-2026 расман бошланади.
У тарвия куни дейилиб, зиёратчилар Мино водийсига етиб боришади. Улар кечани ўша ерда ибодат ва тафаккур билан ўтказадилар.

🕋 Ҳаж кунлари жами беш кун бўлиб, улар зулҳижжа ойининг саккизинчи, тўққизинчи, ўнинчи, ўн биринчи, ўн иккинчи   кунларидир. Ушбу кунлардан тўрттаси Мино кунларидир. Улар саккизинчи, ўнинчи, ўн биринчи, ўн иккинчи зулҳижжа кунларидир. Тўққизинчи зулҳижжа Мино куни ҳисобланмайди, балки у арафа кунидир.

🌴 Саккизинчи зулҳижжа куни пешин намозидан олдин Минога етиб бориб, у ерда пешин, аср, шом, хуфтон ва тўққизинчи куннинг бомдодини ўқиб, офтоб чиққанидан кейин Минодан Арафотга равона бўлиш суннатдир. Унга хилоф тарзда иш тутиш макруҳдир.

🌴 Мино водийси — Ҳажнинг муҳим нуқтаси

Минода тарвия кунининг пешин, аср, шом, хуфтон ҳамда арафа кунининг бомдод намозлари ўқилади. Асосан дуо, ибодат билан машғул бўлинади. Мино — Макка шаҳридан 7–8 км шарқда жойлашган водийдир.
   Тарихчиларнинг фикрича, водий номи арабча "амна" сўзидан келиб чиққан бўлиб, "қон тўкиш" маъносини англатади. Мутахассислар буни водийда қурбонлик қилинган ҳайвонларнинг кўплиги билан ҳам изоҳлашади. Бундан ташқари, Минода Иброҳим пайғамбар иблисга тош отган. Минодаги Жамаротга яқин катта масжид – Масжидул Хайфда Муҳаммад соллаллоҳу алайҳи васаллам намоз ўқиганлар.

🕌 Мино ҳудуди

  Мино ҳудуди Набий соллаллоҳу алайҳи васаллам ва саҳобаи киромлардан насс билан собит бўлган. Муздалифа томондан Муҳассар водийси Минонинг охирги чегараси бўлса,
   Ҳарам томондан Ақаба жамрасининг охирги чегараси ҳисобланади. Икки томондаги тоғларнинг чўққисигача Мино ҳудуди ҳисобланади. Шу боис Муҳассар водийсидан Ақаба жамрасигача икки томондаги тоғларнинг ўртаси Мино ҳудуди ҳисобланади.

🏕 “Чодирлар шаҳри” — дунёдаги энг йирик вақтинчалик шаҳар

Мино “Чодирлар шаҳри” деб ҳам номланади, чунки бу ерда зиёратчилар учун 160,000 дан ортиқ кондиционерли, ёнғинга чидамли доимий чодирлар ўрнатилган. Бу чодирлар 2,6 миллион зиёратчигача жойлашиш имконини беради. Ҳар бир чодир ошхоналар, ҳожатхоналар ва намозхоналар билан жиҳозланган. Чодирлар ўзаро ёруғ ва йўлкўрсаткичлар билан таъминланган йўлаклар орқали боғланган. Ҳар бир гуруҳ металл тўсиқлар билан ўралган бўлиб, асосий дарвозалар ва фавқулодда чиқиш йўллари мавжуд.

▫️Масжидул Хайф
Минода жойлашган Масжидул Хайф — Муҳаммад соллаллоҳу алайҳи васаллам намоз ўқиган масжидлардан бири. Масжид 23,500 м² майдонни эгаллаб, 25.000 нафар ибодат қилувчини сиғдира олади. У кондиционер, ёруғлик ва 1.700 та ҳожатхона билан жиҳозланган.

🕌 Хавфсизлик ва инфратузилма
Минода зиёратчилар хавфсизлигини таъминлаш учун қуйидаги чоралар кўрилган:

- Ёнғинга чидамли чодирлар: 1997 йилдаги ёнғиндан сўнг, барча чодирлар тефлон билан қопланган, ёниб кетмайдиган материаллардан ясалди.
- Жамарот кўприклари: Зиёратчиларнинг ҳаракатини осонлаштириш ва тиқилинчларни олдини олиш мақсадида кўп қаватли Жамарот кўприклари қурилган.
- Транспорт: Минога етиб келиш учун махсус Машаъири муқаддаса метроси фақат ҳаж даврида фаолият кўрсатади. Бу метро Арафотдан бошланиб, Муздалифа орқали Миногача етиб боради.
https://t.me/taskin_uz

Лаббайкаллоҳумма лака лаббайк

📜Ҳаж — муҳаббат сафаридир. Ҳаж — ватанларни тарк этиш, кўникилган нарсаларни, уйларни, жуфти ҳалол ва фарзандларни, тижоратни тарк этишдир.
У Аллоҳ сари сафардир. Ҳаж ўзига хос алоҳида бир сафар бўлиб, унинг асоси муҳаббатдир. Жисм қаттиқ толиқади, чарчайди, лекин руҳ саодат ва ҳаловатнинг энг олий даражасига эришади...

Доктор Муҳаммад Ротиб Наблусий.

https://t.me/taskin_uz

Арафа куни жаннат ниҳоятда яқин бўлади, жаҳаннам эса жуда узоқ. Шу куни ҳам жаҳаннамдан қутқарувчи амал қила олмаган инсон ҳақиқий маҳрумдир. Росулуллоҳ соллаллоҳу алайҳи ва саллам: "Аллоҳ таоло жаҳаннамдан бандаларини энг кўп озод қиладиган кун арафа кунидир", дедилар.
(Муслим ривояти).

https://t.me/taskin_uz

Эртага Арафа - зулҳижжанинг 9-куни

🤲 "Дуонинг энг яхшиси Арафа кунидаги дуодир"

Йилнинг энг яхши куни - Арафа кунида Аллоҳнинг зикри
Дуо, зикр ва истиғфорни кўпайтиринглар

▫️100 марта - Субҳаналлоҳ
▫️100 марта - Алҳамдулиллаҳ
▫️100 марта - Лаа илааҳа иллаллоҳ
▫️100 марта - Аллоҳу акбар
▫️100 марта - Астағфируллоҳ
▫️100 марта - Аллоҳумма солли ъалаа Муҳаммад деб айтинг

Аллоҳга яқинлаш, зикрни кўпайтир ва чин қалбдан дуо қил!

🕌Аллоҳумма баллиғна фазла явмил ъарофата, важъалнаа минал мақбулиийн! (Маъноси: Аллоҳим, бизни Арафа кунининг фазилатига етказ ва бизни дуо ва амаллари қабул қилинганлардан қил!

https://t.me/taskin_uz

TASHRIQ TAKBIRLARI

✅ “Sanoqli (ma’lum) kunlarda Allohni (ko’proq) zikr qilingiz! …” (“Baqara” surasi, 203-oyat).

✅ Sanoqli kunlardan murod Tashriq kunlaridir.
✅ Mazkur kunlarda takbiri tashriqni aytish vojib sanaladi.
✅ Bu kunlar:
👉 9-Zulhijja (2026 yil 26-may)ning bomdod namozidan
👉 13-Zulhijja (30-may)ning asr namozigacha davom etadi:

👉 26 may – 5 mahal
👉 27 may – 5 mahal
👉 28 may – 5 mahal
👉 29 may – 5 mahal
👉 30 may – 3 mahal.

https://t.me/taskin_uz