«Սիրելի հաւատացեալ քոյրեր եւ եղբայրներ, առաջին հերթին ուզում եմ Աստծուն փառք տալ, որ հակառակ մեր շուրջը տեղացող ռումբերին մեր գաղութը նւազագոյն վնասով պատերազմին դիմադրել է։ Բոլորս էլ գիտենք, որ պատերազմը աւեր է, մահ է ու աւերւածութիւն։ Տօնական այս օրերին մենք կրկնակիօրէն Աստծուն փառք ենք տալիս Իր հայրական հովանաւորութեան համար։

Բոլորս էլ իմանում ենք, սիրելիներ, որ ծաղկազարդը մեր եկեղեցու պայծառագոյն այն տօներից է, որով մենք մեր եկեղեցիներում խորհրդանշականօրէն դիմաւորում ենք մեր Տէր Յիսուս Քրիստոսի մուտքը Երուսաղէմ։

Այո՛, Երուսաղէմ մուտքը Քրիստոնէական եկեղեցու գեղեցկագոյն տօներից է, որի միջոցով զգում ենք Քրիստոսի ներկայութիւնը մեր մէջ։ Բնութեան ծաղկազարդումի հետ, մենք էլ Քրիստոսին մեր մէջ ընդունելով կը ծաղկազարդւենք, կը վերանորոգւենք ու մեր կենաքին նոր իմաստ կը տանք։

Ծաղկազարդի դրւագը Սւետարանական պատումներով մեզ յուշում է Քրիստոսի երկրորդ գալստեան պատմութիւնը, որի ակնկալութեամբ ողջ Քրիստոնեայ աշխարհը ապրում է։ Ի՜նչ գեղեցիկ էր տեսարանը Քրիստոսի Երուսաղէմ մուտքի, երբ Աւետարանիչների գրչով մեզ նկարագրել է անմեղ մանուկների եւ հաւատացեալ ժողովրդի «Ովսաննա»ներով դիմաւորումը Նրան։ Երեւի պատմութեան մէջ հազւադէպ երեւոյթ է սա, որ մեզ մղում է մտածելու եւ ըստ այնմ կողմնորոշւելու։

Աղօթենք, սիրելիներ որ Ծաղկազարդի այս օրւայ խորհրդով Տէրը օրհնի մեզ եւ մեր ժողովրդին, ինչպէս նաեւ վերջ դնի մեր շուրջը տիրող պատերազմական վիճակին՝ խաղաղութիւն պարգեւելով բոլորին։ Յիշենք անմեղ մանուկների շրթներից արտասանած բառերը՝․«Օրհնեալ է Թագաւորը, որ գալիս է Տիրոջ անունով խաղաղութիւն երկնքում եւ Փառք բարձրեալին»: Այո՛, մենք իսկապէս խաղաղութեան կարիք ունենք եւ դրա համար պիտի աղօթենք, որպէսզի կարողանանք հանգիստ սրտով դիմաւորել եւ ընդունել մեր Տէրը մեր հոգիներում: Այժմ եւ միշտ եւ յաւիտեան յաւիտենից, Ամէն»։

Կրօնական արարողութեանը ներկայ էին Ի. Իսլ. Խորհրդարանում Թեհրանի եւ հիւսիսային իրանահայութեան պատգամաւոր Արա Շահվերդեանը, Թեմական խորհրդի ատենապետ Վարուժ Յովհաննիսեանը եւ նոյն խորհրդի, Ազգ. Մարմինների եւ Եկեղեցական խորհուդների ներկայացուցիչները եւ հաւատացեալ ժողովուրդ:

Ազգային Առաջնորդարանի Հանրային Կապ

@tehranprelacy

⭕*Հայաստանի Հանրապետութիւնում Իրանի Իսլամական Հանրապետութեան դեսպան Խալիլ Շիրղոլամին ցաւակցութիւն է յայտնել Յովհաննէս Սիմոնեանի նահատակութեան կապակցութեամբ։

