⭕ *Թեհրանի Սասուն թաղամասի արտակարգ իրավիճակների շտաբը՝ պատրաստ մարտահրաւէրներին*

🔹*«Այսօր` հինգշաբթի, մարտի 19-ին Սասուն թաղամասի Հ. Մ. «Սիփան» միութեան յարկի ներքոյ տեղի ունեցաւ հանդիպում՝ Թ. Հ. Թ. Թեմակալ առաջնորդ Տ. Սեպուհ արք. Սարգսեանի օգնական Տ. Առաքել աբեղայ Գատեհճեանի, թաղամասի արտակարգ իրավիճակների շտաբի (Թեմական խորհրդի շտաբի թաղային մասնաճիւղ) անդամների, ինչպէս նաեւ Հ. Մ. «Սիփան» միութեան վարչութեան եւ վաստակաշատ անդամների մասնակցութեամբ։

🔹Հանդիպմանը ներկայ էին նաեւ Թ. Հ. Թ. Թեմական խորհրդի ատենապետ Վարուժ Յովհաննիսեանը եւ խորհրդի անդամներից երեքը։*

@alikonline

⭕*Շտաբի կատարած աշխատանքների ներկայացում
*
🔹_Հանդիպման սկզբում շտաբի պետ Արմոնդ Թահմազեանը ներկայացրեց շտաբի կատարած աշխատանքները։ Նա նշեց, որ շտաբի կեանքի կոչւելու առաջին քայլը եղել է հանդիպում՝ Իրան-Իրաք պատերազմի տարիներին նոյն առաքելութեամբ զբաղւող անձանց հետ, յատկապէս Հայկազ Շիրւանեանի հետ՝ փորձի եւ իմացութեան փոխանցման նպատակով։

🔹Արմոնդ Թահմազեանը տեղեկացրեց նաեւ, որ այդ փորձի հիման վրայ շտաբը նախաձեռնել եւ իրականացրել է ապաստարանների նշանակման եւ անհրաժեշտ պաշարներով ապահովման աշխատանքներ, որպէսզի հարկ եղած դէպքում հնարաւոր լինի բնակիչներին ժամանակաւորապէս ապաստան տրամադրւի։

🔹Նրա խօսքով՝ ապաստարանները նախատեսւած են հիմնականում կարճ ժամանակահատւածի համար, յատկապէս՝ օդային տագնապների ժամանակ։ Միաժամանակ քննարկւել է նաեւ կեցութեան վայր ապահովելու հարցն այն հայրենակիցների համար, ովքեր նման իրավիճակներում զգում են միայնակ չմնալու անհրաժեշտութիւնը։

🔹Այս նպատակով ընտրւած են «Թունեան» դպրոցի եւ «Սասուն» մանկապարտէզի շէնքերը։

@alikonline

🔹Շտաբի պետը Թեմական խորհրդի ներկայացուցիչներին դիմելով՝ հետաքրքրւեց յատկապէս թաղային հիմնարկների կարողութիւններով նաեւ։_

@alikonline

⭕*Թեմական խորհրդի գնահատականը*

🔹_Թեմական խորհրդի ատենապետ Վարուժ Յովհաննիսեանը ընդգծեց, որ թաղային շտաբների կատարած աշխատանքը գնահատելի է այն առումով, որ դրանց արդիւնքը տեսանելի է դառնում միայն համապատասխան իրավիճակներում։ «Չերեւացող աշխատանքը երբեմն կարող է թւալ չկատարւած, մինչդեռ բոլորս երազում ենք, որ այնպէս մնայ իրավիճակը, որպէսզի հայրենակիցներին շարունակի աննկատ մնալ շտաբների կատարած հսկայական աշխատանքները»,– նշեց նա։

🔹Նա նաեւ յաւելեց, որ պատահական չէ, որ շտաբի աշխատանքներով զբաղւող անհատները եւս կենտրոնանում են Հ. Մ. «Սիփան» միութեան յարկի տակ, քանի որ այս միութիւնը միշտ եղել է այն կենտրոններից մէկը, որտեղ մարդիկ համախմբւել են համայնքը պաշտպանելու նպատակով՝ յատկապէս յեղափոխութեան օրերին եւ Իրան–Իրաք պատերազմի տարիներին։_

@alikonline

⭕*Միութիւնների համագործակցութիւնը*

🔹_Հ. Մ. «Սիփան» միութեան անունից խօսեց նաեւ Հայկազ Շիրւանեանը, ով բարձր գնահատելով շտաբի գործունէութիւնը՝ նշեց, որ թաղամասի միւս միութիւններից եւս ներկայացուցիչներ ներգրաււած են շտաբի կազմում։ Մասնաւորապէս Հ. Մ. Մ. «Րաֆֆի» համալիրից եւս կայ ներկայացուցիչ, ինչի շնորհիւ միութիւնների միջեւ ձեւաւորւել է օրինակելի համագործակցութիւն՝ շտաբի աշխատանքների աւելի արդիւնաւէտ կազմակերպման ուղղութեամբ։_

