Termiz tumanida mahallalar obod maskanlarga aylanmoqda

Termiz tumanida jami 30 ta mahalla bo‘lib, joriy yilning o‘zida 12 ta mahallada infratuzilma loyihalari amalga oshirilmoqda. Mahallalarga Yangi O‘zbekiston qiyofasi va nafasi kirib bormoqda.

Video: "Sharof Rashidov" mahallasidagi obodonlashtirish ishlari.

🚒 “Dolzarb 60 kun” doirasida maxsus-taktik o‘quv mashqi o‘tkazildi
 
Yoz mavsumida yong‘inlarning oldini olishga qaratilgan “Dolzarb 60 kun” profilaktik tadbirlari doirasida Termiz tumani hokimligi binosida maxsus-taktik o‘quv mashqi tashkil etildi.
 
Mashg‘ulot davomida hokimlik binosida yuzaga kelishi mumkin bo‘lgan shartli yong‘in holatini bartaraf etish, xodimlar va fuqarolarni xavfsiz hududga evakuatsiya qilish, jabrlanganlarga birinchi tibbiy yordam ko‘rsatish hamda mas'ul xizmatlarning o‘zaro hamkorlikdagi harakatlari amaliy jihatdan sinovdan o‘tkazildi.
 
O‘quv mashqi yakunida ishtirokchilarning harakatlari atroflicha tahlil qilinib, aniqlangan kamchiliklarni bartaraf etish, favqulodda vaziyatlarga shaylik darajasini yanada oshirish hamda xizmatlar o‘rtasidagi hamkorlikni mustahkamlash yuzasidan tegishli tavsiyalar berildi.

👉 Термиз хабарларига аъзо бўлинг👉 https://t.me/+_7P1F3ErjjkxZmRi

Murojaatdan natijagacha: Qabulda ko‘tarilgan masalalarga yechimlar belgilandi

Bugun, 14-iyul kuni Termiz tumani hokimi Shuxrat Qalandarov Xalq qabulxonasi binosida navbatdagi shaxsiy qabulini o‘tkazdi. Unda 32 nafar fuqaroning 35 ta turli masaladagi murojaati tinglandi.

Xususan, qabul davomida o‘nga yaqin murojaat o‘zining ijobiy yechimini topgan bo‘lsa, takroriy bo‘layotgan, manzilli o‘rganilmagan masalalar yuzasidan xizmat tekshiruvi o‘tkazilishi hamda natijalari bo‘yicha mas’ullarga keskin choralar ko‘rilishi belgilandi.

Shuningdek, ijrosi muddat va qo‘shimcha o‘rganish talab qiladigan murojaatlar tegishliligi bo‘yicha mas’ullar yo‘naltirilib, ijrosini qat’iy nazoratga olish, muhokama yig‘ilishlariga kiritib borish bo‘yicha hokimlik tarkibiy bo‘linmalariga vazifalar yuklandi.