Ս. Գէորգ Զօրավարի տօնի առիթով, հինգշաբթի եւ ուրբաթ թւականիս սեպտեմբերի 24-ին եւ 25-ին, Ս. Գէորգ Եկեղեցում, տեղի ունեցաւ հսկումի արարողութիւն, իսկ շաբաթ սեպտեմբերի 26-ի առաւօտեան մատուցւեց ուխտի Սուրբ եւ անմահ Պատարագ:
Գէորգ զօրավարը ծնունդով Կապադովկիացի էր եւ մեծացել էր քրիստոնեայ ընտանիքում։ Երիտասարդ տարիքում զինւորագրւելով հռոմէական բանակ՝ կարճ ժամանակում հասաւ զօրավարի աստիճանի եւ արժանացաւ Դիոկղետիանոս կայսեր վստահութեանը: Քրիստոնեաների դէմ հալածանքներ սկսելուց առաջ կայսրը խորհրդակցութեան է հրաւիրում իր մեծամեծներին՝ նրանց հաւանութիւնը ստանալու համար։ Բոլորը հաւանութիւն են տալիս, բացի Գէորգից, որը խստօրէն քննադատում է կայսեր առաջարկը: Դրանով բացայայտւում է նրա քրիստոնեայ լինելը։ Կայսրը հրամայում է բանտարկել Գէորգին եւ ենթարկել ծանր չարչարանքների, որոնց նա քաջաբար դիմանում է։ Բազմաթիւ յորդորներից յետոյ նա համաձայնում է այցելել մեհեան, սակայն այնտեղ մի առ մի ջարդում է կուռքերը՝ դրանք սուտ եւ սին համարելով։ Այս արարքից յետոյ Դիոկղետիանոս կայսրը հրամայում է գլխատել նրան։
Գէորգ զօրավարը ծնունդով Կապադովկիացի էր եւ մեծացել էր քրիստոնեայ ընտանիքում։ Երիտասարդ տարիքում զինւորագրւելով հռոմէական բանակ՝ կարճ ժամանակում հասաւ զօրավարի աստիճանի եւ արժանացաւ Դիոկղետիանոս կայսեր վստահութեանը: Քրիստոնեաների դէմ հալածանքներ սկսելուց առաջ կայսրը խորհրդակցութեան է հրաւիրում իր մեծամեծներին՝ նրանց հաւանութիւնը ստանալու համար։ Բոլորը հաւանութիւն են տալիս, բացի Գէորգից, որը խստօրէն քննադատում է կայսեր առաջարկը: Դրանով բացայայտւում է նրա քրիստոնեայ լինելը։ Կայսրը հրամայում է բանտարկել Գէորգին եւ ենթարկել ծանր չարչարանքների, որոնց նա քաջաբար դիմանում է։ Բազմաթիւ յորդորներից յետոյ նա համաձայնում է այցելել մեհեան, սակայն այնտեղ մի առ մի ջարդում է կուռքերը՝ դրանք սուտ եւ սին համարելով։ Այս արարքից յետոյ Դիոկղետիանոս կայսրը հրամայում է գլխատել նրան։
Ս. Գէորգ զօրավարը նահատակւում է 303 թւականին՝ անսասան մնալով իր քրիստոնէական հաւատքի մէջ: Ս. Գէորգը քրիստոնէական աշխարհում յիշւում է որպէս հաւատքի, քաջութեան եւ նահատակութեան խորհրդանիշ:
Պատարագի աւարտին Ս. Գէորգի մասունքը կրող արծաթեայ աջով եւ Միւռոնի հեղումով կատարւեց Ջրօրհնէքի արարողութիւնը: Ապա հաւատացեալները խոր հաւատքով եւ երկիւղածութեամբ ստացան օրհնւած ջուրը եւ իրենց քրիստոնէական հաւատքը նորոգած ու հոգեւոր մխիթարութեամբ լեցուն, գոհունակ սրտով վերադարձան իրենց տները:
Արարողութեանը ներկայ էին Ի. Իսլ. խորհրդարանում Թեհրանի եւ հիւսիսային իրանահայութեան պատգամաւոր դկտր. Արա Շահվերդեանը, Թեմական խորհրդի ատենադպիր Հայրիկ Աղանեանը, Քահանայից եւ Սարկաւագաց դասը, եկեղեցական խորհուրդների, ազգ. մարմինների եւ միութիւնների ներկայացուցիչները եւ նկատառելի թւով հաւատացեալներ։
Ազգային Առաջնորդարանի Հանրային Կապ
Լուսանկարները՝ Ժուաննա եւ Ժենիա Աւետեանների
@tehranprelacy
Պատարագի աւարտին Ս. Գէորգի մասունքը կրող արծաթեայ աջով եւ Միւռոնի հեղումով կատարւեց Ջրօրհնէքի արարողութիւնը: Ապա հաւատացեալները խոր հաւատքով եւ երկիւղածութեամբ ստացան օրհնւած ջուրը եւ իրենց քրիստոնէական հաւատքը նորոգած ու հոգեւոր մխիթարութեամբ լեցուն, գոհունակ սրտով վերադարձան իրենց տները:
Արարողութեանը ներկայ էին Ի. Իսլ. խորհրդարանում Թեհրանի եւ հիւսիսային իրանահայութեան պատգամաւոր դկտր. Արա Շահվերդեանը, Թեմական խորհրդի ատենադպիր Հայրիկ Աղանեանը, Քահանայից եւ Սարկաւագաց դասը, եկեղեցական խորհուրդների, ազգ. մարմինների եւ միութիւնների ներկայացուցիչները եւ նկատառելի թւով հաւատացեալներ։
Ազգային Առաջնորդարանի Հանրային Կապ
Լուսանկարները՝ Ժուաննա եւ Ժենիա Աւետեանների
@tehranprelacy