محشورين الآن ما بين " سحب الملف من معهدك " و " عمل اجراءات تراخيص المزاولة " .... تعالوا نحكي

- اول خطوة بتعملها إنك بتشوف اليوم اللى هتنزل فيه لسحب الملف بتاعك .. وبعدها بتعرف ايه المطلوب من معهدك " كل معهد وله طلباته "

- سحبت الملف على خير وعايز تعمل حاجه تاني ؟! .. بتنزل النقابة الفرعية اللي في بلدك عشان تعمل ترخيص مزاولة المهنة وتشوف طلباتهم ايه " بيبقي فيه اختلاف طفيف بين النقابة واختها في المحافظة التانيه "

- في حاجتين هتسمع عنهم " ترخيص المزاولة " وده اجبارى ولازم تعمله ، وحاجه تانى كده اسمها " كارنيه النقابة " وده إجبارى لشعبة تمريض عام فقط .. انما الشعب الفنية براحتها تجيبه او لأ (( انا موظف بقالى 3 سنين الا اسابيع قليلة حتي الان مستخدمتش كارنيه النقابة لا أنا ولا حتي حد من دفعتي .. بيقولوا له مميزات و و و و ، بس على الجانب الاخر الكارنيه ده بفلوس وبيحتاج تجدده بفلوس كل سنة .. وجهة نظرى الخاصة بيا انه ملوش اى لازمه معاك ومش هتستخدمه فوفر فلوسك .. ومعلومة اضافية السنة اللى فاتت كانت فى دوشه ودربكه فاجبروا مل الشعب الفنية انهم يعملوا الكارنيةلو لم تخونني ذاكرتي 😅 )) .. هرجع واقول شعبة تمريض عام لازم تعمل كارنية النقابة

- زمان كنت ممكن تعمل التراخيص وكارنية النقابة في المقر الرئيسي فى القاهرة (( وده له ميزة انه بيطلعلك فى نفس اليوم )) ، او انك تعمله فى النقابة اللى في محافظتك (( وده عيبه انه بيتاخر شهر لانهم بيجمعوا ليك ولغيرك وبيسفروهم على دفعات )) .. التكاليف متقاربة جدا تكاد تكون واحده لو عملتها هنا او هناك .... المطلوب منك لو سحب ملفك تروح تسال ينفع اعمل الاجراءات ناو ولا لا ، لان بنسبة كبيرة جدا للظروف الحالية كل طالب هيخلص فى محافظته ((( السنة اللى فاتت لما فتحوها للكل ف مصر ، الاعداد كانت كارثية وكانت موجة كورونا الاول .. كان منظرهم متلف ورجعي جدا انهم يسمحوا للكل يخلص فى القاهرة ، اتمنى متتكررش حفاظا ع الارواح فى الوضع اللى احنا فيه )) .......... مش هتستلم الوظيفة الا لما تعمل ترخيص المزاولة اتفقنا ؟

- مصاريف الكارنية ومزاولة المهنة لطلاب تمريض " أغلى شويتين " من الشعب الفنية .. مش حابب اقول أرقام بس حبيت اوضح المعلومة دي

- وغالباً شعبة اشعة هى الشعبة الوحيدة ، اللى بيطلوا منهم كشف طبي لما بيعموا ترخيص المزاولة ..

- فيش وتشبيه او (( اصل الحالة الجنائية )) .. ده بتعمله من المركز او قسم شرطة .. يقال انكم هتحتاجوا 3 السنة دي ، كل سنة كان بيبقي مطلوب منكم 2 بس .... المهم الفيش بيتوجه وله صلاحية كمان ، يعنى لما تروح هناك هيقولك هتوجه لمين الفيش ؟؟ .. ((( هنحتاج واحد لوزارة الصحة وتقوله هعمل بيه استخراج مزاولة مهنة )))) ، والتانى لسه مش دلوقت لما يجيي وقته نتكلم عليه (( هيكون لمقر عملك)) ... والتالت جابوا البدري 😅😅 " بهزر ، التالت لسه اتاكد من المعلومة وابلغكم حاضر "

