21-OKTABR O‘ZBEK TILIGA DAVLAT TILI MAQOMI BERILGAN KUN

Joriy yilning 19-oktabr kuni “Termiz temir yo‘l masofasi” filialida “O‘zbek tili milliy o‘zligimiz va g‘ururimiz timsoli” mavzusida bayramona va ma’rifiy tadbir tashkil etildi.

Tadbirda filial rahbariyati, soha xodimlari ishtirok etishdi.
Tadbirni kirish so‘zi bilan filial rahbariyati ona tilimizning boy tarixi, uning xalqimiz ma’naviy hayotidagi o‘rni va davlat tili sifatida rivojlanish bosqichlari haqida alohida to‘xtalib oʻtildi.

Soha xodimlari va temiryo‘lchilar tomonidan tayyorlangan adabiy-badiiy chiqishlarda o‘zbek tilini tarannum etuvchi she’rlar va g‘azallar o‘qildi.

Shuningdek, tadbir davomida sohada xizmat ko‘rsatayotgan xodimlarning davlat tilida ish yuritish ko‘nikmalarini oshirish va hujjatlar bilan ishlashda til qoidalariga rioya etish borasidagi erishilayotgan natijalar e’tirof etildi.

Ushbu bayram tadbiri temiryo‘lchilar qalbida ona tilimizga bo‘lgan hurmat va ehtirom tuyg‘ularini yanada mustahkamlashga xizmat qildi.

Rasmiy sahifalarimiz: 🚉
📱 Telegramm |📱 Facebook |📱 Web|

TEMIR YO‘L TIZIMIDA ISHLAR SAMARADORLIGI VA HARAKAT XAVFSIZLIGI — DOIMIY E’TIBORDA

Joriy yilning 19-oktabr kuni “Temiryo‘linfratuzilma” AJ Boshqaruvi raisi S.A. Norqabilov “Termiz mintaqaviy temir yo‘l uzeli” filialiga tashrif buyurdi. Tashrif davomida filialning yangi tayinlangan rahbari O.N. Xudoyqulov jamoaga tanishtirildi.

Shundan so‘ng, Boshqaruv raisi uzel tasarrufidagi hududiy filiallar va qator temir yo‘l stansiyalarida bo‘lib, amalga oshirilayotgan ishlar, ishlab chiqarish jarayonlari hamda mavjud sharoitlar bilan yaqindan tanishdi.

Jumladan, Termiz lokomotiv deposida olib borilayotgan ta’mirlash va bunyodkorlik ishlari, ishlab chiqarish jarayonlari hamda xodimlar uchun yaratilgan mehnat sharoitlari atroflicha ko‘zdan kechirildi.

Tashrif davomida lokomotivlarning texnik holati, ularning belgilangan ekspluatatsiya me’yorlariga muvofiqligi, texnik xizmat ko‘rsatish va ta’mirlash ishlarining sifati hamda samaradorligiga alohida e’tibor qaratildi. Shuningdek, lokomotiv brigadalarining xizmat vazifalarini bajarish tartibi, mehnat va texnika xavfsizligi talablariga rioya etilishi hamda poyezdlar harakati xavfsizligini ta’minlash borasidagi mas’uliyati o‘rganildi.

Bundan tashqari, depo ta’mirlash sexlaridagi ishlab chiqarish jarayonlari, ehtiyot qismlar bilan ta’minlanganlik darajasi, ish joylaridagi sharoitlar va mavjud imkoniyatlardan samarali foydalanish masalalari ko‘rib chiqildi.

Tashrifdan ko‘zlangan asosiy maqsad — temir yo‘l infratuzilmasining barqaror ishlashini ta’minlash, ishlab chiqarish samaradorligini oshirish, texnik vositalarning sozligini nazorat qilish, xodimlar uchun munosib mehnat sharoitlarini yaratish hamda poyezdlar harakati xavfsizligini yanada mustahkamlashdan iborat.

