“Apple” yüksək tələbat səbəbindən ilk qatlanan smartfonu “iPhone Duo” üçün ön sifarişləri hər müştəriyə maksimum 2 cihazla məhdudlaşdırıb. Qayda ABŞ, Yaponiya, Böyük Britaniya və digər ölkələrdəki rəsmi onlayn mağazalarda tətbiq olunur. Müxtəlif yaddaş və rəng variantları seçilsə belə, bir müştəri 2-dən çox cihaz sifariş edə bilmir.

Ətraflı: https://technote.az/mobil-cihazlar/apple-iphone-duo-on-sifarislerini-musteri-basina-2-cihazla-mehdudlasdirdi

“Norforge” kibertəhlükəsizlik şirkətinin araşdırmasına görə, bir haker süni intellekt agentlərindən istifadə edərək 100-dən çox sayta kiberhücum həyata keçirib. Hədəflər arasında “John Deere”, “SharkNinja” və “Cummins” kimi iri şirkətlər də olub. Haker “Cairn” adlı açıq mənbəli AI platformasına 100 Çin simvolundan qısa təlimat verib və agentlər təxminən 23 saat ərzində hücumların böyük hissəsini müstəqil şəkildə həyata keçiriblər.

Ətraflı: https://technote.az/kiberteklukesizlik/haker-suni-intellekt-agentleri-ile-100-den-cox-sayta-daxil-olub

“Google” avtomobillərdəki “Gemini” süni intellekt köməkçisinə “Personal Intelligence” funksiyasını əlavə etməyə başlayıb. Yenilik sayəsində Gemini istifadəçinin icazəsi ilə “Gmail”, “Google Calendar”, “Maps”, “Photos”, “YouTube” və axtarış tarixçəsindəki məlumatlardan yararlanaraq fərdi cavablar verə biləcək.

Ətraflı: https://technote.az/suni-zeka-ve-elm/google-un-gemini-komekcisi-avtomobilde-sexsi-melumatlardan-yararlanacaq

“Meta”nın “Muse” süni intellekt köməkçisi istifadəyə verildikdən sonra ilk 40 gündə 10,9 milyon dəfə yüklənib. Bunun 10,2 milyonu ABŞ-nin payına düşüb. Müqayisə üçün, “ChatGPT” ilk 40 gündə ABŞ-də 3,7 milyon, “Grok” 500 min, “Claude” isə 200 min yüklənmə toplamışdı

Ətraflı: https://technote.az/suni-zeka-ve-elm/meta-nin-suni-intellekt-komekcisi-muse-ilk-40-gunde-109-milyon-yuklenib

Böyük Britaniyanın Rəqabət və Bazarlar İdarəsi “Apple”dan iPhone-lardakı NFC ödəniş sistemini rəqib şirkətlərə daha əlverişli şərtlərlə açmağı tələb edən təklif irəli sürüb. Qurum hesab edir ki, yüksək ödənişlər və texniki məhdudiyyətlər alternativ rəqəmsal pul kisələrinin inkişafına mane olur.

Ətraflı: https://technote.az/tech-biznes/britaniya-qurumu-apple-dan-iphone-odenis-sistemini-reqiblere-acmagi-isteyir

“Spotify” 2026-cı ildə əsasən süni intellektlə kütləvi şəkildə hazırlanan 50 milyon spam və aşağı keyfiyyətli treki tövsiyə sistemindən çıxarıb. Son 6 ayda yenilənən alqoritmlər insan ifaçıların musiqilərinə daha çox üstünlük verir və şübhəli trekləri redaktor pleylistlərindən uzaq saxlayır. Lakin bu, 50 milyon mahnının platformadan tamamilə silindiyi mənasına gəlmir. Spotify virtual ifaçıları “AI Persona” nişanı ilə işarələyir, amma bütün AI musiqilərini bloklamaq üçün ayrıca seçim təqdim etmir.