Իրանի դեսպանն իր ուղերձում, դիմելով նահատակի ընտանիքին եւ հայ համայնքին, նշել է, որ ԱՄՆ-ի եւ Իսրայէլի յանցաւոր գործողութիւնների հետեւանքով տեղի ունեցած վայրագ յարձակումների ընթացքում այդ քաջարի զաւակի նահատակութեան լուրը խոր ցաւ եւ վիշտ է պատճառել։

Նա ընդգծել է՝ իրանահայ համայնքը մշտապէս կանգնած է եղել միւս իրանցիների կողքին՝ պաշտպանելով հայրենի հողը, Իրանի պատիւն ու իրանցու արժանապատւութիւնը, եւ իր զաւակներին նւիրել հայրենիքին։

Դեսպանը նահատակի ընտանիքին ու հարազատներին մաղթել է համբերութիւն եւ մխիթարութիւն։
@alikonline

خانواده محترم شهید هوانس سیمونیان،
جامعه محترم هموطنان ارمنی،

خبر شهادت آن شهید عزیز در حملات وحشیانه امریکا و اسرائیل جنایتکار مایه تاثر بسیار گردید. جامعه ارامنه ایران عزیز، همواره در کنار سایر ایرانیان، در دفاع از خاک میهن و شرف و حیثیت ایران، ایستاده و فرزندان خود را تقدیم مام میهن کرده است.

برای آن شهید عزیز علوّ درجات و برای شما و همه وابستگان صبر و اجر مسألت می نمایم.

خلیل شیرغلامی
سفیر جمهوری اسلامی ایران در ارمنستان
@alikonline

Սոցիալական պատասխանատւութիւն եւ հոգեկան առողջութիւն.
Ինչպե՞ս պահպանել հանգստութիւնը

Կարճ դադար՝ նախքան լուրի տարածում
Իւրաքանչիւր լուրն ուղարկելուց առաջ մի փոքր մտածէք, թէ արդեօ՞ք այս հաղորդագրութիւնը օգտակար է, թէ՞ միայն տագնապ է առաջացնելու:

Լուրերին հետեւելու ժամանակի տնօրինում
Սթրեսը վերահսկելու համար լուրերը առաւելագույնը երեք ժամ մէկ հետեւէք:

Երեխաների հոգեկան աշխարհի պաշտպանութիւն
Երեխաներին հեռու պահէ՛ք պատերազմի կոպիտ մանրամասնութիւններից ու քննարկումներից:

Պատասխանատու վերահրապարակում
Հարկ է իմանալ, որ իւրաքանչիւր լուրի վերահրապարակումը կարող է ազդել հասարակութեան հանգստութեան կամ լարւածութեան վրայ:

@tehranprelacy

Կարգ Չարչարանացը (Խաւարման Գիշեր), Քրիստոսի մատնութեան եւ չարչարանքների յիշատակն է: Սոյն արարողութեան մասնակիցները ունկնդրում են Աւետարանից եօթ ընթերցումներ, որոնք բովանդակում են Գէթսեմանիի պարտէզում Քրիստոսի աղօթքը, Յուդայի մատնութիւնը, Յիսուսի յանձնումն ամբոխին, ձերբակալութիւնը, չարչարանքները, խաչելութիւնը, մահը, Պետրոսի երեք անգամ ուրացութիւնն ու զղջումը:

Արարողութեան ընթացքում, երբ «Փառք ի բարձունս»-ի աւարտին մարեցին եկեղեցու բոլոր լոյսերը եւ երգւեց յուզիչ եւ հոգեզմայլ «Ու՞ր ես մայր իմ»-ը, եկեղեցիներում ներկայ հաւատացեալ ժողովուրդը վերապրեց Քրիստոսի երկրաւոր կեանքի վերջին հանգրւանը եւ վկան եղաւ այն վերաբերմունքի, որ մարդկութիւնը ունեցաւ աշխարհին որպէս փրկիչ աշխարհ եկած Քրիստոսի նկատմամբ:

