✨✨✨✨✨✨✨✨✨✨✨✨✨✨✨✨✨✨✨✨✨✨📖 2026–2027 ուսումնական տարւայ վերամուտը Թեհրանի հայկական կրթօջախներում

Սոյն թւականի սեպտեմբերի 23-ին Թեհրանի հայկական դպրոցներում և մանկապարտէզներում հանդիսաւորութեամբ ազդարարւեց 2026–2027 ուսումնական տարւայ մեկնարկը։ Կրթօջախներում տիրում էր տօնական ու ոգևորիչ մթնոլորտ․ վերամուտի հանդիսութիւնները ուղեկցւեցին գեղեցիկ ծրագրերով՝ ընդգծելով գիտելիքի, կրթութեան և ազգային արժէքների կարևորութիւնը։

📖 Վերամուտի առիթով դպրոցներն ու մանկապարտէզերը հիւրընկալեցին ազգային իշխանութեան ներկայացուցիչներին և քահանայ հայրերին։ Տէրունական աղօթքով և Իրանի օրհներգով մեկնարկեց նոր ուսումնական տարին։

📖 Իրանի Իսլամական Խորհրդարանի հիւսիսային իրանահայութեան պատգամաւոր դոկտոր Արա Շահվերդեանը՝ ազգային մարմինների ներկայացուցիչների ընկերակցութեամբ, այցելեց հայոց ազգային «Թունեան-Թովմասեան» դպրոց։
Թեմական և Կրթական խորհուրդների ներկայացուցիչներն էլ այցելեցին նաև այլ կրթօջախներ։

📖 Ներկաները աշակերտութեանն ու կրթական անձնակազմին փոխանցեցին շնորհաւորանքի և օրհնութեան խօսքեր՝ մաղթելով նոր ուսումնական տարւայ բարեյաջող, արդիւնաւէտ և արգասաբեր ընթացք։

📖Յատկանշական է, որ Թեհրանի հայոց թեմի Պատգամաւորական ժողովի հաստատմամբ՝ այս տարեշրջանից «Նայիրի» տարրական դպրոցի առաջինից վեցերորդ դասարանների աշակերտները եւ «Սողոմոնեան» դպրոցի 7-րդ, 8-րդ եւ 9-րդ դասարանների աշակերտները տեղափոխւել են «Թովմասեան» դպրոցի աջակողմեան մասնաշէնք, իսկ «Սողոմոնեան» դպրոցի 10-րդ, 11-րդ եւ 12-րդ դասարանների աշակերտները՝ «Մարիամեան» դպրոց։

📖 Նոր տարեշրջանը դիմաւորւեց մեծ ոգևորութեամբ և լաւատեսութեամբ՝ նոր գիտելիքների, նոր հնարաւորութիւնների և նոր ձեռքբերումների ակնկալիքով։

❗️Թ.Հ.Թ. Կրթական խորհրդի հանրակապ