#Тавсия

• Дарс ўқувчи киши, толиби илм китоб, матнларни фақат кўз билан эмас, овоз билан ҳам ўқиши керак.

• Ўзи эшитадиган даражада ўқилган сўз қалбга тезроқ ўрнашади.
Чунки қулоқ орқали кирган маъно, кўз билан ўқилганига нисбатан чуқурроқ таъсир қилади.

• Айниқса, нутқни равон қиладиган матнлар баланд овозда ўқилса, инсоннинг фасоҳати сезиларли даражада ошади.

• Сўзлашиш енгиллашади, фикр ифода қилишда равшанлик пайдо бўлади.

• Бир шайх шундай ҳикоя қилади:
• Набот қишлоқларидан бирида жуда равон гапирадиган, гўзал баёнли бир йигитни кўрдим.
• Ҳолбуки, у қишлоқликларнинг нутқлари, сўзлашишларида одатда, нуқсон ва оғишлар бўлар эди.

• Ундан бу даражага қандай етганини сўрадим.
• У йигит шундай деди:

• Мен ҳар куни Аллома Жоҳиз роҳимаҳуллоҳнинг китобларидан эллик саҳифани баланд овозда ўқир эдим.
• Орадан кўп вақт ўтмай, кўриб турганингиз натижага еришдим.

• Абу Ҳомид роҳимаҳуллоҳ ҳам шогирдларига доим шундай таъкидлар эдилар:

• «Дарс тайёрлаш вақтида овозингизни баланд кўтаринглар».
• Бу ёдлашни мустаҳкамлайди ва ғафлатни кетказади.

• У киши яна бир нозик жиҳатга ишора қилганлар:

• Паст овозда ўқиш — тушунишга ёрдам беради.
• Баланд овозда ўқиш эса — тушуниш билан бирга ёдлашни ҳам кучайтиради.

• Айрим толиби илмлар эса, китобни ўқиб бўлгач, уни гўё бир устоздан эшитаётгандек такрорлар, ҳар бир жумла устида тўхтаб, маъносини ўзича изоҳлаб чиқар эди.

• Шу тарзда илм қалбга янада мустаҳкам жойлашади.

Аллома Абу Ҳилол Аскарий (вафоти 395-ҳижрий) роҳимаҳуллоҳнинг
📌 «Ал-Ҳасс аъла толабил илм» китобидан

@Aliy_qoriy