@alikonline

⭕*Սրբազան Հօր պատգամը*

🔹_Տ. Առաքել աբեղայ Գատեհճեանը, ներկաներին փոխանցելով Սրբազան Հօր օրհնութիւնն ու սէրը, նշեց, որ իրանահայութեան ներկայ իրավիճակի մասին, ինչպէս նաեւ նախորդ օրը Զէյթուն թաղամասի շտաբի հետ ունեցած հանդիպման մասին զեկուցւել է Վեհափառ Հայրապետին։

🔹«Վեհափառը թելադրեց փոխանցել, որ մտքով ու հոգով սիրելի իրանահայութեան հետ է եւ աղօթում է, որ համայնքը շուտով յաղթահարի այս դժւարին օրերը եւս»,– նշեց նա։

🔹Հայր Սուրբը նաեւ ընդգծեց, որ շտաբի կամաւորների կատարած աշխատանքը յաճախ անշնորհակալ գործ է։ «Այսինքն՝ դուք չէք կարող սպասել շնորհակալութիւնների։ Նման առաքելութիւնների պարագայում միշտ այդպէս է։ Աստւած օրհնէ Ձեզ եւ Ձեր ընտանիքները, որոնք նոյն դժւարութիւններն ու մտահոգութիւնները կրելով՝ կանգնած են համայնքի կողքին»,– ասաց նա։

🔹Տ. Առաքել աբեղայ Գատեհճեանը տեղեկացրեց նաեւ, որ առաջնորդի կարգադրութեամբ թաղային շտաբների կազմում ընդգրկւել են նաեւ հոգեւորականներ։ Սասունի շտաբին այսուհետ կը միանայ Տ. Սարգիս քհնյ. Խոսրովեանը։_

@alikonline

⭕*Ժողովրդին ծառայելը որպէս Աստծուն ծառայութիւն**

🔹_Իր խօսքի աւարտին Հայր Սուրբը յիշեցրեց Դպրեվանքի տարիներից մի կարգախօս. «Մենք Աստծուն ծառայում ենք՝ հայ ժողովրդին ծառայելու միջոցով»։ Նա յաւելեց, որ ժողովրդի ուրախութիւնն ու երախտագիտութիւնը ի վերջոյ հասնում են նրանց, ովքեր ծառայել են համայնքին։ «Սիրիայի եւ Լիբանանի պատերազմներից տարիներ են անցել, սակայն այդ օրերին շտաբների օգնութեանը դիմած մարդիկ այսօր էլ խոր յարգանքով են յիշում շտաբի անդամներին։

🔹Աստւած իւրաքանչիւրին իր ձեւով է օրհնում, եւ իւրաքանչիւրը իւրովի է զգում Աստծոյ ներկայութիւնը»,– եզրափակեց նա։_

@alikonline

*⭕ՏԵՂԵԿԱՆՔ

🔹Սիրելի հայրենակիցներ
Ձեզ ենք տեղեկացնում, որ Հ. Մ. «Սարդարապատ» միութեան վարչութեան նախաձեռնութեամբ կազմակերպւել է Սարդարապատ թաղամասի մարմինների կողմից ներկայ պատերազմական օրերին առնչւող շտաբ, ուստի ներկայացնում ենք յանձնախմբի անւանացանկը
1- Հ. Մ. «Սարդարապատ» միութիւն Ռազմիկ Այդինեան
2- Սրբոց Վարդանանց եկեղեցու Եկեղեցական խորհուրդ Անիթա Ստեփանեան
3- «Հայ կին» միութեան կից «Անի» միութիւն Քլոդէթ Տէր Յովսէփեան
4- Յանձնախմբի համադրող եւ քարտուղար Ժասմենա Առաքելեան

🔹Յանձնախմբի հետ կապ ստեղծելու համար նախատեսւել է հեռախօսահամարներ

📌Յանձնախմբի պատասխանատու
Ռազմիկ Այդինեան 09121050234

📌Հ. Մ. «Սարդարապատ» միութիւն 88403421

📌Սրբոց Վարդանանց եկեղեցի 77560655

📌«Հայ կին» միութեան կից «Անի» միութիւն 77584870
*
_Յարգանօք Սարդարապատ թաղամասի շտաբ_

