Թեմակալ Առաջնորդի պատգամում մատնանշւած էր.-«Հոգեւոր Առաջնորդ Այաթօլահ Սէյեդ Ալի Խամենէյին, նախանձախնդրօրէն ղեկավարեց երկիրը, պաշտպանեց այն եւ երբեք թոյլ չտւեց, որ Իրանի հանրապետութեան ժողովրդի միասնականութիւնն ու երկրի տարածքային ամբողջականութիւնը, որեւէ մէկ ձեւով վտանգւի: Մենք, որպէս փոքրամասնութիւն վկայում ենք իր իմաստուն ղեկավարութեան եւ ժողովրդանւէր ապրումներին. Նա առանց խտրութեան այցելելով ութ ամեայ պատերազմի փոքրամասնութեան նահատակ ընտանիքներին, մեծ գոհունակութիւն էր պատճառում նրանց»:

Կրօնական արարողութիւնից յետոյ Ազգ. Առաջնորդարանի դահլիճում կայացած հանդիպմանը, Խորհրդարանի Պատգամաւոր՝ դկտր. Արա Շահվերդեանն իր ելոյթի ընթացքում դատապարտեց Իրանի դէմ՝ Ամերիկա-Սիոնիստական ագրեսիան, որը հանգեցրեց Երկրի Առաջնորդի, զինւած ուժերի հրամանատարների եւ անմեղ քաղաքացիների՝ կանանց եւ երեխաների նահատակութեան եւ յայտարարեց անվերապահ աջակցութիւնը Իրանի սահմանների հպարտ պաշտպաններին: Պատգամաւորը նշեց, որ Անթիլիասից Արամ Ա. Կաթողիկոսը եւ Էջմիածնից Գարեգին Բ. Կաթողիկոսը ցաւակցական ուղերձներ յղելով երկրի պաշտօնատարներին, իրենց վշտակցութիւնը յայտնեցին Երկրի Առաջնորդի նահատակութեան կապակցութեամբ: Դկտր. Արա Շահվերդեանը յայտնեց, որ Իրանի հայ համայնքը Իսլամական յեղափոխութեան պատմութեան եւ Սրբազան Պաշտպանութեան տարիների ընթացքում ունեցել է ակտիւ եւ պատասխանատու ներկայութիւն տարբեր ոլորտներում՝ Իրանի պաշտպանութեան ճանապարհին հայ նահատակների մատուցումից մինչեւ մասնակցութիւն ազգային երթերին, ազգային արարողութիւններին եւ մշակութային ու տնտեսական գործունէութիւններին։ Այս համայնքը յստակօրէն ապացուցել է, որ Իրանի նկատմամբ պարտաւորութիւնն ու նահատակների մեծարումը վեր է կրօնական եւ ազգային տարբերութիւններից։

Իսլ. Մշակոյթի եւ առաջնորդութեան նախարար Սէյեդ Աբաս Սալէհին, իր ելոյթում նշեց, որ նահատակ Առաջնորդը համոզւած էր, որ Իրանում գոյութիւն ունեցող էթնիկ եւ կրօնական բազմազանութիւնը բաժանարար գործօն չէ, այլ արժէք, որը կարող է ուժեղացնել ազգային համերաշխութիւնը։ Նա մատնանշեց, որ իրանահայերը, ինչպէս երկրի միւս քաղաքացիները, Իրան-Իրաք պարտադրեալ պատերազմի ընթացքում մասնակցել են երկրի պաշտպանութեանը եւ բազմաթիւ նահատակներ են տւել։ Դկտր. Սալէհին ընդգծեց, որ Առաջնորդը մշտապէս առանձնայատուկ ուշադրութիւն էր դարձնում նահատակների ընտանիքներին եւ այցելում էր նաեւ քրիստոնեայ նահատակների ընտանիքներին՝ լինելով նրանց կողքին։ Նա ընդգծեց նաեւ նահատակ Առաջնորդի ճանապարհը շարունակելու կարեւորութիւնը՝ նշելով, որ Իրանի տարածքային ամբողջականութեան պահպանումը եւ ժողովրդի իրաւունքների պաշտպանութիւնը պէտք է մնան առաջնահերթութիւն։

