Ayni daqiqalarda Prezidentimiz sog’liqni saqlash va farmatsevtika sohasi xodimlari bilan uchrashuv o’tkazmoqda

– Oilasining baxtini ko‘rish, halol mehnat qilib, orzulariga yetish, umrini mazmunli o‘tkazish uchun odamga, avvalo, sog‘liq kerak. Shu bois, inson salomatligini asrashni islohotlarimizning eng muhim yo‘nalishlaridan biri etib belgilaganmiz,

– dedi Prezidentimiz.

So‘nggi o‘n yilda mamlakatimizda 10 million aholiga xizmat ko‘rsatadigan yangi poliklinika va shifoxonalar ishga tushdi, 58 ming shifo o‘rni yaratildi. Zamonaviy shifoxonalar ko‘payib, xususiy sektorga keng imkoniyat berilgani tufayli tibbiy xizmatlar hajmi uch karra oshdi.

Ilgari chet elda amalga oshirilgan tug‘ma yurak nuqsonlari, a’zolar transplantatsiyasi, robot jarrohligi va bosh miyadagi murakkab jarrohlik amaliyotlari kabi yuzdan ziyod xizmatlar bugun mamlakatimizda bajarilmoqda.

Prezidentimiz bu natijalarda tibbiyot xodimlarining bilim va mahorati hal qiluvchi o‘rin tutayotganini qayd etdi.

– Qancha zamonaviy klinikalar qurmaylik, eng so‘nggi uskunalarni olib bermaylik, malakali xodimlarsiz natija bo‘lmaydi,

– dedi Prezidentimiz.

Bugun 11 ta davlat oliygohida yiliga 15 ming shifokor tayyorlanmoqda. Biroq bitiruvchilarning hammasi ham ishga kirgan birinchi kundan bemor bilan ishlashga tayyor emas.

– Boshqa sohada yosh xodim xato qilishi mumkin, ammo bo‘lg‘usi shifokorning bunga haqqi yo‘q. Chunki tibbiyot xodimining har bir harakati ortida inson hayoti turibdi,

– dedi davlatimiz rahbari.

Shu bois, kadrlar tayyorlash klinik amaliyot bilan bog‘lanadi. Kelasi yildan talabalar haftada uch kun bemor bilan ishlashni o‘rganadi, bitiruvchilar esa oxirgi o‘quv yilida to‘liq tibbiyot muassasasida amaliyot o‘taydi.

Bakalavriatni bitirgan hamshira va tibbiyot og‘asiga 1,5 million so‘m, magistraturani tugatganlarga 2,5 million so‘m qo‘shimcha ustama to‘lanadi. Oilaviy shifokorlik bo‘yicha tor soha mutaxassisiga ustama 5,5 million so‘m bo‘ladi.

Prezidentimiz 2027-yildan oliygohlarda tor soha mutaxassisligi bo‘yicha o‘qish – rezidentura bepul bo‘lishini ma’lum qildi. Talabalarga 3 million so‘m stipendiya to‘lanadi.

Yo‘nalishga qarab rezidentura ikki yildan besh yilgacha davom etadi. Oilaviy shifokorlik bo‘yicha o‘qish ikki yil, jarrohlik bo‘yicha esa besh yil bo‘ladi.

Oliygohlarga klinikalar bog‘lanib, “universitet klinikasi” tizimi joriy etilgan. Endi tibbiyotdagi ilmiy tadqiqotlarning 80 foizi oliygohlar klinikasida bo‘lishi kerakligi ko‘rsatib o‘tildi.

Tadqiqotlarda tashxis aniqligini oshirish, davolash samarasini yaxshilash va asoratlarni kamaytirishga e’tibor qaratiladi.

Facebook | Instagram | YouTube | Telegram

#Talabalikka_bağişlov #11

REKTOR VA TALABALAR MULOQOTI: XORIJIY TILLAR — YANGI IMKONIYATLAR KALITI!

Termiz davlat universitetida “Talabalikka bağışlov” tadbirlari doirasida universitet rektori, professor Abduqodir Toşqulovning Xorijiy filologiya fakulteti birinçi bosqiç talabalari bilan oçiq muloqoti bōlib ōtdi.
Uçraşuvda rektor yoşlarni talabalik safiga qabul qilingani bilan tabriklab, bugungi globallaşuv şaroitida xorijiy tillarni mukammal egallaş, zamonaviy bilim va kōnikmalarga ega bōliş hamda xalqaro maydonda raqobatbardoş mutaxassis sifatida şakllanişning ahamiyatiga alohida tōxtaldi.

Muloqot davomida fakultetning ta’lim va ilmiy salohiyati, talabalar uçun yaratilgan şart-şaroitlar, xalqaro hamkorlik aloqalari hamda akademik imkoniyatlar haqida ma’lumot berildi.
Bugungi kunda fakultetda 2 230 nafar talaba tahsil olmoqda. 106 nafar professor-ōqituvçi faoliyat yuritayotgan fakultetda xorijiy tillarni çuqur ōrgatiş, ilmiy izlanişlarni rivojlantiriş va yuqori malakali mutaxassislar tayyorlaşga ustuvor ahamiyat qaratilmoqda.

Fakultetning Germaniyadagi Leypsig universiteti, DAAD, Britaniya Kengaşi, Alliance Française hamda Erasmus+ dasturlari doirasidagi xalqaro hamkorligi talabalar va professor-ōqituvçilar uçun akademik almaşinuv, xorijda tajriba orttiriş va ilg‘or ta’lim amaliyotlarini ōzlaştiriş imkoniyatlarini kengaytirmoqda.

Samimiy va oçiq ruhda ōtgan uçraşuvda talabalar ōzlarini qiziqtirgan savollarga javob oldilar. Rektor yoşlarni xorijiy tillarni puxta ōzlaştiriş, ilmiy izlanişlarda faol bōliş, xalqaro imkoniyatlardan unumli foydalaniş hamda universitet hayotida taşabbuskorlik kōrsatişga çorladi.

Bizni kuzating

Telegram | Instagram | Facebook |You tube | Sayt