#YOSHLAR_OYLIGI

📂 ISHSIZ YOSHLAR DOIMIY E’TIBOR MARKAZIDA

🗣 Mahallalarda yoshlar bilan ishlash masalalarini muvofiqlashtirish bo‘yicha viloyat komissiyasining bayoniga muvofiq, Termiz davlat pedagogika instituti rektoriga biriktirilgan Termiz tumani “Soliobod” mahallasida yashovchi 48 nafar ishsiz yoshlar bilan uchrashuv o‘tkazildi.

🗂Mazkur yoshlarni ijtimoiy-ma’naviy jihatdan qo‘llab-quvvatlash, bandligini ta’minlash, kasb-hunarga yo‘naltirish hamda o‘zini o‘zi band qilishiga ko‘maklashish maqsadida institut rektori tashabbusi bilan mas’ullar tomonidan uch turdagi asbob-uskunalar topshirildi.

Ushbu amaliy yordam yoshlarning tadbirkorlik faoliyatini yo‘lga qo‘yishi, o‘z mehnati orqali daromad topishi va kelajakda jamiyatda munosib o‘rin egallashiga xizmat qiladi.

👥Termiz davlat pedagogika instituti tomonidan yoshlarni har tomonlama qo‘llab-quvvatlash, ularning bandligini ta’minlash va hayotda o‘z yo‘lini topishiga ko‘maklashish borasidagi ishlar izchil davom ettiriladi.

✍️  TerDPI matbuot xizmati

✅ Facebook 🌐 Veb sayt  📹 Youtube 🌐 Instagram   ✅ Telegram

#Biz_giyohvandlikka_qarshimiz

🗣 Giyohvandlikka qarshi — ma’rifat, san’at va sog‘lom hayot tarafdorimiz!

🤩 Termiz davlat pedagogika institutida talaba-yoshlar o‘rtasida sog‘lom turmush tarzini keng targ‘ib qilish, giyohvandlikning ayanchli oqibatlari haqida tushuncha berish hamda yoshlarni zararli illatlardan asrash maqsadida “Biz giyohvandlikka qarshimiz!” shiori bilan gulxan atrofida mushoira kechasi va konsert dasturi tashkil etildi.

🎤 Tadbir davomida badiiy chiqishlar, she’riy ifodalar va musiqiy dasturlar orqali yoshlarga sog‘lom hayotning qadri, hayotga ongli munosabatda bo‘lish hamda giyohvandlik kabi zararli illatlardan yiroq yurishning ahamiyati ta’sirchan tarzda yetkazildi.

🔔 Shuningdek, yoshlarning bo‘sh vaqtini mazmunli tashkil etish, ularning ijodiy salohiyatini namoyon etish va giyohvandlikka qarshi qat’iy immunitetni shakllantirishga alohida e’tibor qaratildi.

🔵Zero, sog‘lom fikrli, ma’naviy barkamol va faol yoshlar — yurt kelajagining mustahkam poydevoridir!

✍️  TerDPI matbuot xizmati

✅ Facebook 🌐 Veb sayt  📹 Youtube 🌐 Instagram   ✅ Telegram

🇺🇸INGLIZ TILINI BEPUL O‘RGANISH IMKONIYATI!

📣 Termiz davlat pedagogika instituti talabalari hamda ingliz tili bilimini oshirish istagida bo‘lgan barcha talabgorlar diqqatiga!

🌐 Institutda AQSHlik xorijiy mutaxassislar ishtirokida bepul ingliz tili mashg‘ulotlari yo‘lga qo‘yilmoqda!

👨‍🏫 Mashg‘ulotlarni kimlar olib boradi?
🇺🇸 Samuel Blake Christopher — Amerika Qo‘shma Shtatlaridagi Lee University bitiruvchisi.
🇺🇸 Sage MItchell Friese - Amerika Qo‘shma Shtatlari, Illinois shtatidagi Wheaton College bitiruvchisi.

📚 Darslarda siz:
🔹 Ingliz tilida erkinroq muloqot qilish ko‘nikmalaringizni rivojlantirasiz;
🔹 Og‘zaki nutq va talaffuzingizni yaxshilaysiz;
🔹 Ingliz tilidagi so‘z boyligingizni kengaytirasiz;
🔹 Tinglab tushunish va kundalik suhbatlashish mahoratingizni oshirasiz;
🔹 Xorijiy mutaxassis bilan bevosita muloqot qilish orqali amaliy tajriba orttirasiz.

📅 Mashg‘ulotlar jadvali:

🗓 Kun: Haftaning har payshanba kunlari
🕜 Vaqt: soat 13:30 da
📍 Manzil: Termiz davlat pedagogika instituti, Tillar fakulteti, 3-qavat, 304-xona hamda 305-xona.

🎓Eng muhimi — barcha mashg‘ulotlar bepul!

📝 Darslarda ishtirok etish uchun roʻyxatdan oʻting !
🔗 Ro‘yxatdan o‘tish: 👈

✨ Ingliz tilini o‘rganish, mavjud bilimlaringizni mustahkamlash va yangi ko‘nikmalarni egallash imkoniyatini qo‘ldan boy bermang!

📱 Ingliz tilini o‘rganishga qiziquvchi do‘stlaringizga ham ushbu xabarni ulashing!

✍️  TerDPI matbuot xizmati

✅ Facebook 🌐 Veb sayt  📹 Youtube 🌐 Instagram   ✅ Telegram