Կրօնական արարողութեանը ներկայ էին Իրանում էթնիկ խմբերի եւ կրօնական համայնքների հարցերով Հանր. նախագահի յատուկ տեղակալ հոջթ. Սէյեդ Մահմուդ Ալաւին, Իսլ. Մշակոյթի եւ առաջնորդութեան նախարար Սէյեդ Աբաս Սալէհին եւ նոյն նախարարութեան տարբեր բաժինների պատասխանատուները, Ի. Իսլ. Խորհրդարանում Թեհրանի եւ հիւսիսային իրանահայութեան պատգամաւոր դկտր. Արա Շահվերդեանը, Ի. Իսլ. Խորհրդարանում հրեաների պատգամաւոր դկտր. Հոմայուն Սամեհ Եահ Նաջաֆաբադին եւ Ի. Իսլ. Խորհրդարանում Թեհրանի պատգամաւորներ՝ դոկտ. Ֆալսաֆին եւ դկտր. Ազիզին, միւս կրօնական փոքրամասնութիւնների հոգեւորականները, Ազգ. Իշխանութեան եւ մարմինների, յանձնախմբերի եւ միութիւնների ներկայացուցիչները, ազգայիններ եւ նկատառելի թւով հայրենակիցներ:

Ազգային Առաջնորդարանի Հանրային Կապ

@tehranprelacy

*ՀԱՂՈՐԴԱԳՐՈՒԹԻՒՆ*

Այսու մեր սիրելի համայնքին տեղեկացնում ենք, որ Հայոց Ցեղասպանութեան 111-ամեակի ոգեկոչման յանձնախմբի գումարւած Անդրանիկ նիստի ընթացքում կատարւեց պարտականութիւնների բաժանում եւ յանձնախմբի դիւանն ընտրւեց ըստ հետեւեալի՝

Մհեր Անդրէասեան Նախագահ
Ժորժ Աղայեան Փոխնախագահ
Լորեթա Ղեւոնդեան Քարտուղար
Անգինէ Առաքելեան Գանձապահ
Ժորժիկ Խուդավերդեան
Մարիա Ղազարեան
Էդմոնդ Բաբաջանեան
Արին Բանդարեան
Համլետ Խաչատրեան
Արմիդա Գրիգորեան
Արմոնդ Մովսէսեան
Անուշիկ Աբդալեան

Նիստի ընթացքում Թեմական խորհրդի ատենապետ Վարուժ Յովհաննիսեանը յաջողութեան մաղթանքով նշեց, որ յանձնախումբն ըստ երկրի իրավիճակի եւ կամքից անկախ պայմաններում ուշ է կեանքի կոչւել եւ կարեւորեց ոգեկոչման ծրագրւելիք միջոցռումների գործադրումը եւ կատարելու եղանակը՝ նկատի առնելով տիրող պայմանները:

@tehranprelacy

Յանձնախմբի կողմից նաեւ կարեւորեց Հայոց ցեղասպանութեան ոգեկոչման ծրագրերի բովանդակութիւնը եւ միջոցառումների կազմակերպւածութիւնը, համայնքի բոլոր անդամների միահամուռ եւ անխտիր ներկայութիւնը, մասնաւորապէս դպրոցականների եւ երիտասարդ սերնդի ներկայութիւնը, որոնք առաւել ներկայանալի կը դարձնեն կազմակերպելիք ծրագրերը։ Յանձնախումբը նախաքայլ աշխատանքների յանձնարարութիւնները կատարեց անդամներին, գալիք նիստերին վաւերացնելու եւ կատարելու համար։

Թ.Հ.Թ. ԹԵՄԱԿԱՆ ԽՈՐՀՈՒՐԴ
09 ԱՊՐԻԼ 2026թ.

@tehranprelacy

ՏԵՂԵԿԱՆՔ

Սիրելի՛ Հայրենակիցներ,

Տեղեկացնում ենք, որ յառաջիկայ ուրբաթ՝ 24 ապրիլ 2026 թւականին, Հայոց Ցեղասպանութեան 111-ամեակի ոգեկոչման առիթով, Նոր Բուրաստան գերեզմանատունը փակ է:

Թ.Հ.Թ. ԹԵՄԱԿԱՆ ԽՈՐՀՈՒՐԴ

@tehranprelacy