🇺🇿 TIL — MILLATNING RUHI, ELNING G‘URURI!

21-oktabr — O‘zbek tiliga davlat tili maqomi berilgan kun munosabati bilan “Toshkent mintaqaviy temir yo‘l uzeli” filialida ma’naviy-ma’rifiy tadbir tashkil etildi.

Tadbirda filial boshlig‘ining kadrlar va ijtimoiy masalalar bo‘yicha o‘rinbosari R.N. Eshanqulov, O‘zbekiston Jurnalistlar ijodiy uyushmasi hamda O‘zbekiston Yozuvchilar uyushmasi a’zosi, shoira, Toshkent harbiy okrugi harbiy qismi Madaniyat markazi boshlig‘i Dilnoza Kamol, O‘zbekiston Yozuvchilar uyushmasi a’zosi, filologiya fanlari nomzodi Dadaxon Muhammadiy, 70 dan oshiq ishchi-xodimlar ishtirok etishdi. Taklif etilganlar ona tilimizning milliy o‘zligimizni anglash, ma’naviy qadriyatlarimizni asrab-avaylash va yosh avlodni vatanparvarlik ruhida tarbiyalashdagi beqiyos o‘rni haqida so‘z yuritdilar.

Tadbir davomida o‘zbek tilining boy tarixi, betakror jozibasi, adabiyotimiz va madaniyatimiz rivojidagi ahamiyati alohida ta’kidlandi. Ona tilimizni e’zozlash, uning sofligini saqlash, kundalik hayotda va kasbiy faoliyatda davlat tiliga hurmat bilan munosabatda bo‘lish har birimizning muqaddas burchimiz ekani qayd etildi.

Darhaqiqat, til — millatning ma’naviy boyligi, xalqni xalq, millatni millat etib birlashtiruvchi bebaho qadriyatdir. Uni asrab-avaylash va kelajak avlodlarga munosib yetkazish barchamizning mas’uliyatimizdir.

Qadring baland bo‘lsin, Ona tilim! Tilimiz bor ekan, millatimiz ruhi va g‘ururi ham barhayot! 🇺🇿

🌍Biz bilan kuzatib boring!
🕊Telegram

🇺🇿ONA TILIMIZ — MILLIY G‘URURIMIZ!

21-oktabr — O‘zbek tili bayrami kuni munosabati bilan “Temiryo‘lkargo” AJ va uning tizim tashkilotlari xodimlari ishtirokida “Umummilliy diktant” loyihasi doirasida “Ommaviy diktant” tadbiri tashkil etildi.

Tanlov yakunida g‘oliblar aniqlanib, esdalik sovg‘alari bilan taqdirlandilar. Tadbirning asosiy maqsadi xodimlarning davlat tilida ish yuritish ko‘nikmalarini mustahkamlash, imloviy savodxonligini oshirish hamda lotin yozuviga asoslangan o‘zbek alifbosi bo‘yicha bilimlarini yanada takomillashtirishdan iborat. Ona tilimizni asrash, uning nufuzini oshirish va kelajak avlodga yetkazish barchamizning sharafli burchimizdir.

Davlat tiliga hurmat — milliy qadriyatlarimizga hurmat!

🌍Biz bilan kuzatib boring!
🕊Telegram  📸Instagram