- هسيبلك فى اول كومنت الطلبات اللى بتجيبها لاستخراج مزاولة المهنة للسنة اللى قبلكم .. (( هيكون فيه اختلاف صغير وده طبيعي ))

- اكسب وقت وهات ملف مسوغات " مصوغات " التعيين .. بيتباع فى مكتبات معينة لو ملقتهوش وانت من اسيوط ، هتلاقيه عندى ب 10ج في مكتبة ميدو اللى عند المعهد بتاعنا 🤍 .. عبارة عن ملف ورقي وجواه 9 ورقات تقريبا " اقرارات وحاجات كتير كده ، مهم جدا الملف ده " .. بيتباع من 10 ل 15 ج تقريبا

- طلاب الدور التانى لو هيقدروا يسحبوا الملف بتاعهم مع طلاب الدور الاول " مظنش عشان مخلصوش امتياز " ... يحاولوا ينجزوا الحاجات دي معاهم عادي

- لو عندك معلومة تفيدك غيرك ومتاكد منها بخصوص الاجراءات دي او الطلبات ، قولها فى كومنت او ابعتهالى خاص .. بفرح لما اللاقي مساعدات مش بتقمص ع فكرة مادام صحيحة ❤

- كده يبقي سحبنا الملف وبعدها خلصنا ورق التراخيص نقعد بقي في البيت ونشم نفسنا .. لحد ما نلاقي بوست من ميدو عند فتح موقع تسجيل البيانات والرغبات باذن الله

- هنزل البوست واقفل عشان النهاردة ليلة وترية لعل وعسي تكون ليلة القدر ، نأجل الرد لو في اسئلة لبعد السحور باذن الله .. متنساش تدعيلي انا 💜 ، ولفقيدنا احمد جلال بالرحمة والمغفرة والعتق من النيران ودخول الجنة باذن الله ..

اتمنى اكون وفقت وسهلت الكتير عليكم .. دمتم بخير يا طيبين ❤

بشكل رسمي...
امتحانات الترم الثاني الفرقه الاولي يوم 15/6/2021
وامتحانات الترم الثاني الفرقه الثانيه 5/7/2021 لطلبة المعهد الفني الصحي

بوست التجنيد 💀💀
*مواليد شهر ١ الي شهر ٦ بيقدموا في شهر ٧ وبتلبس جيش في شهر ١٠
*مواليد شهر ٧ الي ١٢ بيقدموا في شهر ١٠ وبتلبس جيش في شهر ١
*طب انا هتوظف الأول ولا التعيين الأول 🤔🤔
والله ع حسب احنا السنه الي فاتت اتعينا في نص شهر ٨ ف لحقنا اتعيينا شهرين ونص قبل ما ندخل الجيش
بس بإذن الله هتلحقوا تتعينوا قبل الجيش 💖
*طب انا خدمات طبيه صح 🤗🤗
للأسف ي صديقي😥 معظم دفعه السنه الي فاتت داخليه مش حربيه وانا اولهم طبعا💔😑
بس الدنيا كويسه في الداخليه متقلقوش 🚓🚔
*طب احنا عملنا موقف من التجنيد والنقابه اخدت مننا الأصل نعمل اي 🤔🤔
عادي ي صديقي تعمل موقف من التجنيد جديد هتروح بنفس الطلبات ل نفس المكان الي عملت فيه موقف من التجنيد وهتعمل واحد جديد للوظيفه
*تعرف الموقع هيفتح امتا عشان نتوظف ونخلص🙆‍♂️🙆‍♂️
والله ي صديقي اي حد بيقولك اي ميعاد بيكدب عليك لأن الميعاد بأيد الوزاره فقط وهم باردين اوي بصراحه
*طب انت تتوقع ايه انجز😒
اتوقع الشهر ده بإذن الله هيفتح وهيفتح تسجيل بيانات ورغبات مع بعض
متقلقش هتتعين والله وهتدخل الجيش برضو 💔😂😂