Հայր Սուրբն իր քարոզի ընթացքում ասաց.-««Ու՞ր ես մայր իմ» եկեղեցական երգի հեղինակը, այսպէ՛ս է նկարագրում Խաչի վրայ Քրիստոսի ապրած հոգեվիճակը: Քրիստոսը փնտռում էր իր մօր, որովհետեւ այն առաքեալները, ովքեր ասել էին.-«Դու Աստծոյ Որդին ես», «Մենք Քեզ երբեք չենք թողնի», «Մինչեւ մահ Քո հետեւից կը գանք», մահից սարսափելով եւ վախենալով, իրեն մենակ էին թողել: Նա փնտռում էր իր մօր, որովհետեւ մարդկանց կողմից մատնւելուց, մահւան դատապարտւելուց, ծաղրանքի ենթարկւելուց, չարչարւելուց եւ խաչւելուց յետոյ, իր մօր ծնողական սիրոյ կարիքն ունէր: Նա փնտռում էր իր մօր, որովհետեւ իմանում էր թէ միակ անձը, որ իրեն անկեղծութեամբ եւ սրտանց էր սիրում, Իր մայրն էր:

Հայր Սուրբը յաւելեց.-«Այս պատերազմական օրերին, Քրիստոսի նման մենք էլ ասում ենք.-«Ու՞ր ես Աստւած, մեր աչքերը արցունքով են լցւած, ոչ ոք չունենք որ սրբի դրանք»:

Նա իւրաքանչիւր ուխտաւորի սրտի թարգմանը հանդիսանալով, դիմեց Խաչեալ Փրկչին, ասելով.-«Ո՜վ Յիսուս, Դու որ տառապեցիր, տե՛ս Քո որդիների տառապանքը եւ գթա՛ նրանց: Ո՜վ Քրիստոս, Դու որ չարչարւեցիր, տե՛ս Քեզ հաւատացողների չարչարանքը եւ փրկի՛ր նրանց: Ո՜վ Աստւածորդի, Դու՛ որ ցաւեցիր, տե՛ս Քո հետեւորդների ցաւերը եւ օգնի՛ր նրանց: Ո՜վ Խաչեալ Տէ՛ր, Դու որ դառն բաժակից խմեցիր, տե՛ս Քո սուրբ անունը կրողների դառնութիւնը եւ ողորմի՛ր նրանց: Տէ՜ր, Դու խոստացար մեզ տալ մի այնպիսի խաղաղութիւն, որ այս աշխարհի խաղաղութիւնից տարբեր է, խնդրում ենք Քո խաղաղութիւնը հաստատի՛ր մեր հոգիներում, մեր սրտերում, մեր մտքերում, մեր ժողովրդի կեանքում, մեր երկրում եւ խռովայոյզ այս աշխարհում»: «Քո Սուրբ եկեղեցին եկած ուխտաւորներս երկրպագում ենք Քո Սուրբ Խաչին, փառաւորում ենք Քո մատնութիւնը, չարչարանքներն ու խաչելութիւնը, ասելով.-«Սուրբ Աստւած, Սուրբ եւ Հզօր, սուրբ եւ անմահ, որ մատնեցար, չարչարեցար ու խաչեցար վասն մեր, ողորմեայ մեզ»: Այժմ եւ միշտ եւ յաւիտեանս յաւիտենից: Ամէն:

Թեմիս եկեղեցիներում կրօնական արարողութեանը ներկայ էին Ի. Իսլ. Խորհրդարանում Թեհրանի եւ հիւսիսային իրանահայութեան պատգամաւոր Արա Շահվերդեանը, Թեմական խորհրդի, Ազգ. Մարմինների եւ Եկեղեցական խորհուրդների ներկայացուցիչները եւ հաւատացեալներ:

Ազգային Առաջնորդարանի Հանրային Կապ

@tehranprelacy