MILLIYLIK TAROVATI — “TERMIZ MTU” FILIALI XODIMLARI NIGOHIDA!

Milliy libos — millat ko‘rki, ma’naviyatimiz va milliy o‘zligimiz ifodasi!

Bugun, juma — Milliy liboslar kunida “Termiz mintaqaviy temir yo‘l uzeli” filiali xodimlari milliy liboslarda namoyon bo‘lib, xalqimizning boy madaniy merosi, betakror urf-odatlari va asriy an’analariga bo‘lgan yuksak hurmatini yana bir bor ifoda etdilar.

O‘zbek milliy liboslarida mujassam bo‘lgan nafislik, ranglar uyg‘unligi va milliy naqshlar xalqimizning o‘ziga xosligi, didi hamda boy ma’naviy dunyosini aks ettiradi. Har bir libosda tariximiz, qadriyatlarimiz va ajdodlarimizdan meros bo‘lib kelayotgan an’analar nafasi mujassam.

Milliy liboslarni e’zozlash — bu shunchaki an’anaga amal qilish emas, balki milliy o‘zligimizni anglash, madaniy merosimizni asrab-avaylash va uni kelajak avlodlarga munosib yetkazish demakdir.

Milliy qadriyatlarimizga sadoqat, an’analarimizga hurmat va milliy o‘zligimizga faxr — “Termiz MTU” jamoasining ma’naviy qiyofasida!

🇺🇿 Milliy libos — millat iftixori, milliylik esa qalbimizdagi g‘urur!

Rasmiy sahifalarimiz: 🚉
📱 Telegramm |📱 Facebook |📱 Web|

21-OKTABR O‘ZBEK TILIGA DAVLAT TILI MAQOMI BERILGAN KUN

Joriy yilning 19-oktabr kuni “Termiz temir yo‘l masofasi” filialida “O‘zbek tili milliy o‘zligimiz va g‘ururimiz timsoli” mavzusida bayramona va ma’rifiy tadbir tashkil etildi.

Tadbirda filial rahbariyati, soha xodimlari ishtirok etishdi.
Tadbirni kirish so‘zi bilan filial rahbariyati ona tilimizning boy tarixi, uning xalqimiz ma’naviy hayotidagi o‘rni va davlat tili sifatida rivojlanish bosqichlari haqida alohida to‘xtalib oʻtildi.

Soha xodimlari va temiryo‘lchilar tomonidan tayyorlangan adabiy-badiiy chiqishlarda o‘zbek tilini tarannum etuvchi she’rlar va g‘azallar o‘qildi.

Shuningdek, tadbir davomida sohada xizmat ko‘rsatayotgan xodimlarning davlat tilida ish yuritish ko‘nikmalarini oshirish va hujjatlar bilan ishlashda til qoidalariga rioya etish borasidagi erishilayotgan natijalar e’tirof etildi.

Ushbu bayram tadbiri temiryo‘lchilar qalbida ona tilimizga bo‘lgan hurmat va ehtirom tuyg‘ularini yanada mustahkamlashga xizmat qildi.

Rasmiy sahifalarimiz: 🚉
📱 Telegramm |📱 Facebook |📱 Web|

TEMIR YO‘L TIZIMIDA ISHLAR SAMARADORLIGI VA HARAKAT XAVFSIZLIGI — DOIMIY E’TIBORDA

Joriy yilning 19-oktabr kuni “Temiryo‘linfratuzilma” AJ Boshqaruvi raisi S.A. Norqabilov “Termiz mintaqaviy temir yo‘l uzeli” filialiga tashrif buyurdi. Tashrif davomida filialning yangi tayinlangan rahbari O.N. Xudoyqulov jamoaga tanishtirildi.

Shundan so‘ng, Boshqaruv raisi uzel tasarrufidagi hududiy filiallar va qator temir yo‘l stansiyalarida bo‘lib, amalga oshirilayotgan ishlar, ishlab chiqarish jarayonlari hamda mavjud sharoitlar bilan yaqindan tanishdi.

Jumladan, Termiz lokomotiv deposida olib borilayotgan ta’mirlash va bunyodkorlik ishlari, ishlab chiqarish jarayonlari hamda xodimlar uchun yaratilgan mehnat sharoitlari atroflicha ko‘zdan kechirildi.

Tashrif davomida lokomotivlarning texnik holati, ularning belgilangan ekspluatatsiya me’yorlariga muvofiqligi, texnik xizmat ko‘rsatish va ta’mirlash ishlarining sifati hamda samaradorligiga alohida e’tibor qaratildi. Shuningdek, lokomotiv brigadalarining xizmat vazifalarini bajarish tartibi, mehnat va texnika xavfsizligi talablariga rioya etilishi hamda poyezdlar harakati xavfsizligini ta’minlash borasidagi mas’uliyati o‘rganildi.

Bundan tashqari, depo ta’mirlash sexlaridagi ishlab chiqarish jarayonlari, ehtiyot qismlar bilan ta’minlanganlik darajasi, ish joylaridagi sharoitlar va mavjud imkoniyatlardan samarali foydalanish masalalari ko‘rib chiqildi.

Tashrifdan ko‘zlangan asosiy maqsad — temir yo‘l infratuzilmasining barqaror ishlashini ta’minlash, ishlab chiqarish samaradorligini oshirish, texnik vositalarning sozligini nazorat qilish, xodimlar uchun munosib mehnat sharoitlarini yaratish hamda poyezdlar harakati xavfsizligini yanada mustahkamlashdan iborat.

"Temiryo‘linfratuzilma” AJ matbuot xizmati. 👍

🌎railwayinfra.uz ❤️‍🔥Telegram  ❤️‍🔥Facebook ❤️‍🔥Instagram