تنوية وتوضيح:
- نظراً لكثرة الأسئلة والإستفسارات عن كيفية الإلتحاق ودخول المعاهد الفنية الصحية والخلط بينها وبين الإلتحاق بمدارس التمريض بعد الإعدادية، لزم التوضيح:
= الإلتحاق بالمعاهد الفنية الصحية بعد المرحلة الثانوية. وعلى النحو الآتى:
1- خريج المدارس الثانوية التمريضية التابعة لوزارة الصحة بدون تنسيق: (يعنى طالب الثانوية التمريضية بعد مابيخلص ال 3 سنوات ثانوى تمريض بينتقل ملفه تلقائياً للمعهد الفنى الصحى التابع لمحافظته عشان يكمل سنتين المعهد وبكده يكون أكمل 5 سنوات تمريض ويحصل على دبلوم فنى تمريض فوق المتوسط ويؤهل للعمل والتكليف)
2- خريج الثانوية العامة شعبة علمى علوم وشعبة علمى رياضة فقط وعن طريق مكتب التنسيق ولنفس سنة النجاح فقط: (يعنى اللى هايدخل المعاهد الفنية الصحية من ثانوى عام همه الطلبة اللى هايمتحنوا الثانوية العامة السنة دى فقط 2021 وبعد نجاحهم إن شاء الله السنة دى هايقدموا فى مكتب التنسيق .. مفيش تنسيق ولا دخول للمعاهد الفنية الصحية للى ناجحين من سنوات سابقة) .. التنسيق للثانوية العامة إقليمى.
3- خريج الدبلوم التجارى نظام ال 3 سنوات فقط شعبتى إدارة عام وتسويق فقط : (يعنى اللى هايدخل المعاهد الفنية الصحية من دبلوم تجارى همه الطلبة اللى امتحنوا دبلوم التجارة السنة دى فقط 2021 وبعد نجاحهم إن شاء الله السنة دى هايقدموا فى مكتب التنسيق .. مفيش تنسيق ولا دخول للمعاهد الفنية الصحية للى ناجحين من سنوات سابقة) .. التنسيق للدبلوم التجارى جغرافى
4- خريج الدبلوم الصناعى نظام ال 3 سنوات فقط شعبتى كهرباء والكترونيات فقط : (يعنى اللى هايدخل المعاهد الفنية الصحية من دبلوم الصنايع همه الطلبة اللى امتحنوا دبلوم الصنايع السنة دى فقط 2021 وبعد نجاحهم إن شاء الله السنة دى هايقدموا فى مكتب التنسيق .. مفيش تنسيق ولا دخول للمعاهد الفنية الصحية للى ناجحين من سنوات سابقة) .. التنسيق للدبلوم الصناعى جغرافى
= المعاهد الفنية الصحية وطبقاً لمكتب التنسيق لا تقبل من الأدبى ولا من الأزهر
= مدة الدراسة سنتين بالإضافة إلى 6 أشهر الإمتياز، يحصل بعدها الخريج على دبلوم المعاهد الفنية الصحية (دبلوم فوق المتوسط) ويكون بعدها مؤهلاً للعمل والتكليف
= قدامك تنسيق المعاهد الفنية الصحية السنة اللى فاتت كدليل استرشادى فقط بالإضافة لجدول التوزيع الإقليمى لخريجى الثانوية العامة

"ماذا لو عاد الحبيب مُعتذراً ؟!"