Ətraflı: https://technote.az/suni-zeka-ve-elm/spotify-50-milyon-spam-treki-tovsiyelerden-cixarib-coxu-ai-ile-hazirlanib

“SpaceX” “Starship” raketinin 15-ci sınaq uçuşunda ilk dəfə hər iki mərhələni havada tutmağa cəhd edəcək. Elon Musk sınağın noyabrda baş tuta biləcəyini açıqlayıb. Plana əsasən, həm “Super Heavy” sürətləndiricisi, həm də “Ship” adlı yuxarı mərhələ eniş qülləsinin mexaniki qolları vasitəsilə tutulacaq. Şirkət əvvəllər “Super Heavy”ni bu üsulla geri qaytarsa da, “Ship” üçün belə əməliyyat ilk dəfə həyata keçiriləcək.

Ətraflı: https://technote.az/texnologiya-xeberleri/spacex-ilk-defe-starship-raketinin-2-merhelesini-havada-tutmaga-cehd-edecek

“General Motors” avtomobillər üçün özünün hazırladığı “OnStar AI Assistant” süni intellekt köməkçisini təqdim edib. Sistem yaxın aylarda ilk dəfə 2027 model “Cadillac Lyriq EV”də istifadəyə veriləcək, daha sonra digər GM avtomobillərinə əlavə olunacaq.

Ətraflı: https://technote.az/neqliyyat/general-motors-avtomobiller-ucun-oz-suni-intellekt-komekcisini-teqdim-etdi

“Anthropic” istifadəçi onunla danışmadığı vaxtlarda belə müstəqil işləyə bilən “Claude Duet” süni intellekt agentini təqdim edib. Yeni xidmət elektron poçtu, təqvimi və digər tətbiqləri izləyərək gündəlik xülasələr hazırlaya, görüşlər planlaşdıra, sənədlər, təqdimatlar və maliyyə modelləri yarada bilir.

Ətraflı: https://technote.az/suni-zeka-ve-elm/anthropic-claude-duet-adli-suni-intellekt-agentini-teqdim-etdi

“Apple”ın gələn həftə, ən gec oktyabrın sonunadək “iOS 27.2” yeniləməsini yayımlayacağı gözlənilir. Yenilənmə iPhone istifadəçilərinə 7 əsas yenilik gətirəcək. Bunlara qrup “FaceTime” zənglərində ön və arxa kameranın eyni anda işləməsi, “Messages” tətbiqində süni intellekt əsaslı ağıllı təkliflər, yenilənmiş “Health” interfeysi və “Podcasts” bölməsində dəyişikliklər daxildir.

Ətraflı: https://technote.az/proqram-teminati/apple-in-ios-272-yenilemesi-iphone-lara-7-esas-yenilik-getirecek

“YouTube” videolardakı bəyənməmə düyməsinin adi izləyicilər üçün gizlədilməyəcəyini açıqlayıb. Son günlər sosial şəbəkələrdə yayılan görüntülər düymənin 3 nöqtəli menyuya köçürüldüyü barədə müzakirələrə səbəb olmuşdu. Şirkət bildirib ki, dəyişiklik yalnız video müəllifləri öz videolarına baxarkən görünəcək və yaxın həftələrdə tətbiq olunacaq.

Ətraflı: https://technote.az/sosial-media/youtube-dan-aciqlama-beyenmeme-duymesi-izleyiciler-ucun-yerinde-qalir

“DeepSeek”in təxminən 15 milyard dollar investisiya cəlb etdiyi bildirilir. Bu, Çində indiyədək keçirilmiş ən böyük maliyyələşmə turlarından biri hesab olunur. Potensial investorlar arasında “CATL” və “Tencent” şirkətləri var.

Ətraflı: https://technote.az/tech-biznes/deepseek-texminen-15-milyard-dollar-investisiya-celb-edib

“Microsoft”un hazırladığı “MAI-DxO” tibbi süni intellekt sistemi xəstəliklərin müəyyənləşdirilməsi üzrə sınaqlarda həkimlərdən daha yüksək nəticə göstərib. Bir neçə süni intellekt agentinin birlikdə işlədiyi sistem mürəkkəb tibbi hallarda 83,2 faiz dəqiqliyə nail olub.