"Temiryo‘linfratuzilma” AJ matbuot xizmati. 👍

🌎railwayinfra.uz ❤️‍🔥Telegram  ❤️‍🔥Facebook ❤️‍🔥Instagram

“O‘zbekiston temir yo‘llari” AJ rahbariyatining tegishli buyrug‘iga asosan   “Temiryo‘linfratuzilma” AJ “Termiz mintaqaviy temir yo‘l uzeli” filialiga qarashli korxona, tashkilot va stansiyalarda texnik ko‘rik o‘tkazish boshlandi.

➖Harakat xavfsizligi va mehnat muhofazasi nazorati departamenti boshlig‘i birinchi o‘rinbosari X.S.Djalalov va "Termiz MTU" filiali boshlig‘i O.N.Xudoyqulov boshchiligidagi komissiya a’zolari tomonidan “Oqnazar–Qumqo‘rg‘on-Quduqli” temir yo‘l uchastkasida kompleks o‘rganish ishlari olib borildi.

Tekshiruv davomida:
🔹 harakat xavfsizligi talablariga rioya etilishi;
🔹 profilaktik ishlarning samarali tashkil etilishi;
🔹 temir yo‘l infratuzilmasining texnik holati;
🔹 mehnat muhofazasi talablarining bajarilishi;
🔹 korxona va stansiyalarning kuz-qish mavsumiga tayyorgarlik darajasi;
🔹 mavjud kamchiliklarni o‘z vaqtida aniqlash va bartaraf etish holatlari nazoratdan o‘tkazildi.

➖Kuz-qish mavsumi — temir yo‘l tizimi uchun alohida mas’uliyat davri. Shu bois mavsumiy tayyorgarlikni puxta tashkil etish, texnik vositalarning sozligi, xodimlar mehnat xavfsizligi hamda poyezdlar harakatining barqarorligini ta’minlash ustuvor vazifalardan biridir.

"Termiz MTU" filiali matbuot xizmati

Rasmiy sahifalarimiz: 🚉
📱Telegramm |📱  Facebook |📱Web|

“O‘zbekiston temir yo‘llari” AJ rahbariyatining tegishli buyrug‘iga asosan  “Temiryo‘linfratuzilma” AJ “Termiz mintaqaviy temir yo‘l uzeli” filialiga qarashli korxona, tashkilot va stansiyalarda texnik ko‘rik davom etmoqda.

➖Harakat xavfsizligi va mehnat muhofazasi nazorati departamenti boshlig‘i birinchi o‘rinbosari X.S.Djalalov va "Termiz MTU" filiali boshlig‘i O.N.Xudoyqulov boshchiligidagi komissiya a’zolari tomonidan 2026-yilning 21-oktyabr kunida “Amuzang–Termiz-Surxonobod” va "Termiz-Qumqo‘rg‘on" temir yo‘l uchastkasida kompleks o‘rganish ishlari olib borildi.

Tekshiruv davomida:
🔹 harakat xavfsizligi talablariga rioya etilishi;
🔹 profilaktik ishlarning samarali tashkil etilishi;
🔹 temir yo‘l infratuzilmasining texnik holati;
🔹 mehnat muhofazasi talablarining bajarilishi;
🔹 korxona va stansiyalarning kuz-qish mavsumiga tayyorgarlik darajasi;
🔹 mavjud kamchiliklarni o‘z vaqtida aniqlash va bartaraf etish holatlari nazoratdan o‘tkazildi.

➖Kuz-qish mavsumi — temir yo‘l tizimi uchun alohida mas’uliyat davri. Shu bois mavsumiy tayyorgarlikni puxta tashkil etish, texnik vositalarning sozligi, xodimlar mehnat xavfsizligi hamda poyezdlar harakatining barqarorligini ta’minlash ustuvor vazifalardan biridir.

"Termiz MTU" filiali matbuot xizmati

Rasmiy sahifalarimiz: 🚉
📱Telegramm |📱  Facebook |📱Web|