لم يجد له مسكناً فقد هدم مكانه في قلبي بيده منذ زمن رحيله.. حتى وإن عاد الزمان فمن يُعيد لنا القلوب كما كانت !!...حتى وإن عادوا الأشخاص فمن سيعيد لهفة الحب ذاته !!
كيف يمكنني أن استئمنه على قلبي بعد ذلك ...بأي وجه سأقف أمام قلبي بعد تلك الخيبات والايام السقام التى مرّت عليه ومزقت جدرانه بسبب رحيل ذاك الوغد..
بِـ أي وجه سأنام ع وسادتي بعد ذلك ..تلك التي...
اقتطاف عظيم وعايزين تكملوها صح؟ 😌🌝🌝❤️
😂 يؤسفني اقولكم انها مش كتاباتي وده الجزء المسموح لينا فقط باقتباسه. .... دي كتابات عميد الأدب العربي الجديد وإحدى عظماء القرن الواحد والعشرين فخر العظام...ريحاب احمد ... بنت معهدي 🌺♥️
حقيقي انا اتفاجئت جداااا بقد ايه عندها شغف وطموح واتفاجئت انه كتاباتها منتشره جداااا باسمها على اكبر بيدجات الأدب العربي... يا باشا دي من كتر العظمه نزلت عندنا وده حدث نادر لو تعلموا 😌😌🚶‍♂️🚶‍♂️😂😂😂

😂 ادخلوا تابعوها وادعموها علشان لما تصادفوا اعلان كتابها الجديد يوما ما في معرض الكتاب وتفتخروا وتقولوا الكاتبه دي كانت معهدي... كانت دفعتي تبقي هي عارفاكم وتديكم الكتب ببلاش 🚶‍♂️🚶‍♂️😂😂😂♥️♥️♥️
https://www.facebook.com/كـتابـاتـي-104944994713913/

https://t.me/joinchat/x3IdHNlJd2M5ODg0

توضيح:
- ورد للصفحة سؤال متكرر وهو: "ايه الفرق بين التعيين والتكليف".. لذا لزم التوضيح:
= التعيين هو أن تقوم جهه ما (حكومية كانت او غير حكومية) بإخطارك بأنه قد تم تعيينك فى هذه الجهه،، ومن حقك تقبل هذا التعيين أو ترفضه
= أما التكليف فهو تعيين إجبارى وليس من حقك ترفضه
= نيجى لخريجى المعاهد الفنية الصحية،،،التكليف فى أحد قطاعات وزارة الصحة لخريجى المعاهد الفنية الصحية هو تعيين إجبارى مدته سنتين وخلال السنتين انت موظف عادى جداً وبالدرجة الوظيفية بتاعتك بس مش من حقك تقدم استقالتك
= بعد ماتخلص سنتين التكليف من حقك تقدم استقالتك او تاخد أجازة بدون مرتب لدواعى السفر للخارج مثلاً أو لأى ظرف آخر تقبله الوزارة
= فى حالة عدم تقديمك الإستقالة يستمر تعيينك فى نفس المكان تلقائياً كموظف عادى جداً لحد سن المعاش وتُضاف سنتين التكليف بتوعك فى ملفك كسنتين تعيين عادى ويضافوا أيضاً لسنوات خبرتك
= الطلاب الجُدد اللى بيرشحهم مكتب التسيق لدخول المعهد وهوه بيقدم ملفه بيمضى على إقرار إنه موافق على التكليف ومش من حقه يقدم استقالة خلال فترة تكليفه لما يتخرج
= فترة التجنيد للذكور من خريجى المعهد بتُحتسب من فترة التكليف، بمعنى ان الخريج لو دخل الجيش بيقضى سنة ونص تجنيد وبيخرج يستلم شُغله تانى يوم ، وبعد 6 شهور من عمله فى الجهه اللى اتكلف فيها يبقى كده خلص سنتين التكليف
= سؤال أخير:نفرض إن الخريج مش عايز التكليف ومقدمش مع دفعته على موقع إدارة التكليف، إيه اللى هايحصل؟؟ .. الإجابة: ولا حاجة،، إدارة التكليف هاتلغى تكليفه بمنتهى البساطة ،، بس لو حصلت له ظروف واحتاج للعمل الحكومى بعد فترة وقرر يتكلف الوزارة بترفض تكليفه،، عشان كده الخريج لازم يفكر كويس قبل ما يقرر ترك التكليف
- لزم التوضيح