Ətraflı: https://technote.az/suni-zeka-ve-elm/microsoft-un-tibbi-ai-sistemi-sinaqda-umumi-profilli-hekimleri-usteledi

“Canva” süni intellektlə şəkil yaradan “Canva Craft” modelini təqdim edib. Model digər şəkil generatorlarından fərqli olaraq əvvəlcə dizaynın quruluşunu, obyektlərin yerini və ölçüsünü planlaşdırır, daha sonra təsviri yaradır. Bu yanaşma şəkillərdə mətnlərin daha oxunaqlı olmasına və elementlərin düzgün yerləşdirilməsinə kömək edir.

Ətraflı: https://technote.az/suni-zeka-ve-elm/canva-ozunun-ilk-suni-intellekt-sekil-modeli-canva-craft-i-teqdim-etdi

“Apple” ilk “iPod”un 25 illiyi münasibətilə “Apple Music” saytında işlək virtual musiqi pleyeri hazırlayıb. İstifadəçilər orijinal “iPod”da olduğu kimi dairəvi idarəetmə hissəsi ilə mahnı seçə və dinləyə bilirlər. Kataloqda 2000-ci illərin məşhur mahnıları yer alsa da, onların yalnız 1 dəqiqədən bir qədər uzun hissələri səsləndirilir.

Ətraflı: https://technote.az/proqram-teminati/apple-ilk-ipod-un-25-illiyine-virtual-musiqi-pleyeri-hazirlayib

“Apple” ilk qatlanan smartfonu “iPhone Duo”nu 23 oktyabrda satışa çıxarıb. Başlanğıc qiyməti 1999 dollar olan cihaz bir çox mağazada satış başlayandan bir neçə dəqiqə sonra tükənib. ABŞ-də mağazaların qarşısında uzun növbələr yaranıb, onlayn sifarişlərin çatdırılması isə bəzi ünvanlar üçün 2027-ci ilin yanvarınadək uzanıb.

Ətraflı: https://technote.az/mobil-cihazlar/apple-in-ilk-qatlanan-iphone-u-satisa-cixdi-bir-nece-deqiqeye-tukendi

“Valve” “Steam” platformasında istifadəçilərin oyun zövqünə uyğun fərdi tövsiyələr təqdim edən “Personal Calendar” funksiyasını istifadəyə verib. Yeni bölmə yaxın vaxtlarda çıxacaq və yenicə satışa çıxmış oyunları təqvim formasında göstərir.

Ətraflı: https://technote.az/proqram-teminati/valve-steam-de-ferdi-oyun-tovsiyeleri-teqvimini-teqdim-etdi

“Apple”ın ilk qatlanan smartfonu “iPhone Duo”nun daxili ekranında çatların yaranması ilə bağlı şikayətlər artır. Bəzi istifadəçilər cihazı cəmi bir neçə saat istifadə etdikdən sonra menteşədən xırçıldayan səslər gəldiyini və ekranın çatladığını bildirirlər.

Ətraflı: https://technote.az/mobil-cihazlar/apple-in-qatlanan-iphone-duo-sunda-ekran-catlari-ile-bagli-sikayetler-artir

“OpenAI”ın keçirdiyi təhlükəsizlik sınaqlarında süni intellekt agentləri bir-birindən təcrid olunmuş sistemlər arasında gizli məlumat ötürməyin yollarını tapıblar. Agentlərin internet bağlantısı və ortaq faylları olmasa da, eyni fiziki serverdə işlədikləri üçün prosessorun sürətli yaddaşından istifadə edərək məlumat mübadiləsi aparıblar.

Ətraflı: https://technote.az/kiberteklukesizlik/openai-in-suni-intellekt-agentleri-tecridi-asib-gizli-rabite-qurdu

“Reddit” platformasındakı “r/opensource” icması süni intellektdən istifadə edən, AI vasitəsilə hazırlanan və ya AI üçün yaradılan layihələrin paylaşılmasını qadağan edib. Moderatorlar bu qərarı mövcud süni intellekt texnologiyalarının icmanın prinsiplərinə uyğun olmaması ilə əsaslandırırlar.

Ətraflı: https://technote.az/sosial-media/reddit-deki-ropensource-icmasi-ai-isleden-layiheleri-qebul-etmeyecek