Նա նաեւ իր գնահատանքը յայտնեց թաղամասի շտաբում ներգրաււած երիտասարդների ներկայութեան հարցով եւ նշեց, որ միութեան յարկի տակ կազմակերպւել էր նախնական բուժօգնութեան դասընթացներ, ներկայութեամբ
«Ա. Աւետիսեան» բուժարանի բուժքոյր Ժասմենա Իսկանդարեանի։
Հանդիպմանը Վարուժ Յովհաննիսեանը ընդգծեց, որ ելնելով պատերազմական իրավիճակից Թեմական խորհուրդը պատերազմի առաջին իսկ օրերին կեանքի կոչեց Կենտրոնական շտաբ, որը հայաշատ թաղամասերում Կենտրոնում, Սասունում եւ Զէյթունում, եւս կեանքի կոչեց շտաբներ, անհրաժեշտ պայմաններում հայրենակիցներին օգնութիւն ցուցաբերելու նպատակով, սակայն Սարդարապատ թաղամասի համար սկզբում առանձին շտաբ նկատի չէր առնւել եւ թաղամասը ներգրաււած էր Զէյթուն քաղաքամասի շտաբում, սակայն Մուշեղ Ծատուրեանի կողմից ներկայացւած առաջակութեան հիմամբ, Թեմական խորհուրդը ընդառաջեց յիշեալ շտաբի կազմաւորումը։
Նա ընդգծեց, որ շտաբները նախապատրաստական միջոցներ են ձեռնարկել, որպէսզի պատերազմից տուժածներին, սկզբնական անհրաժեշտ օգնութիւնները ցուցաբերեն եւ կարեւորեց նաեւ ԿՕՄ-ի դերը։
Նա նշեց, որ Զէյթուն թաղամասի շտաբը գլխաւորութեամբ Ֆրէդ Աշուղեանի մի քանի պարագաներում իր անմիջական օժանդակութիւնն է ցուցաբերել տուժած ընտանիքներին եւ նշեց, որ «Ա. Աւետիսեան» բուժարանը եւս շուրջօրեայ սպասարկութեան ռեժիմով է աշխատում։
Նա գնահատանքով անդրադարձաւ Իրանի Իսլ. խորհրդարանում Թեհրանի եւ հիւսիսային իրանահայութեան պատգամաւոր Արա Շահվերդեանի անվերապահ եւ աչալուրջ մօտեցումների կապակցութեամբ եւ Հայր Սուրբի բծախնդրութիւնը շտաբներ այցելելու հարցով։
Նա աւելացրեց, որ Սրբազան Հօր կարգադրութեամբ շտաբներում ներգրաււած են հոգեւորականներ։

Հանդիպմանը Զէյթուն թաղամասի շտաբի պետ Ֆրէդ Աշուղեանը եւս անդրադարձաւ շտաբի նախաձեռնութիւններին։
Հանդիպմանը եզրափակիչ խօսքով Հայր Սուրբը ընդգծեց, որ շտաբներ կատարած այցերի կապակցութեամբ անձամբ հաղորդում է Ն.Ս.Օ.Տ.Տ Արամ Ա Վեհափառ Հայրապետին եւ Սրբազան Հօրը, որոնք իրենց օրհնութիւնն են փոխանցել։
Հայր Սուրբը շտաբները նմանեցրեց բարի Սամարացու օրինակին, որը օգնեց նրան, ով օգնութեան կարօտ էր եւ ընդգծեց, որ շտաբները համայնքի համար յոյսի, մխիթարութեան եւ ապահովութեան աղբիւր են։
Վերջում Թեմական խորհրդի ատենապետը, Հայր Սուրբը եւ շտաբների նեկայացուցիչները, ԿՕՄ-ի պատասխանատուի եւ քահանայ հօր հետ միասին այցելեցին «Սահակեան» բարեսիրական կենտրոն ,որտեղ Մուշեղ Ծատուրեանը անդրադարձաւ ԿՕՄ-ի աշխատանքների մասին, եւ կարեւորեց պատգամաւոր Արա Շահվերդեանի դերը պետական նպաստների տրամադրան գործում։
Վերջում Հայր Սուրբը այցելեց կենտրոն տեղափոխւած ԻԱՄՄ միութեան պահակ Վիլիամ Բէյթին, ով տեղափոխւել է կենտրոն յետ այնու, երբ միութեան շէնքը վթարի էր ենթարկւել ռմբակոծութեան հետեւանքով, նաեւ թաղամասում գտնւող հայ տիկնոջ Սիլւարդ Բաբայեանի բնակարանը։

Թղթակցութիւնը ԿԱՐԻՆԷ ԴԱՒԹԵԱՆԻ

@alikonline

🔹 Հայր Սուրբը օրերս Սարդարապատ թաղամասում Սրբոց Վարդանանաց եկեղեցու քահանայ հայր Տ. Մաշտոց Խաչատրեանի հետ այցելել էր նոյն թաղամասում բնակւող եւ պատերազմի հետեւանքով վիրաւորւած Սիլվարդ Բաբայեանին, ով արդէն ապաքինման փուլում է եւ աղօթել նրա առողջութեան համար:

@alikonline

ՏԵՂԵԿԱՆՔ

Սիրելի՛ Հայրենակիցներ,
Տեղեկացնում ենք, որ պատերազմական ճգնաժամային այս օրերին, կենտրոնական շտաբը եւ թաղամասերում աշխատող շտաբները աչալրջօրէն եւ կանոնաւոր կերպով հետեւում են մեր հայրենակիցների հաւանական խնդիրներին եւ պատերազմից տուժածների ու վիրաւորների իրավիճակին:

Սակայն նկատի ունենալով, որ կարող են լինել պարագաներ, որոնց մասին տեղեկացւած չենք լինում, խնդրում ենք որեւէ յստակ տեղեկութիւն ունենալու դէպքում կապ հաստատել ազգ. Առաջնորդարանի թէժ գծի հետեւեալ հեռախօսահամարներով՝
02188907901
09102293213

ԹԷԺ ՇՏԱԲ

@tehranprelacy

ՅԱՅՏԱՐԱՐՈՒԹԻՒՆ

Այսու Թեհրանի մեր հաւատացեալ ժողովրդի զաւակներին յայտնում ենք, որ հովանաւորութեամբ Թեմիս Առաջնորդ Գերշ. Տ. Սեպուհ Ս. Արք. Սարգսեանի՝ կիրակի, 29 մարտ 2026 թւականին ԾԱՂԿԱԶԱՐԴ տօնի առիթով, Թեհրանի Ս. Սարգիս, Սրբ. Թարգմանչաց, Ս. Գրիգոր Լուսաւորիչ եւ Ս. Մինաս եկեղեցիներում տեղի է ունենալու Ս. եւ Անմահ Պատարագ:

Ս. Սարգիս եկեղեցում օրւայ առիթով պատարագելու է Թեմակալ Առաջնորդի օգնական՝ Հոգշ. Տ. Առաքել Աբղ. Գատեհճեանը:

Սկիզբ Ս. Պատարագի՝ ժամը 10։00-ին
Քարոզ՝ ժամը 11:00-ին

ԴԻՒԱՆ ԱԶԳԱՅԻՆ ԱՌԱՋՆՈՐԴԱՐԱՆԻ
ԹԵՀՐԱՆԻ ՀԱՅՈՑ ԹԵՄԻ

@tehranprelacy

Տների եւ փողոցների մաքրութիւն
- Դիմել շրջանի ճգնաժամային կառավարման յատուկ կենտրոն կամ զանգահարել 1811 համարին
- Ջիհադական խմբերի ուղարկում

Յարգելի քաղաքացիները կարող են բոլոր վերոնշեալ գործընթացները կատարել 1811 համարին զանգահարելով կամ «Շահրզադ» կայքէջի եւ բջջային հեռախօսի «Շահրզադ» ծրագրի միջոցով:

@tehranprelacy

ԵԹԷ ՊԱՏԵՐԱԶՄՈՒՄ ՎՆԱՍ ԵՆՔ ԿՐԵԼ, Ի՞ՆՉ ԱՆԵՆՔ

Տների ապակիների, պատուհանների եւ դռների վնաս
- Լուսանկար եւ տեսանիւթ պատրաստել
- Փոխարինել եւ կնքւած գնաթերթիկը շրջանի քաղաքապետարանին յանձնել եւ գումարն ստանալ կամ շրջանի քաղաքապետարանի միջոցով փոխարինել

Վնասւած աւտոմեքենայ
- Լուսանկար եւ տեսանիւթ պատրաստել (աւտոյի համարի, վնասի վայրի եւ վնասւածքի բաժնի պարզ նկարագրութիւն)
- Դիմել շրջանի ճգնաժամային կառավարման յատուկ կենտրոն
- Ստանալ դէպքի վայրի ոստիկանութեան հաստատումը
- Սկսել գնահատման գործընթացը «Իրան» ապահովագրական ընկերութեան կողմից

Վնասի չափի գնահատումը եւ վճարումը «Իրան» ապահովագրական ընկերութեան պարտականութիւնն է

Արտակարգ պայմաններում բնակեցում
- Դիմել շրջանի ճգնաժամային կառավարման յատուկ կենտրոն
- Տան պայմանների ստուգում
- Արտակարգ պայմաններում բնակեցման ձեւաթղթի լրացում
- Հիւրանոցին կամ բնակելի համալիրին ներկայացում

Պատուհաններին վնաս ստացւած պարագաները, արտակարգ պայմաններում բնակեցմանը չեն ներառւում

@tehranprelacy